魚鱻魚湯專門店

营业中

休息中

昨日係Tsuen Wan 食lunch 俾咗個劣評俾烱記碟烧鹅飯，今日终於食到好嘢。時間已近2點，魚鱻門口還有人排隊，心諗都唔會再中伏啦，攞咗ticket，等咗唔使10分鐘，可入座了。枱枱都幾滿下，坐就麻麻地，拿起菜牌，有厨司推介的田雞魚肚湯飯$99，就試下啦。都要等15分鐘才上枱，熱辣辣，香噴噴唔腥，湯底白雪雪，田雞有一隻破開七，八件，魚肚就大大件有五，六件，當然唔係靚花膠啦，遍硬。田雞火喉啱啱好，鮮甜嫩滑，脾肉不鞋，好味道，湯底甜美，沒有下味精，落勁多葱，美味非常！

呢間舖頭由我中學畢業時已經係度，個時成日同朋友過嚟食，大家都叫 魚魚魚 🐟 可以話係童年回憶。今日約咗中學同學食lunch 就話不如去食 魚魚魚🐟 我叫咗碗招牌魚滑米線，份量超多，件件魚滑都好大舊，口感夠滑，但食嘅時候都要小心啲咀嚼，因為中途咬到好細條魚骨插咗喺牙罅，湯底係好鮮嘅魚味，一啲腥味都無，湯底仲有豆卜同勁多黃芽白。另外叫咗出名嘅生炸豬扒同埋炸魚餅，豬扒唔係juicy但有咬口，而炸魚餅厚身大件，食落去好香口！唯一掃興係食嘢途中，明明未食完仲有一半野食，只係咁啱停左手傾下計，好快脆比姐姐問係咪收得野，有客出面等緊…. 呢下感覺唔好

今晚同朋友去開荃灣, 所以就帶佢去咗以前細個嗰時，屋企人帶我食開嗰間魚湯餐廳🍴入到去緊係叫返細個食開既潮州炸魚片米線🍜 唔確定位員工係咪老闆娘🤔但好有禮貌，好客，街坊生意咁多年都好棒場😆個米線🍜尼到，第一啖真係食返以前細個嗰陣感覺味道🥲咁多年來都冇十分大變化，不過感覺上好似當年個湯底濃魚味啲 不過而家仍然都有魚味，但如果再突出D會更有當年味🤭潮州炸魚片浸湯後，口感一流，煙煙韌韌，但如果可以做到無咁多油 會更出色👀但咁多年既變化唔大 都已經好好👍平民餐廳 推介 不過唔鍾意魚湯嘅人可能會覺得有啲腥

落開荃灣想食魚湯，就一定會選魚鱻！招牌炸魚餅魚湯米線：炸魚餅厚，啖啖肉好好食，最緊要唔腥！招牌魚滑泡飯：魚滑超多，大大粒啖啖肉，完全唔腥，不過間中都有啲碎骨，要小心！整體魚湯可能淡一點，但我覺得OK，起碼唔腥是好飲！

又係陪扮工男朋友食lunch嘅時候🤣荃灣地頭蛇嘅佢今次帶咗我嚟呢間令我心情好矛盾嘅餐廳🤣🤣🌟🌟炸雞翼魚滑墨丸米線🐟飲得出係足料魚湯，唔係味精湯，就算米線食唔晒，我都清晒d湯🙈餸嘅份量多到一個點，淨食餸都飽咗7成😲魚滑大大舊，好彈牙好彈牙，完全係誠意之作👍🏽墨丸都係，味濃彈牙，我冇任何complain🤤🤤🤤炸雞翼係兩隻全翼，炸得非常透，我對炸全翼嘅要求係翼尖位最尖嘅骨位係炸得脆、咬得碎、呑得到，佢完全做到！但又唔會搞到中翼同鎚乾淨淨，係非常出色❤️❤️男朋友揀咗生炸豬扒，同樣地都係香酥而唔乾👍🏽重點係星期一至五12:00-1730有自選一人餐，$50三餸米配凍檸茶/水，真係好抵食。不過…矛盾嘅位嚟喇🤣間嘢服務真係令人不敢恭維，d呀姐感覺好厭世，語氣態度都好似全世界欠嘅咗佢哋咁🥹🥹果然世事係冇完美🤣但係佢係好食到我會寧願受d氣都會再嚟食🙈🙈🙈📍魚鱻魚湯專門店 (荃灣)荃灣路德圍30號地下

今日去吃了一間魚河專門店，鋪面沒什麼裝修但食物也不錯。魚湯米線/泡飯只售四十多元。招牌魚滑米線，8粒大大的魚滑爽口彈牙，口感非常好，魚湯米線中還有蔬菜和豆卜，魚湯清甜唔腥。招牌炸魚餅米線，兩件大大的炸魚餅香口彈牙。生炸豬扒米線，冇帶粉醬的生炸豬扒剛剛炸起，入味也不錯。特色小色椒鹽魚球 魚肉嫩滑，炸得香脆。

荃灣路德圍周邊美食多，今天路過這…當然要 … 😀魚魚魚😊「魚鱻魚湯專門店」，這店頗受歡迎，熟客多，最好早點來吃，晚上6:00 時間尚早，ok 以多種鮮魚泡製招牌魚湯底，新鮮泡制，鮮味可口 不含味精，可選湯飯或湯米線。椒鹽敏魚湯飯 $69炸 香口，不油膩賣相 不錯咸咸椒鹽 ，肉質嫩今日推介鮑魚、花膠、鮮雞件（可選田雞）$99配米線 😊 色 香 味 😋嘩啦啦！好大 大大碗 😊湯味濃，鮮味十足，滑嘟嘟米線雞件份量多，煮得剛剛好，嫩肉仲有豆卜，菜心，黃牙白增添滋味鮑魚只得一隻😀，沒驚喜，小小花膠炸 香口，不油膩賣相 不錯咸咸椒鹽 ，肉質嫩特色小食自家制炸枇杷豆腐 $30每份有 6 個，香脆餐牌

以前每星期至少幫襯一至兩次，都叫做熟客，服務質素心中有素，但魚湯叫做純天然，ok。但冇幫襯一排，今晚再去真係有少少火都嚟！由於朋友遲咗到，所以入店坐住先（當時6:00左右）。坐唔夠一陣，亞姐問我另一個朋友幾時到，好似好不耐煩阻住個位咁，咁答佢話朋友已經行緊過嚟，大約幾分鐘之後到啦。過咗唔夠2分鐘，短髮戴眼鏡亞姐又過嚟問同一個問題，好明顯唔like，我忍唔住串咗佢：「依家呢個時間，你出邊都冇人排隊，又有空位⋯」跟住收咗聲。其實我諗，你知我兩個人又比我入嚟，呢個時間又未到peak hour，店入面又有空位，你催乜啫？！咁嘅服務態度真係熟客先忍得你！Btw，食物質素依舊，但咁嘅服務，我諗我身為熟客都唔會點樣再幫襯。

個湯難食又淡都算服務態度差到未食完已經想收野想趕人走離遠指住人鬧人又話人食完唔走係到講野以後都唔會再食服務差都算仲要望住人黎鬧我黎幫襯仲要受氣?咁既服務質素不如汁左佢?

香港人很喜愛吃米線，魚湯米線更是本人愛吃食物之一。這間出名魚湯米線的店舖一向很多人等候，這次在機緣巧合之下不用等位，我便進去一試。午餐時段有套餐只是$50，可選3餸。我分別選了豬扒、魚滑及鮮魚片，餐飲方面選了凍檸茶，正當我向店員要求少甜時，原來枱面有糖水自己配搭，十分方便自己調配適當甜口味。米線到枱有一陣淡淡的魚湯味，其實一進店內已在，如果不太喜歡魚的朋友就不用試了，因為湯底是用魚煲的，有少許魚啲腥味，如果無愛吃魚的可能受不了。正如吃羊的朋友喜愛羊羶味一樣。回到正題，鮮魚片有骨，懶人就會想哭，不過鮮魚片吃得出新鮮，魚滑是沒有陳皮的那一種，豬扒炸得不乾不油，不錯。如果下一次我會選擇少米線，三餸加上米線對我而言有點多。

一向都知呢個短髮戴眼鏡嘅阿姐態度衰！講真其實佢唔想做就不如唔好做啦！！！！喺間鋪度大大聲又鬧d客！！！！都係諗住食完快快走個啦！坐呢度又鬧咗嗰度又鬧！叫野食問多句都唔得！！！未食完呢佢急住收！搞笑執完枱仲喺度鬧人！不如佢唔好做啦！！返屋企唞唞，希望呢個阿姐有病就快啲睇醫生啦！唔好影響香港，影響成個飲食行業啊！影響呢間鋪喇形象！

在這一間魚湯店食飯，叫一碗淨餃子 + 冬菇 + 肉片，餐牌寫着淨餃子是半打數目，叫來後，先吃完3粒冬菇，跟著吃完數片肉片，再跟著發現餃子只有 5 隻，但是思想是否有配餸就減數目呢？於是就照繼續食，當食完後，店員在自己桌上沬桌，便勾起剛才的思想，於是向店員詢問，在有配餸下是否會減餃子數目？店員說不會，肯定說淨餃子是6粒的，接下詢問我為何這樣詢問？我說因為我剛才碗內只有5隻餃子，所以向店員詢問一下，店員聽到後就立即表示幫我詢問一下廚房，店員再回來說，廚房回答只會放4粒或6粒在碗內。在我仍然思考中，便聽到廚房那邊有一位女職員很大聲說：“可能是她自己食了，自己唔記得。” 我走向收銀處付款時，再次向收銀員說，我清楚只見有5粒餃子在碗裏，收銀員只細細聲說甚麼都不知道，一邊她手照單收錢。如果是妳，妳覺得可以怎樣做 ？也許廚師自己認為習慣沒有改變，這也算……，最唔好的是那一位在廚房前的那一位大大聲的女職員，倒轉來說是我自己食咗自己唔記得…… 這番說話。使我感到不公，可能我一個人來食，又不是熟客，又不是樣惡，在無助下離開 ！ 而我又不敢反駁… (,,•́ . •̀,,)這樣被屈一個結論，服務態度不好，應該不

這家小店在荃灣已經有很多年的歷史，這次經過，便進去試試。我叫了魚鲛湯湯飯，湯汁有鮮甜的魚香味。還加上了胡椒的味道，沒有魚腥味。此外她還加上了豆泡，它吸收了湯汁，吃起來特別美味。米飯也不糊，不錯。此外他還下了蔥花，作點綴，把味道更提升了一個層次。

🔻終於一試「魚魚魚」🐟🐟🐟1️⃣招牌鯇魚腩 魚湯泡飯💲54🌟 推薦指數：★★★☆☆試招牌菜係指定動作，魚腩份量4大舊，肉質鮮甜滑口🙂 湯底如果濃d相信一定會整體加分。2️⃣蕃茄鮮肉碎 魚湯米線💲41🌟 推薦指數：★★★★★我係蕃茄腔😛有私心😂，論賣相就真係一般既🤣 ，但呢個蕃茄肉碎配搭真係好岩配魚湯底😍真係開胃，酸酸地吊起魚湯既鮮甜 👍🏻 真係好少食完米線會連湯都飲晒😋😋😋3️⃣招牌炸魚餅💲18🌟 推薦指數：★★★☆☆即叫即炸，味道可以，但感覺爭咁d調味，有d配料點下 應該會無咁單調🙂評價：7/10

其實哩間野我食左佢十幾年，耐唔時都會黎幫襯下，次次黎都叫原條魚湯飯再加小食，其實d野食係ok既，舊時一個舖位，我都係咁係到排隊等，依加多個舖，係排少左，個時有個瘦瘦地男人唔知係未老細，態度都唔錯，好忙都唔會發皮氣，但都好耐冇見過佢了，依加d阿姐真係好X惡，早兩日去食，個條阿姐叫用安心，咁我都即時係門口用左，之後入去，佢就話：do左未呀？ 我答：Do左喇，咁佢就大大聲話，do你要比我睇加麻，做咩收埋呀？ 我根本就手拎住個電話，你話要睇未睇羅，我又冇話唔比你睇，你駛唔駛咁惡咁大聲呀？我心諗， 你超係禮貌，不知所謂，咁老做得咁辛苦就未做啦，做咩羅d客黎出氣呀？ 唔怪得加下少左咁多人食啦，一來都冇以前咁好味，二來就要多謝哩d阿姐羅，趕客呀，加下有生意做都偷笑啦，仲咁即態度，炒得啦😡