魚心日本料理 (已結業)

2/5識得揀，都可以係一餐過得去嘅平價日本菜。手推介三文魚刺身同甜蝦刺身。炸物雞軟骨，燒魚餃或骨等等都係唔錯嘅選擇。我見隔離枱啲咖喱飯都應該過得去。是晚我地試咗兩款天婦羅卷，天婦羅本身炸得衰，卷物嘅飯有壓得太實，所以唔建議叫呢啲飯卷。個人認為叫加州手卷等等會比較穩陣。

今日同家人經過，見到門口餐牌好吸引，所以入咗去食，平價日本料理😋叫咗一份蜜桃吉列蝦卷配拉麵同鰻魚蛋加州卷配拉麵🍜本人好鐘意蜜桃吉列蝦卷，好好食😋不過拉麵比較咸，但都唔錯👍🏻價錢都比較平民👍🏻唔錯既選擇💓

超有驚喜dinner👍食物質素新鮮，原本無太大期望，壽司卷出奇好味🍣，沙律手卷都好好味，🍤炸物粉唔會太厚👍，🍜拉麵湯底唔錯麵唔會好淋，🍛咖哩豬排飯不太甜又有少少辣，豬排係新鮮豬排🐖，炸到外脆內軟，好好味😋😋，一定有下次😋😋佢哋餐牌仲有好多食物選擇，例如:章魚丸子🍢，壽司卷都有好多種類，鍋物都有好多種類🍲，下次一定要試埋其他店舖唔係好大，值得一讚唔駛等好耐，服務唔錯，上菜快👍👍

傍晚時分甘岩落起大雨，係旺角行緊街既我就搵個地方避雨，順便食埋晚餐，就入左一間叫魚心既日式餐廳。打開個餐牌，見到價錢都好親民化。一個魚生飯都係60蚊左右，刺身幾十蚊起。於是我叫左個刺身定食，雜錦魚生飯同豚肉野菜鍋。由於叫滿一定價錢可以任點55蚊一客既三文魚，所以我都叫左2客同屋企人食。首先，刺身定身同任點真係有分別。定身既三文魚係比任點更令。光睇色澤同厚度已經有明顯既分別。刺身定食既三文魚口感更佳，食落較香既三文魚味。當然，任叫既都5差，但質素似普通放題既，可入口但無驚喜。但55蚊有8至10塊。我係可以接受既。而豚肉鍋份量十足，肉都多。雖然無跟飯，但有粉絲係底。雖然豚肉鍋不是特別好味，但整體平均。比起食高價中伏餐廳。我寧願食普通貼地既舒服得多。

呢間魚心日本料理，超級超級超級抵食❗️❗️❗️重要既野要講三次🙈因為真係好抵食佢個拉麵又大碗，又夠飽肚❗️仲要食埋佢既壽司，真係飽到不得了😆😆佢嘅三文魚壽司好新鮮，仲要係六舊三文魚壽司❗️❗️❗️🤤滿足到我呢個三文魚控！

今日黎左依度食，食食下見到個壽司師傅冇帶口罩咁整壽司，跟著我就同個高高大大既侍應講聲，叫佢提一提人，頂，個侍應同我講：「廚房唔帶唔緊要，冇影響架，樓面要對客先要帶」，咩話咩邏輯？咁既想法你啲野幾好食都死啦，仲要你啲野唔係好食喎，你賣生野嫁大佬！啲壽司飯勁大舊，一個壽司set D,有3-4件係白飯！唔夠醋飯用白飯湊夠數？唔知啦！隔黎枱有客人投訴冷氣對住個頭，問侍應可唔可以撥高啲冷氣葉，或者轉枱，侍應就話：「你坐隔黎張櫈啦，隔黎吹唔到嫁」我擰過去望，成張枱無死角吹到正一正，個客問可唔可以撥高少少，個侍應就話：「整唔到嫁冇得整嫁，你試下坐隔離張櫈啦」個客就：「得啦冇野喇」又成功俾侍應解決到一個問題👍🏻今餐飯我所見到就呢兩個問題，都被侍應以高超既應答技巧解決左👍🏻

行過女人街，就俾呢間日本餐廳既餐牌吸引左，因為真係好抵。坐低後，先睇到open rice 負評咁多，即時有種中伏既感覺。但都入左去，唯有試下係咪咁伏😂-環境：有兩層，地下「士正」，但比較迫。樓上，建議唔好坐，首先裝修似大排檔。第二，唔知係咪近廁所，好臭食物：超級平，但始終大部份都係生，唔敢立亂嗌，驚肚痛😖-最後嗌左套餐：1. 拉麵+火炙三文魚壽司2.拉麵+壽司拼盤3.清酒全部野係得 火炙三文魚壽司 okay，價錢來講抵食，而且燒得非常香，食落去仲有少少🤏脆，感覺唔錯拉麵真係麻麻地，好鹹，麵身好林，屋企整都好食過佢😧拉麵再加條菜心，真係唔知咩玩法😂強烈建議而家無左菜心會好啲至於壽司拼盤，賣相麻麻，不過不失最後清酒有清酒味，但冇酒精濃度😂

話說今日有啲趕時間，諗住喺通菜街求其搵啲嘢食見到張banner好似幾抵入邊都幾full，不過唔使等位就入去試吓啦入到去店員安排我哋坐2樓2樓同地下鋪面嘅感覺截然不同😨完全冇裝修過，枱同枱之間夠晒逼夾角落仲放咗幾個紙箱⋯⋯感覺好似喺貨倉咁😖成餐飯好唔自在，而且感覺好差🙈我哋嗌左兩個set，一個配咖喱飯，一個配拉麵兩份跟餐嘅壽司賣相同味道都可以🆗咖喱飯個樣有啲衰，不過味道唔錯，如果咖喱汁嘅配料多番少少就更好喇👍🏼👍🏼（成碟飯只有一舊薯仔，兩三塊洋蔥😓）至於碗拉麵⋯⋯一上枱，咩食慾都冇晒😰😰首先個湯完全係冇味道可言，拉麵就成個公仔麵咁，仲要係焗到淋晒嗰隻🤦🏻‍♀️仲有條菜又係咩事呢🤯最後我食咗幾粒粟米就放棄左佢。我都覺得自己好浪費，但係冇辦法喺嗰個環境加上咁嘅賣相真係食唔落🤭而我放棄左唔夠5分鐘，店員問都冇問，自動自覺就收走咗碗麵🤷🏻‍♀️可想而知，應該有唔少人同我一樣咁浪費😣

早前因為返學關係，大概兩個月都係旺角食飯，返學地點又近女人街，所以基本上好多間嘢都食過晒！今次分享其中一間我哋食過幾次的舖！魚心日本料埋！如果係平日12點多啲過嚟食，基本上間嘢已經好full，所以每次我哋都要急急腳過嚟搵位！嘢食嚟得都算快！眼前大家都係叫經濟餐定食，比較多會叫拉面定食餐！最近我就比較鍾意叫拉面定食配鰻魚壽司，老實講味道好唔錯！份量都夠！拉面我覺得不過不失，都可以嫁！面的份量唔算少，起碼我次次都食到好飽添！另一款係咖哩飯配壽司手卷套餐，依牌其實都唔錯，不過咖哩飯感覺份量比較少，無拉面咁抵食！我哋有幾次都係同小朋友嚟食，so far佢哋服務都好好，所以一定會再返嚟食嫁！

夜晚接近9點，疫情肆虐真係好難搵到仲有開既食肆🥺經過女人街，見到魚心做緊$48蚊一個鍋物⋯真係諗都唔洗諗就狗衝左入去我叫左一個拉麵set，埋單都只係$68，包一支樽裝可樂，一個齋拉麵，一碟6件既火炙芝士三文魚卷😨雖然好平，但完全唔馬虎，係好食既，尤其係個卷物😚出面起碼都要40幾蚊，讚👍🏻👍🏻（後尾埋完單發現宵夜時段21:30後仲抵，同一個set都只係$45⋯依間餐廳到底洗唔洗賺錢？😂另外叫左個鍋物～野菜牛肉鍋烏冬$48都好值得叫🔥🔥🔥推介👍🏻

真係食到一肚火！咁啱經過通菜街，見到有日本便當$50好似好平咁，就想黎試下，點知..我叫咗個滑蛋牛肉飯，男朋友就叫咗個鯖魚定食相就係咁既，而真實就係咁既就好似吉野家牛肉飯上面放咗個煎蛋，冇錯，係煎蛋唔係滑蛋...由於我真係好想食滑蛋，所以我就問咗店員，佢話滑蛋就係咁既啦，牛肉上面放雞蛋就係滑蛋既啦，仲話，想食生啲落單時同佢講要生啲呀嘛 心諗到我叫緊滑蛋牛肉飯，你叫我再同你講個蛋要生啲。。。呢個就係店員所講既滑蛋，蛋但都冇發過，熟曬，請問呢個唔係煎蛋，咁煎蛋又係咩呢？佢仲話我就係老闆，係咁既啦，碗飯係唔會退既啦..其實如果佢肯換一碗俾我地，再係咁既煎蛋，我地都冇野講，都係廚師既問題，但依家係態度既問題男朋友叫既呢個，佢話個魚好乾，乾到好似魚柳咁 全部定食最好食係個白飯🤷🏿‍♀️其實如果係食物質素問題都唔會咁嬲，依家係服務態度既更差既問題！

係門口見到好多餐牌又有啲便當寫住話有優惠先入去食 點知入到去又話冇 咁點解要貼曬係門口呢？ 但呢個都算 見佢餐牌啲野食都唔算太貴入到去有個肥佬就叫曬日文歡迎咁 以為服務好好la 都覺得好似唔錯咁 點知之後就黎料了...我地叫咗個滑蛋牛肉飯，個飯一黎到我地嘩咗出黎，我咁大個仔都未試過食過咁難食嘅野，滑蛋變煎蛋，之後我地好聲好氣問下伙記係咪搞錯la，點知態度差到呢，又大陸口音跟本聽唔到佢up乜，隱約聽到佢話係牛肉上面加隻蛋就係滑蛋牛，我問反佢咁煎蛋係點嘅樣，佢就淨係一輪嘴講話係咁㗎啦邊有滑蛋蛋白同蛋黃分開㗎？ 發都冇發下隻蛋 之後我叫佢老闆黎 佢就話自己就係 好似大曬咁 令我好好好不爽 其實食物質素係其次 態度差先係最唔掂嘅地方 食物唔得ok fine廚師煮唔到可以體諒 但咁嘅服務質素同態度我真係接受唔到lor我地仲叫咋鯖魚飯 條魚一黎到已經見到煎到燶曬 食落去嘅口感同食緊罐頭魚柳差唔多 成條魚嘅肉都好實 簡直係浪費咗條魚 仲有吖 麵豉湯嘅碗底甩晒色都唔知飲野果陣有冇飲埋啲色素落肚個”老闆娘”仲好意思收加一，我真係笑出餐，咁樣都仲有面皮收服務費。。。之後我上黎openrice睇，原來已經咁

通菜街係好鬼多古靈精怪既餐廳, 好多我都食過曬.今日諗住試下呢間啦, 好似真係好抵食咁, 係出面望咁多客人心諗冇事既.入門口係冇人理我 , 桌面既餐具都係濕既.一個講野極之大聲既呀姐為我落單我話我要可樂4次佢都聽唔到最後仲要黎左支雪碧, 算了.個呀姐居然拎住我個拉麵周圍走 問係咪其他人既我認返我個麵之後佢居然同我講, 張單跌左係咁架啦其實$60一個餐唔可以強求咁多野.望入去只有壽司吧果位師傅睇落去比較認真, 勉強合格啦不過D材料真係食得出係平野, 飯好爛, 不知所謂.呢碗野厲害啦! 聞落好似平時飲既中湯, 飲落去仲咸過海水, 唔係, 海水都比呢碗更好飲其實我寧願你直接用即食麵既湯包比我, 但我真係唔知呢個係咩湯黎.好咸, 陣味好怪.話說 我支汽水都未飲完, 另一位呀姐走過黎搖我個樽睇下飲完未, 發現未就扮無野走左.我承認自己係比佢個超級低既價錢吸引到, 但我無諗到呢$60係咩都食唔到只係食到一肚氣返黎, SORRY 係$66因為佢地仲夠膽收加一

今日旺角行完街，老婆話想食清淡D，就行下行下見到有間日本野，就望吓出邊個餐牌見到幾平喎又大份。60幾蚊嗰個拉麵大大碗，仲有三個手卷五件壽司，就同老婆行咗入去。我同老婆都係嗌左個餐。就咁睇落飽就一定夠飽，至於味道，首先試咗一啖面，嘩真係呀，咸到呢，大家都知道拉麵最緊要係個湯，但係呢個湯真係咸到阿媽都唔認得。啲面嘅質地食落我仲以為自己食緊公仔麵。之後到三舊手卷，個手卷如果淨係食上半部份，都未至於難食，但係若果你食埋下面果舊飯？ 定係漿糊？食咗一pat野都唔知自己食緊乜。我諗住個餐最正常嘅應該係舊三文魚壽司啦，起碼佢啲飯小食落一pat嘢都唔係咁明顯。至於嗰舊加洲卷真係成pat野咁，勁大舊。另外，老婆仲勇敢地叫咗呢個「秋天的童話」。食落真係有秋天嘅味道，因為食到我個口好乾，重點來了，全個餐最值得讚嘅地方：就係兩支支裝嘅汽水，係咪居然唔係茶，係咪好出奇呢，因為嗰杯我都唔知係茶定水。真係好想知道點解仲可以咁厚面皮收加一，個阿姐十問九唔應，影咗仲衰過冇應叫佢拎支汽水都話下咩話？我以後食飯前一定會開一開OpenRice 睇有幾多負評㗎啦

魚心日本料理地點 :旺角通菜街29號地下港鐵旺角站E2出口,步行約4分鐘價格 :➡️壽司八爪魚丸餐⬅️三文魚細加洲卷 $39鰻魚蛋加洲卷 $46可加$4 支裝汽水(可樂,雪碧,忌廉,芬達)_評語:跟閨蜜遊走旺角,行到一半肚子好餓,去了通菜街覓食.店鋪裝潢是日式風格,仿佛置身於日本居酒屋,不要看份量像很少,其實很飽肚🤣香甜王子燒,青瓜,蟹肉棒加壽司飯配上三文魚忍不住一口接一口,直至把全部吃光😋熱呼呼的酥脆八爪魚丸配上燒汁、沙律醬、木魚令人食指大動😃經過嘅不妨入去試試