高登炸雞 (已結業)

從討論區得知 "高登炸雞" 開業，太古城行完街後搭電車專誠去湊熱鬧。店舖位於東大街附近地鐵一出就見，隔離有果汁店，地點就腳。排了數分鐘才有人出來收錢落單，小妹子忙個不停專心整炸雞，兩位帶口罩的男士負責鋪面，可能新開張加上假期，吸引一眾年輕男女及街坊排隊，店務有點手忙腳亂。終於等到雞件(點了不辣，HK$20 / 件)，不算很大件，咬落去肉質很軟，脆漿薄，沒有發水取巧，味道少少咸但算適中，坦白說比起大型連鎖炸雞店，這間賣 HK$ 20 / 件炸雞件不便宜，但勝在創業之作，誠意加分。建議大家可試性價比高的炸雞翼 及 小學雞。

是咁的友人於fb中share本店的資料,令我想試吓. 上次2點幾去到未開,原來4點先開,如果早啲開會好啲.啲間嘢幾多人棒場,買份嘢食都要等2個字.等到份大的小學雞($18),雞粒味道不錯,亦幾有咬口.原來小學雞係"有辣有唔辣,任君選擇"的. 下次試吓辣的先

炸雞賣到響晒朵，呢間高登炸雞都算出位，雞本來無特別，居然諗到用全港第一論壇的高登做噱頭！味精一定放左唔少，食完口渴到極。可惜太多「小學雞」來排隊幫襯，等籌都要十分鐘，以繁忙的香港人標準來講，花咁多時間真係未必值。但作為高登膠人，點都應該來朝聖一次。粉漿沾雞髀肉炸成「小學雞塊」，價錢十八塊，厚身肉嫩，不愧為招牌菜！

高登友一定識這間網絡大熱的「高登炸雞」，所以今天是高登友帶我來吃的！筲箕灣實在太遠了，同埋我完全唔識路，好在這間「高登炸雞」一出ＭＴＲ就見到，兼且好多人在等吃。。。。。我買了小學雞（小）＄１０，疑似「性感村姑」給我候籌，好過排隊，唔洗爭！一份「小學雞」原來是細細粒雞件加粉漿炸成，面頭加上椒鹽，很好味精味，我本來點辣的，但吃下沒辣，可能是忘了加辣粉，店門外有辣粉可自己任加～細細粒易食易入口，啖啖肉，熱辣辣好熱鮮，沒有雪藏味幾好呀！不過有幾粒炸到黏埋一舊同埋吃完好口渴，真係好味精的小食，細路仔實啱呀！本來想吃旺角「豪大大雞扒」，但假期實在超爆多人，唯有等閒日去碰下運氣啦～

是咁的朋友一向有上開高登見到有間高登炸雞就忍唔住去試下朋友叫左個雞排 我就叫左個小學雞(小)黎試下一出地鐵站左邊就見到好搶眼幾香口叫佢唔要辣都有少少辣味唔緊要幾好味既都總結黎講 一試無妨 唔算特別

我係西灣河讀書，當日放左學之後，就心血來潮，搭叮叮去試下呢間好出名既高登炸雞我一去到，有廿幾個中學生等緊隊(有d食緊煙)，我排隊尾，排左廿分鐘先到我(只係落單!)收錢都係混亂，但個女店員都ok nice收左錢之後再排多20分鐘先整好食$10野都要等差唔多成粒鐘，有冇過分d!另外等緊果時見到玻璃窗上面有隻烏英，唔識走小學雞(小): 即叫即炸，好好食，香口，夠spicy，但份量唔太夠，下次買大份d下次冇咁多人再去食ps:塊留言板太多留名，清下佢啦

I live in Shau Kei Wan and heard about <Golden fried chicken> a while ago catching a lot of spotlight from the Golden forum. However, due to my tight schedule at work, i didn't get a chance to try it.During the xmas holiday, i finally get a chance to check it out in the afternoon tea time (around 4-ish).When i got there, i've seen about 8-10 ppl waiting in the line up in front of me. It took about 7,8 minutes for me to order. I asked the girl which is the most popular item in the store

試過士林夜市豪大大雞扒反而覺得呢度既無咁多粉同肉質比較嫩一個女仔都試得曬 男仔唔駛講啦不過以塊扒既大細黎講價錢就貴左小小唔通真係當飯食咩試埋三只雞中翼都係普普通通 可不試

慕名而來...結果好失望我剩係試左小學雞標榜即叫即炸...而我去買既時候就係比左份之前預先炸定既比我...所以食落係唔熱既, 同埋好唔新鮮...而味道亦都可以話毫無特色...普通炸雞一件口感有d"鞋", 調味料亦都係普通到唔普通...而且$18黎講...份量係比較少可能我去既時候冇乜人, 所以佢就將之前炸既既比賣比我所以唔洗點等就有得食...不過其實我一心想食即炸既...最後都係冇...標榜既野都做唔到...希望貴店可以檢討一下

高登炸雞,即叫即炸,多汁嫰滑,入口鬆脆創業難,守業更難,比心機做好呢份工得閒會再黎食如果賣埋野飲,一定會更好生意btw 筲箕灣太遠啦

今天晏畫需要到筲箕灣見客，路過出名多好嘢食的東大街，有點肚餓想買D小食。見到在網上大熱的“高登炸雞”原來就係度！可能是放學時間，已經有很多學生在排隊。不過等了5分鐘左右就到我喇。問了店員有咩好食，佢就推介 “小學雞 “ ，叫了一客細ORDER （＄10）之後再試一隻雞中翼 ！”小學雞“拎起手都熱辣辣，大概5，6件啦。食落D雞肉很鮮和多汁，一吃便知道是新鮮雞造的 ，D調味都很適中，不會過咸或淡。（其實店主都可以考慮加入不同的味道來增加客人的選擇）雞中翼都幾好食，炸粉比例剛好，起碼賣相唔會太多粉同油先啦。下次去筲箕灣都會再吃！

見到甘多人推介尼間野，係中環番工既我都專登渣車同gf買d黎試下現場好多人排隊同影相，唔明一間普通炸雞店有乜好影，期間仲有幾個穿了校服的男生在看色情漫畫和打機排左幾個字又要等10分鐘先有得拎，原來只係普通炸雞塊，可能臨急炸，極度多油又無乜味女侍應全程黑面無笑容最後我引用荷媽名言作結: "耳聽三分假，眼看未為真", 有d店網上好多人讚, 但實際是叧一回事

去筲箕灣食飯，一出地鐵站見到呢間小食店好多人等緊，所以又同朋友試下。本來見到menu有款叫小學雞好想試㗎，可惜已經沽清，所以點咗份雞翼，即叫即炸好鬆脆，唔太油喎，雞肉都好入味，下次可以encore試埋小學雞！!不過可能而家係試業階段，運作未smooth啩，等候時間都要一陣㗎!

不嬲有上開openrice搵野食,見到呢間新炸雞店評論幾高又近我返工地點就過黎試試佢既小學雞.Take order 既妹妹都幾nice, 邊同大家解釋因為係現炸所以要等耐D又邊講唔好意思. 其實如果係好味既我又唔介意等耐少少喎, 不過始終係新店, 期望不大啦. Order左細既小學雞, 等左7-8分鐘後終於試到新鮮滾熱辣既第一啖...... 結論係: 我覺得等都等得幾值得喎又!雞炸得好脆但係D粉又唔會話好厚. 雞肉唔會太鹹, 而且好嫩同埋好juicy. 我鍾意食辣, 加左辣粉就更加分~ 個人認為好味過旺角個間知名炸雞店!炸緊雞個個男仔(唔知係唔係大家口中既老細) 雖然好忙,但係有透過個窗問企响對住佢既我好唔好味, 叫我畀D意見. 唔知你當時有冇聽到啦, 如果冇希望你响呢度睇返: 好好味呀!!!! 不過少少建議... 賣炸雞呢D較熱氣既野賣埋飲品好D喎.總之呢趟冇白行~ 又抵又好味, 高登炸雞值得推介, 我一定會再幫襯~~~

very good fried chicken, better then the mk chicken steak, or any other fired chicken chain.i like their element school chicken the most. The thickness of the crust is just right, and the meat is tender and juicy. Saltiness and the amount of spice are just right as well. However, if u wanna try it......u gotta go early as it is sold out everyday.Their whole chicken wing is another favorite of mine, very tender, and juicy as well.One very nice thing about this store is that they are all made t