魚一丁刺身居酒屋 (已結業)

想試魚一丁已經好耐；終於去o左尖咀LCX 分店。<br>我地去到o既時候已經成九點，唔駛點等就有位坐。呢度地方算大，不過坐得幾迫；雖然有其他空檯，帶位死都唔肯同我地轉張大D o既檯，成日話有人訂o左。但係我地想叫sukiyaki，得張檯仔放o左爐實在太迫，後來幾經艱苦先轉到張大D o既檯，D service 係點可想而知。<br>食物方面，除o左sukiyaki之外，仲叫o左好耐冇食過o既白toro壽司，海膽壽司，蟹膏miso 壽司同"讓" 蟹殼。個sukiyaki portion 幾大，D 牛肉一般啦，但係有D 粗粗o既粉絲，都算好味。白toro味道唔錯，壽司更抵食，四十蚊有兩件。海膽就麻麻地，幾腥。Rainbow sushi好睇唔好食，俾埋曬D 尤魚呀，maguro咁；至於蟹膏miso 壽司，miso 味太重，完全蓋過o左蟹膏o既鮮味。個蟹殼就算香，但係太滯，食兩口就飽曬…<br>埋單兩個人三百幾四百蚊，唔算抵食。整體o黎講只有白toro 算係令人回味，實在名過其實喇！<br>相中係白toro、海膽壽司，炸蟹殼同suk

尋晚同老公兩個人去食飯,訂左7:30, 去到立刻有位, 環境唔錯,係嘈左少少,叫左5 樣野:<br>刺身拼盤(9 款) 有清酒送--好新鮮, 價錢唔貴, 蟹羔好正!<br>焗蟹餐x 2 --正!!熱辣辣,好多料<br>蟹腳天婦羅-- 一殷, 蟹腳ok,但炸得麻麻地.<br>蒜牛肉粒-- 好味! 生牛肉放在小鍋上, 慢慢燒熟,<br>芝士炸豆腐–口感好,唔錯,但豆腐太硬.<br>甜品-南瓜雪糕& 雪吧~~好正<br>服務好好,食物黎得好快,好好禮貌. 但另一張檯6 個人同我同一時間入坐, 我走時只黎了兩樣野.

我同朋友一共3 個人book 左夜晚7 點, 6 點9 去到發現個booking 竟然俾錯左第二個。雖然有好多人等位, 但個經理都能夠立即俾過第二個位俾我地, 仲不斷say sorry, 算係咁啦。等位o既時候我見到有2 個外國人問無booking 要等幾耐, 答案係1 個鐘!!!<br>我地坐o既係和式座位, 要先除鞋, 但又唔係太多空間俾人坐低慢慢除, 好麻煩。建議唔好著短裙或長boot。<br>食物方面都幾好, 叫左沙律、壽司、豆腐等等, 都幾好食。唯獨是個燒凡立貝好粉, 怪怪地。<br>D 侍應好有禮貌, 講得最多係"唔好意思" , 大家可以留意一下。佢地又唔會趕人走, 我見隔離班人食完o野玩左好耐啤牌都無人理佢地。同朋友聚會就fit 晒啦。

冰凍三文魚幾得意, 但不夠刺身鮮味.<br>與"和民" 比較, 炸的食品不夠好, 但食物份量較大, 亦可吃到日本蟹.<br>提議訂位.