魚眾不同酸菜魚 (君譽峰)

营业中

休息中

2個人點佐個大水煮魚餐牌寫3-4人份量，一個小食拼盤。感受極差： 一開始俾嘅係2人位，落完單後發覺張台太細，問可唔可以換張大啲嘅台，然後被拒絕換台話大台係留俾啲3-4人因係QR Code落單可能佢地唔知可以理解，但係既然顧客提出換台係咪應該睇我地帳單落佐啲咩？上佐小食拼盤後已經佔佐張台大半位置，仲點上個水煮？（有圖有真相⬇️）再一次要求換台，話點佐個水煮擺唔落，尼次有俾我地換台，換佐4人台，然後隔離又黎佐2個中間隔塊板請問換台意義何在？最後個水煮上埋，超大盤，已經霸佔成長台，碗都冇位擺。我真係火都黎埋！就話：乜你睇唔到已經冇位擺碗？由隔離2人台換過黎仍然係2人台，咁換台意義何在？不如冇換啦？隔離3人都係點一個大水煮咋，我2個人點個大水煮➕個拼盤消費唔算低掛？俾張大啲嘅台都唔得？好聲好氣同你講野當人冇到，係都要人發火🔥。最厚野都未食完就即刻收走啲野，入坐2位坐隔離2入消費3-4人價錢，但係咁嘅服務真系差到冇得再差。間點啲男同事態度都好，啲女同事態度差到趴街！！！叫換台都要發脾氣！ 快食完時竟發現有蟲真係好無語！！！

天寒地凍，有咩好得過食啲熱辣辣嘅嘢，知道呢度新開，馬上相約好友到此一嘗，品一品睇吓佢咩料！地方唔算好大，但勝在樓底高，冇侷促感，坐位與坐位空間都可以，餐具亦乾淨整潔。等咗一陣位，入座後叫咗兩味一飯，麻辣牛脷，小辣鱸魚酸菜魚，白飯，凍檸茶走甜。麻辣牛脷，麻辣汁味道不錯，但嫌其味蓋過食材本身味道，提議可以切厚小小以平衡整體味道。香辣酸菜魚，魚好滑！整體上冇骨，內容豐富多彩，味道平衡，應該暫時食到過同款食物中嘅頂流嘞！價錢非常相宜！一定會再嚟！

雖然係專食酸菜魚但非魚餐單都唔錯胡椒豬肚雞湯配薯粉個湯真係好濃郁用窩上又夠辣飲完個感覺好暖身美中不足係d 雞少左啲唔想食飯嘅可配薯粉或米線食落去其實好似分別不大不過個人中意薯粉多啲煙un 啲有口感老壇酸菜湯底配肥牛+白飯都係喇，d肥牛勁少靠湯底撈飯呢個好辣呀額外加左$38一碟生菜份量少又唔青綠始終可能都唔係招牌菜呱

書局街新店中價美味得10張枱小店！一人套餮抵食大碟！6:30pl 4 人约等位15分鐘！前莱口水鷄，麻辣牛肚均好味不太棘！2個煲仔飯出色有飯焦！一個臘味煲仔飯乾身好味味够香！一個個田鷄煲仔饭比較濕但田鷄冶味够滑！加大酸菜魚加萵荀，豆腐皮！四位都食吾哂！四位價共$618抵食！可以再試！環境也出色！