鮮丼家

营业中

休息中

突然之間好想食魚生丼，諗起屋企附近間小店就落去買先落到去見到門口多人到呢…連想行入去嗌個外賣都有啲難…叫左個三文魚拖羅蓉丼，樓面話要等十五至廿分鐘…哎呀，諗住叫可以外賣快快手返屋企添飲品方面可以自己揀汽水三文魚厚切都夠哂肥美，拖羅蓉就少左啲，亦都唔夠香wasabi少少都已經好嗆鼻，唔好落咁多呀～飯方面就有少少硬，希望店方可以改善下但整體係ok嘅，止到我嘅魚生飯癮

有幾次經過勝利道都見到呢間鮮井家每次都好多人喺度等位今次終於有機會去試吓啦，先來叫咗六件壽司佢哋嘅壽司價錢的確實惠每件都大大件，可惜壽司嘅飯略為少硬，跟住再叫咗一個滑蛋牛井一個炸豬扒同一個稻庭烏冬埋單＄207，有少許意見唔知點解好多時呢一啲主打食井飯嘅日本小店佢哋煮嘅井飯同炸物都會煮過時，令到本身好好味嘅食物都變得過老～可惜😔希望你地會注意架啦

某日下課，下午九時，路經勝利道，肚餓。便走進「鮮丼家」用膳。認真，鮮丼家的清潔程度有目共睹，污迹隨處可見。笨妹點了一個「蒲燒鰻魚丼飯」（單看鰻魚飯後的枱角，亦不難發現污迹⋯⋯）笨妹等了約半小時，終於上菜。簡單評，麵豉湯，無味，喝了一口便算了。沙律，有異味，吃了一口也算了。鰻魚大小，對得起價錢，甚至比想像中大件。亦是整頓飯唯一滿意的一環。而蛋絲，是笨妹吃過切得最粗，味道最淡的一家（吃下去的感覺近乎沒有調味）飯方法，接近爛飯，失去珍珠米應有的口感。所以，算了吧。但喜歡鰻魚的朋友，笨妹或許會作不負責推介。

小妹住了窩打老道區已廿多年, 自從勝利道的海南雞出名後, 近年來這條街已逐漸變成了一條食街. 而價錢亦相對逐漸提升.  新開餐廳不斷開...結....開.....結.......單單日本餐廳, 由當時一間主打外賣......到現在開了3間.  分別是平, 中, 高3個路線. 今次要介紹"平"這間, 不單價錢較平, 小店2張枱既格局+主打外賣路線很平民化.  所以夏天LUNCH熱辣辣無乜胃口, 最消暑除了冰淇淋外, 要飽肚既更係食魚生飯啦.   不要單看這店子細細, 餐牌上的款式可媲美大店. 除了招牌主打的丼外, 還有刺身, 壽司, 手卷, 熱食, 炸物.....第一次幫襯外賣時真係等足差不多半小時, 一來店子細只得一個樓面哥哥, 看入廚房都好似得2個廚師, 而且等外賣既客人都車輪轉不斷, 再加上我其中一個飯是滑蛋豬扒飯, 又要炸又要煮所以令整張order既魚生飯都要等這碗豬扒飯先攪掂.  第二次我們學精叻了, 先安在家中致電order, 差不多時間才落去拎, 就可以食到快靚正便當啦. (通常魚生飯都好快有, 係熱食先要等咁耐先有) ^o^講完order秘技, 講番食物質素, 每個餐都包

其實這是日本定食小店,不是賣燒鵝的,燒鵝只作比喻,不要被標題誤會我不是第一次光顧這間(好濟迫)的小店,只是以前沒有寫食評的習慣而已這間深受街坊歡迎的小店出名平靚正,我們今次點了三色丼及粒粒魚生丼, 其實魚生飯不用解釋太多魚生新鮮,及珍珠米夠香就是完美.鮮丼家的魚生夠新鮮,三色丼有三文,吞拿,鱆紅,甜蝦,仲有甜蛋,全都很新鮮,真係魚生多過飯,可惜美中不足就是飯有微微比較硬左小小,可能因為灘凍左,但完全可以接受. 有小小當年在日本那些近魚市場的廉價食堂感覺,又平又新鮮.以這個價錢來說,出面一定吃不到呢個質素,出面一定要$150-200, 呢度真係堅抵食.

已經係第二次黎食，質素依然咁好～😋😋餐廳到左午飯時間總係多人，好彩唔洗等好耐😆叫左個壽司定食同海鮮定食鍋燒稻庭烏冬壽司質素尚可，魚生唔算厚身，但就新鮮，鮮味足，飯就好大舊，餐跟烏冬質素都比較差， 質地比較硬身但餐廳嘅熱食卻令人驚喜！！！！😋😋😋烏冬係稻庭不在話下，重要嘅係比大部分既餐廳足料，好抵食！！！ 鍋燒材料新鮮，蝦新鮮彈牙，廚師細心剝左蝦身既殼，唔洗自己剝，青口大件無腥味，豚肉同海鮮同鍋，但海鮮唔會太熟而令到材料好軔，豚肉唔肥，都唔老，湯底唔會因為有肉同海鮮而變得又腥又油，反而湯底仲好清，大讚上菜時仲熱辣辣餐仲附送野飲，現時日式餐廳少有既抵食～^_^但環境比較擠迫

看報紙專欄有介紹這間新日本店，聽聞又平有好食，今天經過這區便專程來試試。店子小小，地方非常淺窄，我們兩人進去只有剛好兩個bar枱位置。叫了一個 toro 碎手卷$30（紙菜太「林」了，吾新鮮，toro ok,好多料，未必係上盛toro,不過加了蔥和芝麻，入口幾野味。另外還叫了一個滑蛋鰻魚丼餐，送miso湯，魚皮和一罐飲品$52（可以。幾有心煮，蛋很滑，鰻魚料頗多，不過蛋有點地方不熟透，有生蛋白的汁流在飯裏。）還可以la，其實平均消費大概$50，今次為了想試多一點，叫多了一個toro手卷，所以食貴咗。在這區找一家正中日本菜很難,但仍可選擇這家便宜經濟小店。

是日節目豐富, 練完歌還有不到四十五分鐘的時間就到下一場, 既然如此, 就來這裡買兩客丼回教會吃吧. 新店子, 地方不大, 堂食的位置已經全部爆滿, 也是正常的, 畢竟勝利道的客源在星期日下午是從來不欠缺的.看看餐牌, 沒有午餐, 只有a la carte, 即是午市的價位沒有便宜一點. 就在當中揀了兩客丼, 五十多塊, 真的偏貴.滑蛋豬扒丼飯 $52: 6分, 豬扒炸得比較乾身, 皮不夠香脆, 還好的是肉質不會太實. 蛋已經老了, 做不到滑蛋的效果, 也不能夠把蛋汁撈在飯粒上, 吃的時候會覺得白米飯是比較寡的.和風牛肉丼飯 $58: 7分, 相比之下, 是比較喜歡和風牛肉丼, 牛肉的肉質還可以吧, 加上洋蔥及芝麻, 是幾香口的, 如果能夠下多一點醬汁會更惹味呢.還包餐飲, 文迪要了麵豉湯, 偏鹹. 我就要了可樂.這裡的丼, 以午市來講, 不算便宜, 水準亦只算一般, 份量更是偏小, 文迪跟小吉兩口子就好像不太足夠了. 匆匆吃完飯, 是時候預備彈琴了.