魚一壽司 (教育路)

营业中

休息中

黎自元朗bb既推介出名性價比高 質素唔錯日日都要排隊🫣🤩魚一🤩壽司/刺生： 推薦火龍卷🥰咩都有啲既感覺🥰每件細細舊咁 但用料十足火灸左口魚同三文魚都係我至愛 入口即溶🥰火灸牛肉他他都唔錯 牛味十足加埋有啲灸燒既香其他魚生都幾新鮮 對得住個價錢馬糞海膽壽司就一般 $28都唔expect好鮮甜架啦 不過過下口癮都唔錯自選丼飯：丼飯既魚生絕對唔hea你三文魚新鮮海膽feel到係靚野 好鮮甜😍同馬糞海膽壽司果個好唔同帆立貝亦夠大同鮮甜食得過我地重有叫牛舌同啤酒🍻啤啤佢完美展開weekend💕Total💰$448 (豐儉由人啦）回頭率 : 🐥🐥🐥🐥🐥/5魚一壽司 @sakaraichisushi 📍元朗教育路68號兆豐樓地下7號舖

話說搬返黎元朗已經一段時間，留意到元朗最多人排隊既日式有兩間，一間係大馬路X中，另一間就係呢間「魚一」。由於早排食完X中，今日咁啱放工去咗嘉城，經過魚一見無人排隊就入場試下。首先上軟殼蟹壽司賣相尚可，但係軟殼蟹又凍又軟，完全唔知炸完擺咗幾耐既口感，沒有比較沒有傷害。燒雞泡魚乾口感唔錯，有濃厚既魚乾鮮味，微溫。三文魚腩刺身賣相普通，肉身鮮甜，食完無腹瀉問題。起初仲諗緊點解餐枱上無Wasabi，原來隨刺身附上。蟹肉蟹膏壽司壽司郎水準，不過不失。火炙壽司、左口魚、牛肉他他等味道無驚喜，都係壽司郎水準。吞拿魚手卷伏到唔知點形容，吞拿魚少得可憐，紫菜又軟又淋，未食過咁低質既手卷。最後係饅魚同帶子壽司都係嗰句，壽司郎水準。由入座到離座前後應該九個字都無，因為太肚餓，快快趣趣食完就走。唔會再有下次，又一間失望既黃店。真係要排咁耐隊既話，我寧願食X中、壽司郎。

Long time no see 🐻 近來工作較忙又少左去揾食，所以好耐無出post 🥹 今次終於可以同大家分享一間想食好耐既壽司丼飯黃店💛 閒日下午來到見到有午時定食，當然要試下啦 😝 ⁡🐻の試食‼️⁡✨粒粒魚生丼 $58✨竹(火炙壽司) $98⁡午市定食只限閒日，有埋三文魚麵豉湯、沙律，今次🐻就食竹(火炙壽司)，有10件壽司再加埋茶碗蒸 🤤 每件壽司都好靚仔，最深印象一定係火炙帶子同埋穴子，超鮮甜美味 ☺️ 另外同事叫既粒粒魚生丼都好正，各款魚生粒粒簡直大到嚇親（同事獻出手指做對比) 😄 $58 仲要免加一真係無得輸 💛 ⁡

挪威三文魚腩刺身 $98三文魚腩都幾厚身，落口幾肥美，魚油佈滿成個口，滿足！除咗有八切之外，仲有四切。壽司松 $158壽司分別係油甘魚，三文魚，吞拿魚，海蝦，三文魚籽，帶子，海膽。份量都價錢都成正比。帶子壽司都幾大粒同埋鮮甜。油甘魚都幾有鮮味。海膽就感覺唔係好新鮮。三文魚籽都比較腥。燒三文魚頭鮫 $48燒到魚尾都好香脆，但燒得比較乾。中拖羅壽司 $32呢件中拖冇想像中咁肥美，比較似赤身吞拿魚。軟殼蟹卷 $38有四件，好處係唔太大舊，可以一啖一件，唔使食到污糟邋遢。味道就不過不失，以d沙律醬搭救。

魚一嘅lunch set好抵食，成個set一啲都唔馬虎，有齊沙律、麵豉湯、茶碗蒸，當中麵豉湯甚有驚喜，湯裏面有好多塊三文魚，飲落非常鮮甜，好難得依個價位都食到有心思嘅跟餐食物！lunch嘅壽司梅包括8件壽司加2件加州反卷，壽司有三文魚、鱆紅魚、油甘魚、赤身、魷魚、帶子、甜蝦，整體係物有所值，除咗赤身略為失色之外，其他魚生感覺都好新鮮，三文魚雖然唔係腩位但係都好肥美，而且甜蝦嘅size偏大，食落口嘅口感會好啲

經過見到呢間舖，見到門面細細，以為好細間啦，點知入到去，嘩！原來有兩層架好大間，唔怪得都唔洗點等位啦。今次係食午餐，午餐既價錢都幾抵食，由$58 - $148都有（當然未計加一啦）。價錢平宜D既有面類，高價錢D既有壽司拼盤。今次揀左兩個餐，一個係喬麥面餐，個餐唔止得個面架，仲有幾舊壽司架，所以份量一定夠飽架。另外一個餐就揀左壽司拼盤，有10舊壽司，帶子、三文魚、蝦、吞拿魚都有，好多款樣樣有，滿足到想乜都食DD既人。至於座位方面，地方都闊落，所以都好好坐。總結而言抵食呀。

又黎魚一食飯我既致愛仍然係焦糖鵝肝壽司食足咁多年都唔會厭今晚同新朋友食飯，試多左D新野，雖然唔係好記得d名，但新鮮好食，隻蠔每人1隻，食完都唔夠喉第一次食活赤貝，又幾好味期待下次再食過

坐成個幾鐘車黎到元朗就係為咗食好嘢其實呢間店已經係小芝我第二次黎上次同朋友黎食咗個自選丼飯 一試難忘 立即拉埋另一半再次來訪呢間高質壽司店👩🏼‍🤝‍👨🏻呢間店一到六點就開始多人排所以至少需要提早一日book位咁我地就book咗位 一黎到就即刻有位坐🥰雖然我地只有2個人 但都有4人位坐位置好闊落成個店為客人嘅安排好貼心唔會為咗做多啲生意整到啲位置密密麻麻👍🏻我地今次晚飯叫咗兩個自選丼飯, 三文魚壽司, 火炙牛肉他他, 火炙三文魚🍣首先介紹下啲壽司三文魚壽司(2件) $15新鮮鮮甜 上面嗰塊三文魚厚薄啱啱好火炙牛肉他他 (1件) $12牛肉好有牛味但稍嫌燒得有啲太熟下次會試下唔係火炙嘅牛肉他他火炙三文魚 (1件) $9呢個真係必試‼️‼️火炙咗嘅三文魚入口即溶但又保留到三文魚嘅鮮味好好食！自選丼飯到咗重頭戲自選丼飯我地分別叫咗三文魚腩2切,大拖羅2切, 珍寶帶子2切丼飯 ($144);同埋三文魚腩2切,大拖羅2切, 劍魚腩2切 丼飯 ($132)三文魚腩好肥多汁又鮮甜大拖羅又係一必食刺身 簡直食返日本嘅味道 入口即溶嘅鮮甜 魚油香好豐盈💯珍寶帶子好大粒又新鮮我好少食劍魚腩刺身 呢個劍魚腩嘅油脂

今日有人介紹我試吓呢間日本餐《 魚一》平時夜晚都見到好多人排隊今日收工過到嚟五點幾 即刻有位因為好耐都冇食過呢類日本餐好多嘢都想食先上咗個燒雞泡魚乾點解會咁硬，係咪貨源問題軟殼蟹手卷啲軟殼蟹唔知係咪炸起咗好耐我唔覺得食緊炸軟殼蟹油甘魚合埋眼我應該食唔出係咩大拖羅冇根 連味都冇嘜 帶子個心仲係好凍 唔知係咪唔夠時間解凍唯一好食係左口魚正常來貨沙甸魚壽司 焦糖鵝肝壽司 甜嘅鵝肝有啲唔夾芝士玉子燒唔覺得好食總結唔會再幫襯

📍魚一壽司呢間之前都介紹過詳細就唔多講，價錢好抵食就算係夜晚都唔貴，應該唔係咁講應該寫就算夜晚都好平🤣，CP值好高‼️，今次就買外賣壽司去野餐食，店員知道我哋去野餐仲俾埋乾冰我哋添，勁貼心加分❤️，強烈建議開多啲分店 😻，想知係咩就繼續留意睇落去啦👇 👇—————————————-————📍野餐地點 （ 南生圍）我覺得呢個位幾舒服幾好，唔會好似西九嗰啲咁樣咁多人，呢度一片大草地，位置好大重點係唔會好多人，記住要搵啲樹陰位食嘢啊，如果唔係你就會熱死🥵，元朗call Uber或者搭的士入嚟大約$60-80 —————————————-————午市壽司set 3️⃣個叫齊晒👅 梅 $78👅 竹 $98 （火炙）👅 松 $148所有午市套餐仲有麵豉湯丶茶碗蒸丶沙律—————————————-————👅 梅 $782️⃣件 三文魚 1️⃣件 赤身1️⃣件 油甘魚 1️⃣件 日本魷魚2️⃣件 加州卷 1️⃣件 帶子1️⃣件 鮃紅魚 1️⃣件 甜蝦$78性價比好高😍，食爭先都差唔多啦，呢個係三個set最平嗰個，不過竟然都有帶子同埋油甘魚喎，帶子大粒鮮甜，好滿足，其他就正常壽司水準啦，唔係特別不過呢個價錢我無要求😉，合格以上————————

粒粒魚生丼 $52魚生份量算多，午餐份量都好足夠，以呢個價錢嚟講都算抵食👍魚生個質素都算新鮮，特別係三文魚籽，好有鮮甜味佢跟餐嘅三文魚湯必定要試，三文魚好甜好滑，好好味😋麵豉湯充滿魚香味，仲要一啲魚腥味都冇，非常好飲👍👍火灸鰻魚 $8火灸壽司係👧🏻至愛，因為更加香口🤭入口有即溶既感覺，鰻魚都幾肥美😋直得試下😋鰻魚壽司 $14個人比較鍾意火灸既鰻魚壽司，感覺更加香口😌鰻魚雖然應該都係同一條，但唔知點解火灸既鰻魚感覺更肥美🤔🤔整體不過不失味付螺肉軍腩 $12螺肉分量都算多，但味道普通，同平時超市買到既味道無咩分別😂不過依個價錢都算抵食😌😌蟹籽軍腩 $18👧🏻最鍾意食蟹籽，旦白講，大部分地方食既蟹籽都係差唔多🤣🤣魚一既蟹籽都好新鮮，都好抵食😋

去元朗搵朋友食飯朋友推介食「魚一」💛星期六黃昏未夠6點入座 唔使等位✌🏻➼ 壽司🍣🥢北海道生帶子壽司 ($14/件)🥢三文魚腩壽司 ($15 /件)🥢日本甲紋魷魚壽司 ($18/2件)👍🏻刺身好新鮮 帶子大大隻、魷魚超爽口～推介🥢辣味三文魚軍艦 ($16/2件)🥢蔥吞拿魚腩軍艦 ($22/2件)🥢蟹肉蟹膏 ($22/2件)👍🏻3款軍艦壽司抵食又好味😋🥢火炙原條海鰻 ($22/件)🥢芝士火炙皇帝蟹棒 ($12/件)🥢芝士火炙熟蝦 ($12/件)👍🏻海鰻燒得好香芝士類就正常發揮🥢軟殼蟹卷 ($38)👍🏻軟殼蟹炸到脆卜卜😍😍➼ 炸物🥢明太子雞翼 ($30/2隻)以為入面係creamy嘅明太子 咬開發現有陣泡菜味👎🏻有啲失望😣🥢紫薯粟子薯餅 ($18)唔油 幾好味➼串燒🥢牛舌串 ($22)好爽無雪味 落少啲黑胡椒會好啲😂🥢芝士玉子燒 ($48)無咩芝士味 味道似港式煎奄列唔推介👎🏻﹎﹎﹎﹎﹎﹎﹎﹎﹎﹎👍🏻 刺身新鮮、壽司高質 👍🏻 用QR code自助落單 好方便可能太多外賣單員工態度麻麻不過性價比高 會再黎食壽司💛☺️

同朋友山長水遠黎到元朗，聽聞呢間日本餐廳好食，2:30pm黎本身想食個晏，點知已經截龍，職員叫我地晚市再黎。我地本身都諗住放棄架喇，行咗一陣見5點零，時間夾到，就再黎排下啦，我地好彩第1個排隊，等咗15分鐘，之後！嘩！一到晚市時間後面條隊超長，又勁多人叫外賣我地先叫啲出名既刺身，嘩嘩，真係好肥美好鮮，都係百幾蚊，終於明點解咁多人排隊！又係好鮮啊！不過紫菜唔脆！淋咗之後叫少少熱食，玉子燒我本身唔太好，所以俾唔到中肯意見 😂，淨係覺得甜同滑身串燒都幾好食正正子食到尾已經好漏，好滿足

元朗有好多好嘢食 見到魚一難得無乜人排隊就去咗食🤤🤤炙熱左口魚邊丼飯 $72左口魚嘅份量非常豐富🤤油脂足夠 未到入口即溶個隻但都夠油份 味道突出 大蔥燒雞 $22燒雞肉配大蔥真係好夾😋不過略嫌醬汁味道太濃 整體會鹹咗啲火炙芝士三文魚壽司 $12 一件味道一流😋啱啱燒起 帶微微熱嘅三文魚配芝士好好食 油脂幾夠 🤤炸蝦卷 $28 軟殼蟹手卷 $22炸物都麻麻🙁 應該係炸起咗放咗好耐所以入面嘅炸物都係凍嘅 軟殼蟹亦唔算好脆口

📍魚一壽司 (元朗)元朗教育路68號兆豐樓地下7號舖———————————————蒲燒鰻魚飯 (💰: 62 hkd) (午市定食) 抵食高質鰻魚飯✨雖然餐牌上括住半條鰻魚，但目測有平常原條長度嘅2/3‼️鰻魚外皮煎得好香脆，內裏卻仍能保持細嫩多汁，入口即溶但不油膩。而且鰻魚肥美、肉質軟冧，重點係冇細骨啖啖肉🤩唔算十分厚切，但食完已經大滿足☺️鰻魚醬汁味道濃郁，但唔會蓋過魚肉鮮味，底層白飯則帶有柚子清新味，中和上層豐富味道，令人百吃不膩！唯一可以挑剔，可能係白飯有啲多，醬汁可能未夠撈飯🤣 但絕對唔怕唔夠飽～最後，午市定食仲奉送三文魚麵豉湯、前菜、雪米糍，性價比十分高呢😋整體評分 (6個🐽為滿分)味道：🐽🐽🐽🐽🐽🐽抵食：🐽🐽🐽🐽🐽🐽環境：🐽🐽🐽🐽🐽服務：🐽🐽🐽🐽🐽🐾: 朗屏站 C出口步行13分鐘#mugmugeats_元朗 #元朗好去處 #元朗美食 #元朗日本菜 #香港日本菜 #美食推介 #yuenlongfood #yuenlongeats #foodie #foodpics #lunch #dinner #globaleats #eelrice