影片
以上资料只供参考，请与餐厅确认详情
成日经过呢个街市都唔知原来楼上2楼有个类似food Court嘅美食荟，里面有几间可以堂食嘅舖头，其中一间就系呢间的的骰骰嘅日式餐厅，所谓餐厅铺面只系得张吧枱咁大嘅位置，但中午可以用埋隔离啲枱，人少少都可以即场堂食。虽然位于街市，铺面都非常企理，好似日本鱼市场里面嘅一间舖头仔，选择除咗有单点寿司、小食，仲有唔同嘅鱼生或者熟食定食，见有午市推介，就拣咗刺身饭定食：刺身定食由于每个餐都系即叫即整，等咗大概10几分钟定食就黎啦，一放上枱比碗超大嘅饭吓亲😂佢好贴心寿司饭热烘烘，饭同面豉汤仲出紧烟，面豉汤味道浓郁，配菜有中华沙律。至于刺身方面一共有三块三文鱼、两块油甘鱼、两块北寄贝同一只大牡丹虾，每一件鱼生都大大块好新鲜！三文鱼肥瘦适中，特别赞赏另外三款刺身：油甘鱼大块厚切，油脂丰富！北寄贝淋身弹牙，新鲜有味道，大胜出面通常冇乜味嘅北寄贝！牡丹虾非常大只，肉质弹牙，又系非常新鲜！虾头里面仲有黄色好新鲜嘅虾膏，一啲腥臭味都无，非常欣赏！咁高质嘅刺身定食都只系$60，另外叫咗蟹肉忌廉可乐饼，即叫即炸，内涵做得非常幼滑好味！同行朋友仲叫咗滑蛋鳗鱼饭、汁烧鸡扒饭，相对冇刺身出色，汁煮牛肉饭就比较吸引，今次食完一定会再黎试其他野
继续阅读
今日瞓醒天气太热冇咩胃口，所以又去咗新开呢一间寿司店到食鱼生饭。 我拣咗三文鱼亲子井，平时去其他小店三文鱼都系得几块， 但系呢度$65蚊就有8大片三文鱼，每片都好大块 系我食咁多间觉得最值回票价🤣 ， 佢哋嘅menu唔单止有鱼生饭仲有好多定食同乌冬选择， 我坐低食嘅时候，见到周围都好多人嗌 牛肉乌冬同埋牛肉饭， 寿司店嚟讲款式都好多， 有时食太多生冷嘢都唔系几好 所以有多几个选择都唔错， 下次再去一定试埋其他定食再同大家分享
继续阅读