鮨樂 (加連威大廈)

营业中

休息中

放工與朋友喺金馬倫道行街shopping 🛍後，見到這間日式🇯🇵料理餐廳，木系裝修，感覺好舒服，入去試吓先。小食先到：🌱枝豆$25: 經鹽水略煮後，豆莢翠綠，豆粒飽滿，一邊食，一邊傾偈，幾好。🐟鮟鱇魚肝(小食)$58: 細嫩柔軟，喜歡那在口中慢慢溶化的口感。🦀蟹肉海鮮蒸蛋$35 x 2: 一打開蓋，賣相好靚，三文魚子粒粒金黃飽滿，配以鮮甜嘅蟹肉，嫩滑嘅雞蛋，好味。🍣竹壽司盛合（10件）$228: 裏面有拖羅、吞拿魚、油甘魚、赤蝦等等，刺身很新鮮，甜度亦足；赤蝦十分鮮甜爽口。🐠鹽燒油甘魚絞$98: 燒得好香口，魚絞位其實有好多肉，食前沾上日式酸汁、蘿蔔蓉、香蔥，可提鮮。🐮牛肉稻庭手打烏冬$78: 幼身嘅稻庭烏冬，好滑，配以鮮嫩嘅牛肉，食完暖心又暖胃。

鮮美有質素 值得encore嘅壽司店～～～好不容易辛苦工作 挨到了星期五 當然要好好慰勞自己一番 一收工就過咗嚟尖沙咀呢邊同好朋友一齊食壽司～～～呢間壽司店之前未試過 朋友極力推介 就決定試下 餐牌選擇都幾多 仲有晚市omekase揀 最後我們就選擇了兩款壽司盛盒 兩款軍艦 和一個手卷🍣～～～-松。壽司盛盒-原條海鰻壽司盛盒～～～兩款式盛盒嘅魚生質素都很不錯 尤其喜愛甜蝦 三文魚 熟蝦 海鰻 甜蛋等等 甜蝦🦐肥厚大隻 三文魚幼嫩無筋 熟蝦 鮮味唔冰鮮感 海鰻香甜 而 甜蛋就夠濕潤 壽司飯入邊亦都加入左赤醋 感覺特別開胃 而虎蝦天婦羅手卷味道亦不錯 整體來講佢哋蝦嘅質素都好高 無論係刺身 熟食 定係天婦羅 三者都感覺不錯～～～特盛蟹肉蟹膏軍艦特盛香蔥吞拿魚腩軍艦～～～兩款軍艦裏面 個人更加偏愛香蔥吞拿魚腩 雖說蟹肉蟹膏亦不錯 但吞拿魚腩魚鮨味非常濃郁 入口有種魚油滿滿嘅感覺 令人想一再encore🐟～～～鮨樂 (尖沙咀)尖沙咀加連威老道12號加連威大廈地舖

上星期六大半時間都係做野...心情搞唔掂，好彩同朋友出黎食餐好，平衡返～一入到去個感覺唔錯，職員都好nice 帶我地入去同介紹menu。 個日兩丁友揀左個灸燒海膽丼，梅壽司盛合同吉列廣島蠔，仲叫多兩杯梅酒，非常豐富！單睇個樣都幾正咁，d 魚好新鮮同好多款揀，而舊壽司係用赤醋做調味的， 所以見d 飯唔係純白色，係有d 啡啡地，會酸少少，加埋上面魚生，好食又好特別，唯獨壽司裡多左少少wasabi，唔食wasabi 就要注意下啦～另外，當日是日推介有白子小食(聞說日本人好中意食），好似少有餐廳有，但個日無叫，無試到。而梅酒暫時得一款，但當食住壽司加左wasabi 辣辣地，再嗒返啖梅酒，都真係幾正既

鮨樂主打高質壽司，星期六日也提供多款午市壽司套餐，呈現豐盛的和風滋味。餐廳充滿日本風情，簡約的木傢俱陳設，低調優雅，食客坐在寬闊的卡位，用餐環境舒適。蒲燒鰻魚丼 $158 鰻魚丼非常誘惑，表面燒到焦香，充滿炭燒香氣。咬下去質感軟嫰，配上濃郁的燒汁，滿咀魚油香氣，蜜甜吸引。配上漬物，微酸減膩，每粒米飯都有醬汁的甜香，滿意窩心稻庭烏冬壽司定食 $128 壽司拼盤有: 吞拿魚、油甘魚、三文魚、大蝦、墨魚、玉子等，三文魚新鮮肥美，油香可口。油甘魚晶瑩剔透，肉質挺身、爽口，特質是肉質帶酸，細緻黏牙。吞拿魚入口鮮甜、柔滑，散發魚油滋味，大蝦肉質彈牙，十分滿足。稻庭烏冬質感扁長，把蔥粒及烏冬浸入甜醬湯，大啖啜入口，口感煙韌且順滑。金目鯛西京燒 $88西京燒是以西京白麵豉醬調味，金目鯛顏色鮮艷，配上西京燒法，賣相特別吸引。魚皮煎至微微焦脆，咬下咔嚓聲響，魚肉細滑，輕輕一叉便散開，沾上蛋黃醬，更能提鮮，令人回味。天婦羅盛盒 $78盛盒以木籃盛上，天婦羅佔滿碟面，有炸蝦、南瓜、茄子、蕃薯、蝦頭和冬菇，令人食指大動。炸蝦天婦羅新鮮炸起，入口熱燙燙，外脆內彈牙。蝦頭口感酥脆無比，過足口癮……茄子、蕃薯炸至濕潤

做完facial後，老公接我係尖沙咀鮨樂食日本野，無計啦，仲未出得去旅行，思鄉呀嘛。原條海鰻壽司盛盒成條海鰻長長的，肉質軟軟綿綿，加上醬汁搭配，很鮮味，身多又細飯，食魚都好抵。仲配搭其他壽司，有海老，炙燒三文魚，帆立貝等，很鮮味，而且仲有玉子，玉子蛋味香濃，仲印有餐廳名字，很特別。特選刺身丼飯上面都係滿滿的魚生刺身，有真鯛、三文魚、甜蝦、帆立貝，厚切帆立貝除了大粒，上面仲有黑松露醬，顯得好矜貴，食落仲要勁甜，加上嫩滑的三文魚，非常肥美。飯用了赤醋，非常開胃，更能帶出魚的鮮味。牛肉稻庭手打烏冬牛肉都大塊，岩岩熟，食落很嫩滑，加上手打烏冬都好有米香，天氣涼食返熱湯烏冬，很暖胃。岩蠔尖沙咀店限定，見到甘長身又肥美，老公覺得很滋味，擠出少許的檸檬汁，更能提升蠔味

日本控的朋友食完介紹，呢間位於尖沙咀#鮨樂， 說食物新鮮，叫我一定要去品嘗下。餐廳燈火光明，環境佈置有日本feel, 門口位置已有幾位師傅駐場，令人仿如置身日本空間內。🍱極上金目鯛丼，金目魚厚切色澤油潤，同白身魚一樣魚味重，三文魚肉質柔軟鮮甜，我哋將三文魚籽跟已調好味的飯撈勻，用匙羹食就食到啖啖爆汁嘅鮮味，真係食到停唔到口🤭。🍣北海道帆立貝壽司x1, 油甘魚魚腩壽司x2， 油甘魚壽司x2 , 本鮪（大拖羅）壽司x1。刺身都是新鮮厚切，無論是油甘魚腩或油甘魚都非常之肥美，帆立貝鮮甜爽口，大拖羅魚油脂味濃🤩。🌯虎蝦天婦羅手卷，蝦脆口爽彈，加上芥辣更帶出甜味，店員上菜時更溫馨提示，紫菜要盡快食才會脆口啊😋。星期日的晚上，食了一餐高質日本菜，心情愉快🥳。

冬天除了吃雪糕特別正之外，食刺身都有另一番風味㗎！有無人同我一樣覺得肉質係特別甜？😆於是乎我今日就去咗 #鮨樂 ，呢度五點半前都有午市套餐，用料上乘➕份量足➕抵食🎶所以成日都來開餐㗎！今日叫咗特選刺身丼 👉🏻有齊真鯛、三文魚、甜蝦、帆立貝，厚切帆立貝仲要勁大粒，真係勁吸引㗎！食落仲要勁甜，加埋滑一滑的三文魚🍣好肥美好味呀！特選北海道丼👉🏻海胆、三文魚籽、帆立貝、牡丹蝦、蟹肉，二百蚊就食到啦，全部高質高級食材，真係勁抵，仲要包埋誠意麵豉湯同精緻沙律😍丼飯本身有調味，直接加少少wasabe就可以食😋我鍾意全部攪拌一齊食，一啖有齊蟹肉嘅鮮甜、同三文魚籽嘅咸香仲有海胆嘅甘甜，一啖食晒落肚好幸福呀🥳呢度烏冬都好食，稻庭烏冬壽司定食值得一試，鍾意佢個烏冬係幼烏冬，吃起來的質感有點像蕎麥麵很爽口！然後還配備五件壽司🍣性價比超高！

午餐很抵吃，有齊湯律，麵豉湯及主食，座位乾淨闊落，店員很殷勤～特上壽司盛合（三文魚子，拖羅腩蓉，海膽， 吞拿魚，三文魚，甜蝦，帆立貝及油甘魚），海膽，拖羅腩及三文魚子料超多，匙羹半隻都填得滿滿；而刺身方面超新鮮，溫度剛剛好，刺身冧軟且很棉，很肥美～自家製厚玉子壽司～不太甜，蛋味濃郁，好味～稻庭手打烏冬～是較幼身的烏冬，煙煙韌韌很有口感，滑嘟嘟～炸雞軟骨～有很多粒，份量足，每粒都脆卜卜，很大粒～南瓜蕃薯天婦羅～南瓜及蕃薯都很甜，天婦羅炸得一點也不油膩，很香脆，正～宇治金時雪糕～很濃郁的綠茶味，雪糕香軟，紅豆蓉很香甜，完滿的句號～

食第二次#鮨樂 啦🍣🤫發現每次去食 心情都非常好🥰成個環境好舒服 員工服務態度非常好👍仲有一點就係 覺得佢哋既餐具好可愛😚〰️💓▫️特上壽司盛合(8件) $228見過好多foodie介紹食呢個☺️3件軍艦勁正 滿瀉嘅吞拿魚蓉 海膽 三文魚籽🍣全部都好新鮮 好鮮甜😳飯係經過調味的❣️▫️三文魚壽司盛合(8件) $65三文魚壽司食到好似刺身咁🤣！色澤好靚✨而且塊三文魚超。級。厚😳其實唔止三文魚 鮨樂所有壽司都好足料❗️好厚❗️▫️炸軟殼蟹手卷 $28我又食軟殼蟹啦🤣真係唔會厭〰️軟殼蟹都大件 食到肉同膏架🥰$28黎講真係超級抵❣️👍▫️葱粒吞拿魚腩手卷 $48男朋友order的 呢款相對就較為普通 吞拿魚腩份量絕對唔少架😎！▫️單點：炙燒原條海鰻 三文魚 油甘魚特別講下炙燒原條海鰻 非常出色 好軟滑 有少少細骨 中意鰻魚既就可以試下啦🤪整體性價比真係好高❣️非常值得一試〰️

有晚係尖沙咀收工個晚已經好想食日本野比我經過見到《鮨樂》想試好耐所以比左個藉口自己獎勵下自己食餐好既😛😛一入去你可以揀坐bar枱或者卡位其實呢 我就真係好想睇住師傅認真晚模樣但耐何個晚真係有d攰 所以都係揀番卡位😝卡位好闊落坐得舒服我地當日嗌左松 壽司盛合（8件）特選北海道丼吉列蝦反卷味醂魚乾壽司係以當日當造既食材黎配搭所以每日都會有驚喜而今日最出色既就係中拖羅油份岩岩好 好新鮮基本上款款都好新鮮 蝦好爽口而墨魚出面食個d係好膠但呢到係好爽口好食！！特選北海道丼滿滿既蟹肉好正帶子新鮮而且有厚度海膽色水靚口感好最驚喜係佢既三文魚籽用左柚子醋去醃應該每食一嗎個口腔係充滿好清新既柚子味勁好食呀！！！🤩🤩🤩🤩🤩🤩🤩呢到既壽司，丼飯都係用赤醋飯，特別好味吉列蝦反卷蝦炸得好脆，唔會好似出面層炸衣好硬，係好酥脆，而蝦係爽口的味醂魚乾我係去每間日本餐廳如果有呢個我都會勁嗌，因為真係好好味，而師傅係勁細心，見我不停影相，好細心咁同我講，影完相要食左呢個先，唔係凍左就會硬dd架喇，好貼心呀！仲會不斷幫我地加熱水，服務真係好好🥰

一行三人訂了這間日本壽司店，現在的壽司店名字好像都差不多，所以你現在問我的話我也是不能正確地說出這間餐廳的名字。地點位於尖沙咀加連威老道The One對面，地點方便人流高，所以也比較容易找到。食物方面點了幾款午餐加上沙律和單點菜式，上菜也非常快。所有壽司刺身非常新鮮，大家也吃得很滿意，唯一又點不同的是他們的壽司飯，用上另外比較酸和龍尾的黑醋，所以感覺有點特別。不能說不好吃，不過可能不是很習慣這款味道。蟹子沙律非常出色，和一貫其他餐廳的沙律不同，算是偏新鮮。鰻魚飯也非常好吃，叉燒妹表示很滿意。服務員態度良好，也是非常醒目能照顧每一台的需要，不是那種你需要他們幫忙但是永遠都”真的看不到你”的那種，這點加分。環境方面有日本特色，不是居酒屋的那種，但是簡潔乾淨有裝修。壽司吧的師傅也整潔有禮，下次會再來。

行開尖沙咀想食日本嘢，見到這間餐廳採用全木色日式風格裝修，感覺清新🌿店舖入面都好大門口位是吧枱，入面座位舒適寛敞，價錢唔貴，性價比高👍🏻餐廳主打壽司和刺身，仲有我最愛的廚師發板價錢$480，$638，$880不過今次想食下壽司🍣，同埋見到個壽司飯好想食📍鹽燒西冷和牛壽司$88入口即溶的和牛，美味👍🏻推介📍梅🌸壽司盛合（12件）$308松葉蟹、牡丹蝦、墨魚、平木魚、鯛魚、池魚皇、油甘腩、吞拿魚、大拖羅、馬糞海膽、玉子👍🏻📍特選三色丼$248蔥粒碎拖羅，海膽，三文魚籽呢個壽司飯淨係睇相已經好想好想食😋三文魚子好新鮮，粒粒好飽滿，海膽新鮮冇腥味，拖羅蓉同個飯好配合👍🏻推介📍特盛蟹肉蟹膏軍艦$45📍鹽燒牛脷$32牛脷一定要熱食，配芥辣一流📍炙燒魚背壽司入口即溶的魚背（左口魚）👍🏻

開店不久經常光顧，初期有日本國籍師傅進駐，質素服務都很好但上星期光顧，刺身已經改用次貨，新鮮不再，特別是大吞拿魚腩，明顯較以往差，現在的顏色是暗紅色。以為只是一次不好彩，今天再去光顧。不叫刺身，點了一個鰻魚飯。侍應黑口黑面冇禮貌，叫鰻魚飯等了40分鐘都沒有來，催促單一下，沒有表達任何歉意，繼續保持黑口黑面。壽司師傅不停高談闊論，細聲講大聲笑。簡直是完全兩間舖頭。不會再去。希望其他兩間分店能保持高質素。

因為朋友好中意食壽司，所以生日佢就揀咗嚟呢到食，唔洗我諗真係好😙#梅 壽司盛合 ($308) 😋好味指數：(5.5/10) 呢個盛合一共有12件壽司，其中一個係玉子嚟🧐第一件係食蟹棒，覺得味道唔錯對之後啲壽司都幾有期望，點知除咗蝦之外其他都一般般冇咩味☹️係拖羅有番啲油香有番小小味😖整體嚟講服務唔錯，有留意到我地嘅需要，幫我地加咗好多次茶🍵嚟之前睇過評價見到都唔錯，不過我就覺得呢個價錢就唔係好值，可以食到更好嘅嘢😗

之前聽朋友介紹過呢間壽司店，今日咁啱喺尖沙咀行街，一於嚟試下佢個午市。午市時段3點幾左右，舖頭大概只有2至3枱客，都幾清靜，講嘢都唔敢太大聲🤣我揀左坐Bar枱，座位好闊落，坐得特別舒服。午市餐奉送一份沙律同一個麵豉湯。店舖選用赤醋飯，味道比一般白米醋壽司飯更有層次。海膽丼份量略少，刺身薄，海膽味淡，以2百幾蚊嘅丼黎講有點失望。烏冬壽司定食反而有驚喜！壽司上魚生竟然仲厚過上面嘅海膽丼。烏冬係幼身嘅稻庭烏冬，煮得啱啱好而且口感唔錯。特別嘅係餐牌上所有壽司定食都唔會顯示係咩壽司，而係會根據當日當造嘅食材來做配搭。上菜嘅時候非常有驚喜！