鬼金棒牛骨辣麻拉麵

营业中

休息中

路過銅鑼灣謝菲道，見這間聲稱用牛骨製湯的日本拉麵店，價錢一百元又不是很貴，所以入去試下。店內佈置簡約座位舒適，叫了一碗麻辣牛骨湯拉麵，先試一口牛骨湯，濃郁的牛味夾雜麻辣，好喝，麵幼細，有兩塊簿的不肥的日式义燒，唔錯。性價比合格，會再幫襯。

I was going to have afternoon tea at CWB so I decided to have lunch here.The ramen was served timely.The beef was tender and the soup was rich without being salty. Even if I drank the whole bowl, I was not thirsty afterwards.However, the noodles were softer than I preferred and less than I hoped for so even after the ramen and the soup, I was not too full. I guess slightly bit more noodles(around a third) would do the trick.

嗰日老公突然好想食拉麵，於是就帶咗我去一間佢話上網見到好多好評嘅餐廳。一睇價錢牌就見到個價錢都唔平，110蚊一碗普通拉麵，但係我哋最後決定叫A4和牛拉麵165蚊一碗，因為啲人講到好好食咁。最奇怪嘅係加碟芫荽都要成$20，加個牛筋先加$35😓😓碗麵一嚟到，第一啖心諗點解好似食緊牛腩麵，啲面那埋一舊，完全唔係平時食開嗰種，啲辣完全冇層次，同得個咸字。呢啲都算啦，搵片和牛搵到好似要尋寶咁，得兩片細嘅，嚇死，我問老公佢有幾片，佢話佢得一片，於是即刻問店員係咪真係得一片，佢話係咁㗎。見到老公個樣好失望，呢種質素嘅拉麵，我比$60都嫌貴，我不如比$60去食碗好食嘅港式牛腩麵仲好。唔明點解啲人寫到佢咁好食，係咪未食過拉麵？自問食嘢真係唔算Picky，要講Picky我老公更加Picky，亦都明白銅鑼灣嘅鋪租係好貴，但我覺得最起碼都要有返個正常拉麵嘅Standard。你收人百幾$200一碗，食落一半嘅價錢都冇，令人難以接受，促使我去寫人生第一篇嘅差評。

❀ 鬼金棒牛骨辣麻拉麵 #銅鑼灣 ❀❗東京過江龍新開姊妹店 以牛骨湯底為賣點❗——————————————————人氣鬼金棒拉麵最近喺開咗新嘅姊妹店👯‍♀️呢間東京過江龍一直以辣麻拉味噌做主打，最近有新搞作，以牛骨湯拉麵作招徠🐮牛骨湯頭用超過40kg嘅牛腿骨熬煮，有湯麵、沾麵同拌麵選擇，同樣可以自選辣度同麻度，另外仲有牛肉丼飯🍛.✷𝑀𝑒𝓃𝓊✷☞ 招牌牛骨拉麵（小麻）$100 (3.7/5)湯底用咗大量牛腿骨熬製而成，味道清甜，有牛香又唔油膩👍🏻有得選擇麻辣程度，我哋揀咗小麻不辣，出乎意料地真係有麻香，但完全唔辣，幾特別。不過採用咗幼麵，唔算特別掛湯，個人偏好粗麵😿配上了兩片大的牛肉，非常瘦，所以口感較鞋🙁好在有少少軟腍入味牛筋。.☞ 牛骨沾麵 $100 (3.6/5)相比之下沾麵嘅湯底濃郁好多，冇咗牛骨湯嘅清甜，反而有啲似濃郁嘅豬骨湯，變相油膩及鹹得多，即使愛好重口味嘅我都覺得過鹹😖特別地套用咗港式油喳麵為靈感，除咗有牛肉之外，亦牛筋同牛脂炸至酥脆，呢點幾特別。麵條方面，同日本合作夥伴研發新配方，由香港麵廠製作，比拉麵闊身，但口感似烏冬多啲，唔夠彈牙🥺——————————————————

在日本回來後對拉麵仍念念不忘，趁着有些涼意便來到鬼金棒新開的姊妹店，主打牛骨湯超吸引，目前只有香港能吃到，最大賣點是湯頭用上多達40kg的牛腿骨熬煮，高湯湯頭是精華所在，各位牛迷衝！洋蔥和香蔥增加湯頭層次，和東京本店一樣，設有5種辣度和5種麻度選擇，升級了A4和牛後腿肉，表面經火槍輕輕炙過表面後，呈微微粉紅色帶點焦香，目測7分熟左右，嫩！每碗仲有不可或缺的牛筋，燜煮到好入味，拉麵是來產自日本的幼麵，質地幾掛湯朋友係大胃王，點了增量牛叉燒x2，總共6大片佢話超滿足，牛叉燒趁熱浸入濃郁的湯底，更添層次 。▸ 特上A4和牛辣麻牛骨拉麵$165▸ 增量牛骨拉麵 $115▸ + $15 替玉✍︎ 餐廳貼心提供了一次性圍裙，穿着白色衫的朋友也不怕彈✍︎ 除了銅鑼灣店，還有尖沙咀新店下個月要再去朝聖一下( ˶'ᵕ'˶)• ─────────────── 𓎩 鬼金棒牛骨辣麻拉麵 (銅鑼灣)銅鑼灣謝斐道528號地舖• ───────────────⠀⠀⠀⠀⠀⠀⠀⠀⠀#hkfood #hkfoodblogger #hkfoodpic #hkfoodstagram #foodie #foodporn #food

Karashibi Gyukotsu Ramen Kikanbo🐮🍜..OMG 呢間的最愛既拉麵店之一鬼金棒✨，最近又有新搞作喇🥳！全新【鬼金棒辣麻牛骨拉麵】🍜 主打奶白牛骨湯底，牛骨用上多達40kg 牛腿骨熬煮，難怪每口湯頭濃郁又充滿膠質骨香🖤，配上特製幼身拉麵，掛汁效果滿滿充滿精華。餐廳設bar table or 木餐桌，坐位更舒服。膠原滿滿的一餐牛魔王盛宴🥢。▪️ 限時免費升級：即日起至2月7日，每日首30碗牛骨湯拉麵，可以免費升級至A4和牛！😍 肉質更嫩滑，勁吸引啊！唔好錯過呢個優惠喇！😚😆🥳【期間限定】 🔸特上 A4 和牛牛骨拉麵 $100▪️牛骨湯頭用上多達 40kg 牛腿骨熬煮🔸芫荽辣麻牛骨拉麵 $135(小辣 & 小麻), 加配玉米筍 好香甜💛🔸秘制醬汁慢煮牛筋丼 $55炆煮軟淋入味牛筋，加上帶黏口醬汁伴飯同吃很滋味。大滿足！..@kikanbo_hongkong ×××××ש銅鑼灣謝斐道528號地舖..

能夠逆市在原店隔離開分店, 證明了店家受歡迎程度, 而且提供的是和原店不同的牛骨湯拉麵, 將麻辣風味和更濃味的湯頭結咗合, 效果不會差, 叉燒也是牛肉製成, 表面有微微焦香, 肉汁不少也夠嫩, 質素也是相當可以, 麵身夠爽, 但配以濃味的湯頭, 如果用上更曲身和更寬的拉麵, 掛汁能力會更出色, 份量有點少, 差不多價錢我期望可以吃到多1/3的份量, 性價比有待改善. 最大問題是, 我和太太等了45分鐘, 兩碗拉麵才分別上枱, 在不是Peak Hours的情況下不太能夠接受, 更何況吃拉麵不是應該很有效率的嗎? 當然我們光顧是剛開張的時候, 人力資源可能不太充足, 但感覺真的不好受.

ʀᴇsᴛᴀᴜʀᴀɴᴛ ʀᴇᴠɪᴇᴡ鬼金捧牛骨麻辣拉麵店舖設於鬼金捧銅鑼灣店鋪隔離兩間店舖連著，一黑一白的裝飾本來一直主打辣麻味噌湯底拉麵現姊妹店採用牛骨湯底令到客人可以有更多選擇餐廳設有一張長吧檯店員會於你面前即時製作拉麵整個流程一目了然同樣地鬼金捧將辣度選擇分開「辣」及「麻」顧客可以跟據上述兩個喜好選擇店舖有供應湯麵外，亦有沾麵及拌麵選擇🔸特上ᴀ4和牛辣麻牛骨拉麵(小辣小麻)$165湯底絕對係拉麵中的靈魂牛骨湯用大量牛腿骨煮味道清甜湯底上檯時夠熱有別於另一店舖的濃厚油香味拉麵頂鋪滿了大量的芫荽拉麵配上了兩片大的ᴀ4和牛店員將和牛燒香至半熟入口滿滿油香，非常滿足拉麵亦配上有牛筋、粟米筍、洋蔥及香蔥麵條有別於本店使用了幼身的麵條如果比較喜歡粗麵的需要選擇沾麵及拌麵類🔸芫荽辣麻牛骨拉麵(小辣中麻)$120拉麵頂鋪滿了大量的芫荽芫荽控的必試拉麵則使用了安格斯牛片中麻入口明顯比較濃味如果想品嘗牛骨湯的鮮味建議降低一度🔸「月見」安格斯牛肉丼$80將深黃色的蛋黃混入安格斯牛肉丼飯配上簡單的醬油及黑椒調味不錯鬼金捧與鬼金捧牛骨麻辣拉麵為兩間湯底風格完全不一的拉麵店剛好兩鋪相近可以給予客人多點選擇鬼金

好耐無岀過了！今次去左間新開嘅拉面店，係鬼金棒嘅姊妹店：⿁⾦棒牛骨湯拉麵。同平時食開嘅辣麻味噌湯底唔同，今次尼間係主打牛骨白湯，同本店嘅路線各有不同。先講環境同服務，一入到去間餐廳，感覺係好整潔條理，燈光都幾明亮。店員嘅服務態度都好好，非常有禮親切。店裏嘅空間都好闊落，入面都有好多位。今次叫左增量牛骨拉面($135)配味玉($15)同粟米筍($15)，辣度係小麻小辣。湯底清甜，好重牛味，配合辣麻更加惹味。而麵條方面，今次係用上幼面，但個人認為麵條嘅彈性未夠理想，也未完全能配合湯頭，略感可惜。配料方面，牛叉燒表現唔錯，雖然口感有少少嚡，但勝在牛味濃郁。而牛筋十分軟腍，充滿骨膠原口感，表現岀色，最緊要係好少喺拉麵見到尼樣配菜。洋蔥粒、粟米筍和味玉的表現也不過不失，沒有太大問題。總括而言，個人認為尼碗拉面有其可取之處，其定位都有特色，但仍有進步空間。

鬼金棒新開姐妹店，本人不能吃辣 所以未曾嚐過鬼金棒，難得開了一間無辣的拉麵店，必須要來試一試。原味牛骨湯拉麵 $100可以看到湯底比較油，湯頭不咸飲到牛骨湯味，吃完整碗拉麵都不會口渴。牛肉比較韌反而牛筋超軟淋，有強烈對比。拉麵超幼，吃上去口感像香港粉麵店的幼麵。這個拉麵的份量，是下午茶份量。如果當晚餐吃，是完全不夠飽肚，肚餓的吃貨絕對要加配配料和小食。拉麵整體來說是好吃的，但$100吃一碗下午茶份量的拉麵，本人覺得cp值低，花錢試一次就好了，感覺像日式清湯牛腩湯麵。店鋪不收加一服務費，飲用水自行去水機取。

自問自己喺香港都食過唔少日式拉麵店，真係未試過喺香港食到咁難食既拉麵，叫咗兩碗麵一碗原味一碗麻辣牛湯，兩碗麵質又淋仲要一痴埋哂一舊，湯底除咗得死咸同好漏嘅牛油味就冇特別，仲要懷疑落咗大量味精，食完果幾個鐘都係不斷口乾同飲水，牛肉叉燒就冇乜肉味中規中矩，仲要百幾蚊一碗拉麵都係得兩塊叉燒同一件玉米筍做配料，半熟蛋要加成$15先有一隻，最離譜嘅係職員竟然喺做緊嘢期間不斷大聲傾計，仲要公然對其他客人評頭論足。

鬼金棒牛骨湯拉麵係一間主打牛骨清湯湯底嘅拉麵，開正喺鬼金棒拉麵隔離。同鬼金棒一樣，湯底有普通同辣麻之分。我今日叫咗個味玉辣麻牛骨拉麵（中辣，小麻）。湯底好濃牛骨味，起初以為自己食緊台灣牛肉麵 😂 飲落好順口。除咗好特別嘅牛肉叉燒之外，拉麵亦都落咗好多洋蔥，香得來唔會搶咗湯底嘅牛骨香味。麵條偏幼身，掛湯一般。味玉有驚喜係流心蛋，而且用醬油醃製過。食完碗麵，我仲加咗碗白飯。放落剩返嘅湯變湯飯，啖啖牛骨鮮香，真係好正🤤 唯一可惜係我叫咗中辣，少少冚過咗湯底本身嘅味道。如果叫小辣，我相信牛骨味會再出啲，食得辣又鍾意牛骨湯嘅人可以試一試 😉

今個月先開既鬼金棒姊妹店牛骨湯拉麵.唔係走大麻辣🌶🌶拉麵路線.而係牛滑湯底.新店重開係鬼金棒本店隔籬😲比哂選擇權大家.➿ 招牌牛骨拉麵（原味）以牛腿骨熬煮牛骨白湯.而非雞白湯或鯛白湯.湯頭油脂較重.入口已比牛脂味充斥.偏極致濃郁.而且幾分鐘就會有層蛋白膠質要趁快食☺️ 拉麵材料有Jelly口感既牛筋.2塊用西冷部位製作既牛叉燒.好有牛香味~ 以及洋蔥粒.香蔥.玉米筍.清新一下.味濃唔會好咸. 牛骨湯同時麻辣味🌶.麵條係日本研發可惜唔係小妹既所愛.有食過鬼金棒麻辣麵都知麵質偏粗.而牛骨湯麵底係幼麵條.感覺似平時既鹼水麵.口感好空虛🥲🥲男仔食就唔夠飽可能要加多個飯🍚🍚.上網資料蒐集發現元組牛骨拉麵湯底係源自中國二戰時代😲以牛同豬既食材熬製湯底.清晰帶油脂~🐮.➿ 餃子 🥟/ 溏心蛋皮薄脆面.唔錯但偏油食落口感就有點油膩.溏心蛋.睇圖就知嗯嗯~--➿ 招牌牛骨拉麵（原味）HK$100➿ 餃子 ʜᴋᴅ 𝟺𝟻➿溏心蛋 ʜᴋᴅ𝟷𝟻--(.❛ ᴗ ❛.) foodiepoison👩‍🍳  整體味道: 7/10 💸 性價比: 7/10 📸  打卡指數: 7/10 🤵🏼  環境服務: 8/10 🤔  推薦

這間新開的拉麵店是它旁邊的拉麵店「鬼金棒」的姊妹店。這間「⿁⾦棒牛骨湯拉麵」的主要特色是超級濃郁的奶白色牛骨湯。每一鍋牛骨湯都要用上多達 40 kg 牛腿骨去熬煮，濃度足足達10度！雖然是一間拉麵店，但也提供沾麵、牛肉丼、牛筋丼。❈ 招牌牛骨拉麵（原味）HK$100追加 味玉 HK$15這碗招牌牛骨拉麵的湯頭是奶白色的牛骨湯加入濃黑的拉麵醬汁，除了喝到牛骨的鮮甜亦增添濃厚的鹹香。配料方面有叉燒、牛筋、洋蔥、香蔥及玉米筍；其中，最特別是牛筋，是用日本秘製醬汁慢煮，口感軟嫩，味道香濃，有驚喜！另外追加了一隻蛋，這隻蛋是煮到半熟蛋再滷到入味，與拉麵一起吃簡直一絕！

知道鬼金棒開新主題店, 趁假期特意試試. 這店在銅鑼灣本店旁.精心淆制的牛骨腳湯是其主要賣點, 有义燒牛肉配洋蔥粒, 還有芫荽粟米芯和麻辣湯底的選擇, 跟本店有相連的脈絡.今天選擇了原味牛骨湯拉麵2碗, 餃子和飲品. 寒冬天氣在小廚房旁的bar 枱享用. COZY...熱呼呼的濃湯, 拉麵是幼的, 有咬勁, 份量不算多,配上了3 塊半熟的鮮嫩美味牛肉片(之後在熱湯中温全熟,但不過火), 還有數粿牛筋粒和洋蔥粟米,對食量普通如我的人是恰當的. 有油份,但在此寒冬中,或有滋補功用,暖心暖身,如再加上麻辣湯底,想必感官更強烈.   此外也喜歡side dish 餃子, 跟急凍的不同, 沾汁相信亦經過心思調配, 飲料選擇亦如是吧.店子小小的,彷彿置身在日本一處, 明亮版的居酒屋中. 環境整潔,裝置簡單見心思, 淺色為主調, 跟本店的黑色有別. 店員體貼温馨,賓至如歸, 輕鬆自在.從食材配料的選擇, 制作心思的認真, 窺見到日本人匠人一絲不苟的嚴謹態度.