影片
开饭介绍
主打鲍参翅肚，亦提供中式点心、京川粤菜式。
继续阅读
营业时间
星期一至六
11:00 - 15:30
18:00 - 23:00
星期日
全日休息
公众假期
全日休息
以上资料只供参考，请与餐厅确认详情
招牌菜
今晚帮朋友庆祝生日,所以豪一豪,食餐好既.7:00pm到达,可能尚早人客都唔算太多.环境都唔错,而且吉品鲍鱼仲有半价优惠.拣个全包既套餐食,仲加一只鲍鱼.鸡汤中鲍翅:鸡汤比较淡,近乎冇味,但D翅好多,全部都系一梳梳,细细块.上汤龙虾:每位半只,虽然系细细只,但味道几鲜甜,个汁又做得好味.海参扣花菇:其实第一次食海参.觉得个样怪怪.平时见到多数都系长形,但竟然系...又肥又短,个花菇系好大只,但一D味道都冇,而个献汁,就仲失望,似水多D,又(浠)又冇味.鲍汁鹅掌伴伊面:呢个汁好味好多,甜甜地.只鹅掌又煮得够淋,D面就麻麻,太碎又太淋.38头吉品鲍:唔识点分size,只觉得细细只.冇乜味道,但觉得个汁几好味.另加2款小食凉拌鱼唇:卖相都几靓,但都颇辣.不过D鱼唇...好似海踅多D.素鹅:味道麻麻,同其它公司做法唔同.套餐仲送一杯鲜榨橙汁&甜品.
继续阅读
I have been to all of the four Shark's fin city restaurant in Hong Kong and the managers/ waiters know me by name. Whenever I have tea with my family and girl friend, I would go to Shark's Fin city because of the foods and services. I would say the one at New World Centre has the best service follow by Miramar's Shark Fin City. The service at Olympian City and Time Square are just so so.I order the following dishes whenever I have tea at Shark's Fin city. Absolutely tasty and not oily!鸡汤煲仔翅虾饺鲜虾腐皮卷鲍汁叉烧饱带子肠粉椰菜炒拉面炸子鸡沙律虾春卷杏汁官燕
继续阅读
有个鱼翅捞饭餐, 一个鸡汤煲仔翅+一个烧味饭+一个甜品(蛋散), $100有找。不过汤翅唔够浓但系几多翅, 蛋散好脆几好味。点了其他点心, 菠萝饱有菠萝做馅几软熟暖暖地唔错。带子肠粉, 用鲜带子做馅几鲜甜。虾饺皮薄馅靓。推介点心"萝卜糕", 一条条的萝卜, 当食时啖啖都系萝卜, 正。
继续阅读
唔知点解我老细好钟意去e间茶楼饮茶,今日阿姐就同我,我同事用埋个外国同事一齐去鱼翅城个度食晏.因为个同事系由外国office嚟的,所以阿姐就谂住叫豪d,于是叫左:1.猪颈肉-d汁辣辣地加埋d肉都几爽口,唔错2.豉油王炒肠粉-d肠粉都炒得几香几入味,唔会有d肠粉 有味有d无味咁,加上唔会太油腻,e个好味3.小笼包-个样包得唔太靓,个侍应攞嚟的时候刚蒸好, 但系个皮睇落皱皱咁,卖相唔多好,不过因为佢有块红 萝卜系底,所以夹的时候个底唔会咁易穿.里面有汁但 又唔会油淋淋咁,都ok.不过里面d肉就好散,唔系一粒 过,所以冇乜口感4.上汤鱼翅-佢系即煲鱼翅用个煲仔煑完即上,上碟的时 候好滚,d汤ok,唔会"杰tartar"咁,d翅系一梳梳,都有 三份一煲,食落都ok,有d咬口,唔错5.虾饺-ok,d虾肉几爽,唔太油6.叉烧饱-好味,因为里面d叉烧酱唔太甜,个皮都几软熟7.蛋散-新鲜炸好,好味,但嫌d糖浆太甜埋单的时候个鬼佬抢左张单,俾钱不过就唔系好认得港币个样,要阿姐出手相助,好搅笑,埋单500几
继续阅读
寻日(3-9-2007 Mon)因应一个由日本过o黎开会o既老板要求食鱼翅同饱鱼,于是连同呢边日本老板6:45pm o黎到呢o度食饭.开头侍应们都忙,冇人招呼,一会儿后就发现我o地喇,佢o地一律以中文招呼,于是我话佢知佢o地系日本人,到当问我o地要咩饮,佢o地要啤酒,waitress A都系以中文话畀佢o地知有咩啤酒,呢边o既老板系听得明广东话,但另一个唔识o架嘛,讲o左佢知佢o地系日本人都重要讲中文o既?唉!最后老板决定o左要生力,我就饮热茶.老板决定叫三个每位$688.00名为’鲍翅吉品餐’,包括有:1.招牌大鲍翅先上一碟芽菜同小量唔太靓o既金华火腿丝,我都系第一次o系专食翅o既地方食o野,所以唔知系咁样食,翅都o黎o左喇,冇醋伴上o既.我问waitress B系咪加入去食,佢答系,于是告诉老板们.食落….唔觉有咩特别,只系啲翅唔系散开o左,系一排排,有一排半,感觉似好豪咁啰,汤汁比普通去饮宴o既杰啲.2.28头吉品鲍鱼鹅掌老板问香港人系咪好钟意食鹅掌,凤爪咁,我答一啲啲啦,佢o地可能觉得核突,不过都试试,好彩鹅掌都炆得好淋,用刀一切都可以甩出o黎,唔会食得论论尽尽咁,佢o地都食得晒.而鲍鱼….我觉得有啲腥.3.杏汁撞蛋白最后上o既甜品,可能waitress B见我o地样样𩠌都摊到冻晒至食,所以放低时都叫我o地趁热食.打开盖,一碗纯白色o既甜品,冇咩香味,不过一食落口就好香杏仁味,而蛋白就系一旧旧咁,被杏仁味盖过晒.每个套餐重包括同自选小菜一款,价值大约$80.00-$110.00,如冇记错,我o地不约而同地拣o既小菜都系$80.00,有:4.五香南乳鸡哗!炸到好干身,冇汁伴上,细细件又细碟,食落有啲好鞋,有啲里面又干唔晒o既,而南乳味都几浓,我自己觉得咸o左小小.不过就唔系油淋池,重有张牛油纸垫底添..5.花胶丝扖时蔬时蔬系小棠菜,花胶丝竟然唔得,又系好腥呀!我老板都唔食添啊.真系唔好意思.6.XO酱肉碎西兰花呢个冇咩特别,唔太辣.7.另外叫o左个杨州炒饭Waitress B帮我o地分三碗上,我o个碗有好多虾,饭炒得算OK,佢o地都食得好满足.服务:1.沟通佢o地知道要用英文沟通后,就调o左另一个后生少少o既waitress C o黎serve我o地,唔知系咪得佢一个识英文,但佢都唔系好流利o个只,当上第一道菜时,佢问我o地要唔要饭(又系中文),于是我要翻译,老板问系咩饭,我同waitress直觉系一碗碗o既白饭就照同佢讲,点知老板话要一碟碟o既炒饭,于是又问佢有咩炒饭,佢又系用中文讲o左好多种,呢啲老板更加唔知系咩,亦都唔好旨意我翻译,大家一头雾水时,我就叫佢攞menu畀佢o地睇,点知佢话menu冇写炒饭类,我真系呆o左一呆,点算?我话咁你同佢讲啦,最后我老板求祈话要ordinary炒饭,我估系杨州炒饭o挂,就咁决定啦.唉!!!讲真,o系游客区,都摆明要做游客生意,点会一个大约30岁o既waitress(虽然应该唔系好高级,但应该系senior)都可以唔识讲?2.态度waitress C应该系我o系o度接触过态度最差o既,我见佢笑笑口应我老板后,一转头未离开我o既视线时,佢已经即刻变脸,唔单止冇晒笑容,并且黑面.日本人出名有礼貌,何况我呢两个老板真系好nice,好冇所谓,而且我亦睇唔到老板有咩o野特别麻烦o野.除o左呢位略懂英文o既waitress C外,其他都冇咩问题.环境:冷气稍为冻o左啲,唔知系咪人少关系.呢o度都好阔落好舒服其他:正如上面提过,Menu唔系有齐所有食物,令游客们唔识点𩠌 / 饭,要问至知,但问时,连侍应自己都唔识讲,点算?而枱上面有啲简单写上一两样甜品作为推介o既纸牌,都只得中文冇英文,佢o地要问我系咩o黎,对于我呢啲英文唔掂o既人就真系企o左o系o度.最惨系有句:’能人所不能,我们坚持下去’,叫我点译啊?而且我又唔觉佢o地有咩好o野系’能人所不能’㖞. @.@”老板们大概饮o左6,7罐啤酒,埋单(今次我’目及’到喇)好似系$2,568.00,好贵.不过多谢老板,老板万岁!在此特别呜谢寻日o系o度咁热心帮我手谂边间食肆o既食家们.我o地最后都冇去到你o地推介o既酒楼,真系过意唔去.
继续阅读