高麗軒韓國料理 (已結業)

長輩生日，帶她食中菜以外的熱食。這店我來過幾次，最令我回味的就只有炆牛肋骨，今次我們一行五人，前後叫了三煲(每煲有3至4嚿)，炆得好焾，好入味。因掛住傾偈及食嘢，只影了3張相而已。我們叫了魚柳，和牛(今次燒出嚟好乾，好硬。不知道是否與解凍時間不夠的關係?上次好食D),也有叫五花腩(我唔食的，唔知味道)，海鮮拼盤(雖然是雪蝦，但今次食，較彈牙。上次食果陣，蝦肉霉的)，其他都ok。蔬菜煎餅(要即食，攤多幾分鐘，已經唔好食)。韓式生牛肉(味道還可以)。人蔘雞湯(有蔘味，冇欺場)總括:以這樣二百幾蚊的價錢，單是食炆牛肋骨，生牛肉，人蔘雞湯已經回曬本。(不要忘記外面的韓國餐廳散叫呢三樣食品的價錢?) 至於燒烤食物，比上不足，比下有餘，但絕對..對得起呢個價錢。基於食物，服務，價錢來作評分，我會比笑臉。

是晚收工後來到尖沙咀金巴利道食韓燒放題位置十分便利，鄰近美麗華商場與婚紗街，好容易搵到。餐廳位於地庫晚市放題時段 : 1800-22:00 ($218/成人 + 10%)用餐時間 : 1-3人為1.5小時每位額外加 $38/人可享用埋特別推介，我今次都有試下喔好似好吸引啊這個桶內的飲品都是任取的，但選擇不多。韓國餐廳必有的前菜泡菜 : 不太辣，岩晒我既然比左$38蚊，梗係要叫盡佢啦特別推介系列:1. 帶子 (order了2次)(都算大粒，燒完後都能夠食得到鮮味，而且仲好嫩滑彈牙添)2.  熊本霜降和牛 (order了3次)(一睇D雪花紋已經知道不得了啦燒緊既時候，D油係甘滴出黎，就已經流口水啦。重點係時間的控制喔，如果唔係就達唔到入口即溶既口感喇)3. 特級牛頸肉 (order了2次)(雖然沒有和牛般入口即溶既口感，但油脂分佈平均，肉味濃，而且燒完之後都仲有肉汁，不太un。)4. 皇者牛排骨 (重點推介喔)     我order了5,6次(稍為醃過，非常入味，食落肉汁更多，肉質嫩滑而且軟淋，食到停唔到口丫)5. 肉眼扒(油脂分佈不錯，肉質嫩滑，食落都不太un，可一試)餐牌系列 :1.

星期五的午餐總要認真對待，雖然知道星期六都要返工，但都想有一個happy Friday。成日經過高麗軒門口，見到午市都有放題，心思思想試一下，今次終於的起心肝！環境係比較舊式的韓國餐廳，算唔想好華麗，但都企理。而且負責接待的叔叔姨姨都非常友善，有禮貌又熱情。放題的選擇都幾多，除咗燒肉之外，都有湯同埋韓式料理。加$38仲有無限追加貴價食材。除咗汽水之外，其他飲品都要加錢。落單之後，馬上就見到前菜，共五款，一啲都唔失禮。我最鍾意食泡菜，酸酸甜甜最開胃。點左一客辣豆腐湯，份量都幾多。豆腐又軟又滑，吸收晒湯汁精華，好正。紅炆牛肋骨係我當日最喜歡的食物，估唔到放題中的韓式料理都會咁高質，單點都抵呀！牛肋骨炆到非常入味，而且質地已經好腍，湯汁香甜，牛肋骨肉味濃厚，超滿足！至於燒肉，唔好以為放題一定係劣食，呢度的燒肉放題碟碟都見得人。朋友仔嚟到，見到成枱食物，仲以為係單點菜式，問我做乜點咁多添！燒肉整體質素都不錯，但亦未算得上好出色。比較鍾意五花腩，油脂豐富，捲埋生菜食一流。整體而言，燒肉算不上極高質，屬中等質素；但韓式料理就比起坊間中高價位的更好食。價錢係放題價，性價比極高！

話說好耐沒有吃過韓式燒肉放題，好朋友介紹說尖沙咀有間地下的燒肉放題不錯的！便致電訂座帶男人一齊去試試看！原來是在金巴行道的婚紗街！看到門口也覺得有點熟口面，但從來沒有去過！店內不算很大！但很寬敞，頗適合大伙兒晚餐！一進內，店員便給了餐牌！我們是晚餐時段＄218任食，另加了＄38有特別推介一坐下，便有幾款前菜，有芽菜波菜、泡菜、蘿蔔、青瓜同豆角！有辣有不辣的，個人比較喜歡波菜及泡菜另外，不只任食，還有任飲的，包括可樂，七喜，冰紅荼等等。由於任食，我們叫了不少海鮮。有新鮮的海虎蝦、我最喜愛的帆立貝、男人喜歡的墨魚仔及比較少吃的多春魚全部都很新鮮而且容易燒！當然，我們也叫了不少肉類！肉眼扒，這個沒有想像中好～特級牛頸肉，這個超出想像，味道非常入味！牛味出眾！雞肉，新鮮而且非常大碟我們還叫了這個韓國麵鼓生菜用來包肉吃，我還加了前菜的泡菜！這個吃法非常惹味無論肉類海鮮類都種類繁多，還有蜆殼類也很多選擇極尚韓式燒肉放題1－3人只可任食1.5小時，1小時已吃到非常飽最後加個石頭鍋飯及海藻湯，完全要抱住個肚走人由於很想吃一點飯，便叫了韓國菜必叫的石頭鍋飯，飯不會很乾！剛剛好！而海藻湯便可以清一清之前

今日同4個好姊妹又試新野食盡去我們訂了尖沙咀一間韓式放題，大家都好耐無食韓國菜，今日食盡所有韓菜😎👏🏻這放題在地下，地方都好寬敞好舒適安排了比較入的位置，幾好呀 可以慢慢食慢慢傾😍👅食物好多選擇，我們選了加$38 有和牛、海鮮這裡是白紙寫上食物數字而點菜的前菜有四款，炸豆腐、泡菜、芽菜、辣蘿蔔，不錯哦，好食好入味👍🏻熱食：叫了鰻魚石頭飯（好熱騰騰又香口，鰻魚都唔少，有粟米紅蘿蔔，健康又好味）又試了不同的湯 我喜歡人參雞湯同牛肋骨湯，人參雞好滑好腍；牛肋骨湯有蘿蔔紅蘿蔔配料，好甜好腍，好香又入味， encore 了一次也叫了炸魚，剛炸起，外脆內滑，一流呀韓燒方面：有牛有豬有羊有海鮮；我喜歡和牛，好腍好滑辣豬排骨都好正，好有口感，好香好食另外海鮮有帶子同青口，好大粒！好鮮甜飲品任飲，好多選擇，要甚麼自己選擇這裡服務也好好 主動收碟及送上碗，又或遺漏點的食物 好好哦大家都好滿足 一星期的壓力全放下 又有力量向前💪🏻💪🏻

放工和同事一齊到尖沙咀高麗軒食韓燒鐵板放題。晚市放題＄218加一，可加＄38追加特別推介。又吾貴，好抵食。烤什錦海鮮拼盤，帆立貝，帶子海鮮拼盤有蝦，青口，魚，魷魚。樣樣都好新鮮。青口好大隻。我最喜歡帶子和魚，魚很滑溜。值得推介熊本霜降和牛和皇者牛排骨熊本霜降和牛肉質紋理分明，一放入煱燒，吱吱聲，很香和牛味，很嫩滑，齒頰留香。皇者牛排骨牛排骨好juicy,燒完仍鎖住肉汁的味道。仲有不能不飲的人參雞湯人參雞湯好飲，暖胃又補氣。

又來吃我大愛的韓國烤肉!高麗軒韓國料理就在金巴利道地庫， 大力推開玻璃門後走下一層就是餐廳。這裏的環境格局是傳統的韓國燒烤，但抽風系統良好，勁燒一晚後身上也沒有太大油煙味。晚餐時段任飲汽水任食韓國烤肉，成人每位218蚊， 加38蚊還可以任叫特別推介如熊本霜降和牛，肉眼扒，特級牛頸肉，海鮮拼盤等等，如此抵價，非加不可!先來幾碟韓式前菜，我們同是最愛辣蘿蔔和泡菜,每人食左兩碟!薄切肉眼扒加特級牛頸肉，色澤紅潤，牛味香濃。韓國烤肉點少得五花腩，這個五花腩，肉脂比例很好，肥瘦適中。而且係薄切，口感很好。熊本霜降和牛，油脂比例高，雪花紋平均分佈，肉質細嫩，入口滿口牛油香，好吃得令我們今晚主攻霜降和牛!加埋生菜，泡菜，麵豉醬包住食一流!牛舌切得很薄，要睇實不能燒太耐，否則會太乾身。海鮮拼盤份量大，燒魷魚好爽口一啲都唔靱，青口超大隻, 燒魚柳好嫩滑!泡菜煎餅鬆脆，但最好趁熱食點少得人蔘雞湯，呢度仲有幾款辣湯，好想飲! 可惜朋友身體不適食不宜太辣。任食價錢包任飲汽水，飲品要在這裏淘寶!我們就在這個桶子裏淘了罐忌廉溝鮮奶和蘋果梳打:）飲飽食醉，好滿足!如果店家能提供小量甜品，例如每位一粒雪糕糯米糍等會更

昨晚係小女子男朋友生日上open rice 見幾多好評又幾抵食咁 就book左枱食一入到去係要落地庫 感覺已經不太好侍應安排左我地坐卡位 但係個卡位 一係係2人座位 一係係1位座位加張圓櫈 ？？？ 呢點都算 尚可接受岩岩收工已經好肚餓 滿心歡喜叫野食見到個menu 都尚算叫多野食 燒肉/海鮮/蔬菜/石頭鍋飯/熟食/湯 每樣都有幾款 每位再+$38 有啲靚小小既肉 好似好吸引？燒物好快到 睇個樣都唔差順帶一提 一坐埋位 啲侍應呀姐 已經係到嘈 大概係嘈緊book枱問題 講番啲燒肉 味道未至於差 但要我比咁既價錢 真係唔洗係到食 至於新鮮就一定唔係 但啲蝦冇蝦味 我都係第一次食 所有燒物都冇加味 最多都係加啲蒜溶另外熟食 真係不堪設想 我地嗌左 年糕 炒粉絲同泡菜煎餅 1. 年糕 完全唔入味之餘 個啲韓式辣醬係非常之唔好食2. 炒粉絲 差唔多食哂啲燒肉都未到 我估十成都係漏單 追佢漏單 佢口講幫我落番單 點知都係冇黎到3. 泡菜煎餅 我諗係成餐裡面最難食 佢應該要改名叫油浸泡菜麵粉最後 我心裡十分不滿 真係未食過咁差既韓燒！尾半個鐘 啲侍應已經放張單係你枱面 而你係好睇得出 佢有幾心急翻枱

食韓燒！食韓燒！一覺得做野辛苦就要去食任飲任食既韓食放縱下！平時去旺角果頭食韓燒多，今日轉戰尖沙咀，又發現到好野啦！鋪頭算近美麗華廣場，遠處都見到個大招牌。餐廳要落一層到地牢先有座位，八點到黎到，座位八九成到滿，坐左位最尾尾，但幾近廚房，所以食物好快就到！人手充足有禮，落單後好快就有野上。個人覺得個餐牌好貼心，因為平時食韓燒落單紙得啲肉既名，剩豬都有幾種葉法，有時真係唔知食緊邊一種食到好食既都唔知叫反邊一款😂😂而呢度好處係有埋食物相，知道自己食緊物，唔會估估下！加上佢用細細張既紙仔落單，只需寫食物個no.，較環保！除左普通韓燒食物外，仲可以選擇加$38，食埋其他推介食物！食完之後覺得值得加呢38蚊！因為當中好多野都好好食！尤其是皇者牛排骨同霜降和牛等！超好食！前菜有五小碟，可添加！泡菜同淹蘿蔔好入味，唔算好辣，好食，添左兩三次！飲品唔算好多，但有凍有唔凍可供選擇泡菜煎餅有好多泡菜，少少辣，好香！人蔘雞湯好多材料去煲！剩我呢碗都成大舊雞！有人蔘既甘苦苦地味同雞湯既清甜。生菜新鮮，豆瓣醬較咸，可唔落甘多，少少沾味就夠，夾埋肉一啖食好爽！海鮮類有海蝦、帶子、蜆等。帶子又有粒，爽口彈牙，而蜆無

有兩位朋友生日想帶佢地食d未一齊食過既野 所以就建議食韓燒😛餐廳位於尖沙咀婚紗街既地底 都幾易揾😊落到去見到好多人都燒緊 但唔會覺得好大煙又盛 估唔到餐廳既抽風系統做得幾好呢店員都幾nice 係咁推介有咩好食 俾佢講兩講我就加左$38 有得任叫海鮮 霜降和牛 黑毛豬果個set🙇🏻🙇🏻🙇🏻不過之後食落口就覺得好值啦燒得好開心 成枱都係食物好壯觀😍前菜有哩d 食飽飽食哩d都幾幫助消化 因為酸酸地 最喜歡係個泡菜 好好味牛舌大大塊切得薄好易燒 味道好好我地都叫左兩碟 牛味香濃 冇乜調味料就咁燒已經好好食係熊本霜降和牛哩個友人們都讚不絶口 係咁食😍一路燒會發現d油係咁滴晒出黎 係真正既和口呀！不過記住要燒得岩岩好 唔可以燒太耐先有入口即溶既感覺 好好味呀😍有好多海鮮 又係加$38個set 就食到 有青口 魷魚 魚 蝦 帶子 等等 好抵食呀 個人最喜愛係帶子 燒到d鮮味都出晒黎 不過有敏感唔食得海鮮既人叫和牛都好抵食了.有人蔘雞湯飲呢 味道唔算濃唔覺好味精 唔會成隻雞連糯米飯上食到飽飽 畢竟係放題會想食多d燒肉 餐廳好鍋心既選擇呢又係鍋物 牛肋骨超入味 值得一叫.飲品方面係自己出雪櫃拎 自助形式

原來在尖沙咀金巴利道，婚紗店林立的這一邊，中間還有這一間韓式燒肉放題店，進去之後，需要座位不多，但是人流眾多，氣氛不錯。幾款前菜，有豆卜、芽菜、泡菜、辣蘿蔔、青瓜，基本上大部份都是辣的，但是蘿蔔辣得來味道也不錯，空口吃可能比較辣，用來包在生菜與肉一起吃，味道不錯。另外提供任飲，有可樂、七喜、韓式飲料、啤酒等等。生拌牛肉，將雞蛋混和生牛肉，其實我之前沒吃過，感覺這樣挺新鮮，但牛肉這樣就像魚生，微淡牛味香，不算太濃。一間有角色肉類的韓國燒肉放題店，肉類的款式眾多，有霜降牛肉、五花腩肉、牛小排，還有雞翼、腸仔、紅腸等等。和牛的味道也相當不錯，除了牛味濃郁之外，入口溶化，實在相當不錯。店內還提供生菜包肉，就是將你燒好的肉，放在生菜裏面，加入其他好像青椒、辣椒、或是蒜頭，一起吃，味道倍增，相當滋味😬。牛尾湯的味道也不錯，只說它的味道，有點兒像大埔名物——群記的那種牛骨的味道，但是論及火喉的話，這兒的牛尾湯就完全沒有火喉可以，牛尾的味道還好，有點兒膠質，膠到成玻璃狀，雖然牛味不算很濃，不是一咬便離骨，但是味道還不錯。若果要溫度更加熱的話，以熱鍋上這一個牛尾湯，定必會更加好。牛脷薄薄的一片，因為爐子

天氣好似轉涼，又到增肥嘅季節大食如我，有時要食得飽飽可能要任食或放題先可以感到滿足今次去咗尖咀食任食韓燒去到都幾乎坐滿有standard餐或可加錢食和牛和牛油花佈滿成塊肉，煎嘅時間唔需要太耐，夠香個皇牌牛肋肉味道真係出色，上菜已剪好，加埋生菜真係好正食到一半先知生菜底下有生蒜頭，最尾仲燒埋做熟蒜生熟蒜夾埋五花肉一齊食超級香我叫咗豆腐湯，又點咗牛肋骨湯比友人，都係任食，超抵豆腐湯裡面有蔬菜同海鮮，夠香牛肋骨湯肉好多牛肋骨，飲落去牛味十足值得推介前菜個豆卜，非常入味

佢呢間同一般嘅韓燒有啲唔🙀唔係以自助形式去夾食物🤓 佢係睇Menu一份份咁嗌野食😋而佢哋肉類款式比較多eg 牛都有幾款👉🏻牛舌👅 牛仔骨🐂 呢兩款都好好食超推！ 牛仔骨係勁入味又唔太乾🤤仲有牛肉片 etc...豬肉部分就一般唔太特別同自己唔太鍾意食豬肉😖但魷魚同墨魚都好食係推薦大家黎食😋除咗肉類佢仲有啲湯飯可以嗌 我地就嗌咗個湯 味道都好濃郁好飲👍 而飲品方便佢有得揀罐裝汽水，檸檬茶等🍵 呢方面都係比岀面一啲得豆漿同酸梅湯既韓燒優勝👍 雖然佢話入座時間係一個半鐘但我哋過咗時間佢都冇吹我哋走😖 如果大家下次同friend諗唔到食咩都可以揀呢間🤤

星期五晚$228蚊嘅高質韓燒！一入座就會有幾碟小食做開胃菜，燒烤有豬、牛、雞、海鮮，見到樣樣都想試，人蔘雞湯完全係出面韓國餐廳食到嘅size，自己一個飲都食唔曬，必試蛋包蝦，勁正！高麗軒係值得一食再食嘅韓燒。

由我認識高麗軒呢間韓燒應該都有成10年咁耐啦，久不久就會再幫襯，前幾日同朋友仔又去食，覺得食物選擇多左，餐牌豐富左，品質仲越來越好，門口仲大大張poster寫明超過70種新鮮食材及熟食料理仼你選擇，價錢依然仲係咁抵食！👍🏻👍🏻我地熟食叫左燒銀雪魚、鰻魚石頭飯(有粒粒飯焦响底脆卜卜)、豆腐辣湯(唔太辣迎合香港人口味)、牛肋骨湯、蛋伴生牛肉。燒烤叫左海蝦、牛利、牛肋骨肉、雞肉、雞翼、魷魚、五花腩、魚柳、青口、花甲....太多太多不能盡錄，要讚下上枱速度迅速👍🏻好在張枱夠晒大放得晒。我個人喜歡用生菜包住燒肉，再加蒜頭同埋韓式辣醬一齊食，超級好食！再嘆埋濃郁牛味既牛肋骨湯同腌蘿蔔，一邊可以品嚐美食又唔會食濟。😋😋除左餐牌上既食物仼叫，另外特別推介可以加$38就額外食到熊本霜降和牛(入口即溶，d汁標出來真係好正)、海鮮拼盤、帆立貝、帶子、肉眼扒、牛頸肉、黑毛豬、羊架。咁吸引我大胃王點可以唔加😆😆仼飲汽水種類都有好幾款架(可樂、冰紅茶、冰綠茶、cider、蜜桃茶、蘋果汽水等等)真係超滿足要講句抵到爛呀！