魚眾不同酸菜魚 (君譽峰)

营业中

休息中

侍應實在太沒有禮貌了，沒有問一聲，直接拿著隔板塞到我檯面上，輕輕丟下一句：「搭檯」，就強行帶另一顧客入座，我環顧四周，明明還有很多空位，侍應聲稱有人訂座了，可是直至和我搭檯的客人離開，還沒有人入座那幾張空桌。結帳時也非常不耐煩，我在打開付款apps時手機有點卡，我請收銀員稍等一下，不過10秒內的事情，而且我身後也沒有人排隊或正在等候，但對方露出非常不耐煩的表情及使用帶有諷刺性的語氣質詢：「你到底要用甚麼付款方式？」總括而言，食物雖好，但服務欠佳，審慎考慮堂食，免得吃下一肚子氣，連帶食物似乎也變得不好吃了！

今日過左北角搵姑姐，佢帶左我去佢最近嘅飯堂食晏😚呢間店舖性價比極高，人均唔使$100，坐得舒服，又有熱辣辣嘅美食！姑姐無介紹錯！老壇酸菜湯鱸魚片✨姑姐揀咗食酸菜魚，鱸魚片厚肉得來唔算太實，而且好滑溜！份量都有六至七嚿，每一嚿都幾大嚿架！另外仲可以揀兩款配菜，佢要咗可以塑滿酸菜湯嘅豆卜同生菜🥬酸菜魚當然唔少得下面嘅薯粉，呢度嘅薯粉係手打嘅！特別煙靭有咬口，沾滿晒酸菜魚濃湯嘅鮮味🍲花膠濃湯雞煲✨至於我就叫咗花膠雞，濃厚嘅雞湯充滿着骨膠原🤩花膠超大塊又厚肉，除咗嫩滑嘅雞件之外，仲有啲好甜嘅娃娃菜🫶米線控嘅我，就揀咗食米線，滑嘟嘟嘅米線配花膠雞湯超好味！呢度仲有得叫咸檸樂😆好耐無飲啦！魚眾不同酸菜魚 (君譽峰) (北角)北角馬寶道3號君譽峰地下17-18號舖

食酸菜魚趨勢持續，今日行開北角匯，冇喺戈度食野，反而戈度附近搵到間食酸菜魚🐟有吾少分店，遍佈港九新界，價錢相宜，人均消費100蚊以內就可以一解酸菜魚口癮💚一人份系列有吾少人選擇，先要進行選擇4步曲。1️⃣魚片 2️⃣湯底 3️⃣配料 4️⃣主食 ✿ 老壇酸菜湯鱸魚片 $78自己揀咗老壇酸菜湯，酸菜湯幾辣🥵酸味明顯，鱸魚片每塊都大大塊，質感軟稔。配料揀咗豆腐皮加海帶，豆腐皮一條條，索曬酸菜湯酸酸mei mei好味👅✿ 酸菜金湯鱸魚片 $78酸菜金湯小辣同埋走咗辣椒，飲落就系原味酸菜湯feel💛比起老壇酸菜湯更能感受酸味。配料揀咗豆腐皮加豆卜，豆卜索曬酸菜金湯，滲出黎湯汁撈埋一流😁

平時都會經過呢間幾出名嘅酸菜魚店賣點就喺一個人都可以食到酸菜魚 唔洗次次都要約一大班人先食到😍♡ 老壇酸菜湯 鱸魚片配薯粉 $78配菜揀咗蘿蔔、豆腐皮原來都有幾款湯底可以揀 唔止酸菜湯㗎不過都係想食最出名嘅老壇酸菜湯😆餐單上寫一隻辣椒🌶️算係小辣 普通食開酸菜魚都會接受到湯底酸辣好開胃 薯粉吸哂啲湯底精華🥳鱸魚片無骨好嫩滑✨ 配菜推介豆腐皮同酸菜湯好夾♡ 花膠濃湯雞煲 配米線 $80其實配料唔算多 除左雞件同花膠之外就得娃娃菜個花膠湯底望落平平無奇 但飲第一啖就對佢改觀🙌🏻味道好濃郁鮮味😍 花膠都好大條 好滋補最後米線太多食唔哂但個湯飲哂🫶🏻♡ 青蘋果梳打特飲 $12♡ 凍檸樂 $12

近年崛起嘅酸菜魚連鎖店🐟 越開越多 終於喺港島插旗 灣仔北角方便啲終於食到🤣Lunch一人餐好推薦 環境又靚✅ 獨食都唔會尷尬😛❣️鱸魚片 青花椒酸辣湯 萵筍金菇 手打薯粉 $78有好多選擇 可以自己揀魚片湯底配料飯麵🐟🌶️🍲🍢🥬🥔鱸魚片好新鮮 鮮甜厚肉 啖啖冇骨 份量都幾多🙆🏻‍♀️萵筍金菇好夾 超級促進腸胃🙈 另外仲可以揀豆卜娃娃菜芽菜木耳😛配返飯或者薯粉都一定好食 薯粉係另上似酸辣粉嗰種煙煙韌韌🤰🏻❣️川味口水雞配白飯 $65其他lunch都好抵食 口水醬汁另上可以自己調節辣度🌶️ 好惹味我會想買個汁返屋企🤣雞肥瘦適中 仲要有雞翼 飯又好有米香🍚 餐飲凍檸茶好飲💯‼️

🌟餐廳：魚眾不同酸菜魚📍地址：北角馬寶道3號君譽峰地下17-18號舖💰價位：～$50📱電話：2488 9688 呢幾日天氣又凍返，好想食川菜暖暖身!今日特登約friend一齊去北角買蛋卷，經過呢間「魚眾不同酸菜魚」，幾乎全場滿座，睇完餐牌覺得好吸引，一於試一試～———————————————————🔹花膠濃湯雞煲除咗招牌酸菜魚之外，估唔到仲有花膠濃湯雞煲，賣相好吸晴，養生又滋補，好岩女士們～金黃色湯頭，散發濃濃既花膠雞湯味，飲落仲相當香甜！花膠口感都幾滑順，大大件雞肉啖啖肉，口感十足！麵類揀咗薯粉，彈牙又飽肚～———————————————————🔹熱柑桔叫杯熱飲健康又養生，暖胃一流～柑桔味道酸咪咪，解渴一流。———————————————————😋味道：4/5🏢環境：4/5💁🏻♀️服務：4/5💵價錢：4/5🤟🏻性價比：4/5———————————————————👅整體小總結餐廳座落於北角地鐵站附近既地鋪，地點相當方便～食物方面，各款酸菜魚均設套餐，亦可搭配米飯或唔同種類既麵食，夠哂多元化！而且仲有得選擇唔同辣度，岩哂唔同口味既朋友仔。而且餐廳用QR落單，夠哂環保又方便～

識我既朋友都知道我好鍾意食一d 酸酸辣辣既野~尤其是酸菜魚！！今日好友就帶我黎「魚眾不同酸菜魚」試吓，餐廳主打老壇酸菜湯及各款米線、特色小食既川菜等等，選擇好多元化～———————————————————🔹老壇酸菜湯鱸魚片 + 大豆芽 及 蘿蔔 配 軟滑米線 (一人套餐)我就order左呢個餐廳主打既老壇酸菜湯鱸魚片套餐～份量都幾豐富，除鱸魚片仲可免費追加兩款配料，另外仲配埋飯類或麵類～配料揀咗大豆芽及蘿蔔，兩款都索盡酸菜魚湯，食落好惹味～特別一讚鱸魚片大大塊，入口仲好順滑，好抵食，值得一試~———————————————————🔹凍奶茶食完好想飲返杯凍奶茶解膩，茶味濃郁夠清爽。———————————————————總結食物方面，各款酸菜魚及米線均可搭配唔同既湯底及飯麵，選擇夠哂多，抵讚！！另外除左川菜之外，餐廳亦提供其他炒粉麵飯，岩哂唔同口味既朋友！

👑皇牌一人份系列 $78鱸魚老壇酸菜湯 (唔辣)豆卜 + 金針菇手打薯粉🫕花膠濃湯雞煲 配米線 $80❄️紅豆冰 $12💟利賓納梳打特飲 $12🔸呢間酸菜魚店嘅特色係自由度高，每個環節都有得自選😙皇牌一人系列入面，首先你就可以揀要咩肉，食酸菜魚就最熱門係鱸魚，因為最鮮甜😍但如果追求口感爽度，可以揀鯛魚👍🏻～另外你唔想食魚，其實都有牛肉呀，墨魚等等揀😄🔸之後到咗揀湯，佢有幾款唔同嘅酸菜湯，我就揀咗唔辣果款，酸味好足😋另外仲有一啲直情唔係酸菜湯嘅選擇，例如要個辣湯，可以直接變身水煮魚🌶️🔸配菜可以揀兩款，除咗我揀嘅豆卜 + 金針菇，仲有黑耳呀，豆腐，豆腐皮等等等等。最後就係薯粉，米線，白飯三揀一！🔸花膠濃湯雞煲好有驚喜，估唔到唔係專門做呢樣菜式嘅餐廳都做得唔錯😋～個湯夠晒濃香，唯一係偏油，但都可以比到80分👍🏻之前都有講過有時食啲雞湯米線遇到嘅問題係湯出色，但雞件唔掂。但呢間啲雞肉一樣保持到嫰滑，份量都多，非常滿意😙

去到一坐低知道煲仔飯要等半個鐘，所以7點鐘即先落單。之後15分鐘後再落其他嘢食，諗住可以一齊食。諗住餐牌有啤酒可以飲住等下，點知全部售罄，咁就走去問佢地可唔可以買，佢講左5分鐘都唔明我地講咩。當其他嘢食已經食到7788既時侯。40分鐘後問煲仔飯到未，佢地就話要等半個鐘，我話已經過左，問佢可唔可以睇睇。最後無理我。唔緊要，我都知煲仔飯要耐，但係再過5分鐘過嚟同我講個飯張單廚房整唔見左！最多幫我取消。

今日點了雞絲炒飯，因為可以選擇醬香和小油，要讚👍🏼，貼❤️。可惜碟飯一到枱，整碟飯都發光，應該好多油。飯質感合格，但唔覺有醬香味，但真係好多油，未見過😂，為健康，碟底的飯不食為佳。

偶爾路經這間店都常常滿座, 今日經北角工作完後剛好晚飯時間, 不想回家食就試一下這裡酸菜魚味道如何。 有一人份可以選擇實在多了彈性給獨食的酸菜魚控😁 天氣入夜後變大風更加想吃帶辣的食物暖身。 在外等了一會後終於可以入坐, 侍應姐姐放下點單紙用QR code下單。我在門外已經想好吃什麼了故此很快選了青花椒酸菜湯鱸魚片配手打薯粉。 下單後大約8分鐘左右就送餐上來。滿滿一大碗令人視覺上很滿足, 急不及待嚐了一口湯頭帶有點點麻味,感覺不錯也夠熱。可是魚片卻未有太多片而且偏碎未知是太多人點或是剛好我的份剛好如此? 薯粉放湯後很軟滑但本人期待是Q彈一點但也沒差太多。 回家後有點點口渴但整體味道可以也會想回頭試其他食品。

天氣一凍就想食返啲暖胃菜🔥見呢間新開嘅魚眾不同店內環境好光猛 座位都幾寬敞Menu選擇都好多 有招牌酸菜魚,煲仔飯,炒飯同多款餐前小食 性價比真係唔錯👍🏻🌟酸菜魚試咗個一人份系列 可以自選湯底,魚類同配料湯底揀左唔辣既老壇酸菜湯 香氣濃郁誘人 酸湯鮮香美味又不油膩💯魚片揀左肉質細嫩爽滑既鱸魚 配料揀左萵筍,金菇同煙韌既手打薯粉全部都吸晒湯嘅精華 夠哂惹味😋🌟鹹魚排骨煲仔飯即叫即煲 夠哂熱辣辣 🔥(製作需時要等一等)一打開蓋就勁香噴噴 鹹香味十足排骨醃得夠入味又軟腍最正當然係有飯焦👍🏻真係有驚喜!

行開北角就發現呢間句魚眾不同， 因為🐷 唔想食魚所以我就冇揀到魚，但點知餐廳有一人專享。門口嘅餐牌已經好好咁列明餐廳有咩食👍一人專享餐，份量亦都可以揀多飯，少飯，多米粉，少米粉，我覺得咁樣幾好👍因為可以唔怕食唔曬又唔怕食唔飽✨️✨️花膠濃湯雞煲花膠同雞嘅份量好多，而且新鮮嫩滑， 每一啖湯都熱得窩心， 好啱冬天凍嘅時候飲 ， 而且每啖湯都感覺似有椰香味 ❤️🐷 平時唔會叫湯，都反而畀呢個湯吸引住咗🤣✨️酸菜金湯肥牛配萵筍海帶少米線呢個酸菜甘湯完全滿足到我酸菜魚嘅味道， 雖然係兩粒辣椒推介，但我覺得自己都挑戰成功食到兩辣🤣 但唔知係咪我都有叫咗小辣嘅緣故🤣🤣🤣🤣萵筍配酸菜金湯，簡直絕配👍 萵筍滲上了金湯類的精華， 而且都好喜歡食佢嘅海帶，其實可以唔要米線，而且佢少米線嚟講份量都好多左： 青蘋果梳打特飲： 青蘋果配梳打不太酸也不太甜份量啱啱好右： 利賓納梳打特飲： 利賓納再配上檸檬令層次更勝一籌除咗有水煮魚，水煮牛，酸菜魚，川菜之外， 餐廳亦都有炒飯同煲仔飯，下次我一定會試下煲仔飯✨️

呢度係北角新開嘅餐廳，成日都排晒長龍，今日我趁下午茶時間去到先唔駛排咁耐咋！呢到除咗招牌酸菜魚之外，仲有水煮系列、毛血旺、煲仔飯、經典炒飯、口水雞、花膠濃湯雞煲等等，我今日輕食就叫左「一人份系列」呢到份量都唔細，可以自己揀主菜、湯底、配料✐☡✐☡✐☡✐☡✐☡✐☡✐☡✐☡✐☡✐☡✐☡主題配搭：鱸魚片 $78風味湯底：青花椒酸菜湯贈送美食2款：豆腐皮 黑木耳贈送主食1款：手打薯粉凍飲：紅豆冰（跟餐+$12）味道又酸又辣，好開胃，最重要係魚片滑有極多，再配埋主菜同其他配菜，超飽🤪✐☡✐☡✐☡✐☡✐☡✐☡✐☡✐☡✐☡✐☡✐☡主題配搭：墨魚片 $85風味湯底：蕃茄濃湯贈送美食2款：萵筍豆腐贈送主食1款：軟滑米線凍飲：青蘋果梳打特飲（跟餐+$12）有別於其他既魚，我選咗個墨魚，好爽。由於啲米線係另外上既，我先飲咗啖蕃茄濃湯，係好香嘅蕃茄味，亦清甜，係唔食辣嘅人嘅選擇。之後先慢慢再加啲濃湯去米線到，咁會影響到湯底～😎

2個人點佐個大水煮魚餐牌寫3-4人份量，一個小食拼盤。感受極差： 一開始俾嘅係2人位，落完單後發覺張台太細，問可唔可以換張大啲嘅台，然後被拒絕換台話大台係留俾啲3-4人因係QR Code落單可能佢地唔知可以理解，但係既然顧客提出換台係咪應該睇我地帳單落佐啲咩？上佐小食拼盤後已經佔佐張台大半位置，仲點上個水煮？（有圖有真相⬇️）再一次要求換台，話點佐個水煮擺唔落，尼次有俾我地換台，換佐4人台，然後隔離又黎佐2個中間隔塊板請問換台意義何在？最後個水煮上埋，超大盤，已經霸佔成長台，碗都冇位擺。我真係火都黎埋！就話：乜你睇唔到已經冇位擺碗？由隔離2人台換過黎仍然係2人台，咁換台意義何在？不如冇換啦？隔離3人都係點一個大水煮咋，我2個人點個大水煮➕個拼盤消費唔算低掛？俾張大啲嘅台都唔得？好聲好氣同你講野當人冇到，係都要人發火🔥。最厚野都未食完就即刻收走啲野，入坐2位坐隔離2入消費3-4人價錢，但係咁嘅服務真系差到冇得再差。間點啲男同事態度都好，啲女同事態度差到趴街！！！叫換台都要發脾氣！ 快食完時竟發現有蟲真係好無語！！！