鮪壽司日本料理 (已結業)

帶肥髀去灣仔做證件，事先去搵食先，行到呢間門口，黑木門面比較深沉，經趟門入內，日式嘅內部格局，魚生吧枱、日本人裝飾，桌椅幾迫！ 當時爆晒場，店員都好忙，落完單食物陸續到！自選丼丼定食海膽蔥吞拿魚腩蓉飯（$95）賣相幾好，同配菜嘅蟹籽沙律放埋一個相連碗，幾得意！但我食緊飯時，肥髀要夾沙律就唔多方便，海膽表面有啲溶，味道微微甘味，蟹籽卜卜脆，味道鹹鹹地，吞拿魚蓉比較啞色，魚油有點凝固，所以唔鮮，蟹柳比較實！一般，珍珠米太實，無加味，整體一般三色魚生飯（$84）肥髀食，三款魚生加蟹柳！跟餐：蟹籽沙律：青瓜爽脆，沙律醬唔會太多，酸酸地開胃，仿蟹柳淋身，蟹籽卜卜脆鹹香！好味！關東煮：湯夠熱微甜，加啲唔同款式魚蛋類配料，彈牙好味，白蘿蔔白甜無渣！麵豉湯：夠熱，唔會太鹹，配料係豆腐同菇！好味！芝麻雪榚糯米糍：獨立包裝，細細粒，雪榚鬆軟，好香濃黑芝麻味，糯米糍皮煙韌！唔太甜好味！燒魚干（$42）熱辣辣有咬口，味道鹹鹹地，點埋沙律醬酸味，好味！食物ok,店員有禮，我漏咗把遮返轉頭攞，佢哋都幫手搵（跌咗落枱底！）幾helpful!午餐價錢抵食！晚上應以居酒屋形式！可以一試！

a bustling little shop serving #sashimidon at a very reasonable price $88😋 comes along with #misosoup and a self-picked sides, and we had #oden #japanesefishball ended with iced mochi😋4 slices #salmon😋2 slices #tuna😋2 slices #hamachiThey are all fresh and topped with #greenonion #egg #fishroe .Warm rice but not heavily drizzles with vinegar .Juicy white carrot from the oden and very generous portion of Japanese fishball and tofu! Although the fishball is too soft for me but they taste good and n

今日同左我好朋友去鮪壽司食飯，我已經來過呢間食過好多次，好多好野!平時好多人，所以一定要早D訂位，以前平日試過walk in , 無晒位，，，服務都好好，員工好有禮貌我次次黎都一定要咖哩豬軟骨飯，蕃茄沙津同超長超厚的三文魚壽司，次次食都吾怕悶 2個人食5佰蚊好抵食呀!

之前試過食午餐,今次預先book 位食晚餐,否則去到好多時沒有位。但係今次去到要行去後巷,再係隔離轉上樓上,樓上比較簡陋,沒有吃日本野既感覺,樓底又矮,沒有裝修,但就比較濶落。想吃清酒蜆肉,但係已買晒,選了炸蠔,壽司,炸蝦天婦羅及豬骨湯烏冬。炸蠔既炸醬很脆,而且蠔保持新鮮有肉汁。壽司一般,炸蝦天婦羅祇有幾隻,但炸粉剛好,很薄,但蝦好細隻。烏冬一般,唔多彈牙,湯底都算好味道。

上回到訪鮪壽司是年多前的事，今次再訪，同樣要於閣樓安座，樓底很矮，環境配套一般。午市套餐二十餘款，大部分不過百元，相對附近的日本料理不算貴。先來的是沙律、蒸蛋及味噌湯。沙律賣相普通喇，配上帶少辣的洋蔥絲及汁多甜美的鮮茄是賣點。蒸蛋送上時保鮮紙仍未拆，是否有空間做好一點？！可讚的是蒸蛋比預期香滑。味噌湯食味偏淡，普通。主菜銀鱈魚西京燒魚肉入口油潤滑囗，魚香不俗，算物有所值。甜品是維記雪米滋，誠意度一般。

來這店是之前經過看到它相當80年代嘅門面, 其實這正正是最經典嘅日本料理店(地鋪)嘅門面, 二, 三十年都可以係呢個樣, 入內見裝飾亦是那份港式格局, 招呼客人的中年男仕似乎是老板, 每枱客人推門進入他們(老板/待應)都會問: 有無訂枱? 但似乎沒有聽見過有客人答他”有訂枱”! 所以好奇怪地想他們這話” 有無訂枱?”何解?? 唔通這話是”暗號”?其實他們是間諜? 哈哈! 可能呢排看多了間諜電影, 而這店的冷氣開得頗大, 某些枱嘅食客會要求轉枱, 而這種食店一般食材準備都未必好充足, 所以老板會好若無其事地跟客人講, 話呢樣食材無貨不如轉食嗰樣等等, 以現在行系統化管理嘅食肆來看可能有些客人被窒住窒住咁落柯打會黑面都唔定, 但以前舊式人就會行呢套! 當日叫嘅食物上枱速度都算幾快, 可能同客人唔太多有關係,蛋壽司 $26 - 係凍食嗰隻而非時下嘅即做暖食, 所以這只是一般吧和式軟殼蟹沙律 $58- 這個沙律值得讚一下的是用上了日本桃太郎蕃茄, 那蕃茄通常蕃茄味清新, 脫去薄薄嘅茄皮後那茄肉表面沙沙嘅口感是桃太郎蕃茄嘅特色, 本地蕃茄完全不是這樣的, 淨係呢個蕃茄應該用咗成本的1/3了,

今日約了漂亮師姐們聚一聚，師姐介紹她工作的地方附近有一間不錯的日式餐廳，所以我們就約埋一齊試試啦～還好師姐一早己訂位，餐廳小小的，只能容納二十人左右，我們到達的時間，餐廳已滿坐，如果沒有訂位的話，相信要等好一會呢～雖然是星期六，但依然有Lunch set 供應，而且很抵食呀，$70-90左右已經有主食加小食，主食的選擇也不少，就按自己喜歡的點吧～師姐點的鰻魚飯拼冷豆腐先上桌，豆腐非常嫩滑，配上甜甜的醬汁，很美味！鰻魚飯被滿滿的鰻魚覆蓋著，有別於一般的鰻魚飯，這兒的鰻魚用了斜刀切法，令醬汁的覆蓋範圍較大，味道更濃，而且肉質滑溜美味呀！另一位師姐點的是吉列豬扒烏冬，吉列豬扒鬆化而且不油膩，不錯～另外我們三人都不約而同的點了三色魚生飯拼蟹籽沙律，果然共處了那麼多年，口味都變的相近呀！先試沙律，清爽的青瓜加上甜甜的蟹柳脆卜卜蟹籽酸咪咪沙律，很開胃的前菜！三色魚生飯有肥美的三文魚、吞拿魚及油甘魚，全都新鮮肥美！飯中還有一小件蛋卷及蟹柳，令魚生飯的內容更為豐富！另外也有一碗麵豉湯，味道也不錯，不會過鹹，連不愛麵豉湯的小妹也飲了半碗~ 另外我們又點了銀鱈魚西京燒及芝士年糕分食銀鱈魚西京燒很出色呀！魚

開始作病，反而想食生冷嘢。搵咗呢間未食過嘅响灣仔。理論係：如果病住食平價店嘅魚生都冇肚疴/嘔，咁呢間應該好衛生。如果加埋好味道，咁就搵到飯堂喇。去到已經13:40唔使等。要咗海膽吞拿魚葱飯。先上嘅炒雜菜，份量足，熱燙好味。主食嚟到，啲魚生都幾多份量。吞拿魚唔夠肥，但海膽有5-6瓣，都幾鮮甜，飛魚籽就增加口感。紫菜、葱落得算多，如果芝麻多啲仲香口。蛋、薑片都正常。麵豉湯頗有麵豉香，落咗滑子菇比街嘅特別。最後送糯米糍好似係蜜瓜味，食落正常。返到去咩事都冇發生，身體健康～平時食碗吞拿魚葱好平都要一百以上加一，呢度有埋海膽都係$90+10%，太抵食，平平地去食都唔錯。

冇情人既我...情人節差d就去左食一人套餐了...好在朋友永遠是最好的有佢地係度, 冇情人節都唔一定要留係屋企既~唔怕膽固醇超標既我地,一黎就叫左名菜鵝肝多士~鵝肝最考功夫唔係腌或者厚度,而係時間,一過火就唔好食了~呢度既鵝肝煮得岩岩好,7成熟, 滑滑既口感加上多士同埋醋汁,滿口油但好滿足啊!沙牪雙拼~牛肉他他+芒果蟹籽沙律牛肉他他通常都係酸酸地,就咁食冇乜特色,但廚師巧妙地將沙律同菜放埋一齊就令肉味更突出,好食~另外, 芒果好甜啊~ 非常新鮮~呢個刺身飯既海膽好多啊!而且好新鮮!3-4年前開始香港海膽已經買少見少了...咁新鮮既就更少了不過只得海膽就未必失色左少少,唔夠"餸"呢!

我每禮拜三我都會同屋企人食餐飯，哥哥之前介紹過呢間鮪，所以一直好想試。終于星期三好開心地跟一家人過海去到灣仔，專程來到這間餐廳。 之前訂咗臺所以唔使等位。其實人不多，只是地方細。 我記得之前訂檯的時候因為哥哥曾講過這裏的海鮮，刺身都是空運來的，所以有些有可能要預訂，叫佢留貨。所以我訂位的時候已經講過問過，有無甚麼需要預訂的刺身，如有的話我可先預訂。工作人員同我講話唔使，又唔係Seasonal。我去到嘅時候，媽咪想開條魚，可惜廚師話冇賣晒，唔緊要啦有時真係好難遇到。睇到牆上面的廚師推介，有原隻活刺身北寄貝，生蠔，帶子，象拔蚌。 當我叫三樣刺身三樣都冇，只剩生蠔嘅時候，我同自己講唔緊要啦廚師推介係好快俾人食晒嘅。 不過有少少時嬲嬲地，點解我在電話上問過需唔需要預留刺身的時候，你地話唔洗？ 是但啦，一間日本餐廳有好多其他刺身，叫其他！ 最後我哋叫咗三樣好普通嘅刺身，油金魚，三文魚同吞拿魚。 佢兜咗個圈之後再同我講，唔好意思小姐我哋無吞拿魚。。。 唉！簡直係過分！咁基本嘅魚刺身都冇，點做日本食店啊？你就算做壽司你都要刺身來做壽司啦？！ 點解唔一早同我係電話度講，要呃我過來啊！？我哋真係特登過嚟

在灣仔尋找小店,行了十五分鐘,覺得自己漫無目的,胡亂步行,好在見到一間叫鮪壽司的日本餐廳,但隨意內進一般日式小店,我都唔敢食剌身,因為中伏機會不低,但看過其他食客,都係以剌身定食為主,便放膽一試,點一個$88海膽蔥吞拿魚腩飯包了蟹籽沙律和味噌湯的LUNCH SET,包保食得飽飽吞拿魚腩蓉認真不算少,足夠約一碗飯伴食,肥美度不算好高,但魚味還算不差,適當的蔥花提鮮,還是美味的.值得一讚的反而是那片海膽,的確新鮮飽滿,沒有異味,鮮度夠高,十分甘香.以$88既角度來看,其實已經好不錯令人滿意的一餐.忘記了用不用加1,價錢當作$100吧

吃過最好味的拉麵, 义燒拉麵必吃, 豬骨湯底好正, 湯味濃, 麵條軟硬度煮得剛好, (實在是吃過一些拉麵是未煮熟或仍是硬的). 义燒的肥瘦也適中, 不肥又不太瘦, 可轉配鳥冬但不用加錢, 午餐定食可配三文魚壽司, 或餃子, 食物絕對配得起價錢. 朋友吃了吞拿魚壽司飯, 每次去每次都點, 雖然比較貴但她仍然喜愛.介紹多位朋友去過都讚不絕口.可以因為太根吃, 每次一點正時間都要等位大概5-10 分鐘, 但1:30 後就比較易有坐位了. 坐位不算逼, 如太多人更可上閣樓

9-5-2014(Fri)我同男友同男友o既女友人SL應男友人AY之邀,再o黎呢間食晚飯,AY係呢o度o既熟客,佢book o左個位後,請店方揸主意決定菜色.由於SL最晏放工,我o地三個就先食小食,邊食邊等.AY再先叫一盒一公升o既Choya梅酒,同樣地,隻酒係重梅子味,極易入口.小食到喇,先o黎:1. 燒雞泡魚乾熱騰騰又軟硬適中,既有咬口又唔會太硬,又燒得好香,好食. 2. 香芒蟹籽沙律上次都食過,今次食,芒果好甜,美,青瓜絲o個啲冇乜問題. 3. 軟殼蟹蕃茄沙律蕃茄亦好鮮甜,由於我唔係食好多腍o左o既軟殼蟹,所以都試唔真,不過之後o黎到o既SL食o左就大讚好食.4. 汁煮南非鮑魚(漬物)同上次一樣,大廚將鮑魚’界’開,一啖食落,超美味,既食到鮑魚o既濃鮮亦食到汁o既味道,口感亦一流,真係停唔到口. 5. 極上加拿大海膽又同上次一樣,有紫菜同壽司飯,海膽顏色好靚,我o地用紫菜同壽司飯包住食,今次食到鮮甜味,好滿足. 6. 鐵板牛油炒花甲花甲zice適中,一食落去食到好香牛油味,花甲o既鮮甜味亦冇被遮蓋到,好食. 7. 鐵板廣島蠔o衣o家咁大隻肥美,咬落juicy又嫩又冇渣,

是日公司齊人，連老董事也出動說一起食 lunch。上司想起了食日本餐，結果拉大隊來到了灣仔道的普樂里，一家不太顯眼的日本餐廳，吃午市定食。有時候覺得，有不少日本餐廳，尤其是在灣仔一帶，設館於橫街小巷，若是不用心去留意，你是絕對不會發現的，但這些店，總會有一些常客，常常擺低支酒，回來時邊吃邊喝。我們來時是午市，當然也是以午市定食為主要食糧。近來，每次去食日本菜，都沒有點上魚，這一次既然有鰻魚飯，我就覺得要吃上魚我才會開心。這兒有不同款式的定食可供選擇，而其中的一堤配搭，就是併上關東煮的，所以我叫的食品就是如題的，鰻魚飯加關東煮。賣相，也許認該只是碗子夠特別吧，一個孖碗，一邊裝飯，另一邊裝關東煮，兩樣完全不同的東西，一碗過拼著上，很有趣 (我指個碗)。碗內的鰻魚，鋪排的方法與我食開一盒子的方式有不同，這樣的斜切法能夠突顯其肉質豐富的感覺，看起來也好似好多肉，視覺上的確是比較好。味道上，同樣是醬燒，但這樣的切割方法好讓魚肉多露出，也多了許多平面，吸收醬汁，令鰻魚，更加之濃香。另一邊，是清澈的關東煮。關東煮，好簡單，就是以清湯把丸子，日式魚腐等烚熟就成，丸子，日式魚腐都爽口，而且充滿了味道，只

週日母親節正日，依據母親大人喜好吃日菜，在云云選擇中選了在普樂里開業的小店「鮪壽司」。鮪壽司店舖不大，座位略迫，是次用膳被安排於樓上閣樓，上樓前先要經過濕暗後巷，衛生感覺打了節扣，另要上一層樓梯，扶老攜幼不太方便。閣樓樓底矮，更有多條橫樑，行經要提防碰頭，整體用餐環境一般。食物方面，各式日式食品皆有提供，價錢不算貴。一行六人選了一份四至六人餐($888)，另加了數碟刺身小食。珍味四點盛：各式冷盤小吃，以爽口海鮮如海蜇、螺頭等入餚，另配上酸辣醬汁，可為味蕾帶點刺激，熱身一番！牛肉他他沙律拼芒果蟹籽沙律：相比四點盛，此冷盤口味明顯「低調」得多。牛肉他他外層微微烤熟，保留牛肉原味精華，當中加入洋葱等較濃味的配料調味。芒果蟹籽沙律則以大路的青瓜絲及紅蘿蔔絲製成，無乜特別。鱆紅魚薄切：薄薄的鱆紅魚鮮甜爽口，好吃！特上什錦刺身：各式刺身用料不俗，普遍厚肉富鮮味。小弟吃的其中一片刺身帶骨，刀功要稍作注意。原板加拿大海膽：海膽份量多，味甜不腥。用上的紫菜脆口無欺場。清酒煮花甲皇(另加)：花甲皇夠大隻，爽口清甜，酒香亦恰到好處。鐵板煎廣島蠔(另加)：廣島蠔經鐵板煎煮後香口度稍作提升，成品食味合預期。季節