鮮芋仙 (V Point )

营业中

休息中

上星期六經開銅鑼灣鵝頸橋, 見到「鮮芋仙」堂食有位, 唔使排隊,立即入去試一試呢個芋圓嘅魅力,早排見到呢間食店人山人海,唔知係咪咁正可以比得上台灣級數呢…….我點了熱芋圓四號(材料包括芋頭, 芋圓, 紅豆及珍珠),等了不足10分鐘就有得食, 看似紅豆沙加以上材料,第一啖試吃紅豆沙, 不太甜, 紅豆味不算濃。再試芋頭芋圓, 頗失望的,因為實在太淡, 沒有味道似的。反而橙色芋圓帶有甜味,亦比較好咬口。珍珠都帶少少甜。芋頭有兩大舊, 中間有點實淨, 非常飽肚。我坐近收銀處的枱, 張枱差點翻倒, 好危險, 店方要正視D枱嘅問題。食物味道太一般,一碗$45, 不值, 下次都唔會再幫襯。

之前係大陸食過，覺得芋圓既咬口真係無得輸，係香港既糖水鋪都搵唔返咁煙un既芋圓，而家終於香港都有分店啦！最鍾意食芋圓配芋頭，芋頭又甜又綿密，係好療癒既食物，但入面既紅豆同珍珠我略嫌太甜，試左啖朋友既地瓜，都係又甜又綿密，都幾唔錯。雖然都算大碗，但呢個價錢$45，我都只係會間中過下口癮先會排咁耐入去食。

之前呢間店開業無耐，諗住過黎試一試，因為我太鐘意食口感QQ嘅芋圓了！但4-5點時間黎到大排長龍，後來有一次2點左右黎見到人龍無咁長。估計都應該係午飯後食tea前個段時間會比較容易搵到位坐。去到都係自助排隊落單再搵坐位等。叫咗個芋薯圓紫米粥。味道其實一般，期望太大所以都會失望😞唯一令我會想再返神去試係見個menu 有好多種類嘅芋圓甜品，仲有得配仙草配沙冰 同麻糬。份量唔算細 一個人食都好足夠，所以下次應該同成班人一齊去就可以一次試多幾款 （當然要搵到位先，否則都可外賣帶走）

今日咁岩去開銅鑼灣果頭所以就去左食，幸好吾太多人等左5分鐘就有位同排隊買完野食都好快就有食物🤓小編食左個芋圓二號加左冬瓜凍，覺得香港店仲好食過大陸。價錢上都覺得合理，份量比想像中仲大分。味道上甜度岩岩好，芋圓好QQ 又夠凍🥳下次如果經過都會再食同吾洗再反大陸先食到

鮮芋仙終於嚟到香港嗰日我哋排左差唔多成九個字先入到去當然就叫咗一個芋圓黎share啦味道同喺深圳食到嘅差不多都係好大粒好煙un 冰底亦都有淡淡的黑糖味唔會太甜 好食!唯一美中不足就係價錢比一般芋圓貴而且排得耐人潮退左先黎食啦

嗌紅豆麻糬湯，變左芝麻湯圓？問店員死咬話芝麻湯圓就係麻糬，如果我對芝麻敏感死左咁點算？明明隔離檯布丁麻糬係長條形，我呢粒係圓形，咁都可以話係麻糬？？？？？？？？

夏天黎到，行出街都覺自己要溶🤦 經過鮮芋仙唔太多人排隊就決定要食冰降溫。餐廳推介芋圓4號，但我想食地瓜，所以食2號。 買完要搵位坐，大約等十分鐘左右就會被通知出去自取。望上去吸引嘅。但食落去就好一般。首先地瓜完全不行😒😒佢應該再浸左糖漿，甜到覺得自己會食到有糖尿病😓😓 後悔冇叫芋頭果款😑😑至於芋圓地瓜圓不過不失，加埋應該有廿粒，又唔會話好突出。正常的薏米同珍珠都冇咩特別冰底淋有黑糖 降溫一流。隔離枱不停講牛奶冰好食，下次如果同朋友經過而又唔使排隊都可以考慮再試下。

招牌仙草冰沙 ($45)Taroballs and grassjelly shaved ice 🍧.香港終於有鮮芋仙啦٩(˃̶͈̀௰˂̶͈́)و諗住咁早去，又已經開左一個星期，應該唔會太多人🤔 點知我地真係低估左#鮮芋仙 嘅威力😭，7點去都已經有一條長長嘅人龍，店內堂食位置亦需要等位，不過作為專業嘅吃貨，我地當然唔會臨場退陣啦.最終由排隊order到實際攞到等左30分鐘左右，不過食左就知點解咁受歡迎🙈 首先款式上真的非常的多，選擇困難症的小編最後選了經典的仙草冰。看上去是十分經典的配搭，其實內有乾坤，就是隱藏左係仙草下面的 仙 草 冰！仙草冰食落好似甜甜地嘅綿綿冰，非常消暑解渴，淋上花奶，配上仙草更加透心涼💦芋圓當然都係重點啦🙌🏽 ，煙韌又大粒，雖然地瓜/芋頭味唔算重，但都食得出係真材實料製作嘅，而且份量都比得相當豪爽😍 煙韌控唔食真係走寶😇自認大食嘅兩位小編都覺得真係好大碗，本身想試埋芋薯圓Q麻糬牛奶冰，但份量實在太大了，唯有下次下次😭 結論係除非諗住當正餐，如果唔係都係share會好啲🙈.

店舖以半自助形式經營，店面乾淨整齊，小小的銅鑼灣地舖都設有無障礙空間的斜路及洗手間，並沒有為了多放4-5張枱而忽視有需要人士，值得一讚。紅豆珍珠芋頭芋圓沙冰：芋頭比想像中大粒，原本以為會同芋圓一樣細細粒，好淋好香，連本身唔係咁鍾意食芋頭嘅我都覺得好味；芋圓好煙韌，唔太甜；黑糖沙冰清清甜甜的，融掉後的黑糖水好飲、不澀喉。仙草芋圓沙冰：仙草極盡本份地散發涼粉草嘅氣息，單獨進食無乜特別，但跟芋圓一齊食，口感配合得幾好；沙冰只得仙草味，稍為遜色。

手工芋圓4💜$45雖然大陸會便宜一點 但好遠啊所以寧願去銅鑼灣排隊 一嘗台灣芋圓.可選熱/冰 圖中為冰的好大顆好飽滿 淋得黎又有口感相對普通 芋頭/地瓜味不突出彈Q剔透 很重黑糖味 但又不會太甜超綿超好吃 為了這個可以再來一次

芋圓4號 $45.食過深圳既當然要試下香港 前排某個星期日去左排隊 排隊買半小時 等20min 較我想像中快啦.要食過先有得compare 首先 我覺得深圳係好食d 😂香港既要等 個刨冰底完全fail 深圳食到係幼滑好多 香港既就太大舊 含又唔係咬又唔係🤭.料就有花生 芋圓 湯圓 同珍珠 我覺得唔錯既 好食過深水埗個d 特別係芋圓 有咬口得黎食得出味道 唔完全係一舊粉咁 未食過可以試下 成日返深圳食野個d 我覺得可以唔洗試.我呢 唔使排咪試下囉 價錢我覺得可以接受囉...鮮芋仙 (銅鑼灣)銅鑼灣登龍街18號V Point 地下1號舖

台灣甜品而家開到周圍都係，不過要搵到好食嘅真係唔容易！銅鑼灣最近新開左哩間，見成日都要排隊，所以就趁墟黎試下點知真係好有驚喜佢哩度係先喺櫃臺付款點餐，之後先搵位，不過基於咁多人，可以同朋友分頭行事，一個搵位，一個排隊買甜品買完大概等10分鐘度，一啲都唔耐，叫左招牌嘅仙草一號，有芋圓，有地瓜圓，有仙草仲有仙草味嘅沙冰。仙草味沙冰真係好有仙草味，喺第二度真係從未食過！珍珠雞蛋布丁嘅甜度適中，加埋細細粒又好煙韌嘅珍珠，真係好搭調，好滑好好食

之前係香港未開既時候已經會特登上深圳食，因為覺得佢真係好好味，佢水準同香港其他食芋圓既糖水舖真係比唔到。特別推薦鮮芋仙招牌，佢係芋圓同仙草同仙草沙冰，成個組合超夾，好好味

之前一返大陸出trip都會食呢間，貪佢價格ok而且多料芋圓又好食，有時仲專登拎上直通車食,但尋日見冇人排一試就出事,原本食開芋圓2號，見到餐牌有紅豆麻糬湯就試下，但實在太淡，淡到似煲紅豆水淡度，D麻糬冇乜味又太細粒（比珍珠細）。份量唔算太多，成$42真係唔值，而且D枱設計好有問題，根本唔夠放兩個tray,我食果陣已經feel到有反tray危機所以好小心咁食，但我附近有個女人就中在招，成個tray反左，淋到一身都係，所以最好一係同朋友食拎走其中一個tray,或者有得take away 就拎走食算。

其實這個品牌已經不是什麼新鮮的東西，已在外國和中國大陸已流行多年，最近終於落戶香港，雖然有長長的人龍，但係也要來試一試看，十分有部署地選擇七時半來，因為這段時間應該是最少人的，可惜仍然是需要排隊的。食物選擇了招牌芋圓和紫米粥，驟眼看食物的賣相是沒有什麼特別的，招牌芋圓是有燒仙草做底，上面鋪上芋圓和奶。大概為什麼那麼多人排隊，恐怕就是這個芋圓的級數真的非同小可，煙靭有咬口，芋頭做的和番薯做的各有不同的味道出來，而且在底部的是燒仙草做的沙冰，將所有東混合埋一齊吃，真的是天衣無縫的組合另外熱的紫米粥也不錯，紫米不會煲得太腍，而且和紅豆等的配料一齊吃亦很配合。不過有點不足的是不夠熱。食物絕對是超卓的。不過建議他們在營運方式方面可以做得好少少，因為顧客又要去排隊買東西，又要自己找位置，沒有員工在維持秩序，過程會有少許混亂。