魚心日本料理 (已結業)

話說正路去開通菜街啲檔口買完嘢之後，要食日本嘢都一係去上野鐵板燒，一係就去八福烏冬嘅。今次見到魚心（龔如心英文名叫NINA）有$28碗拉麵，$33份便當🍱好似好吸引餐牌$28 中華冷麵正正常常，都係冷麵豉油配各種切絲材料+$4 有玻璃樽可樂兩個都要加一加州手捲+蟹子沙律壽司（唔記得幾錢）都係有蟹子沙律醬、青瓜，加州手捲除左牛油果之外有玉子。所以算叫錯嘢軍艦塊紫菜真係林嘅，手捲最犀利，師傅好用心咁唔抹乾隻碟，所以一塊紫菜有兩種口感，一定有層次！！$40+4=44阿姐話呢個要加一日式Pizza風 唐揚雞肉薄餅一般香港日式餐廳整嘅Pizza都係薄而脆，餅底有少少梳打餅感覺，就算學西餐嘅Pizza整厚少少嘅，都一樣會脆。呢塊表面上佢係一塊Pizza，實際上佢係一塊餡放上面嘅手抓餅，即係菜（呢間用彩椒）同沙律醬都齊嘅，但又厚又林（唔洗$50俾你試到台日Fusion，係咪要加價？)。師傅驚大家唔夠飽，炸雞層粉落厚啲。師傅驚大家熱氣，所以炸雞層粉係林嘅。埋單$117

同三個朋友行過望見好似幾抵 比佢昆左入去當我地上到樓上先知仆直裝修同大掛檔有得揮 衛生一般 見肚餓叫左個叉燒拉麵 啲叉燒同街邊10蚊條既蜜汁叉燒一樣 個湯淡而無味 啲麵基本上係出前一丁 再叫左個優惠40蚊半磅既三文魚刺身 心諗三文魚唔會難食得去邊啦 點知佢每塊都手指頭咁細塊 又唔新鮮最後食完炸炸淋出左去掃街 白白浪費左啲錢呢個故事就係教訓大家唔好貪啲優惠就諗都唔諗走入間餐廳

我食過最垃圾既日本料理 原本都冇account 都即刻開 $40半磅三文魚 仆x！每塊得手指公咁大 都算拿拿聲食完走算 埋單仲要收服務加一 碟碟都唔新鮮 一食就知係急凍垃圾 一定唔會再去 屌！

平民經濟日本菜🍣大大碟嘅炒飯熱辣辣咁呈上黎，仲飄來好香嘅飯味😍抵食！飯嘅份量都好多，而且炒飯仲有好多三文魚粒，感覺好足料嫁☺️熱辣辣咁食味道真係唔錯！炒飯都能夠做到粒粒分明嘅效果，飯上面仲有蟹子，同炒飯混合，味道更佳😊但略嫌喊咗小小~不過店舖有漏單嘅情況，要催幾次先追到，而且店舖衛生同環境都一般般😐

之前試過有次係旺角行左好耐都唔知食咩好，經過呢間見佢好多優惠好似好扺咁，食過一次覺得好扺，今次再黎食，點知差左好多叫左呢個雜錦湯烏冬，其實呢到真係咩都平，呢個$48都好抵，有好多種既配料，有天婦羅蝦，炸雞，蟹柳，青口，肥牛 叉燒，金菇等，以呢個價錢咁多款餸仲有烏冬算係咁，無話邊樣唔新鮮既，但呢個價錢都知個質素架啦，天婦羅蝦醃到無哂蝦味係純碎食炸野既感覺，炸雞就更加唔洗講，一舊硬加涷左既炸物（佢仲要將啲炸物放落啲湯到）,其餘配料就尚算可以啦，填飽到個肚就算雜錦海鮮炒飯：上兩次黎都無叫過呢到炒飯，我好中意食炒飯，今次就叫黎試下啦，嘩...呢個真係中左個大伏應該從來無食過咁伏既炒飯，首先我將所有飯反轉再反轉先搵到一兩條八爪魚仔，說好的雜錦海鮮呢？都要五十幾蚊其實我去茶記食任何一個炒飯都會多餸過佢。重點黎喇！個炒飯唔好講有無穫氣啦，係直情濕加痴立立果種，完全係入唔到口咁呢碟只可以叫做一堆雜豆濕飯，從來都唔淨野食既我，竟然會淨返半碟...您地想像到有幾恐怖啦呢個係吸引我再黎食既優惠，佢每人食滿$50就可以用佢啲優惠價叫佢啲野食，呢個雜錦加洲卷$25／6件同埋軟殼蟹卷就$28／4件，公道啲講真係大

我咁大個人從來未試過一間超差服務態度 食物質素又差 衛生超級惡劣 琴日食過E間 既食肆 我琴日我同fd坐近廚房位置既座位 座低既位置見到廚房有人切緊三文魚刺身 見到超多三文魚放曬係枱面 食左大約半個鐘左右 果D未切既三文魚仲係擺係枱面 切三文魚又唔用手套 另外有D已經切左既三文魚刺身 就用個盆求其咁放係地下 衛生情況超級惡劣 係人都知道三文魚刺身根本就唔可以暴露係空氣咁耐 但係佢仲可以擺成半個鐘以上 唔通入貨果D係異變三文魚唔會變壞既~!?仲要食食下野 有人用水清潔廚房刺身枱途中 突然爆水喉 D水射落我地個位度 成張枱同我加幾個fd都濕曬 甚至連牆 同枱上面果三件壽司都濕曬 當係意外都算 清潔果條友仲當咩都睇唔到sorry都無聲仲繼續清潔D水就繼續射埋黎 濕上加濕 再加上D員工態度真係差到完全唔識講sorry仲好意思問D壽司食唔食 唔食就收左佢 條友真係食懵左 壽司淋曬水點食呀 比你都唔食啦~D員工仲係我地走人 就係我地背後講 以為我地聽唔到 最勁就係成個過程老闆淨係識坐係收銀處 咁大聲罵緊人老闆會唔會真係聲 根本就無可能 同老闆講反 個老闆完全無悔意 又無折扣 又唔罵D員工 完全係

The food was disappointing in terms of overall quality and taste. Salmon sushi was nice, however the other sushi such as squid was very bland. I also noticed some dirt on the sushi, which was not welcome!The chcken skewers were very salty, and unhealthy (which shouldn't be the case for Japanese food) and the texture was far too soft, which males you wonder about whether it's real, good quality chicken. Judging by the taste, the quality of ingredients used (such as the cheese in salmon and cheese

呢間之前食過一次lunch 夠平，一個餐有一大碗飯同拉麵都係50幾蚊味道唔差今次寫既係晚餐有個2人餐，218蚊(未加一)有燒汁牛肉，有白飯x2，青瓜蟹籽沙律，刺身，燒鯖魚，麵豉湯唯一麻煩是所有熱和凍食一次過到齊d前菜未食完，熱食都已經凍晒白飯ok 唔乾身沙律爆多蟹籽，沙律醬唔太多，好食燒鯖魚唔太靚，太多軟細骨，要食得好小心刺身，唔知係放得太耐未食魷魚唔新鮮，滑汕汕，太腥但勝在價錢平，食物分量夠多另外28蚊有一碟三文魚刺身都ok既不過座位唔算坐得舒服人多又窄加上杯茶飲晒都無人加茶愈坐愈食愈凍希望有待改善服務

同朋友二人點左$28三文魚刺身 一磅，軟殼蟹壽司，雞腎串，雞肉串，定食:咖哩雞飯，照燒雞扒飯，配麵豉湯同沙律。首先上菜既係三文魚刺身。兩個人嗌滿120，可以無限次數，以28蚊order半磅三文魚刺身。嗌一磅三文魚，半磅一般半磅差，差嘅係可以好瘦。如果咁樣咁唔鼓勵人地嗌呢個promotion，索性唔好出優惠，而家咁樣只係令我去多次都多餘。非常一般，不見抵食。然後軟殼蟹壽司上枱，四舊只有頭尾兩舊有軟殼蟹，呢加我食瓜壽司定軟殼蟹壽司？要咁樣欺騙顧客。兩個串燒隨後上菜，更令人大跌眼鏡。先評雞肉串。我諗住平日食開雞胸，街食既雞肉多“鞋” 我都頂得住，最唔掂既係雞肉同白霎既雞肉一樣無味，淡而無味，但又比白霎既雞肉更“鞋”。到另一款串燒沙漠雞腎串。佢一定係撒哈拉沙漠直送到魚心，乾到爆，一啲水份都冇。到定食上菜。咖喱雞飯既日本咖哩係包裝品，冇咩特別。但啲雞係同頭先啲雞肉串一樣，淡茂茂。係得薯仔煲得淋，叫做有啲包裝咖哩味。同樣地，另一個照燒雞扒飯既雞，除左淋喺面頭既燒汁，魚心店既定食，完美演繹“燒汁有味 雞肉多餘”.拉麵我冇試，不過，我相信一個拉麵，最重要唔係個爐，而係拉麵本身。你話配菜既天婦羅有幾香脆

同同事係九龍灣睇完音樂會都差唔多11點，所以就落左旺角同同事食D野就番歸，係女人街遊蕩，就見到有間有做宵夜時段，就諗佢地應該係好夜關門，就入去醫飽個肚。我們一坐低就點左宵夜時段，唔好諗咁多，快快趣咁食，但就咁睇MENU都覺得呢個套餐包好多野食。呢到係兩個餐黎，唔係但係一個餐都有6個件壽司，一個女仔都食唔到咁多，但係仲有一碗拉麵黎緊啊...同事係男仔就已經食得哂，但係我真係吃唔哂，$38咁多野食真係好抵。上面間魚刺身算是新鮮，尢其是反卷，上面的蟹籽好多，芝士很濃香，醬很多，唯獨是飯有點"林"，少了一點醋香味。麵質有點林，但湯底味道算是濃的，材料也很多，都算入味的。

女人街不嬲都係美食集中地入面好多都係我讀書時的飯堂其中有間日本餐廳可以話大件夾抵食所以今年就同屋企人係度慶祝父親節喇餐廳樓面環境真係好普通， 裝修都比較陳舊而侍應的態度亦吾好期望太高人多個陣真係叫幾次先有人應你，依樣可以話係較為不足的地方三文魚刺身和雜錦太卷都係重量級份量， 特別係太卷真係有拳頭甘大， 6件都只係40幾蚊再黎就係海鮮炒飯， 賣相一般但係味道絕對見得人，大大碟都係60蚊左右，雖然平但配料吾會將貨就價， 炒飯粒粒分明而且一D都吾油 另外，亦叫左幾款燒物，有燒牛舌，牛肉串和雞軟骨， 牛舌燒得過火左，食個陣好難咬得開， 牛肉串就保持到水準但份量好似比以前少，至於雞軟骨就無咩特別因為爸爸鍾意食三文魚頭，所以我就點左個三文魚頭豆腐鍋， 吾會太熱氣之餘又多樣配菜食， 三文魚先炸好再用鍋上，配上清湯同豆腐， 可以減少食三文魚頭時油膩的口感，湯底雖然清但味道濃郁, 更散發出淡淡既魚香味，不錯最後，仲要介紹一款特色小食，就係薯仔絲蝦酥，其實同酒樓食的蘿蔔絲酥餅有異曲同工之妙， 不過這款更好食， 因為炸得非常乾身，入面的蝦亦十分彈牙，再蘸上蛋黃醬，真係佐酒的一流小食呀 

來到旺角，想食日本野，老友記介紹呢間，話價錢平，又吾會太將貨就價。。。。甘好拉，就去試下羅。。。首先睇睇餐牌先，繫窩，又真繫幾平，一個雜錦壽司拉面套餐都只繫36，仲送汽水。真繫估佢吾到，單睇價錢，估計繫旺角都難搵第二間吧！個餐壽司有7款，三文魚，鰻魚，吞拿都有，味道見仁見智，小弟覺得還可接受，畢竟價錢吾繫太貴，無理由要求太高。同事另叫左一份三文魚刺身，份量幾足，吾繫太差，食得出魚味，正。另一個同事就叫左份燒三文魚魚頭，小弟無食過，就upload張相share俾大家e。想搵抵食日本野，又多個選擇…

之前食過呢間日本餐廳嘅午餐，價錢實惠份量又多所以黎試下晚餐。環境企理，坐位都坐得舒服。今次叫左豬軟骨拉麵，我最中意係個湯底夠香夠濃郁，拉麵嘅配料好多，例如昆布，鳴門卷，蛋。豬軟骨夠曬入味，份量算多。拉麵有嚼勁，有豬骨湯味，令成個拉麵昇華左，份量亦都足夠，一個拉麵就可以食飽，超值

黎過好多次係食平價日本野首選係旺角甘既價錢吃到飽好似放題甘點菜好滿足😋卷物真係好大件好足料🍣三文魚$26半磅必點我同友人都好鍾意食榴槤乜乜乜點左個炸榴槤 好正😋

旺角行街逼逼下 逼左橫街雜巷比我見到有間好似好抵既日本野話消費過指定就可以20幾蚊叫半磅三文魚呢個優惠都幾令我心郁郁一入到鋪頭好窄 好逼肥少少都過唔到 真係好易撞到食緊野既人幾經辛苦我行到上樓梯上面2樓終於寬落少少可以行得舒服D坐底叫左兩個炒飯 跟埋優惠講既三文魚同三文魚壽司就諗住安心食餐飯其實比環境影響到都無咩胃口同心情認真食野食方面個炒飯整體泥講就麻麻地 味道偏咸同油左少少 份量亦唔算多 食落會發覺似普通茶餐廳炒飯多過日式炒飯三文魚同壽司就不過不失 岩岩合格都算新鮮既 但開始有少少黑紋出現所以都唔建議叫但佢D匙羹真係好難用連食啖飯都要搞好耐整體環境好唔舒服最後快快手手食曬佢埋單走人