鮮芋仙 (V Point )

营业中

休息中

芋圓過江龍嚟咗香港， 行過被他的男神紙牌吸引著。 芋圓又是我的至愛 ，唔試過真係唔心熄呢～ 看過餐牌有芋圓，珍珠 ，湯圓，仙草，棵條等等。 我叫了一個熱的芋圓6號~ 收銀員給了一個遙控，當遙控著燈震盪時便可以到櫃位取餐。 熱的原來是紅豆湯湯底，我叫錯了!!! 原本是想選凍的慘慘! 紅豆湯內裏有很多煙韌的材料，豆湯不太甜，好大碗食完好飽不用食午餐了。 盛惠$45

今晚經過依到 發現原來鮮芋仙開左係到 錦就二話不說試個究竟 入到去要去 counter點餐先 之後會比個領取食物牌你 有野食時會震動提示 今晚正值8：00 幾乎坐到九成滿 好彩唔洗等位 😆我叫左個冰芋圓5號 （$45) 入面有花豆 珍珠 同湯圓花豆就無用糖煮 所以係花豆既原味道 可以解毒 黑珍珠就明顯用左黑糖去煮 帶出黑糖甜味 煙韌煙韌 細細粒但係係咀嚼最耐湯圓本身就只有糯米粉味道 所以加上黃糖味既冰冰 就可以夾埋一齊食 令到湯圓都有味道芋圓就無咩味 芋頭同埋地瓜味唔出 淡淡地 但比曬黃糖冰遮左陣味朋友既芋圓4號 就多左芋頭 但佢依隻唔係煮到好淋 反而係實肉 但都幾大塊 所以唔錯 總結黎講 45蚊貴就貴左d 都可以啦 因為佢都足料同埋味道唔錯既😆

近年興台式芋圓甜品之前都有食過其他不過始終啲竽圓差少少見啲food blogger推介依間就試下都多人 要自己搵位坐 等咗一陣然後自己去落單Menu都好多選擇同配答主要係底嘅分別: 仙草/豆花/紫米/紅豆沙而配料雖然有跟死 不過可以另加錢加自己想要嘅配料影相出黎好似唔大 但其實一碗好大架!自己一個多數食唔曬 最好叫一個多啲配料嘅 然後2人share賣相超吸引😍影出黎又靚豆花2號 ($42) +$6 芋頭一開始見到佢有啲驚伏因為原來糖水底望落好似係超甜嗰種但係食落又okay喎 同豆花夾味豆花細膩滑嫩 入口即化 亦好香黃豆味薏仁扁大粒 少少硬硬地 正是我鍾意嘅質感配豆花一齊食 又硬又軟👍🏻地瓜望落似紅蘿蔔 但係食落又幾香甜架喎 質感扎實綽密最好食莫過於另加嘅芋頭💜+$6 一大舊食落勁香芋頭味 質感軟綿 ‘妹妹’地 中間部分似芋泥總之係上品芋頭 芋頭控會明白的🥰招牌仙草沙冰 ($45)招牌野一定要試嘅佢面係仙草加芋圓底係沙冰芋圓超級Q 煙韌彈牙🧡軟身唔硬唔粉仙草都勁滑嘟嘟 同豆花分別係佢口感比較似啫喱 而且係清涼沙冰其實唔好食🙈不過消暑 食完成個人降咗温 冇咁躁熱❄️夏日熱辣辣必食-其實好抵食

呢日烈日當空, 好鬼熱,遊行到灣仔, 停下來休息一下, 咁岩畀我地見到-鮮芋仙!有芋圓甜品, 有小食, 有飲品。落單後拎住呼叫器坐低等食,呼叫器響時, 就可以行出COUNTER拎食物。 我地叫左:芋薯圓Q麻薯牛奶冰( $52)同招牌仙草冰沙 ($45)。芋薯圓Q麻薯牛奶冰( $52)呢款有芋薯圓, 小芋圓, Q麻糬,冬瓜凍。一個甜品, 多重滋味呀!一上枱, 真係嘩左一聲, 好大碟! 好似座山咁!2-3個人食都可以!$52真心抵食呀!牛奶冰好好食! 香甜練奶味!啖啖都香甜, 唔會只係得出面個層有味呀!內裡都有味的!小芋圓, 細細粒, 煙韌~芋薯圓, 我本身以為佢係大粒芋圓來咋, 但原來..入面有餡嫁! 好似湯圓咁入面有餡!有芋蓉係入面!Q麻糬都好煙韌香甜!最後仲有冬瓜凍~呢個相對就淡味D~但口感都唔錯!似爽口既JELLY!招牌仙草冰沙 ($45)呢個有芋圓, 仙草凍, 仙草冰沙,CALSSIC D囉~但味道都好好!好消暑!

唔知由幾時開始我愛上了食芋圓 當我得知銅鑼灣開了過江龍 「鮮芋仙」後，便很想很想到來試試。 可惜新開店期間十分多人排隊，因此等等等等等到現在才到來一嚐它的味道 星期日的下午5:30左右，正值下午茶時間，不用等位十分順利看了餐牌後，我選擇了芋圓4號 個人口味：芋圓配紅豆/ 仙草/ 珍珠都是十分好食的，而且必須是凍食 （個人覺得熱食芋圓口感沒有凍食那麼好食） 除了食物之外，還提供飲品可選擇：芋圓配了刨冰底，味道更可口！珍珠十分彈口 讚 ！而且一碗入量十分多，女生可二人share一碗下次會再來試不同口味的芋圓，期待試試配上仙草 味道可能會更可口

熱辣辣的天氣最好都係食啲冰涼嘅東東消下暑😄😀#鮮芋仙 香港店最近都推出個新款口味啵 嘿嘿😍🤩佢個名叫芋圓6號 小妹揀了#冰芋圓 所以個底係冰底 其他食材係由芋圓 粉粿 粉條 珍珠而成😋🤤味道方面 啲芋圓同埋珍珠好QQ好彈牙🦷👍🏽另外 粉粿同粉條都幾得意 口感都好QQ又好滑下啵 冰底真係好好味 真係好透心涼 整體味道都好好 所以食物都好夾 甜度適中☺️🙂仙草1號 我地都有食到喔🤤😋係由綠豆 蓮子 仙草製作而成的 個底係有仙草冰凍同埋仙草冰沙 個冰底真係好入味又好濃味喔😍🤩落埋啲奶油撈埋一齊嚟食 整體係好夾好好食好正 啲蓮子都係白雪雪又夠淋 好味 推介🥳🥳整體份量都好大碗 真係夠哂飽肚🐷🧡💜

之前睇報導知道銅鑼灣開咗間由台灣開過嚟嘅人氣芋圓店，作為芋圓粉絲，一定要去試吓啦！芋圓2號：有芋圓，蕃薯，薏米，珍珠，紅豆湯仙草4號：有芋圓，涼粉，芋頭，紅豆珍珠$45一碗咁大碗，真係好抵食！啲芋圓都好煙韌，紅豆湯好好飲！一碗入面有咁多配料，好豐富，好滿足！

-來自台灣的《鮮芋仙》💁🏼‍♀️全球已過百間分店了👩🏼‍💻深圳也有🥳招牌手工芋圓、仙草和麻糬等甜品🙌🏻🍧芋圓4號 （$45 ）芋圓、 番薯圓、芋頭、珍珠、紅豆、刨冰芋頭勁綿密，食落甜甜的，唔似得外面的芋頭實的的冇味，用的是整顆大甲芋頭🤤下次想試佢個 👇🏻🍼芋薯圓Q麻糬牛奶冰 佢個芋圓入面係有芋泥餡架痴線😫但好大份真係要share食😺🙌🏻佢仲有個👇🏻👾芋頭牛奶冰 ❣️紅豆牛奶冰都好似好吸引！快啲去試啦喂🔉🏠營業時間：12:00-23:00______________________________score:8.5/10地址：銅鑼灣登龍街18 號 V POINT地下 1號

鮮芋仙雖然已經開左就泥3個月，但依然好高人氣✨ 八點幾去食人龍已經去到門口位置~ 今次佢地新推左幾款甜品，加入左全新配料，味道唔一樣，但口感就保持一貫嘅咁煙韌有咬口😋-芋圓6號($45) 芋圓嘅質素同新開張一樣，好Q彈~ 另外個兩款配料就係新出嘅主角，粉粿同粉條！兩者都煙韌度十足，味道清新而且帶微甜❤️ 粉粿比較厚身，所以咬口double up!! 粉條呈透明，食落有少少爽口🥰 食完成碗都會幾飽下仙草6號($45) 配料方面大同小異，一樣口感爆燈！冰底就轉左做仙草沙冰，加埋啲奶落去個味道豐富左，食落透心涼😌 夏天食係一個唔錯嘅選擇~

鮮芋仙在登龍街開了一陣子，都還未有機會去吃，每每經過都看到超長的人龍，還有就是聽說很大碗，不要吃飽當飯後甜品來吃，不過大家的評價都是很正面的就對了。*今晚我是跟朋友分著吃，我們點了仙草一號，它們所有凍的都要有冰底，仙草的底下有有一層冰。仙草一號的配料有綠豆、蓮子和珍珠，分量算是慷慨的多，把碗的頂層都鋪得滿滿，而且都不會太甜。最欣賞的是珍珠，煮得好好，口感非常的彈牙。仙草也很不錯，甘甘甜甜的，很天然的味道。要注意仙草一號是沒有芋圓的！幸好付錢時問一問店員，加一份芋圓是$6，果然是很好吃，沒有坊間吃的粉團味，而且口感彈牙得不得了，絕對是要吃的。

咩事呢？我唔知係咪真係鮮芋仙台灣總部負責供貨同提供訓練？點解d芋圓硬咁多？都唔係台北食到果隻軟糯口感，係咪未煮熟？唔夠軟呀！仲有等都要等好耐，店員服務態度一般！！所以係幾失望，完全搵唔返台北食既感覺！！希望好好改善

試咗依個紫米露加大芋圓。原來鮮芋仙嘅芋圓有分大同細兩種，今次就試咗大（因為細嘅已經賣晒）食落就知點解咁多人嚟排隊啦。佢唔止係甜度掌握得好好，芋圓真係值得一讚，做得非常出色。咬落去係好煙韌得來唔會太硬。唯一缺點係要排好耐隊啦，如果唔係真係會日日嚟食呀。

.鮮芋仙登陸香港都一段時間，諗住隔咗陣應該唔洗排咁耐啦！估唔到我哋前前後後都等咗成粒鐘先有得食，少啲耐性都唔得🥵.有咩材料就一眼睇晒，依家就逐樣點評下。實不相瞞🧒🏻係芋圓愛好者😍食過好多芋圓之後，自然好易分到好唔好食，而鮮芋仙嘅芋圓（地瓜圓）都幾令我滿意！芋圓咬落好有嚼勁，夠晒Q彈😂而且都食得出芋頭同番薯本身自然嘅香味，真係好驚食到化學味🤢。而芋頭、紅豆、珍珠哩三個配角表現都唔差！芋頭夠粉，都有啲甜味；紅豆就正正常常；而珍珠都係好煙韌，啱晒鍾意係咁𡁻嘢嘅我！不過好似係冇黑糖味的。最後，芋圓嘅冰底係有糖水淋上去嘅，所以食落去唔會淡戊戊，size都幾大，最尾仲食唔晒。.如果想食芋圓嘅心癮起都可以去試試，不過最好揀平日去啦，始終為咗個甜品等成個鐘，時間成本太高🙈.餐名：芋圓4號（芋頭、紅豆、珍珠）價錢：$45評分：8.5/10餐廳：鮮芋仙地址：銅鑼灣登龍街18號V Point 地下1號舖#HKFPcwb #HKFPdesert.

晚上大約八時食完晚餐就行左去鮮芋仙到食甜品😋 今次黎到比較多人排緊隊order food同啲位都爆哂，都等左十五分鐘先等到台同食物。-點左個芋薯圓Q麻糬牛奶冰另外加左芋頭、粉粿同仙草凍，兩個人share食都夠食。牛奶冰有包括小芋圓，可惜吾可以轉大芋圓只能選擇加配。第一次食鮮芋仙既Q麻糬，都好Q彈但個人都系中意粉粿、粉條同芋圓果種味道同口感😍 牛奶冰配上美乃滋既甜，味道搭配岩岩好，但食到最尾有啲甜所以溶左既部分都無食哂。-埋單67$性價比都高，而且位置方便。😆

自從在台灣吃完鮮芋仙之後, 總是想著要再吃。這次鮮芋仙終於來到香港, 當然要去吃一吃~店舖得多人啊 要找個座位也不容易。最好邊找座位邊排隊會比較快, 要不然就會等好久都無得食因為見到份量頗多, 所以我和朋友買一個share芋薯圓Q麻薯牛奶冰牛奶冰配上芋薯圓, 小芋圓, Q麻糬, 冬瓜凍, 牛奶雪糕, 最後倒滿牛奶焦糖漿芋薯圓裡面有流心芋泥, 意外的好吃! Q麻糬煙煙韌韌, 口感不會太軟太硬, 岩岩好! 小芋圓和冬瓜凍就沒有什麼特別, 正正常常。牛奶加焦糖漿配上雪糕和沙冰, 奶味和焦糖漿幾夾, 但略微偏甜, 不過可以接受牛奶冰整體上都幾好食, 滿足左我想食返台灣鮮芋仙既感覺PS. 但我第二次去的時候, 他們漏左我單, 我等了差不多45分鐘都食唔到, 這點要注意一下