鮮芋仙 (創紀之城)

营业中

休息中

突然好想食豆腐花，又想飲豆漿，今日我揀呢間甜品店“鮮芋鮮”真係合晒我心水，叫咗一碗「招牌豆漿豆花」$48招牌豆腐花有芋圓、芋頭、豆腐花濃濃豆漿味、香滑豆腐花佢個芋頭大大嚿，好好味，我真係未試過去糖水店食到咁好食嘅芋頭，好粉嫩芋圓煙煙韌韌最令我欣賞係甜品唔會太甜，一試難忘⋯⋯下次我會試芋圓嘅款式另外佢有下午茶精選都一樣好吸引，價錢公道

2023年開始咗幾日，已經係第三次食鮮芋仙😂作為煙韌控，鮮芋仙係最安全最有保證嘅選擇。好怕喺出面食到成舊粉嘅芋圓😩成日嚟APM經過都好多人排，難得今日冇人排，同男朋友又嚟食肥仔水🤣🤣 原來有下午茶揀，下次自私食可以揀食細碗啲🤪芋圓6號 熱紅豆湯 加芋薯圓 $45+$8天氣凍，要食啲熱野暖胃，用紅頭湯做base嘅芋圓6號原來另有番風味，熱食所有料都會煙韌好多！！粉條似一條條薯粉，粉粿就係好食有咬牙嘅啫喱咁🤪 芋薯圓係每次都必點！好大粒嘅番薯圓包住啲芋泥，有兩種口感，好正呀！紅豆湯唔會太甜，飲落暖笠笠☺️食咗一半，都仲有好多粒芋圓，飲極都仲有🤣🤣 兩個人分享一碗就啱哂喇！仙草大滿貫奶茶呢杯係琴日行APM嘅時候口痕買嚟飲嘅，諗住一路行一路飲，點知好fail，你睇下杯野幾大杯，啲料滿到🤣飽到傻嘅野飲，以為係出面珍珠奶茶啲size，結果係兩個人飲先飲得哂🤣。入面有珍珠、白玉、粉粿、粉條、芋圓、芋薯圓同仙草！勁足料，飲極都仲有，料仲多過奶茶🤣🤣 粗飲管都吸唔到啲料，好彩有比叉就方便好多。飲三分甜都覺得偏甜，可能啲料都係有糖水浸過😯 不過飲得呢啲就唔計卡路里喇🤭

I always like to order their ice to eat!!! It is because it is real hung fukkkk when eat that big bowl of ice 🥰🥰🥰🥰🥰🥰🥰The ice is not expensive at all. It only cost $56 then you can enjoy a big bowl of ice. ✨✨✨I strongly recommend guys to share a ice in two. It is because it is really big and it is impossible for a person to finish the whole of them.I think it is sweet and I like the taste of milk sooo much.

近排返工好大壓力，好想好好休息今日突登拎一日假出黎望下海比自己靜落黎，順便食下好西今日打算去觀塘海濱吹下海，地鐵站落車既時候經過鮮芋仙，心諗食下啲甜野個人都開心啲咁就去左買，估唔到而家原來出多左好多款野食，唔係淨係得芋圓買左2個芋圓，加湯丸同布丁，一打開見到勁足料勁大碗，真係好抵食，而家諗返起都有啲流口水芋圓勁煙韌好有咬口，入面仲有啲珍珠係到同樣彈牙，有唔同口感，原來都幾夾湯丸開頭以為得兩粒咁少，點知原來係本身個碗芋圓唔夠位放，呢兩粒係extra出黎，本身個碗底仲有幾粒入面啲芝麻餡好多，一咬落去流晒出黎，好甜好好味一路食住啲甜野一路望住個靚景，個人終於都開心返啲，成日掛住工作好耐未試過可以好似今日咁享受下生活，開心！

今晚真係冷熱仙草一次過食晒。熱燒仙草的質地好過癮，因為真係成碗湯咁樣，入面係有少少琼琼地嘅仙草，至於其他配料仲有小芋圓、地瓜、薏仁同珍珠。佢嗰個地瓜(即係番薯)都幾大舊，份量相比芋圓多好多，不過我就當然係寧願芋圓多D番薯少D啦。另一碗凍嘅仙草就叫咗招牌仙草沙冰，其實咁凍嘅天氣仲食沙冰底嘅仙草真係都幾大挑戰性。入面D配料其實就只有仙草再加芋圓再加沙冰底，不過佢D芋圓數量就比熱嗰碗多D嘅，沙冰嘅份量多過仙草好多，所以唔係好抵食。

女朋友成日都呻話好想食芋圓，趁住今日同佢地野餐買一份同佢食襯住今日係去觀塘海濱，咁岩知道apm個到有間鮮芋仙，一於就係呢到買估唔到原來而家啲鋪頭多左咁多款野食，雖然好多野都想食，但女朋友都堅持要食芋圓，咁唯有揀一款多料既啦呢個芋圓4號，乜都有啲：芋頭、珍珠、紅豆、芋圓，一次滿足晒我地咁多個願望拎住外賣過黎海濱既時候我仲怕凍芋圓會變左做暖芋圓，仲急急腳咁走拿拿林準備好晒啲野，估唔到原來入面有冰底，無論天氣幾熱都好，外賣拎返到返去都仲係凍冰冰入面勁足料，芋圓又大大舊，淨係食一碗芋圓都夠晒飽今次仲加左個抹茶布丁，食落好濃郁抹茶味，加上少少糖漿唔會太甜，好好食，口感即好彈，唔會太軟身變左一pat野咁，正呀

位於APM嘅鮮芋仙甜品店每次經過APM都會留意到鮮芋仙大排長龍，很多人在門口等位。一直很好奇其實是甚麼餐廳，竟然長期都這樣受歡迎？於是這天剛好經過，就來試一試！想不到是真的很驚喜！留意到旁邊很多人都點了沙冰吃，份量很大份，很多配料。不過今天天氣頗凍，就不點冰吃，而是點了個Q麻糬布丁拼盤：日式Q麻糬4件，拼一個抹茶紅豆布甸($38)。Q麻糬有兩款口味：原味和黑糖，另外有些黑糖醬。口感很Q彈，很好吃😋!!抹茶紅豆布甸也很好吃，布甸的抹茶味很濃郁，是幸福的味道。表面鋪了些原粒紅豆，抹茶和紅豆真是絕配的配搭呢！飲品也點了一杯茉香綠茶少甜去冰($23)，很大一杯，可以飲很久都飲不完。雖然人也蠻多的，但我跟朋友坐了差不多一小時，也沒有人施壓，感覺也是很輕鬆Relax的吃了一個甜點。

📌鮮芋仙想食芋頭甜品，鮮芋仙係一個唔錯嘅選擇，成日都見佢地大排長龍就知佢地幾受歡迎，趁住平日嘅下午茶時間無咁多人，一於要嚟歎個甜品🥰✴️熱豆漿豆花3號（紅豆、花生）$42第一次食仙芋仙嘅豆花，原來加埋豆漿係成個湯碗咁大碗🥣好有驚喜豆花配料有花生同紅豆，甜度剛好，唔會膩，豆花加上豆漿一齊食，豆味更香濃另外加咗芋頭&珍珠芋頭口感軟綿綿，係大粒版嘅芋泥咁，超推介🤍滿足到食甜品嘅願望同時又唔會太邪惡

#紅豆湯 #甜品 #芋圓 #煙韌控💕鮮芋仙@APM💕鮮芋仙喺幾年大熱作為一個煙韌控已經試過食幾次佢嘅芋圓真係好好食 好足料呢次去就試吓佢嘅紅豆湯揀咗黑芝麻湯圓紅豆湯 (熱食)果然冇令人失望！即使係熱食嘅糖水 都煮得非常好食紅豆煮得好透 好淋 一D都唔硬我朋友唔鐘意食紅豆 但佢試咗幾啖都覺得佢嘅紅豆係唔錯 佢都會食喺粒粒紅豆之中 仲夾雜咗好多小芋圓有各種顏色 為個紅豆湯點綴不少口感都豐富咗好多我本身冇Expect到會有小芋圓覺得非常驚喜 係用心之作不過我平日Tea Time去食本身以為唔會好多人但估唔到最後都係坐滿小小可惜係佢嘅位置Size比較細枱與枱之間有點迫可能預客人唔會坐好耐而的確食一個Tea嘅甜品嚟講其實都OK所以Overall 計埋佢嘅食物質素同性價比都係值得推介的！

🐾鮮芋仙# Stressed is desserts spelled backwards- unknown🐈一向都鐘意食台灣糖水，趁放假去shopping減下壓，結果買到勁攰就決定去鮮芋仙食個冰中場休息一下~餐廳都算寬敞亦都幾多位，唔使點等就入到去~Menu 超級多選擇，但🐈最後決定點店舖推薦的…..✨招牌仙草冰沙一睇係滿滿涼粉再加芋圓己經超心心眼😍再舀落去見到個底係滿滿冰沙個下係開心到不得了😚最正係仲附加個花奶，混合一齊食再加上每口芋圓實在不得了，而且個量都幾大，一個人食一碗係過足曬口癮❤️Overall體驗: 食甜品能解壓係自古以黎的道理👍🏻有事無事都食甜品的態度絕對正確🙊鮮芋仙正在都有幾多分店，夠曬方便😌

喺觀塘行行吓街，突然之間想食啲甜野，就嚟到鮮芋仙。見佢係主打芋圓類嘅甜品。我哋就叫咗個芋圓1號。分量足夠，材料不少，有綠豆，蓮子，珍珠。綠豆就煲得夠晒冧，同埋綠豆味道夠晒出。蓮子配埋綠豆真係一個好配搭。蓮子亦都唔會有啲苦澀味道，因為有時最怕食蓮子係會食到佢嘅苦澀味。而且個珍珠就真係可以畫龍點睛，珍珠食落非常煙靭。喺甜品入邊加上呢個口感，食落好滿足。我哋仲加咗個奶茶布丁。淡淡的奶茶味融入了布丁，好過癮。而布丁整得都幾有口感，又有奶味。好正。順帶一提，大家都可以選擇凍食或者熱食。見天氣有少少轉涼，就帶咗個熱食。佢仲有得俾我哋外賣添。好方便。

過江龍糖水鋪遍佈港九新界，開業咁耐終於去食。餐廳有堂食/外賣，一於外賣慢慢嘆。芋圓6號($45)，原來有分凍、熱系列，凍既會係刨冰底，而熱既就會係紅豆湯。外賣硬紙碗裝，路途遙都唔怕，冇漏或倒冧。秋冬天氣涼爽，飲熱紅豆湯，滋補一下。湯底紅豆味濃郁，帶有少許紅豆碎粒。紅豆煮爛哂，成個湯都呈暗紅，唔會過甜。芋圓份量超多，比其他餐廳既更大粒。口感煙韌，紫色芋頭味突出。珍珠軟硬適中，偏軟身，感覺比平時既大粒少少，每啖幾乎都多到珍珠。粉粿超級超級煙韌，大大塊有大約3-4件，帶甜，非常有咬口，彈下彈下咁。加入粉條後，口感更加豐富。menu有多款選擇，花多眼亂，主要揀自己想食既基本底，再視乎配料，除左食品，仲有飲品可以揀添。整體，咁大碗又多料既糖水，抵食又好味。食幾多次都冇問題～

作為芋圓控嘅我，行街見到鮮芋仙，當然要買番杯！ 估唔到未到4點，餐廳已經坐滿好多客人，外面亦都不乏客人等緊外賣。  有選擇困難症嘅我，真係唔知揀邊樣好，樣樣都好吸引，所以最後朋友推介我飲大滿貫鮮奶茶，哇估唔到咁大杯，而且半杯都係料，果然「有料到」。 首先係珍珠奶茶底，然後配料有仙草、芋圓、芋薯圓、白玉湯圓，粉粿、粉條。每一啖都飲到啲料，煙煙韌韌，餐廳仲好貼心地提供咗長叉，俾你可以食到大舊啲嘅材料。個人最中意芋薯圓同白玉湯圓，芋薯圓入面仲包住蕃薯，好有口感。飲完已經好飽，真係唔洗食晚飯。 朋友話佢最近熱氣，所以佢叫咗仙草甘茶，係冇仙草嘅，睇落好似涼茶咁，不過雖然淨係叫咗半糖，但係一啲都唔苦，真係有種清涼驅燥嘅感覺。 

近排都有見到同事吃這一間的仙草冰沙，所以就打算去試吃下。午休的時候就買左招牌仙草冰沙再加多一份的芋圓，聽朋友介紹芋圓真是不錯吃。估唔到4:30開始裏面已經滿晒人而且有好多人喺外邊排隊買外賣。芋圓食落QQ而且又大大粒，仙草好a 彈加上沙冰又好清新，沙冰夠凍又不會太甜，對我呢d女人黎講就剛剛好，有食甜品既籍口啦。而且舖頭仲有好多甜品可以選擇，食多幾次先可以試到唔同味道。重點拿外賣時見到別人吃的麻薯牛奶冰也不錯，下次也要試一試。

今日係公司食完午飯口癢癢，落左apm商場搵甜品，買左個熱芋圓4號，內有芋圓,紅豆同埋珍珠。真係越熱辣辣煮好，材料又好多，佢嘅芋圓同埋珍珠係我食過咁多間糖水店裏面最QQ,最軟淋,係淋得嚟帶煙韌，唔會係好硬或者好似未煮熟咁樣或者煮到過晒龍得個淋無晒咬口，真係時間控制得好好。個糖水就係好似紅豆沙底，甜甜地，係咁凍嘅天氣食，暖笠笠又補血，加上每啖食到唔同材料，多種口感，好食。等外買嘅時候見到堂食嘅份量其實都好大喎，下次可以再試下。