鮮蒲 (已結業)

同朋友晚上7時來到 鋪頭坐滿人 要坐鋪外位 選了款店主推介鍚紙貝粉絲 加左個茶樹菇粉絲係比舊鍚紙包住 打開鍚紙就見到D貝殼浮左上黎粉絲吸哂D湯汁 超好味  湯底味又夠濃 聽店主講個湯係無用味精 所以食完都唔覺口喝下次再同朋友過黎食

紅磡一向多好野食，朋友見到開左新店鮮蒲，主打係全港首間正宗錫紙背殼粉同津市牛肉粉，咁就同朋友一於試下先。一入去餐廳已經充滿住好香的麻辣味?!睇來有D料到~! 餐廳坐位唔多，不過新裝修真係坐得舒適D，適合三五知己來開餐。手拍青瓜 - 第一道菜總係食食下先記得影相，其實分量都唔少，青瓜爽脆可口，係完美的開胃菜。脆口蓮藕 - 蓮藕都係夠爽脆，蓮藕本身的清甜的加上麻辣的爽快口感，真係令人欲罷不能。招牌醉雞翼 - 醉雞翼酒味清香而不膩，加上雞翼好貼心地剪開左得返一條骨方便入口，值得一試。惹味豬肚 - 麻辣味真係好惹味，而且豬肚夠爽口，基本上涼拌小食都好出色。津市牛肉粉(河源米粉) - 好少地方有河源米粉，所以叫左來試下。河源米粉都好索湯，索得來又唔發漲，keep 到個彈性(雖然個賣相好似好淋咁><)。牛肉好入味，不過湯底係原味真係清左D，下次可以挑戰辣D的。錫紙貝殼粉絲 (清香辣) - 最初一開只係見到粉絲，仲以為老闆係咪唔記得落足料。點知原來老闆話將貝殼放底係因為想將鮮味更融入湯中，而個湯底真係好鮮甜，其實我好少出街食粉麵係會飲埋D湯，但D個湯真係難以抵抗地飲晒的 (仲要係飲完

黎到崇志街呢到搵食⋯咁啱撞正呢間鋪頭新開張，當然唔可以錯過啦，等我入嚟試吓先！呢度主打全港首創錫紙貝殼粉絲（特製奇香湯底）$52 ，另外可選擇 麻辣 （微辣/小辣/中辣/大辣）+$1 或 清香辣 +$2 或 原味。轉 沙河粉 +$1 /河源米粉。我㨂左呢個原味錫紙貝殼𨍭沙河粉。Wa~~~ 一黎到賣相已經好特別啦，用錫紙封住。打開⋯⋯yum~~~震震新鮮沙白海鮮味飄出，流曬口水，湯底好清好有沙白既海鮮味，食完都冇口渴，完全冇味精，值得一讚。佢地仲有幾款滋味涼拌小食好吸引！下次要再黎試埋津市牛肉粉先～～～