鮮蒲 (已結業)

紅磡小店愈開愈多，今晚就同柑太去試下好多人推介既鮮蒲，位置真係算隱閉，隱世食肆仲要落樓梯，但門面裝潢好有越南法式風格。門面大大隻字，好易發現。可惜我已經唔係學生落層樓梯就入到去，門口外仲有得露天食添店內坐位不多，但計埋可露天位置都可以坐到廿幾人。店內裝潢帶出溫馨家居小店風格，燈光柔和。我同柑太分別點左佢地招牌貝殼粉絲同埋津市牛肉粉。再點左一個醉雞翼同埋甜品椰皇啫喱跟餐叫左兩支飲品，楊協成果支綠茶一飲就知道係楊協成出品，試過就知點解木耳同蓮藕，睇落好似好辣，但食落其實辣度唔高，蓮藕切得好薄，食落好爽脆。醉雞翼好出色，斬件切開後好易食，入口紹興酒香味極濃，肉質好滑，而且雞肉已經浸到骨肉分離，雞的肥糕已經無法之餘，仲睇到雞肉中間已經起了一層膠質，食落最尾都仲係好香酒味，對於鍾意食醉雞既人黎講，真係一大喜訊，出面大大大酒樓都唔食到咁好味既醉雞。問過佢地有乜方法可以來整到咁入味，廚師話除左浸耐D之外，佢地自己仲有獨特秘方，先可以令醉雞咁入味，真係好食到唔想停。招牌錫紙貝殼粉絲成個粉絲裝係雞公碗內，仲用錫紙包住，一打開獨特香味四溢，而用料十足，入面除左沙白、木耳及茶樹菇外，仲有大量貝殼，每隻都非常

今次係第一次黎食，之前上網好似都聽過呢間，所以就同frd黎食。黎到個時7點幾，都已經坐滿咁濟，等左陣就入去了。我同我朋友都嗌左錫紙貝殼粉絲，因為好特別，街外好少食到，不過我地d料係唔同。一碗嗌多左貢丸，另一個就嗌多左墨丸同花枝丸。對住好中意辣而又好中意粉絲的我，我就嗌左小麻辣，個湯好香，食落真系幾辣下，同埋無諗過個份量係咁多，d料好足，一上黎個時熱辣辣，好正！佢本身唔加餸，已經有沙白，木耳，生菜，粉絲等等，感覺好抵，d丸好彈，最驚喜係沙白，真係又甜又大粒，非常正👍另外我都好中意呢個豬肚，好辣，好好味。食完真係好飽。因為即叫即做，所以都等左一陣，不過同frd傾住等就無咩所謂。同埋覺得幾好的係食完後，店員無趕走我地，所以我同frd可以繼續傾計。

好多事情只要你是第一個去挑戰，成功必定在望。早前在雑誌報導過紅磡有間小店首創了用錫紙包裹著食材配料來烹煮，一直心癢癢都想試，今晚有機會路經此處，終可嚐到了。端上了錫紙貝殼粉絲，雖然包裹著但隱約傳來香氣，打開後更加明顯了。嚐嚐湯底，好鮮好清甜，蜆隻大約有七至八粒，湯底吸收了鮮味，再加上茶樹菇獨有的味，難怪咁好飲。蜆肉飽滿嫩滑。粉絲滑溜溜。隨了粉麵，也有小吃。雙拼了木耳和豬肚。份量大抵食。木耳爽口帶辣，喜歡辣的話一定要試。豬肚全冇臊味，惹味可口。食完辣嘢食番個椰皇啫喱解辣也不錯。有嫰滑椰肉味道清甜，正！

紅磡新開的小店, 位置比較隱蔽. 餐廳只賣兩款主食 - 錫紙貝殼粉絲和津市牛肉粉. 今次先試前者($52), 另加$10配涼拌土豆絲.土豆絲凍上, 切得好細緻, 非常爽口. 個汁辣中帶酸, 好接近自己在四川食到的味道.錫紙貝殼粉絲, 湯底點了清湯不辣, 為求試真D個湯底. 湯底尚算清鮮, 加了些蒜粒, 卻沒有想像中的驚喜, 沙白的鮮甜味未能全滲進湯底. 配料有七大隻沙白, 比預期中多, 味道鮮甜. 另有少量茶樹菇、木耳和生菜. 綠豆粉絲爽口, 吸湯力強, 而份量不算少, 都夠飽.

$52 錫紙沙白粉絲 超大粒蜆 夠鮮 超足料勁多配料 有茶樹菇、沙白、木耳、生菜、粉絲😍 綠豆粉絲吸哂湯底 微辣 正啊 飲哂d湯都唔覺得口乾❤️招牌菜！枱枱都必點呢個！.津市牛肉粉 秘製牛腩 生菜 湖南米粉 牛腩入味 但略嫌唔夠軟腍 湖南米粉比平常的米粉粗身 更有口感 爽身 食完超飽 另加配腩肉、鱈場蟹蟹柳😅食到我肚裂！.$28/4隻 招牌醉凍雞翼 雞翼切半 方便進食 醃得入味 花鵰落到剛剛好 食落唔會有苦澀味 不錯！.$28 手拍青瓜拼爽口土豆絲 其實醃得非常入味 如果無咁油 賣相會更佳😂呢間小店雖然開得偏僻 但用心製作 而且價錢相宜 份量得宜 附近都有好多小店都想試 下次再去搵食先😆=========================三個90後吃貨會不斷開心share美食💓💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies📬Ublog:三個90後吃貨 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享

睇完openrice新店推介，知道紅磡崇潔街又有新開食肆，而且非常有特色，係重慶、四川、湖南菜，加上性價比又高。晚上黎，天氣涼涼地，外面坐都幾舒服。店面雖少，但感覺温馨。津市牛肉粉 （惹味濃香湯底）$52秘製牛腩燉得好嫩，河原米粉口感似米線順滑，配生菜、芫茜和蔥，湯底用上多種香料，微辣都幾辣，很有風味。彈牙牛柏葉 拼惹味豬肚絲 ，兩者都好滑又爽口，微辣得黎又幾惹味，味道調較得很好，好開胃。cp值非常高，份量很多又滋味。招牌醉凍雞翼 (4隻 $28)，雞翼切開了一半，4隻變左8件，份量倍增，酒味都幾重，雞肉入味。錫紙貝殼粉絲 （特製奇香湯底）$52用錫紙包住沙白、粉絲、木耳、茶樹菇、生菜、芫茜、蔥、薑，係香港真係好新嘅concept。原味+$6 有蒜香墨魚丸，湯底味道鮮美，沙白新鮮大隻，粉絲入晒味，好多菜，食完都覺得很健康，值得一試。椰皇啫哩 ($35)超級清甜，啫喱唔會太軟，有咬口，椰味濃郁，而且係解辣之選，強烈推薦！一直食的時候都感覺到店家的用心，會再來幫襯。

今日剛好是去紅磡工作，所以便到這裡試試。我點了一些涼拌小食，包括手拍青瓜、爽滑木耳及招牌醉凍雞翼。青瓜清爽，而木耳又是健康的食品。兩者味道酸酸甜甜，辣味算重。醉雞翼味道不錯，凍雞肉質比較結實，是我向來喜歡的雞翼烹調方法。我第一次品嚐錫紙貝殼粉絲，我加了一元轉沙河粉及加8元添加心心腐皮角。湯鮮味無比，沙河粉有彈性，腐皮角亦結實爽口。朋友點的津市牛肉粉，粉是綠豆粉絲，選了中辣口味，味覺對我來說太辣，但朋友頗喜歡！我們還點了的甜品-椰皇啫喱，非常美味！啫喱味道香濃，裡面還有不少椰皇肉，好好味！！PS 雞公碗好靚

聽同事講黃埔有一間用錫紙包住粉絲既餐廳抵食夾大件，我地就二話不說放工即去！！錫紙貝殼粉絲-上枱係用錫紙包裹住，要自己慢慢打開，見到入面好似百寶袋咁好多唔同既食材，有生菜，蜆，茶樹菇，香菇貢丸，粉絲。每樣份量都不少，有種食極都有既感覺！粉絲好好食，好爽口但又唔過硬，吸收哂特製奇香湯底真係食唔停！蜆好新鮮，有成6,7隻咁多！！食極都有真係呢個價錢仲想點！其他食材都好新鮮，我完全係食到得番啲湯。津市牛肉粉-味道同賣相都似台式牛肉麵，不過多左份川菜既辣香，更添滋味。麵係幼麵食落口感好滑，牛肉淋稔，配埋湯汁真係一流。木耳-凍盤非常開胃，小小四川辣好惹味。蓮藕-出面比較小有，爽口惹味。醉雞翼-呢個稍稍失色，雪得太耐有d 過硬，不過味道仍然酒味十足。下次要再同朋友尼，因為真係食完會暖粒粒。

OPENRICE飲食誌介紹紅磡錫紙貝殼粉絲，適逄去紅磡探朋友，同朋友一起去祟志街試下  錫紙貝殼粉絲 $52用張錫紙當煲包住湯底湯底材料煮，湯底用沙白、木耳、茶樹菇煮成，不加味精，鮮甜美味。湯底有海鮮精華，加入粉絲吸海鮮精華，而且軟硬度適中，做法有特色又美味湯底：有原味、清香辣、麻辣、大辣、中辣、小辣另外可加其他料 : 心心腐皮角、墨汁花枝丸、蝦米魚餃、香蔥魚棗 +$8有開胃涼伴小食蓮藕片爽脆又麻辣惹味豬肚絲$28豬肚絲份量算多，沒有想過$28價錢份量大，豬肚絲加入麻辣涼伴，肉質軟屬，作餐前小食一流

公司附近有一家食粉麵的小店，但並不是常見的雲吞麵，車仔麵。而是富有四川特色的粉麵。四川麻辣火鍋就聽得多，川式粉麵還是第一次聽啊！津市牛肉粉 (原味）（沙河粉）（$53)是湖南省最有名的特色粉麵之一，無論外觀，味道都有點像台式紅燒牛肉麵。深棕色的湯底，有多種香料以及牛骨的味道，面層有些紅色的辣油在漂浮，惹味卻不太辣。牛肉的口感像牛腩，口感軟腍卻不油膩，而且煮得好入味。沙河粉則比一般河粉更爽口，在香港比較難食到的啊！錫紙貝殼河源米粉 ($53)(微辣）貝殼米粉用錫紙盛載，店員直接把"錫紙兜"放在爐煮熟，然後放在碗中上桌。務求令鮮味鎖在錫紙包內。一整個錫紙包上桌，相當"架勢". 拆開錫紙包，面層全是河源米粉，原來沙白全都躲在米粉底下，在挖開米粉才可以見到，好像去"摸蜆"呢！先呷一口湯底，有花椒，酸菜等味道，和沙白的鮮甜，初時不覺太辣，但吃完一口後，辣味才慢慢滲出，辣度都頗有勁度。微辣的辣度已經不低了！河源米粉比一般米粉更彈牙，必試！沙白大大隻，潔淨無沙，食落鮮甜且有"肉汁".爽口土豆絲（$26)土豆絲切得幼細，咬落去會有嗦嗦聲，非常爽口。有花椒香，食落去嘴部有少少麻痺的感覺，好過癮。更加了些

我一家人都好喜歡食麻辣，聽朋友講呢度嘅麻辣係幾正，所以我哋就近近地嚟咗呢度食啦。我哋每人嗌左一碗麵，其實本身想食牛肉麵，但係店主話五牛肉麵。一人一碗蜆湯米粉，媽咪覺得太辣，所以叫店員要一碗清湯，店員都好友善咁俾咗唔清湯我地。頭盤有麻辣豬耳、蓮藕、木耳，好爽口，而且仲好好味。其實本來想order口水雞，但已經賣晒，下次唯有早啲嚟啦。總括來講呢度嘅湯麵都唔錯，啱晒一向鍾意食粉麵嘅我哋，而且價錢又公道，下次會再嚟幫襯。

之前睇Facebook見到有人post呢間餐廳嘅相出嚟，覺得好吸引所以就同家人嚟食啦。原來呢度好似車仔麵咁，係自己揀餸。仲可以加＄8 有個小食。我都覺得呢度嘅小食真係好好味，佢地果種麻辣，正正係我鍾意個種，麻比辣多。食到我哋個個舔舔脷。粉面到啦，自己嗌嘅餸就係面，最正嘅蜆就係最下底，慢慢食落去就會見到㗎啦。蜆有大有小，因為有蜆嘅元素，所以成碗麵都非常鮮甜。見到呢度都唔少人幫襯，可能個個都係好似我咁睇完人哋食，吸引左黎呢度。

今晚得一支公就逛下有咩好食，發現原來紅磡既食街，已經由崇潔街延伸到到隔離既崇志街。行到崇志街既街中間，見到呢間五光十色既餐廳，就決定幫襯下。餐廳係係崇志街29號，由黃埔站行黎都要大概15分鐘，地點唔算好方便，不過就容易locate既。餐廳比較的骰，裝修簡單，環境舒服。Menu餐廳主打湖南川式既辣食，推介既就係全港首創既錫紙貝殼粉同津市牛肉粉，仲可以好似車仔麵咁加其他配料。招牌醉凍雞翼$28/4隻 $32/6隻呢個醉雞翼雞皮滑，雞肉又嫩又爽，紹興酒味濃，仲有微辣，食落更加惹味醒胃錫紙貝殼粉絲（特製奇香湯底）$52呢個錫紙貝殼粉，其實係黎自重慶四川一帶既，賣相有趣，外面用左層錫紙包住入面既湯、粉、同配料，佢地話咁樣可以鎖住食物既原味，將精華全部留住。呢個湯底可以揀原味，如果想要麻辣+$1、清香辣+$2，仲可以轉河源米粉或者+$1轉沙河粉tim，好多配搭。講番個湯底，佢入面有沙白、茶樹菇、木耳、生菜等等，味道清香鮮甜，沙白仲好大隻冇沙既，粉絲軟硬度適中，仲好高掛湯能力，所以食落味道濃郁，大碗又抵食

一行幾人同朋友試新野 一入門口就聞到香味 四個人叫左4碗面同4個加配小食再加醉雞翼 首先黎既係4款小食青瓜 雲耳 土豆絲同蓮藕 4款小食都辣辣地好開胃 特別係蓮藕 好爽口食食下最鐘意食既醉雞就黎 雞翼切開一半方便客人食用 雞翼有好香既酒味 仲好大隻添之後就係好期待既貝殼粉絲 揀左心形腐皮餅第一啖就係試個湯底 有鮮甜既味道 粉絲硬到岩岩好 又有好多隻沙白 size亦都唔細 整體黎講係幾好食 用錫紙包住個粉絲 幾有新意又可以保留沙白既鮮味 老細都好好人 好主動話比我地知有咩好推介 有機會再試其他款既麵

我係經朋友介紹黎呢間店既。一入到去即刻有員工黎同我介紹佢地既招牌「錫紙貝殼粉絲」，話今日既蜆好新鮮，叫我一定要試下。咁我本身係十分鐘意食海鮮既，再加上見佢咁落力推介，所以我最後都揀左個錫紙貝殼粉絲。唔到10分鐘，個貝殼粉絲就送左黎，一打開錫紙就聞到好大陣香辣蜆肉既味道，十分吸引。粉絲既軟硬度岩岩好，而且店主一D都唔吝嗇，加入大約8－10隻既蜆，相當新鮮同肥美。店內亦都十分舒適同整潔，員工都非常友善，值得再黎。