鮮芋仙 (新都會廣場)

营业中

休息中

上次去了荃灣分店食，今次選擇落葵芳分店，比較一下有沒有分別，今次我仍然選擇食豆腐花系列，比較一吓豆腐花和豆漿係唔係都一樣的，今次我食豆花4號配豆漿，配有芋頭和紅豆🫘， 味道不錯，而朋友就選擇了芋圓6號，佢話好味到不得了，配有粉粿，粉條和珍珠，我試食了一嚿粉粿，真係好好味，又Q彈，好有口感，粉條亦是一樣，還有大大碗的，真係好飽好滿足😋😋。至於環境，店舖不算大，但仍然坐得很舒適，完全唔覺有擠迫嘅感覺😊

其實食過好多次鮮芋仙食過咁多次證明佢質素係有保證既招牌仙草1號 $45最最最鍾意都真係佢既仙草味道好濃而且質感好滑身同我係出面食過咁多間又真係唔同既仙草冰都好好食，每次最愛叫凍食仙草沙冰❤️不過呢款冇芋圓，次次都要另外加錢🙈芋頭好淋身幾好味紅豆就都係正正常常冇咩特別至於芋圓係幾彈口有口感但味道唔算好出其實佢整體質素係幾好但成50蚊個糖水我覺得偏貴因為50蚊既話其實有好多選擇只係耐唔耐我會好掛住個仙草就會食下

今日見唔洗排隊，又比多次機會試下佢🙄，一入到去，個女服務員都好奇怪，我話坐左邊，因為右邊好凍，風口位，佢系都要我坐右邊D位果，當時間鋪只系坐左幾枱人，最後我自己行去坐另一邊，真係怪人一個🤷‍♀️！上次試咗中伏糖水底、今次就試吓熱紅豆湯啦，叫咗個芋圓4號，點知都係瀬嘢😩😩😩😩 先講湯，淡茂茂唔熱唔凍咁….想點呀？？唔該煮熱先拎出嚟啦……..嬲咗🤬🤬🤬🤬🤬、芋圓冇味，甜味都冇，食擦紙膠🤔🤔🤔、珍珠ok, 係得芋頭比較好味，$45食碗咁嘅嘢，真心唔抵食。唔明點解仲可以咁多人嚟排隊等食🤦‍♀️🤦‍♀️🤦‍♀️🤦‍♀️伏到呢…………..

成日都見依間糖水舖好多人。好高人氣咁。今次終於試到。叫咗一個熱芋圓六號。紅豆水做base。完全唔知囉。唔甜。快食芋圓係無味嘅。要慢慢嗒先有味。正常珍珠。青色粿條有清清青味。煙靭。唔知無咗粿乜轉咗薏米。有浸放得耐咗嘅味。叔咗定唔知點。另外叫咗一個招牌芋仙冰。芋圓同頭先講一樣。仙草正常。冰正常。全靠個奶有返啲味。總結。因為太普通。相都無影。45蚊一碗。份量都對得住嘅。不過就真係沒有排隊再食嘅理由。講完。

成日見呢間野都要等位，今日趁放假就黎試吓啦！一試即中伏😩😩😩、叫咗個豆花4號，加左仙草，仙草少到得兩啖仔，碗野淡茂茂冇黎味道，，唯一好食D系佢舊芋頭。呢個價錢食碗咁普通嘅糖水，真心唔抵食！

📍 鮮芋仙 (葵芳)葵芳興芳路223號新都會廣場2樓272-274號舖👉布丁麻糬牛奶冰😋，入面係有❤️牛奶冰，有煉奶淋面好好味❤️冬瓜凍，甜而不膩，好味❤️迷你芋圓，cute cute地，有咬口，幾好食❤️麻糬，有兩隻味，🤔我估應該係黑糖同白糖掛，兩隻味其實好似差唔多，不過黑糖味好食dd🤣❤️雞蛋布丁，好好食，入口滑溜溜😋❤️杏仁布丁，見人見智，我覺得唔好食🤣🤣🤣唔知下次可唔可以換雞蛋布丁，次次食都想換，唯一食唔曬😂😎次次黎鮮芋仙只會想食牛奶冰，（戴返頭盔🪖先）其他甜品對我黎講又貴又麻麻，唯一牛奶冰，三個人食58蚊🤣每人20蚊唔洗，又抵又好食🤣🤣

去鮮芋仙最鍾意食布丁Q麻糬牛奶冰大大份先$58，可以同朋友一齊share食啲冰堆到勁高，好香牛奶味配埋最頂個雲呢拿雪糕食，好夾有好多芋圓麻糬，麻糬勁煙韌，又重芋頭味，好好食仲有大大個雞蛋布丁食完真係好滿足夏天食啱晒，食完即刻勁涼快

食到一肚氣😮‍💨😮‍💨😮‍💨其實都唔算氣 係中大伏！行到攰攰地想食個甜品坐下回回氣諗起有芋圓 試下佢見佢周圍都多分店　諗住中伏極有限叫左兩個熱糖水芝麻湯圓紅豆湯（熱）都有3-4粒湯圓既大碗就大碗啦但無味既紅豆水慘過自己屋企拎啲紅豆局水飲😮‍💨都濃味過佢真係稀到同無味到極點淡味紅豆水 呢間野一流！熱芋圓紫米粥心諗都係紫米露姐，唔會難食掛😒😒水黎既大佬！無味！淡茂茂！唉中大伏！以後唔會再食兩樣野都無味、衰過買即沖糖水包都叫有啲甜味呢兩碗野難食到除非你鍾意水一樣既味道就推介大家去食

好掛住台灣🥲 為咗頂一頂旅行癮 今日帶咗呀媽嚟食呢間台式甜品店 而家分店愈開愈多舖面都算大 冇諗過閒日嘅中午都會入座率高達八成😮 一入門口要先買咗甜品先至可以入座 店舖環境都唔錯 夠晒chill😆 我地嗌咗兩碗凍野 賣相好啱打卡😂凍芋圓4號入面有芋圓 地瓜圓 珍珠 紅豆 同兩嚿芋頭🤤 芋圓 地瓜圓 珍珠 口感好好 煙煙韌韌 芋頭牛奶冰份量驚人 有近一座山咁高 刨冰唔係台灣嗰種牛奶冰 佢係普通嘅冰 加咗煉奶 令佢嘅冰有甜味 加上頂頭嘅雲尼拿雪糕真係令人好滿足😝 側邊嘅芋頭好大嚿 食完好飽肚 完全唔駛食晏晝 甜品嚟講呢間唔算太平 但絕對夠晒豐富 炎炎夏日可以消暑解渴😻

鮮芋仙係我暫時食嘅芋圓中最穩定嘅一間唔會因為多人而變得難食左我通常會揀平日下午去咁就唔使等咁耐呢個布丁麻薯牛奶沙冰想食好耐架喇今日終於忍唔住要試下真係好好食wo布丁覺得好滑其他配料都好煙un牛奶味亦好濃雪糕就冇咩特別食唔停口不過食完覺得好凍夏天食開心d😂其實一個人食真係唔會食得哂建議都係搵個朋友一齊share好d不過佢每人都有最低消費既如果同老公或男朋友黎咁佢地可以叫杯野食咁就可以食咩個冰喇下次再試埋其他產品😏

外賣比漏野真係防不勝防🤷🏻‍♀️已經唔係第一次, 唔止呢間舖招牌豆花可以比漏芋圓$48 得豆花,珍珠同芋頭🤪唔該可唔可以check 清楚先比人唔通我係舖頭到開蓋了碗野睇下啲料齊唔齊咩😮‍💨

同朋友睇完戲見有d肚餓，上網睇有咩食，居然比我發現有鮮芋仙！終於開到黎葵芳啦，感動😹當日排隊既人都幾多下，而排隊空間又唔太大，有啲逼夾，好彩排左20分鐘就有位，門口落齊單就可以入去坐，同店外相比，店內環境相對闊落很多嗌左2個招牌仙草冰沙，仙草凍同仙草冰沙味道依然，帶有濃濃既仙草香氣，不過啲冰就略嫌甜左少少，唔中意食咁甜既朋友建議走冰。芋圓份量唔少，依然淡淡既芋頭、番薯香氣，口感煙韌，不過同其他分店比，感覺有啲硬～

大冰品本人第一次外買真係超级大碗超級低食又多配料，以為外買品質會差D，不是的風味也一樣，兩人也食五哂，會推介比朋友，但遠程勿外買，因有雪糕同冰除非自備冰袋保存可久點

第一次寫食評，因為覺得好好食，所以想記錄低。今次係朋友黎我地屋企玩，外賣俾我地既招牌仙草芋圓。滿滿既一碗！佢既仙草好香，唔會齋甜或者無味大菜糕咁。而芋圓好煙靭，好好味！我同仔仔share，唔覺唔覺就食左大半碗。但我地食食下才留意到膠袋裏面有兩盒仔cream，原來我地唔記得左加落去仙草一齊食。 於是我將d cream 加落去餘下既仙草度。估唔到只係小小既cream,可以令到個仙草更加香，唔覺唔覺就食曬。謝謝朋友既好介紹！

作為鮮芋仙的忠粉，一直希望屋企附近開一間鮮芋仙，今天終於等到了!!! 雖然葵芳不乏甜品店，但絕對沒有一間的芋圓及仙草比得上鮮芋仙。每次必叫招牌仙草沙冰🤤，仙草沙冰做底，上面有芋圓及仙草，進食前還可淋上鮮奶。芋圓Q彈煙癮，仙草嫩滑，沙冰甜度適中，簡直是完美組合💯。第一次試布丁拼盤🍮，珍珠奶茶布丁口感有點像挺身的仙草，不像一般黏口的布丁。而口味與珍珠奶茶無異，就像一杯少甜珍珠鮮奶茶🧋。還有旁邊的白玉湯圓、紅豆和雪糕🍨，點綴拼盤。相比其他甜品店，鮮芋仙的價錢相若，份量卻更多，質量亦更好👍👍👍。鮮芋仙作為台灣過江龍，來到香港開設多間分店，而每間都能保持優質的食物水平。期望在未來，會見到更多的分店。🤓