魚鱻魚湯專門店

营业中

休息中

三個魚字讀咩音? 第一次經過就要我即刻問姓谷個位哥哥, 原來係讀「鮮」。 平日午餐/下午荼時段, 呢個55蚊套餐, 可以揀一款主菜(魚餅、雞翼、豬扒, 潮州魚片)。 佢地既炸野好出色, 呢四種都好好食, 令我急性選擇困難症立刻發作! 個餐仲包埋凍檸茶/水, 糖漿自己加, 唔洗叫小田, 如果唔係伙記姐姐又會「提醒」第一次來既您。湯: 食麵既湯底, 一定要夠鮮味。 佢地既湯底, 係可以好鮮味, 不過質素唔夠穩定, 時濃時淡。 如果你好彩, 食到full strength既湯底, 乜餸都唔洗, 淨係飲湯食米線, 已經夠晒滿足。芫荽控sorry啦, 芫荽要加三蚊, 不過蔥就免費, 有一大湯羹。 伙記姐姐落單時, 會問清楚要唔要蔥同芫荽。麵: 如果唔想食米線, 可以叫湯飯。米線份量係ok夠既, 啱啱好, 唔太多、唔太少。餸: 呢道好多原條靚魚揀, 不過佢地既鯪魚肉已經好吸引, 仲平好多, 特別係煎魚餅。個套餐除主菜外, 仲可以揀多兩款餸, 豆卜係包埋既, 我通常叫魚滑做膽。 叫菜其實有少少笨! 首先, 隻碗唔係特別大, 本身已經有少量菜(黃牙白), 再叫菜會加菜心, 不過無位擺太多, 所以得幾條

荃灣魚鱻魚湯米線在路德圍多年，有不少捧場客，未生三個小朋友之前我都經常去食，因為我真係好鍾意魚湯，無落味精，吃完唔會口渴幾健康。早幾日突然個腦好想食呢間，山長水遠咁樣去咗荃灣幫襯但係大圍失望。內裡阿姐服務態度唔太好，樣樣都好多規矩，連坐放袋都限定你要掛上牆。野食一般好食啦，招牌炸魚餅魚湯泡飯， 魚餅同泡飯係另上，魚餅炸得幾香口，但係食完好口渴。重點我以前食開嘅蕃茄肉碎泡飯，鹹到一個點，食完到夜晚幾個鐘之後都勁口渴，老店環境坐得唔算舒服，唔值得山長水遠特登去食。。。態度差品質差。。

對於我們在你地店享用的魚湯米線，我感到非常失望。首先，食物的味道令人難以接受，毫無美味可言。此外，令我感到困擾的是，明明店內並沒有太多客人，卻將我們安排坐得非常緊密，完全沒有舒適的用餐空間。更糟糕的是，魚湯中的魚滑竟然多到含有大量骨頭，這對於用餐體驗來說是個巨大的安全隱患。此外，我們對店員的態度和尊重度感到非常失望。他們的服務態度極差，不僅大聲嚷嚷，還缺乏對客人的禮貌。最後，我們注意到桌面非常油膩，這種不衛生的環境讓我們感到不安。作為顧客，我們期望在一個乾淨、舒適和良好服務的環境中享受美食，但這次的體驗讓我們感到非常不滿。希望貴店能對這些問題進行改進，提供更好的食物品質、友善的服務態度以及清潔整潔的環境。香港消費真係0性價比米線完全冇魚湯嘅味道個米線好硬好難食，米線入邊配料好少份量不足一個50 kg嘅女仔我淨係啱啱食飽。

之前經過都想試, 但見到好多評語都話態度惡劣😅 今日來荃灣不如試一下, 入面有些是圓枱有些是長枱, 我比安排坐圓枱, 叫店員給我餐牌, 見到都幾貴, 話以魚的今日時價, 可以揀米線或飯, 我叫左黃王魚配米線, 原先想叫凍奶茶, 不過佢哋話依度無奶茶咖啡🤣🤣都幾有趣, 之後叫左凍檸茶走甜, 隔一陣先來飲品, 然後來米線😋, 飲啖湯佢話係魚, 但又唔係好濃, 不過好在唔腥😅, 食啖米線其實偏淋, 魚都好鮮甜, 食得出係新鮮😘👍🥢另外有少量菜係碗入面😅 原先我有個環保袋店員叫我掛係側邊d勾, 本身印象都幾好, 可惜最後收銀員話我整到張單濕晒, 話我乜你敢架😆😑我心諗我放張單在枱面, 你杯野放隔離😅😅其實一定會整濕, 難到以為我係特登🤨 敢樣對客人我真係第一次見😶 我同大家一樣應該唔會再來了

落單個個聽錯我要乜，落錯左黎到話冇得換，要照食，話出左冇辦法 點都要食f，嬲到我直接再order番我要既野，我寧願比多份錢唔想嘈真係，仲夠膽死講係我問題，我想食乜我自己會唔知咩，我點會講得錯到大佬，可能寫錯單要自己貼，幾十蚊野我幫你出算我係熟客 魚係好食，但你地員工做錯野唔係要個客黎比錢買單,個老細全程聽到既 到收錢個刻我想抱住希望你會識做d，點知原來係你地傳統黎，平時一星期我都幫襯幾日，今次係最後三間變到得番一間，唔係冇原因

已有大半年沒有幫襯， 之前曾因為收銀員那位女士出言不遜而沒有光顧。 不過，食物質素始終不錯 今午放下以往不悅的記憶再來一次， 怎知另一位阿姐態度原來一樣咁差， 不禁想，難度整間店的職員都是物以類聚。 我點餐時， 點了熱擰茶， 一般正常嘅侍應只會說沒有熱檸茶。 但是這位阿姐大聲叫我要睇清楚餐牌先至好叫嘢， 餐牌無的就唔好叫， 鄰座的食客也望一望。 好嚇人的氣勢， 唔知以為自己去左軍校被導師喝罵。真受氣。 路德圍 大把選擇， 不會再去呢間

呢間位於荃灣嘅魚湯米線真係好正，好多人去排隊，基本上如果夜晚六七點佢嗰幾款熱門嘅魚湯米線都會賣哂，所以呢如果你想真係食佢嘅熱門菜真係要請早，另外記得叫佢放埋芫荽蔥，如果唔係又要比多$3

叫蕃笳肉碎豬扒米線外賣（自取）點知返到屋企發現碗內無米線打返去，好平淡回應 可能俾漏咗 ～ 下次補返俾你。 唔好意思都無句晚餐完全無嘢食大佬搞咩鬼老實講以前好食好多，依家連招牌魚餅都keep唔到

其實呢間野好耐之前幫襯過，當時好出名，有3間分店好巴閉，而當年去幫襯既人亦好多。時隔幾年再幫襯，不變既係：服務態度依然保持恶劣。相比之下，一河之隔嘅深圳，態度真係贏你9條街。今日走去坐低嗌左2碗米線，食物質素不過不失。臨走時去俾錢，行到出門口已經俾緊錢，忽然店內既一位阿姐叫我地，我仲以為漏左d咩野，點知係叫我地執番枱面舊紙巾。我當堂㷫左，心諗：咁你做咩樓面，樓面唔包執枱架？真係好野，咁樣叫番d客入返去執，真係抵你由3間執剩一間。

成日黎到荃灣路德圍附近就會想食覺得好似健康啲清淡啲😝💁🏻‍♀️招牌鯇魚腩魚湯泡飯$62個湯飯堅鮮甜🤩 我飲湯都飲飽😝啲鯇魚仲要冇腥味🤩不錯不錯🤭味道💛💛💛💛🤍💁🏻‍♀️招牌炸魚餅魚湯米線$48呢個魚湯味就淡啲 清清地冇比較冇傷害試咗鯇魚果個湯飯 呢個湯就會覺得唔夠濃😝個煎魚餅有少少腥味但可接受 依然香口 清淡之選👍🏻味道💛💛💛🤍🤍整體環境係屬於快食快閃小店雖然唔係超靚打卡環境 但覺得要好好珍惜呢種地道小店👍🏻👍🏻👍🏻🫰🏻🫰🏻🫰🏻

今日特意來到荃灣享用魚鱻魚湯專門店的午餐，店內環境舒適，但可惜舖位門前裝修中，出入容易有污水滴中，稍有不便。不過，店家的魚餅配兩餸米線午餐實在令人一試難忘。魚餅外脆內軟，魚肉彈牙，且沒有腥味，相當新鮮。米線爽滑，配合兩款餸菜，清爽可口，融合得宜。尤其是店家的招牌魚湯，湯頭清澈，魚味濃郁，喝來回味無窮，實在是大大的加分。整體而言，這份午餐的美味度及性價比十分高，讓人非常滿意。若是不介意店內目前的裝修狀況，來品嚐這家魚鱻魚湯專門店的午餐是一個不錯的選擇。

我唔係打手之強烈推介呢間餐廳比我既朋友～～食過好多次都係覺得好好食，好想食哂佢成個menus 有既野😂😂😂原因係真係好高質我通常都會食自選魚湯米線，有大大碗米線同娃娃菜。佢地既炸雞翼係生炸全雞翼，成個炸到好香，肉質又唔乾，而炸豬扒都係生炸，大大塊！！琵琶豆腐好juicy，一啲都唔會乾，又係好香。另外我會簡魚咀同魚標，份量都唔係得一舊兩舊，好足料！！小食方面，薑蔥魚皮就係我最愛，係香港食白灼魚皮既地方越來越少，而呢間既魚皮既調味係剛剛好！唔會失左魚皮本身既味道，爽口！！真係食過返尋味～～椒鹽黃花魚又香脆有又啲魚肉食到，真係好特別好好食～～～～除左環境上唔係太好以外，食物係推薦推薦推薦

收工收得遲，10點鐘路過諗住幫襯下啦，見佢話收11點。入到去話10點3截單，話10點半到清場，諗住都仲有30分鐘，就比錢照食。結果上菜上得遲，10點3先有，都算。然後食左5分鐘，10點4就開始熄哂d冷氣，比說話你聽，話叫我唔好掛住睇電話食快d。喂你咁趕時間收工一開始就唔好接單啦，一開始話食到搭半，我一路食野一路睇片中間係無停過食。臨尾勁焗勁熱咁食，真係貼錢買難受。我最後都係10點半離開，係無阻佢一開始既收工時間，15分鐘食哂，可想而知我有冇掛住玩電話唔食佢兜野。個湯又無味，d野食一d都唔好食，魚湯無魚味，魚滑勁鞋，個豬肉片質素好差。炸豬扒不過不失，仲要兜野熱然後熄冷氣比說話你聽，絕對好差勁體驗。以後絕不幫襯。都係個句，咁趕收工一開始就唔好接單啦，超級趕客永久blacklist 。

招牌魚滑魚湯米線 $44湯底偏清淡，冇想像之中濃郁清甜，不過勝在無落味精，吃完唔會口渴幾健康招牌魚滑其實只係普通鯪魚球，魚滑都幾大舊幾多，冇魚腥味，都OK好食既，但無咩驚喜。招牌炸魚餅魚湯米線 $44魚餅值得食過魚滑，魚餅新鮮炸得幾香口，好食自家製炸琵琶豆腐 $30個人最中意食依個，熱辣辣，香噴噴，外面脆口，內裡好嫩滑阿姐服務態度唔太好，野食一般好食啦，老店環境坐得唔算舒服，唔值得山長水遠特登去食

經開荃灣，本來想食酸辣米線但係諗諗吓都係想食清啲醒起路德圍有一間開咗20幾年嘅魚魚魚湯米線八點幾去到唔使等位坐低之後，就叫咗一個炸雞翼，加炸魚餅清湯米線叫多蔥真係俾咗好多可能呀姐認得我，所以俾咗一大碗米線俾我😆👍🏻