鮮活之味

营业中

休息中

今晚同同事食聖誕飯，佢知我鍾意食魚，所以帶咗我去觀塘工廈食鱔，仲要係特色製作，正！店子簡約舒適，座位整齊，環境企理。有數款飯類，另加錢可追加小食和飲品。鱔有蒸、灼和炸選擇，配搭不同口味，如蜜餞、韓式、日本芥末醬、豉汁等。朋友點蜜餞炸鮮鱔球飯配糖心蛋半隻轉蕎麥麵（$86+$10），冷蕎麥麵口感佳，蘸些泠麵汁，再拌勻隻香滑溏心蛋就更得！炸鮮鱔球炸得黃金靚仔，香脆不油膩，外層甜甜地，內爽嫩鮮美，非常味美！我要大盛花椒醬油汁鮮白鱔片飯轉麻醬花椒皮蛋伴烏冬（$68+$30+$23），份量十足，大滿足！鱔片薄身爽嫩，蒸得剛好。味道鮮味，配了花椒醬油汁，辣辣地，好惹味！麻醬花椒皮蛋伴烏冬相當大碗，皮蛋黏滑甘香；烏冬彈牙，每條都沾滿花椒麻醬，有些芝麻香，亦麻麻辣辣，仲越食越火辣，好過癮！小食係白灼秋葵秘製蔥油汁($24)翠緣爽嫩，配上蔥油汁，鹹香美味。

炸鱔球真係要去食小菜嘅餐廳先會食到，仲要唔係間間小菜館都有‼️呢間主打食炸鱔球炸雞球，真係吸引到我喎有幾款炸球口味，蜜餞、椒鹽、韓式，我就揀左甜甜口味嘅蜜餞「蜜餞炸鱔球炸雞球」炸鱔球真係不得了肉質好爽彈，外層嘅粉漿好夠薄！雞球好嫩滑juicy，不過炸鱔球更為出色配埋甜甜嘅蜜餞汁，送飯一流～～🍱「澳洲安格斯牛五花拼蒲燒鰻魚」鰻魚比較多幼骨，食嘅時候要特別小心，牛五花肥瘦好適中，入口一啲都唔鞋「秘製蔥油秋葵」看似簡簡單單嘅秋葵，加入呢個秘製蔥油，簡直係畫龍點睛，蔥油味超級香❤️

[ 鮮活之味 ]觀塘 駱駝漆大廈 出名多嘢食，今次介紹俾中意食「魚」嘅大家，特別係白鱔🐟！呢間食店專食鮮白鱔、炸鮮鱔球，仲有安格斯牛五花、蒲燒鰻魚等菜式，丼飯/麵食只係人均$100內性價比高。小食✿ 椒鹽魷魚鬚 $38 🦑炸粉超脆，加埋炸蒜令到魷魚鬚好香口。主食 跟白飯 (𨍭蕎麥麵+$10、轉稻庭烏冬/紫菜飯+$12、轉🆕花椒皮蛋芝麻醬熱撈烏冬 +$22)✿ 花椒醬油汁鮮白鱔片飯 $68平時食開豉汁蒸白鱔，呢個夠特別用花椒醬油汁蒸煮，醬油汁帶花椒麻辣味道，調味剛好唔會搶走白鱔片嘅原本鮮味，以呢個價錢白鱔份量都幾多下👍！✿ 安格斯牛五花拼蜜餞鱔球丼飯 $76除咗蒸鮮白鱔片，呢度另一種做法係炸鱔球，有蜜餞/韓式/椒鹽3種口味，外層香脆內裡啖啖肉，肉質鮮嫩彈牙😋。另外拼安格斯牛五花，牛肉份量夠多，有魚又有牛肉好豐富。✿ 韓式炸雞球飯 $56炸雞球都不錯，同炸鱔球一樣炸得脆卜卜。總結🫦 呢間食店嘅鮮白鱔、炸鮮鱔球夠哂特色，會食魚嘅朋友必定中意食😍！就算唔食魚都有牛肉、雞肉選擇。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿鮮活之味地址：觀塘開源道60號駱駝漆大廈第三座11樓G室電話：54

跟朋友來到鮮活之味食午餐，原來這裡是吃白鱔的專門店。我們叫了2個白鱔套餐，一個是白灼秘製蔥油汁鮮白鱔片飯，及豉汁鮮白鱔片飯，跟餐可加錢點飲品及小食。我們叫了椒鹽魷魚鬚，及吉列生蠔(3隻)，飲品叫了雀巢特濃香滑咖啡，及烏龍茶。白鱔片新鮮美味，營養豐富，口感滑嫩，無論白灼或豉汁都同樣好味。小食方面，一樣很有驚喜，椒鹽魷魚鬚惹味，粉漿非常薄，外皮脆卜卜，魷魚鮮味。吉列生蠔亦香脆滋味，一邊吃一邊有蠔汁溢出，蠔味十足。值得一提的是，店員非常親切細心，為我們解說每款白鱔的食法，原來白鱔有這麼多的煮法，下次再來試試其他的菜式。

試試觀塘駱駝漆新嘢 竟然有⭐️麻醬花椒皮蛋拌烏冬跟餐加$22👍🏻表面鋪咗一層皮蛋 帶有少少花椒香👍🏻大量麻醬汁超濃厚 緊緊包住每條烏冬兩樣嘢加埋 味道出奇地好夾如果平時鍾意麻醬嘅朋友 一定鍾意呢一個撈烏冬.仲有新出日式牛肉丼飯 估唔到都幾大碗足料用左安格斯牛五花肉 加埋韓式炸雞球$68表面仲有流心蛋‼️佢哋炸雞球 同小食吉列炸蠔都好出色👍🏻咬開炸蠔勁juicy 係肉眼可見喺度流汁.除此之外 一定要試試佢哋招牌新鮮鱔球料理⭐️白灼秘製蔥油汁鮮白鱔片飯$68😋簡單白灼蔥油已經好惹味 用蔥油汁送飯一流😋最能夠感受到白鱔嘅鮮味⭐️蜜錢鳝球拼雞球飯$86👍🏻醬汁甜甜地 炸鱔球肉質更加爽彈如果鍾意食鱔肉朋友 一定要嚟試試‼️你哋又覺得點呢？.#hkfunfoodrecord窮遊香港#hkfunfoodrecord_觀塘.#鮮活之味 (觀塘) @freshhomekitchen 地址：觀塘開源道60號駱駝漆大廈第三座11樓G室..#飲食 #美食 #hk #香港 #food #hkfood #hkfoodie #hkfoodies #hkfoodblogger #hkblogger #香港美食 #牛頭角美食

今次跟家人再到訪「鮮活之味」~ 佢地嘅招牌鱔魚真係好好味！中式同日式製法都有。我地就揀了中式風味，醬油鮮白鱔同炸鮮鱔球。★花椒醬油汁鮮白鱔片飯（大盛）★這道飯的鮮片非常嫩滑，口感鮮美，花椒醬油汁增添了一層香氣和微微的麻感。珍珠米飯軟糯可口，吸收秘製醬汁，味道甜美。★蜜錢炸鮮鱔球飯★蜜錢炸鮮繕球飯搭配了半隻糖心蛋。炸鮮繕球外脆內嫩，口感彈牙。味道鮮美，配上帶有微甜的蜜錢醬，味道層次分明。★椒鹽魷魚鬚★椒鹽魷魚鬚炸得金黃酥脆，但份量較少。【鮮活之味】📌觀塘開源道60號駱駝漆大廈第三座11樓G室

好鐘意食魚，特別係鱔，中式做法又好多花款，今次去觀塘工業區呢間專食鱔嘅餐廳，除咗中式做法，仲可以日式鰻魚做法🥢椒鹽鮮白鱔球飯炸得超香脆，皮脆肉滑，而且好大碟，配糖心蛋，飯仲可以轉紫菜飯更豐富🥢白灼秘製蔥油汁鮮白鱔片飯簡單白灼製法，較健康正氣，配秘製蔥油汁好惹味，轉埋魚湯米線，魚湯幾好飲🥢椒鹽魷魚鬚一樣炸得好香口，肉質幾爽🥢白灼秋葵秘製蔥油汁簡單好食🚩鮮活之味 (觀塘)📍觀塘開源道60號駱駝漆大廈第三座11樓G室

同一位住九龍灣嘅朋友又到觀塘覓食，駱駝漆大廈向來系大家不二之選，原來戈度有一間餐廳專門以鱔入饌，令客人品嚐到高質白鱔菜式。✿ 牛油蒜香雞翼 $28諗起越南餐廳都會有呢道菜式🇻🇳喺呢度竟然都試到。牛油沾滿整隻雞翼，香氣十足，當中亦充滿蒜香🧄蒜蓉控不能錯過呢。✿ 真蒲燒鮮鰻魚飯 配糖心蛋半隻 $118蒲燒鮮鰻魚飯鰻魚表面沾滿鰻魚汁，鰻魚口感軟稔，經過蒲燒方法烹調後令其鰻魚同醬汁更入味🤎加$10有紫菜飯，通常有紫菜飯都會揀紫菜飯，海量紫菜加飯好開胃💚✿ 花椒醬油汁鮮白鱔片魚湯米線 $93花椒醬油汁配搭惹味🔥辣度對於食得辣嘅友人黎講恰到好處，我就覺得有啲辣，不過都幾好未至於食吾到👌🏼白鱔片好新鮮，每一口都食到香濃花椒醬油味🌶️魚湯米線魚湯清甜，有解辣作用。

起10/8嘅時候，同朋友走左去觀堂駱駝漆大厦，無意中見到有呢問專食鱔魚嘅店舖。當時雖然係午餐時候，但冇話特別多人，環境比較靜，格局比較似新裝修，但店員服務算ok。不過水要自己去吧台拿。當時就叫左個日式芥辣味同中版豉椒醬油味。鱔魚係切片上，都可以食到佢蒸魚特有嘅魚油香味同鱔魚特有嘅彈牙口感。日式芥辣味係甜醬油打底，然後外加一小堆芥辣放起碟側面等你自己混合。食落口味偏甜咸味，加左芥辣之後味道會更加復雜，係點精之筆。而中版則應該更加符合香港人嘅口味，係家常蒸魚嘅味道。個汁主打咸，鮮，辣，醬油嘅咸外加上辣椒同豆豉令到鱔魚嘅肥美更加突顯到出來，因此送飯一流。整體呢講食物質數高，價格親民，午市大約100以內，我記得好似60-80左右。份量唔係特別多，如果胃口較大嘅話有可能會覺得唔滿足，但正常應該係夠食。比較推薦。

觀塘工廈有間鮮活之味，主打白鱔而且價錢合理，便入去一試。🔆蜜餞炸雞球飯  $56  +轉魚湯拌飯 $16炸雞球外脆內嫩，蜜餞嘅甜味同炸雞嘅鹹香都幾夾，魚湯用白鱔骨熬製，無添加味精，熱辣辣加上濃濃嘅魚香味，飯粒吸滿湯汁，好滋味。🔆日式芥辣醬油汁鮮白鱔片 $68 鱔片新鮮滑溜，搭配芥辣醬油，香氣撲鼻，加$10轉咗紫菜飯，紫菜香氣濃郁，仲加咗大盛$30，鱔片份量十足。🔆椒鹽魷魚鬚 $35魷魚鬚炸得香脆，椒鹽調味適中，咬落去有咬口又唔會太韌。🔆浸娃娃菜 $22清淡嘅湯底配娃娃菜，清新去膩之選。🔆可樂冰冰涼涼，正好中和咗炸雞嘅油膩感。

*/鮮活之味✨餐廳環境環境非常光猛，雖然喺工廈裏邊，但都非常乾淨企理👍🏻👍🏻✨炸餃子熱辣辣，非常爽口，而且加上少少香草，將餃子嘅味道揮發得更上一層樓😍😍✨牛油蒜香雞翼外觀十分吸引同大隻，加上餐廳嘅自製醬汁，食落口感好惹味😋😋✨韓式炸雞球飯加魚湯見到個炸雞球擺設非常有心思，醬汁散落嘅位置都非常有層次，魚湯十分入味，充滿着滿滿嘅鮮魚味道🤩🤩🤩鮮活之味 (觀塘)觀塘開源道60號駱駝漆大廈第三座11樓G室

見網上有介紹，難得有食鱔既舖頭，一於去試下。店鋪採用QR落單，店內亦有wifi提供，店員都有走過黎問我有冇落單困難。店內有面壁位，對於單丁友黎講幾友善。部份既櫈係一般圓形木櫈，正正常常唔算坐得好舒服。另外要留意返既係佢地唔收現金，所以要記得準備相關電子付款方法。食物方面，叫左一個白灼秘製蔥油汁白鱔片。鱔片有九塊，雖然唔算好厚身，不過口感都算彈牙。蔥油汁甜甜地，唔會好咸，適合送飯。總括而言，味道正正常常，未至於好驚喜，抵唔抵食就見人見智，鍾意食鱔既人一試無妨。

一心嚟試吓個鱔，3人前，叫咗「白灼秘製蔥油汁鮮白鱔片飯」、「椒鹽炸雞球飯」同埋「椒鹽炸鱔球飯，配糖心蛋半隻」。另外叫咗個「秋葵」做前菜，每人再加錢要咗個魚湯。個蔥油汁白鱔我哋就覺得普普通通，蔥油汁其實唔算重，似純粹普通蒸鱔味道。椒鹽炸雞球ok嘅，而個椒鹽炸鱔球就再香口啲，好味過蒸。秋葵就中規中矩，個魚湯都重魚味，好彩唔「醒」，但就比較油。始終價錢算抵，都不失為打工仔其中一個好去處，地方都算舒適，值得一試。

平時出去食鱔一碟都賣百零兩百蚊，就算去雙餸飯店賣淨餸都最少六七十蚊。觀塘駱駝漆有間專食鱔嘅餐廳，新鮮即叫即整仲配埋飯都係賣七八十蚊，仲有每日新鮮用鱔骨煲嘅魚湯米線，味道同價錢都完勝！今次我哋做咗餐廳嘅第一個顧客，佢一開門就已經衝咗入去🤣蜜餞炸鮮鱔球飯，配糖心蛋半隻鱔球即叫即炸，薄薄嘅炸粉包裹住鱔球，令到魚肉保持鮮嫩多汁。慶幸加咗$25選擇咗大盛所以好大碟，有成十幾嚿好大嘅鱔球，每一舊都炸到好香脆，加埋醬汁同埋青蔥，一流嘅配搭！白灼秘製蔥油汁鮮白鱔片+魚湯米線相比炸鱔球，蒸白鱔片更加食得出魚嘅鮮味，自家秘製蔥油汁非常惹味，魚湯米線湯底清甜，又健康又好味。韓式炸雞球飯呢度除咗鱔之外，仲有其他嘢食可以揀，例如炸雞頭，豬腩肉，雞髀。我哋揀咗韓式炸雞球，啲雞炸到大大嚿又好脆，而且雞肉有肉汁，又唔多肥膏，啲汁酸酸甜甜好開胃。

最近放工多咗去觀塘，我返工嘅地方一樣咁塞車，但係就係美食沙漠，反而朋友成日約我去觀塘，就有好多樓上美食，平靚正！APM睇完戲就去咗附近食鰻魚，係真。鰻魚。晚飯套餐，只是幾十元，有小食仲有甜品，性價比很高。椒鹽魷魚鬚QR code落單，見到最新推出的小食，一於試吓椒鹽魷魚鬚，滿滿的海鮮感覺。椒鹽惹味，魷魚鬚炸得黃金酥脆，食到有少少辣，多了一份微辣的香味。咬落彈滑有口感。真蒲燒鮮鰻魚飯 配糖心蛋半隻賣相充滿和風感覺的真蒲燒鮮鰻魚飯 打卡一流，鰻魚厚肉，充滿鮮香味，濃鮮蒲燒香味，灑了芝麻和秘製鰻魚醬汁，配糖心蛋半隻可以一吃。唔係好多地方有得賣鮮鰻魚，有少少魚骨，都幾重魚味，唔會太肥，油脂都幾平均，唔會勁肥，新鮮好食。椒鹽鮮白鱔球飯，配糖心蛋半隻新鮮炸起，椒鹽鮮白鱔球好有鑊氣，材料十足，豐富白鱔肉的質感，細緻分明的口感，每天限量供應。蘋果金寶芝士蛋糕估唔到小店咁有水準，甜品叫咗蘋果金寶芝士蛋糕，都重芝士味，另外蘋果金寶餡料都幾多下，抵食大件，唔錯。