魚一壽司 (京都廣場)

营业中

休息中

🔥想食平靚正壽司，都唔一定去連鎖店既，銅鑼灣新開既「魚一」，價錢夠曬貼地，CP值極高，款式選擇仲好多添！難怪平日都好旺場，排左20分鐘先入座，不過好野係值得等待既！👍🏻我哋先試左刺身六點盛（$268）擺盆好吸睛，其中有油甘魚、三文魚腩、吞拿魚、鯛魚、赤貝同牡丹蝦，刺身厚切肥美，樣樣都好新鮮，特別係入口即化既油甘魚！❤️之後又試左三色刺身丼（$98）唔使$100蚊就食到鮮甜既海膽，超抵呀！另外仲有三文魚同帶子，同樣令人回味無窮。🥢除咗刺身，一定要試下卷物特別係鵝肝卷（$48）同牛油果軟殼蟹卷（$48）味道非常出色。另外芒果三文魚卷（$38）芒果同三文魚好夾好味，值得一試。🍗小食就試左明太子雞翼（$38）酥脆嘅雞翼包著咸香嘅明太子，真係好好食！🍣唔夠喉既話，仲可以散叫其他壽司款式，一樣都係咁新鮮抵食！鐘意食壽司既你，一定要嚟試吓啦！✨海膽魷魚（$22）希靈魚（$12）鰻魚（$14）

魚一壽司 (English name: Sakarya Ichi Sushi) is a very popular sushi restaurant from Yuen Long. It seems every time we are in that area, there is a long crowd of people waiting for a table. Now, they have opened a branch in Causeway Bay. Located in the basement where Yoshinoya once stood, it's not very wheelchair accessible as they have blocked the elevator access so you must use the stairs.The area is a decent size though the table spacing is a bit tight. There are quirky drawings on the walls as de

今日黎到銅鑼灣經過見到呢間日本料理店裝修有格調就決定入去試下三文魚腩刺身三文魚口感細膩鮮嫩，脂肪豐富，入口即化牛舌串燒是另一道不容錯過的美食牛舌燒得恰到好處，外頭微焦，裡面鮮嫩多汁。搭配特製醬汁，口感豐富，讓人一試難忘生蠔壽司蠔身厚實，咬落爽口彈牙帶一點海水味，咸度剛好加上檸檬汁和醬汁味道取得平衡，好滋味明太子雞翼雞翼外皮炸得香脆，內裡肉質鮮嫩，明太子的香氣與雞肉完美融合，口感層次豐富鵝肝壽司，鰻魚壽司鵝肝熟度剛好外脆內軟好惹味！鰻魚肉質緊實鮮嫩，香氣撲鼻。醬汁濃郁，充分滲透鰻魚香氣，吃上一口，猶如置身江戶時代的美食世界

今日叫左一份燒多春魚(4條），好味，另一份蟹籽沙律，份量夠不過味道唔夠，另外叫左一碗魚一極上丼飯，新鮮，一碟明太子雞翼(2隻），一般，另外叫左一份生芥末八爪魚軍艦，一份希靈魚壽司(2件），好味，下次再試下其他食物，今日好多食物都賣晒

之前都有听朋友推介過呢一間壽司店🍣最近原來系銅鑼灣開左分店,地點咁近我哋,緊系即刻去朝聖下拉🤤⭐️丼飯系列,可以自選材料,自己鍾意食邊款可以自己配搭🤩而我就揀左好幾款刺身,一次過滿足哂自己個肚仔🤭✨海膽劍,劍魚腩,三文魚腩,珍寶帶子,有頭甘蝦丼飯🍚刺身質量非常鮮甜,每一件切出嚟都非常之厚,味道都好有魚油香味🤩⭐️拖羅壽司四點盛🍣有大拖羅,中拖羅,赤身,吞拿魚蓉🐟油脂分布香口,魚脂十足,同樣地都係厚切,絕對對得住個價錢🤫⭐️日式炒麵🍜麵既質地煙靭,椰菜爽口,醬汁又唔會話太濃,小朋友都啱食👍🏻

揀咗平日中午去食叫咗兩個set lunch 一個係左口魚裙邊丼 一個係吞拿魚丼首先我到達的時間1:30之後客人並不多，其實我哋嘅orders照道理不用太多時間去準備(這不是高級料理店, 魚生應該切好哂 只需放上碗飯便可以出餐) 我望住壽司枱師傅好休閒，但我唔明白點解我嘅餐要等咁耐🤨未上餐之時 我見到每台都有一個保溫壺，我估係茶 倒出來，首先茶唔熱顏色淡好似已沖過百次既茶膽，淡淡的水加少少色 唔敢飲😨終於等到set 來有丼飯, 沙律, 麵豉湯 & 茶碗蒸 後兩者都有蓋住. 由於本人頗喜歡食茶碗蒸，所以第一時間打開 見狀 已經好失望😖先講温度係室温唔熱但裏面啲蛋就好似蜜蜂竇好多個窿仔->即是佢蒸得太耐!! 壽司郎價值$20蚊茶碗蒸就顯得相當優秀👍🏻幸好服務員都願意為我們重新再做一個新嘅茶碗蒸雖然重新做過嘅蒸蛋係完全冇味!至於魚生 算是不俗Toro係肥美的!埋單兩佰蚊在銅鑼灣算平衛生方面我見到地面上有紙巾已經唔開胃 又有小飛蟲飛來飛去。如果一間日本餐廳有咁嘅狀況, 我係唔會再幫襯, 因為咁樣好能反映出該餐廳唔太重視衛生更甚是處理魚生等食材😡港島人本來不知道這間由元朗開出來的店, 只

見到銅鑼灣開咗魚一 所以要尼支持下 裝修好似去咗日本咁 有燈籠喺門口😝 入面都幾大 食物種類好多 佢哋嘅刺身拼盤同壽司價錢都唔貴 好多壽司都想食🤣-🐔京蔥雞肉串 $28呢個串燒好出色 雞肉燒到外面好脆 但入邊保留到肉汁 京蔥一咬都好脆 但唔乾-🍢雞腎串$22雞腎全部都好大粒 好入味 值得一試🤣-🥚茶碗蒸$22茶碗蒸好滑🤤-🍣炙燒壽司五點盛$68有三文魚 左口魚 穴子 牛肉 帶子穴子好大條 最鋪意三文魚同左口魚 油脂滿滿-🐟西京燒銀鱈魚 $148銀鱈魚肉質好嫩 西京燒醬汁好好味-🍣活赤背壽司 $48-🦀炙燒芝士蟹柳壽司 -🦐玻璃蝦壽司（2件） $14-🐠火炙左口魚邊$20火炙咗嘅左口魚 油脂出曬尼 好香-🍣地。金目鯛刺身$88金目鯛好新鮮 夠厚切 口感唔錯 金目鯛嘅味都好濃-🐟燒三文魚魚頭 $68第一次食三文魚魚頭 都幾特別 唔會好多肉 但係感覺好多骨膠原😂好次啫喱咁-📍魚一銅鑼灣駱克道491-499號京都廣場地庫

每次經過元朗魚一壽司，都會見到好多人等位🤓知道銅鑼灣開分店後，第一時間book枱去食😜果然同傳聞講嘅一樣，呢間壽司店性價比極高呀🔥叫到成枱都係，埋單都係$500左右😌挪威三文魚腩刺身厚切嘅三文魚腩肉質鮮嫩，口感滑嫩✨拖羅壽司四點盛拖羅魚油脂肥美又甘香，入口即化，重點係無筋✨忌廉芝士鰻魚卷鰻魚嘅香氣同濃郁嘅芝士味道非常搭配，口感十分豐富✨牛油果軟殼蟹卷Creamy嘅牛油果配炸到脆卜卜嘅軟殼蟹，口感有層次✨蟹肉蟹膏軍艦濃郁嘅蟹膏配鮮甜嘅蟹肉融合埋一齊，夠惹味✨自家製玉子壽司味道唔算甜，蛋香十足嘅玉子又幾好味✨火炙北海道帶子 & 玻璃蝦壽司帶子同玻璃蝦夠鮮甜✨除咗刺身同壽司，熟食同樣出色😜牛舌芯口感爽彈又軟滑，牛味勁香✨椒鹽口味嘅炸雞軟骨粒夠哂酥脆✨ 天氣咁熱，食到呢個冰凍麻醬烏冬特別爽✨魚一壽司 (京都廣場) (銅鑼灣)銅鑼灣駱克道491-499號京都廣場地庫

魚一 之前就已經聽過佢個名不過位置問題一直未試過佢最近銅鑼灣開咗分店 就放工約朋友試估唔到6點幾已經好多人，果然有名氣本鮪丼 （$158）一碗有齊赤身，中拖羅，大拖羅，同呑拿魚蓉完全無諗到刺身份量咁多，足足有5大片，而拖羅唔會將貨就價，質素十分之好，油份滿滿，帶有甘香味 😍😍另外都叫左好多壽司特別推介活赤貝壽司 （$48）赤貝好厚肉！好爽口，又夠甜美珍寶帶子壽司（$36）好大粒，好飽滿！好新鮮好甜！ 大滿足！日本飛驒牛火炙壽司 （$48）燒到啱啱好，面有炙燒香味，而牛肉味亦十分重 呢間絕對值得再食，咁既價錢，真係唔怪之得咁夠人推介

餐廳位於地庫, 樓梯位有一排燈籠做裝飾, 估唔到餐廳地方幾大, 好多2-4人座位, 另外仲有Private Room, 枱與枱之間嘅距離較近, 平日晚上座無虛席好有人氣。𓊈刺身九點盛 $𝟺𝟹𝟾𓊉九宮格賣相實在太靚! 九款刺身包括三文魚, 間八, 帶子, 中拖羅, 赤身, 牡丹蝦, 時令魚生就有金目鯛同青魚, 另外仲有一份時令海膽。海膽配有紫菜同壽司飯, 味道非常鮮甜, 三文魚厚切好肥美, 帶子爽口, 牡丹蝦好大隻脹卜卜, 另外有少少估唔到青魚咁好食, 款款都好新鮮!𓊈活赤貝壽司 $𝟺𝟾𓊉一份有2件, 活赤貝好爽口, 味道好鮮甜, 裙邊位都好好食! 𓊈油甘魚腩壽司 $𝟸𝟸𓊉油甘魚腩帶有淡淡嘅甜味, 肉質柔軟, 口感滑嫩。𓊈日本直送鱆紅魚壽司 $𝟷𝟼𓊉鱆紅魚味道比較濃郁, 肉質結實, 口感比較有嚼勁。𓊈火炙三文魚 $𝟸𝟶𓊉三文魚燒過之後充滿油脂香氣, 肉質軟腍, 入口慢慢溶化。𓊈芝士蟹籽軍艦 $𝟸𝟸𓊉最鐘意食芝士蟹籽, 芝士味香濃, 蟹籽爽脆, 好好食!𓊈日本靜岡縣番茄沙律 $𝟼𝟸𓊉番茄好香甜, 沙律裡面仲有青瓜, 粟米, 蟹柳, 側邊配有一個特調醬汁, 味道酸酸甜甜, 好開胃解膩。𓇊 整

見到銅鑼灣開咗魚一就梗係要支持下啦🫶🏻呢度裝修同元朗好唔同真係好似去咗日本咁，好多燈籠喺門口又有吧枱同包廂😳😳 環境都幾唔錯食物種類都非常之多，同埋覺得佢哋嘅拼盤類價錢非常吸引！《赤蝦刺身》$88質素唔差，但size比想像中細性價比偏低🥲 早知叫份蝦拼盤好過😛《拖羅壽司四點盛》$98赤身、中拖羅、大拖羅、香蔥吞拿魚腩蓉件件都厚肉大件都不得了～ 就咁單點一件大拖羅都已經$48，比多$50就有多3件真係好抵食！💕仲要佢嘅質素係有保證！唔係唔新鮮嘅食材😗《貝類三點盛》$88廣島蠔、赤貝、赤貝軍艦、帆立貝又係另一個好抵食嘅拼盤！呢度絕對唔會因為你叫拼盤而呢啲冇質素嘅壽司你，或者將貨就價~ 🤍不過廣島蠔嘅size懸殊太大🤣 有隻半隻手掌咁大 另一隻就好瘦😵‍💫😵‍💫不過價錢黎講真係好抵！《炙燒壽司五點盛》$68五件火炙壽司包括: 三文魚、牛肉他他、左口魚邊、帶子、穴子😋當中最欣賞嘅就一定係左口魚邊🤍左口魚邊咬落去嘅油脂爆曬出嚟😛非常之澎湃🌊之後就係帶子同三文魚，牛肉他，他個感覺都幾特別，一試無妨😃穴子又係非常大件😳 但係我本身一般穴子，所以冇乜感覺🤣建議大家最後book咗位先去，因為星期一夜晚都

元朗最愛嘅魚一竟然係銅鑼灣開分店！點可以唔去食！三色刺身丼之前係元朗店次次都叫呢個，今日冇曬海膽轉咗做大拖，好肥美好正！自選丼飯自選丼飯最少揀3個菜～叫咗三文魚腩2切同蔥吞拿魚腩蓉兩份～兩份黎講略嚴少咗啲啲，同埋覺得今次吞拿魚腩蓉冇咁香同肥美🙈挪威三文魚刺身（8切）好肥美好正！壽司我地叫咗(A5)日本飛驒牛壽司、(A5)日本飛驒牛火炙壽司、火炙左口魚邊、左囗魚裙邊壽司、魚一本鮪卷（2件）、珍寶帶子壽司～必叫左囗魚裙邊同A5日本飛驒牛火炙壽司！超肥美超好食！飛驒牛燒完有少少入口即溶feel抹茶紅豆卷蛋最後！竟然有元朗名物旮旯嘅卷蛋！！！唔洗排隊同人爭都食到🥹淨係食佢都抵曬xd 卷蛋好鬆軟好有彈性唔乾，抺茶味都好濃！好正！一定要encore🥹

確係新鮮、好味、抵食。可以改善嘅有兩點：軍艦的紫菜是冧的，不合格。軟殼蟹卷的蟹雖然脆，但係係一早炸定，冇溫度。會唔會要求太高，如果可以改善，就滿分！香港人、加油呀！

依間壽司店係元朗國有d 名氣~原來佢進駐左銅鑼灣京都廣場地庫😱~去開SOGO 感謝節行街就去試左😍😍同fd 子唔算太肚餓~叫左幾樣野食:刺身六點盛(HK$268):有三文魚腩, 蝦, 油甘魚, 赤身, 活赤貝等每樣兩片, 一人一片剛剛好~每樣食材都好新鮮~ 灸燒壽司五點盛(HK$68): 有加長版星鰻, 三文魚,帶子,左口魚同牛~ 性價比幾高, 貝類三點盛(HK$88): 有生蠔, 活赤貝同帶子~ 意外地覺得用心, 有赤貝軍艦同活赤貝握壽司~ 仲有件生蠔添🙊金菇肥牛卷(HK$48): 純粹叫黎有d 熱食😂有6件~ 😂😆味道唔錯~ 食落好似有些少酒香味~🧐😂店鋪幾大, 除左有bar 枱, 卡位外, 仲有3-4間房包廂,有私隱度👍用QR Code, 幾方便, 當日店鋪多人但上菜速道都好快👍而且佢地店員都勁勤力幫手加茶,收走食完既碟, 仲勁有禮貌完全係加乘💯唯一缺點:二人枱太細同fd 子同一時間叫左五樣野係放唔落~ 只可以加快速度食😂😂

要食平靚正壽司 唔一定去某連鎖店！始終如一嘅「魚一」 好受返工一族歡迎 無論午市定係收咗工食晚市 都一樣咁多人 人頭湧湧呀同朋友兩個人每人唔使$300叫到成枱嘢食 最初當然從壽司入手！😍任點唔嬲 先來馬刀貝壽司 個馬刀貝好爽脆 另外仲有我最鍾意嘅活赤貝 𠝹晒花好靚，食落去同樣感覺新鮮。另外第三款就係甲紋魷魚 質地厚身 而且膠質滿滿呢。食完好多壽司之後仲有呢度嘅串燒！燒鯖魚全體 加上檸檬汁 又靚又大條 仲有青椒仔串 加埋少少木魚花 隨着熱度飄揚着 青椒無可替代的椒氣 充滿和風口感呢剛剛炸好的天婦羅南瓜和番薯也是我所喜愛熱烘烘 非常脆口 點上天婦羅汁 加上蘿蔔絲驅走晒熱氣👍🏻👍🏻最後必食澱粉質的我 叫埋手打烏冬佢可以揀凍食或熱食 我最後揀咗熱食口感都幾彈牙 $38性價比極之高呢度啲嘢食總體而言非常抵食 下次一定再嚟！😋