鮨廷 (已結業)

先生前排係尖咀見到間新開既立食壽司店話好想試下，book左2點黎食午餐，除左係日本，首爾都未試過係香港餐廳內立食，今次叫左個10件自選壽司定食，海膽碎粒海鮮丼定食，再追加牡丹蝦，海膽，金目鯛，大拖羅。2個定食都有沙律，麵豉湯沙律菜新鮮爽脆，麵豉湯足料唔會過咸自選10件壽司要左深海池魚，油甘魚，帆立貝，真鯛，蔥拖羅軍艦，明太子帆立貝軍艦，穴子，赤蝦，三文魚籽軍艦，松葉蟹肉軍艦，壽司逐件上，食完一件再上一件。飯微微暖，醋落得剛剛好，飯團捏得緊致夾起唔會散，每件壽司都已加左豉油，日式芥末或柚子等，每款壽司都鮮甜好味。深海池魚，油甘魚真鯛，金目鯛加左少少柚子豉油?，入口帶一絲柚香配上金目鯛好夾蝦類都已去晒殼連尾尾都除去了，貼心容易食，牡丹蝦肉厚有彈性三文魚籽都全無腥味，明太子帆立貝松葉蟹肉軍艦，白子軟滑配埋酸汁啫喱每款軍艦，手卷紫菜都仍然脆口，海膽紋理顆粒分明，可見新鮮度高，嫩滑甘甜，一啖放入口好滿足，蔥拖羅手卷，蔥拖羅軍艦肥美拖羅碎加點帶少少少辛辣味既蔥同芝麻提香好味。穴子軟嫩完全無細骨大拖羅肥美甘香海膽碎粒海鮮丼定食份量十足，魚生鮮道十足唔係頭頭尾拼埋，先生食得好滿足餐廳環境乾淨整潔無魚腥

之前去日本旅遊見到有立式壽司，估唔到香港都可以體驗立食文化！立食文化就係要 快 靚 正，鮨廷企企理理之餘，仲係提供高品質。我點左自選壽司定食（6貫），有接近30款壽司可供選擇；而我就選左油金魚師父會響你面前整比你食，食材新鮮好味，高質之選。另外我仲點左甜蝦，帶有清甜柚子味道，我鐘意呀～因為我鐘意食蝦，我追加左一份牡丹蝦，又係好好味呀！蟹棒蟹膏軍艦同蔥拖羅軍艦又係無得頂，真係估唔到快靚正都可以有咁高質享受！題外話，立食都有茶飲；而且仲有插蘇可以差電添～

今天係平日嘅午飯時間，經過尖沙咀見到一間新開嘅壽司店，標榜係立式食，喺門口見到裏面都有幾多嘅顧客，而我又從來都未試過企喺度食壽司嘅，於是就入去試一下！開頭都驚呢間野價錢貴架，因為喺門口放嘅poster寫出嚟嘅價錢都唔平，不過冇所謂啦打錢嘅嘢一餐貴就可以食一餐平你平衡啦，於是膽粗粗入去試一試！我哋兩個人叫咗個午餐嘅套餐，總共$180有10件壽司，看起來價錢一啲都唔便宜，但係我哋兩個人除開一人一半，再加上他們可以加錢追加某啲壽司，都係介乎$10至到$40左右，我覺得其實係超值嘅，點解咁講，因為佢哋嘅手卷以及部份嘅壽司都係$10一件追加㗎，其實計返起嚟，每人都係$150 ，但係我哋食嘅壽司的質素同價錢，係唔成正比嘅！我希望我可以再去食多幾次，拜托不要加價啊！襯而家店舖新開大家快啲去幫襯，遲啲可能要排長龍啊！午餐時間每人都會有一個沙律作為前菜！味道唔錯！其實呢間店舖除咗餐牌嘅食物仲可以叫餐牌以外嘅食物，當然要問當日嘅廚師，又或者有廚師發板，三百幾蚊嘅價錢可以食到超級高質嘅廚師發板菜式，我見到對面有人食呢一個套餐，我見到佢哋嘅牛肉壽司真係超級高質！為咗俾大家知道有幾高質嘅牛肉，偷偷地影咗張相！我

第一次係香港立食壽司，之前都聽聞又有新店開張，今次來到尖沙咀金馬倫道的［鮨廷］🍣店面不大，大約只有十個位，我地係門外排隊等了一陣，幸好十分鐘左右便有位了除左餐牌上的壽司/盛盒/海鮮丼之外，仲有黑板上既精選壽司！可以自助形式加綠茶粉，仲好貼心有叉電位帆立貝 $20肥美厚身因爲飯粒已加了醬油，不用再點已經夠味。珍珠米不易散開，份量剛剛好，不會太多。三文魚 $9定價不高但質素不降，抵讚！三文魚脂肪比例均勻，入口柔軟炙三文魚腩 $28再來一客三文魚，選了魚腩部位，火槍燒過令魚油更突出，有種入口半溶的感覺 北海道海膽 $65 海膽多到滿瀉 而且入口鮮甜，完全沒有苦澀味好想再點多一客！燒帶子配黑醋鵝肝 $58鵝肝比想像中小，但煎得剛剛好，油脂豐腴！配埋清新鮮甜既帶子，平衡了油膩的口感，估唔到兩者配埋都幾夾！

前排去開尖沙咀見到開左d要立食既壽司店之前係日本就試得多立食香港就真係少見係尖沙咀金馬倫道見到間 我就梗係吾會執輸今日放工就同老公去試店內有兩個師傅 全部壽司即叫即整 個日我地早去冇咁多人 有個師傳專門serve我地 簡直係日本高檔壽司店既service廢話吾多講 即刻睇相就知d食材有幾新鮮只可以話我食到係築地食既感覺係近期食既壽司店頭幾位呢個係seasonal menu強烈推介焦糖玉子職員同我地講呢種營運模式確實係可以比佢地減少人手 減低成本 所以就算佢地食材幾咁新鮮都可以offer到一個相宜既價錢比食客我地兩個食到好飽都只係4xx 咁既質素 係超超超超超值想食日本質素既壽司 仲洗乜飛去日本呃

難得今餐女朋友話請我食好西 就揀咗過泥鮨廷食個高質嘅壽司第一次泥食立食壽司 望住師傅整壽司再上碟 令人更期待之後嘅美食 仲有恨見到師傅處理魚生呢度嘅鰻魚壽司算係我食過最滿意嘅沒有之一 燒鰻魚嘅水準啱啱好 稍為脆脆地嘅表皮再加埋軟熟嘅鰻魚肉好好食 值得堆介另外仲有炙燒三文魚同右口魚壽司 非常好食 三文魚肉上面仲𠝹咗網狀嘅花紋 肉質燒得均衡 右口魚油脂突出 幾驚喜叫咗一份炙燒拖羅手卷 幾片嘅燒拖羅會先經過醬汁醃製再燒 然後再用紫菜同米飯包住 可以享受到飯同拖羅互相配合嘅味道 好吸引叫咗份炙燒魚生丼飯 一次過滿足唔同炙燒魚生嘅滋味 燒帆立貝好大粒好鮮甜 帆立貝味突出 好值得試 整體魚生飯都好好食 飯上面仲會落咗調味粉 加強咗魚生飯嘅味

朋友相約尖沙咀食飯，最近我也支持吃午餐，今次朋友安排尖沙咀立食，餐廳門面光鮮，好明顯絕對係新開張，所以令我更加期待。餐單簡單清晰，懂的人自然懂，不懂的也有店員幫忙。現場兩位師傅即叫即做，新鮮可靠，對衛生方面更有信心。另外餐廳更有飲品供應，當然每種也有價錢，而我都係專心食壽司。自選壽司定食6件，我選了赤身，深海池魚，油甘魚，真鯛，赤蝦，蔥拖羅軍艦。 用料新鮮， 壽司飯醋味配搭剛剛好，入口口感一流。沙律及味噌湯， 這是定食包含的。 這次的沙律乾淨不在話下，醬汁更是令我開位胃。油甘魚手卷， 從手卷造型已得知師父們，師從何處，絕對正宗。下次經過都會再食，價錢唔算貴，最重要快靚正。

立食文化在日本頗為出名，越趨普及，可能因為地方有限及能縮短進餐佔位的時間，近日見香港都開始有些立食壽司店的冒起了。上次在尖沙咀經過一間，時間尚早，進去來個速食吧。第一次的立食經驗挺新鮮，有一張長形吧枱，容納人數大約十多人左右吧，枱下設有位置放置袋及物品，小碟及醬油碟十分精緻，有玄米茶、綠茶的選擇，玄米茶加入脆脆的玄米，很有咬口，玄米香氣亦撲鼻。壽司即點即製，眼見面前的壽司師傅手握壽司醋飯再放上刺身的過程，一個又一個壽司很快便奉上長碟上。刺身選擇太多，不如直接由廚師發辦的8款壽司吧。另外還點了灸右口魚邊壽司、海膽軍艦。之後再吃特上壽司盛合（8貫）。每件壽司已塗上一層薄薄的醬油，蘸點山葵，剛好，能吃出魚鮮。壽司有油甘魚、三文魚、蝦、魚子、吞拿魚、魷魚、鯛魚等，款款都算是鮮味足，薄薄一片。細細片的馬糞海膽，融入口中，帶出海膽的濃郁香味，推介！不消一會，壽司已經吃完了，速食速走，的確快捷，在香港、日本這些繁忙的地方來說最適合了。

第一次食立食壽司 今次同朋友嚟咗脂延試下立食壽司係點樣 發覺好正好好食 油甘魚壽司係厚厚嘅油甘魚肉😍佢味道鮮甜 油脂平均分佈 肉質豐富而且味道突出 非常好食 配埋佢用醬油泡製過嘅米飯 味道很好 好滿足大拖羅壽司拖羅肉質肥脂分明同豐富 配埋飯食非常好食 真鯛壽司好少見到有真鯛食 就叫咗個嚟試下 食落新鮮 佢嘅脂肪就少啲 不過我幾鐘意佢夠咬口 可以品嚐魚生嘅肉質 炙燒右口魚壽司非常驚喜 右口魚好軟熟而且肥脂豐富 經過火炙後味道一流 首先佢唔會太熟 另外右口魚味道突出 啖啖好香嘅魚脂味同朋友分咗個炙燒魚生飯食 魚生有炙燒帆立貝 三文魚 右口魚同埋拖羅 仲配有好多嘅三文魚籽丼食份量一啲都唔細 加上豐富嘅材料 令人食得好滿足佢嘅燒魚生都好新鮮 不得不提佢嘅燒帆立貝好好食 肉質唔韌 鮮鮮甜甜 非常好食拖羅刺身好食不在話下 燒拖羅都好好食 佢嘅肉質保持到水準

來到尖沙咀，吾知食乜好，眼見呢間食評超多，再search 一下，開業吾夠一個月已經有6x幾個食評，平均每日有兩個，一定好好食，入到去充滿期待，首先叫左個春旦右囗魚，右口魚燒過幾ok的, 之後叫左個啫喱金目鯛，有d 不習慣，可能自己本身不喜歡fusion, 印象最深刻的三文魚包生菜，生菜既口感提升了三文魚的味道，廚師應記一功，入面裝修略嫌比較似畫廊，天花冇裝修有點中式餐飲感覺，如果出食物速度可以快一點就好了😊，希望下次來有改善la

無論係日本定香港,都係人生第一次食立食壽司,THE ONE個邊行落去, 有間新開既雖然係立食, 但原來唔係有位沖入去企就得都係每個企位SERVE一個人咁, 所以好多人係出面排隊終於入到黎啦,有蕎麥茶可以自己沖,第一次飲蕎麥茶真係有蕎麥同茶葉感覺好RAW~點餐紙畫完就放上枱面,面前既師傅會收ORDER即叫即整叫左好幾款壽司, #昆布漬金目鯛配柚子酢啫喱本身D飯已經有醬油, 唔洗再點豉油入口金目鯛好鮮甜,  仲有D昆布香味, 然後柚子酢啫喱酸酸甜甜咁一件壽司有多重味覺感受, 犀利!#炙右口魚邊真係未食過右口魚, 肉質入口比左口魚更細滑, 直接係口腔內溶化, 然後包圍住整舊飯糰既感覺,充滿住魚肉既香味, 正到要ENCORE!#炙蟹膏牡丹蝦牡丹蝦已經鮮甜起哂膠質, 搭配蟹膏, 將鮮味昇華, 亦一D都唔腥,再加上火炙處理, 係一種野性既味道又係要ENCORE既!其他仲有#三文魚腩 #大拖羅 #油甘魚 #海膽軍艦比起大型壽司店完完全全有過之而無不及!加多杯#梅酒直接入選#墨嚐LIST TOP 5!!

立食初體驗見最近好興立食，而鮨廷又就腳口碑又好，就當然要去試下啦。一入口，裝修勁靚有日本小店風味。店員好快就好細心咁介紹每個位前既設備。每個人都可以揀玄米茶/綠茶。玄米茶夠香，綠茶夠濃！2款都飲得出係正野黎！好快，師傅就放左一個碟係自己前面，等你放壽司既！我地點左好多壽司，全部都好新鮮，非常吸引。等我為大家重點推介幾個我覺得好正架先！穴子，即係海鰻。燒得夠香夠甜。比起普通鰻魚更鮮更冧，好特別！三文魚子，好足料。啲三文魚子可以多到滿瀉曬！好抵食呀！蟹肉蟹膏，未食過啲咁鮮味即蟹膏！入口即融，好似同啲蟹瘋狂玩緊遊戲咁！海膽！呢個真係不得不提！海膽好鮮，一入口超甜！拍得上日本即食既。同香港平時食好腥既，係兩回事！整體黎講！鮨廷既壽司睇得出用料好新鮮，師傅同店員服務都好好。咁既價錢，嘆到咁既水準，真係超晒班！

立食一向比我嘅感覺就係日本人嘅快餐食靚野點會要企喺度㗎點知最近試左呢間立食壽司打破晒我一向對立食壽司嘅觀念呢間新開嘅立食壽司店每一件壽司都令我非常驚喜$380 十件既師傅發板壽司直情令我好驚訝有大拖羅，海膽，新鮮三文魚子，鯛魚，牡丹蝦，赤貝等等全部靚食材出面坐低食嘅日式餐廳一件都可能要$8010件靚壽司自己都計到條數而家一半嘅價錢食到咁高質嘅壽司立食都有佢嘅理由呢間可能係全港最高質嘅立食壽司👍🏻

立食壽司真係第一次食， 叫咗佢一個吞拿魚拼盤， 有中拖羅，大拖羅，赤身同埋一個吞拿魚腩手捲， 另外仲好鍾意嗰度嘅焦糖玉子燒， 亦都好鍾意呢度嘅服務， 視乎整壽司嘅時候又可以同我哋交流下， 呢個選用嘅壽司食材又非常新鮮， 下次一定會再嚟

係尖沙嘴行街路過見到呢間似乎係新開張既壽司，門面幾吸引就同朋友入去試下～入去發現原來係立食壽司嚟，所以入邊冇位坐，食客係企住喺師傅面前咁order同食，之前喺日本都試過呢種食法， 感覺幾得意，原來香港都有內裡裝修有點傳統日式又帶點時尚，好鐘意呢啲畫台面設備齊全 ，除左基本既自助暖水口、餐具、紙巾外，連插座 USB Hub都有一開始可以自行用餐紙點餐，放上壽司枱後，師傅就會開始整。然後就好似日本咁，師傅每上一件，就會講一講係咩壽司黎，好有feel~每一件上到黎都已經過師傅調味，所以我都無落過豉油，如果唔食wasabi既，記得同師傅講定因為佢會加埋架我叫左午市套餐，有六件自選壽司+1個手卷+1碗麵豉湯+沙律（$128 設加一），重點係你可以額外追加更高級別既壽司，我就加左中拖羅（15hkd）同大拖羅（20hkd），呢個價錢香港邊度揾呀？？不過每款淨係可以追加一件，如果再加就要用正價啦印象中正價係兩倍左右立食壽司最正係又平又快又靚又正好快壽司就嚟啦油甘魚相信睇相 唔洗再形容都知佢既魚好新鮮啦帆立貝 炙燒三文魚賣相超吸引！食落呢個三文魚感覺好似魚腩咁，好肥美，炙燒嘅味道都幾特別，同平時食開個隻