魚翅大排檔 (已結業)

上周六晚到此店晚膳，女伙計三番四次硬銷貴價的4人套餐，令人覺得討厭。最後點了2個2人套餐，女伙計即露出不悅臉色。點了的小菜水準普通(牛柳粒、咕嚕肉和鮑片雞煲)，響螺雞翅尚可，但蟹肉翅則略厭味道太濃。這是本人第2次光顧，事隔半年，發覺服務素質和食物水準倒退。周六晚1900-2030的黃金時段只有3成客，可能已反映了上述因素。

我o地一行十人，冇叫餐只係散叫。一開始叫了一人一碗$78的翅，來到原來都幾大，係一個細煲仔飯size，所以可以兩個人share一個，不過阿姐就冇同我o地講，結果大家食到好辛苦先食完。d翅味道唔錯，冇乜味精，但翅的質素就ma ma地，好似有d假，似魚唇多過魚翅(我阿爸在生時係做魚翅的，佢有講過好多時所謂的排翅，係d人用魚唇近魚鰓位做，所以先可以咁大排翅都咁平)，因為佢冇乜魚翅的一條條爽口感覺，只係好似花膠咁一舊。其他野食ma ma地，d餸比較細碟，叫左荷葉飯、麵各一碟，5個餸加兩碟小食(其中一碟小食大蝦沙律仲有"翕"味)，總共食左$1,600，但大家都覺得唔夠飽。阿姐做野好慢，不過態度ok。整體感覺好ma ma，唔會再幫襯。

We ordered a set for six and a few other dishes.The sharkfin was large piece and seemed don't use any MSG but I like sharkfin city's more.The abalone pot was high standard. Vetgetable and shrimp were well done.We order additional dishes because from the poster on the wall the dish were small. However, we found that the set was quite enough for 6 people. We could not eat the rice came with the set.If you want to order additional dish besides the set, honey fried scallop is highly recommended.

好食！食唔口渴,價錢算合理.前後去了三次這間食肆,分別試了兩款人套餐,價錢是$318和$618,今次就試了一個四人套餐,價錢是868.內容有:1.紅燒蟹黃生翅2.蠔皇鮑脯花膠鵝掌3.蝦子蔥燒刺參4.青芥沙律蝦球5.黃耳榆耳扒津膽6.鮮蝦荷葉飯7.椰汁燉燕窩翅可以選蟹黃翅或螺雞翅,螺雞翅是用較細的彎翅(名稱不肯定),蟹王翅是用排翅,較有口感,在食覺上個人較為喜好,故選了蟹黃翅.鮑脯花膠鵝掌,鮑脯和鵝掌每人一件,很入味,鮑脯的份量比人套餐叫鮑片海味煲少很多塊.其它三款小菜份量不算少,味道不錯.三次狀態相若,都是這兩星期的事.但味覺是今次最好,與前兩次比較,清碟的速度,今次明顯快了很多,兼食完還有意猶未盡的感覺.傾談下,大家都覺得,小菜的味道,今次比前兩次的味道更可口,難道是四人套餐和人套餐的煮法不同的關係?看來,真的要好好組織一下,下次再試試這間食肆的六人套餐和八人套餐又有甚麼分別！

一家八口(六大二小)光顧, 叫了一個六人餐,先來一個響螺雞魚翅, 湯底清甜, 魚翅份量多.再上海芯, 蝦球, 子薑雞, 菜芯, 每都十分入味.最後甜呂是椰汁燕窩和麥米粥, 當中以後者較佳, 因為粥內加入當歸, 味道非常合拍. 全家人均十分滿足, 看到餐牌有午市魚翅套餐$50下, 心想找日再試

好食！食唔口渴，價錢算合理。去了三次，分別試了兩款人套餐，價錢是$318和$618，今次是食四人套餐，價錢是$868。內容有︰紅燒蟹黃生翅蠔皇鮑脯花膠鵝掌蝦子蔥燒刺參青芥沙律蝦球黃耳榆耳扒津膽鮮蝦荷葉飯椰汁燉燕窩翅可以選蟹黃翅和螺雞翅，螺雞翅用的是彎翅(名稱不肯定)，蟹黃翅用的是排翅，在食覺上個人較喜好蟹黃翅。鮑脯每人一件，份量比人套餐叫鮑片海味煲少。其它三款小菜份量都不錯。三次狀態相若，都是這兩星期的事。但味覺是今次最好，與前兩次比較，清碟速度快近半，兼食完還有意猶未盡的感覺。難道是四人套餐和人套餐的煮法不同的關係？

呢度既主打係shark fins, 果然冇令人失望!我地5個人叫左個4人餐, 都分倒每人2碗湯底好甜好濃, 而shark fins份量都幾多~其他菜色都唔錯, 比大部分酒樓還要好!而且份量都好大, 個個都食到捧住個肚走~服務就...d阿姐都幾nice既, 不過反應都幾慢...而且埋單連加一都係$900, 非常抵食!

二人魚翅餐\都係二百八到一個入面有得選蟹粉魚翅煲, 蟹肉魚翅煲魚翅湯仲有兩個小菜選擇..我們選了蟹粉魚翅煲.. 小菜.. 則選了魚露..蟹煲... 同埋佢\地個海味煲..本來諗住咁平, 都係普通野..但係個魚翅煲.. 你會見到真係有一小排一小排的魚翅..而且小菜亦好入味.. 最後仲有一個雪烚膏甜品.. 而且企門口的男服務員.. 佢\幾好態度..

我其實間唔中都有去吃午飯,因為覺得價錢都OK,但我前天(星期六)去時,收錢員的態度真的令人有火.話說一個SET既午餐大概三十至五十多元,不用茶芥加一,也頗為吸引,而且又收信用卡,十分適合我這些不喜歡"現兜兜"既人.可是,近半年老闆告訴我要滿一百元才可簽卡,我心想都OK,兩個人去叫一個三十多元,一個五十多元,再加一個白飯就剛剛好一百,於是都會去,但次數肯定不及以前多.前天星期六,我便去了,照辦煮碗,預計一百元埋單,誰知去櫃枱付款時,老闆不在,換了是一個女人(聽到有人叫佢做老闆娘),我一拿張信用卡出來時,佢第一時間好唔客氣咁話(留意係"話",而唔係"問") "你食左幾錢呀,簽卡?" 我心諗我計好晒數,唔會有錯,於是就沈著地說"一百元",誰知她即刻說"要二百蚊先可以簽!",我就話"改左咩?"佢就話"不嬲都係二百!"咁我話"以前一百喎?"佢就話"要俾現金!"我很接受不到佢既態度,於是就對朋友講話"下次唔好幫襯啦!"哈,其實我唔係要脅佢,只係想發洩下,你地估下個女人點講? 佢話"唔緊要丫!"唉,態度超惡劣! 其實果度D食物同店員D態度都OK,就係呢個女人,好似粒老鼠屎跌左落碗燕窩粥度,唉,不知所

果次一行四人叫左以下菜式：子薑雞-- 用靚子薑、唔辣，應該係上等醋，雞好入味！好食！花膠一品煲-- 花膠、海參都好林，好入味，好膠！密汁燒蟮球-- 好香口，個汁幾好味，但係d 蟮肉味道不夠鮑汁生菜-- 都幾好味黃薑飯-- 好有黃薑味

今日想補寫父親節前一日嘅食評.果日16.6.2006(星期六晚)可能近父親節,所以全場滿坐,好彩我星期五已訂好位!!果日我哋一家人叫左個四人餐$788另加一, 感覺…環境舒適, 服務好(每當我想自已添翅時就有服務員過來幫我),冷氣大,食物真才實料,套餐餸好大碟,但食物味道唔知點解好似樣樣都差唔多咁…個餐有:螺頭雞煲生翅一大窩~ 裹面有好多翅群架蠔皇鮑脯花膠鵝掌~ 鮑魚稔得有咬口(啊爸吃得好開心law!),花膠大大塊又彈牙,鵝掌好大隻又入味蔥燒海參蝦球~ 海參同樣彈牙沙粉絲焗蟹煲~ 蟹好大隻有兩隻,肉又多膏又多,好野味呀鮮蝦荷葉飯(每人一個) ~ 裹面有雞粒,蝦粒…umm…呢個麻麻o地椰汁燉燕窩(每人一碗) ~ 呢個真係又香又唔太甜又好食總之食完個感覺係好膠好養顏咁啦!!!!!全家都好滿足好開心啦!

Mother's Day當晚, 去試此食店, 食物味道ok,但略為細碟, 價錢都ok.至於服務, 侍應態度很好,可惜太少侍應. 應付不了當晚的工作量. 此外,女櫃台態度相當惡劣,令人反感.

好開心,,, 食左手288 個二人翅餐..真才實料呀.,個翅好正,好多..d蟹皇翅有蟹膏,,出面一定唔會有,之後個蟹煲唔錯.佢用鎮江醋整好好味，鱔加生菜口感唔錯．．．仲有個羌炒飯，最後個雪鴿膏好清，唔會太甜．．

朋友介紹, 即本試. 一行八人叫了個六人餐,另加三個小菜. $1,295餐勁抵食,翅同菜餚都份量十足, 用料比預計中好, 吃完也不口渴. 散叫小菜略細, 不過幾十蚊算係幾好. 年尾都不滿座, 有些不合理. 絕對值得推薦!

呢間魚翅大排檔一o的都唔差, 個翅好真材實料, o個個好似叫蛋黃蟹肉翅係我o既favor, o的翅大大塊好滿足, 個湯底超正, 我成家都食到好開心.最後我們都會食冰糖燕窩, 唔係好甜, 加埋o的椰汁(另外比你自己加) 又香又滑.其實呢間魚翅大排檔o的食物幾好, o的service 更加very good, 佢地好留意o的顧客反應又問我地對佢o地食物o既意見，唔錯！