影片
领汇之下特色铺渐见少，见到呢间铺以传统见称好想支持佢落去。午餐见到个回味鼓油鸡，心谂可以试下，点知上黎既系几件斩件油鸡加白饭，我同侍应阿姐讲话干巴巴好难落口有冇汁，佢问我要咩汁，我见佢有个平２蚊既歺系咖哩汁就叫佢比咖哩水汁，阿姐点左头想去攞，突然间个收银阿叔急急脚走埋黎，粗声粗气同我讲：“咖哩汁得，加钱。”我就应佢：“你咩汁都冇比我，要个汁都要钱，讲到明鼓油鸡又冇鼓油㖞”“鼓油就得，咖哩汁贵d㗎”我谂算啦，佢讲到明回味鼓油鸡，鼓油应该好d,就叫佢攞鼓油…正想试下果饭既时候，阿姐突然间攞左支鼓油系我碟饭系咁倒鼓油，我眼到突晒，即刻叫佢摆低比我自己黎……终于可以试下个饭，点知出事啦，d鸡系涷嘅，一阵隔夜味，加埋阿姐倒果d鼓油碟饭都涷，今日十度多d点食得落收银阿叔正系我对面，我就同佢讲：“鸡又涷，鼓油又涷，成碟饭都涷㖞”阿叔够胆死同我讲：“我呢度系咁㗎，你唔中意食可以叫其他野㗎”仲叫其他野，我仲受唔够，一d都唔食埋单走人，点知阿叔一路收钱一路吵：“我呢度系咁㗎……顾客永远是对的……”哗，d野唔掂又讲埋d九唔搭八d野，冇心情理佢，比完钱走人算其实领汇搞到好多传统铺头唔见晒，大家钟意佢地系因为有人情味同埋有特色，见到有间似系既就支持下，点知“唔掂鸡”当“回味鸡”，仲摆出唔负责任既态度。唔怪得系领汇之下仍然生存，原来都系冇良心，可悲……
继续阅读
星期天，一大早落街见到阿姐做濑粉，即拉即煮，就柯打咗一碗招牌新鲜朱润濑粉。汤鲜甜，濑粉比一般米线嫩滑, 好味过谭仔㖞，正！妈咪就唖咗虾饼同猪手濑粉，猪手好入味，虾饼香喷喷 下星期再来
继续阅读