高富餐廳

营业中

休息中

屯門友好多都會過嚟呢邊覓食～呢間茶餐廳一啲都唔起眼但係幾間舖位連住 對於住附近嘅我 凌晨瞓唔着5半至6點呢啲鐘數有時就會落去食個麵🫢 另外呢度都好多車友聚 佢每日生意都唔差 係好街坊好有人情味嘅一間小店～∝豬膶牛肉麵✨豬膶牛肉麵係至愛！食佢其他茶餐冇乜特別 同一般茶餐廳差唔多 特別在佢個餐包火腿奄列好開心 反而叫豬潤牛肉麵就剩係得個麵🤕但係有時都忍唔住叫 因為佢做得係幾唔錯 豬膶同牛肉份量都夠多 request啲麵質硬佢又做倒（呢個要求對我嚟講已經好加分 好多餐廳煮極都好淋⋯）話好好食就一定唔係嘅 但係對比返價錢呢個質素係可以接受嘅🫶🏻∝如果叫其他茶餐的話 包火腿奄列之餘多士可以加兩蚊加煉奶直接變奶油多🌟我每次都會加㗎 出面唔係間間都比咁樣做～∝🪟高富餐廳(屯門)屯門仁愛堂街22及28號地舖🏷️#chubby_tuenmun

身為一個成日要開住部車係屯門嘅人，都明白開住部車係屯門解決食飯問題係有幾大難度…又或者星期六日，排曬隊去市廣場入停車場嗰種痛苦，不過天無絕人之路，屯門高富餐廳可能幫到你。食品方面，呢間高富嘅煎、炸、茶，都到達香港茶記水平。我食過可以推薦食品如下：1. 港式奶茶/鴛鴦可以（最好落單叫多啡）2. 吉列豬扒3. 蒸魚午餐飯4. 蒸排骨午餐飯5. 豬扒麵除咗食物外，呢間茶記有以下特點：1. 車泊街方便，前後左右都有咪錶位，就算滿曬要咩…阿蛇抄牌/車出車入會有好多熱心人士通知大家2. 室外露天位充足，呼吸新鮮空氣冇問題（明嗱下）3. 比一般茶記枱更大，坐落唔會逼逼夾夾4. 餐具食具加上環境乾淨，呢個係我最滿意嘅5. 唔使擔心冇廁所去，仲要係好乾淨嗰隻添6. 價錢方面唔會因為環境好少少而貴咗，一句街坊價7. 切記切記…呢間茶記係冇「晚市」，要食日頭去啦！--完--

趁著假期周圍去下吃下嘢！咦！眼前一亮！高富餐廳同印象中完全唔同！(大概幾年前黎過）！決定入去故地重遊！成間餐廳可以用改頭換臉形容！餐廳環境好舒服！食物選擇亦多左好多！我吃了個至愛的吉烈豬扒飯！哇…簡直物有所值！D吉烈豬扒又大塊又多！味道好好！最緊要物有所值！以後我會多D過嚟

D裝修好靚，如有英倫味道座位坐得都好舒服，食物唔錯好味既，價錢都算十分公道，今天試左個早餐多士餐加凍咖啡，凍咖啡都好香，多士餐有火腿腸仔餐肉多士啱晒我呢d細食既，。下次可以試埋個飯餐，見佢都好多選擇，飯餐有例湯送凍飲都係加2蚊，個人都覺得ok.

經過餐廳門口感覺環境可以覺得食物質素應該唔會太差掛入到餐廳見到餐牌……有多款午餐供應……避免中伏，小弟選擇左一個門外漢都識炒既生炒牛肉飯 加 凍奶茶！凍奶茶到左，平平無奇，淡而無味！可以一試，但絕無下次廚房明顯等多些人叫 先一次過炒我都習慣冇所謂 所以等左大約15分鐘廚房出左3碟生炒牛肉飯 遠睇都已經夠鍋氣第一啖擺落口 完全冇味，似食梗白飯既感覺，只是間中會食到牛肉粒有根既口感！初頭以為係碟飯d鹽未兜暈自己嘗試兜下碟飯 再食多啖都係完全冇味…… 同一時間有另一個客同侍應講出呢個問題侍應就拎左個客碟飯入廚房再炒過而我因為杯凍奶茶都就黎飲完睇睇另外個客翻炒出黎既生炒牛肉飯係點先再作打算炒完出黎 個客食左一啖 即刻爆粗一係就唔落鹽 一係就落咁多鹽係咪玩野丫？睇到呢度 我都係放棄食左兩啖既生炒牛肉飯算去比錢賣單，餐廳方面見到咁亦都好無奈同時亦應該檢討下廚師既能力吧我自己就唔會再幫襯了 怕怕

因為黎開呢邊做野，都係諗住求奇搵間食，條街大部份鋪都係車房個類，得一間茶餐廳。選擇都係個d，沙牛麵、腿通個類，我都係食沙牛麵，個牛肉算係有d誠意嘅，不過個麵就應該係放個麵落碗，然後就咁倒水，所以d麵拎到黎個陣仲好硬。應該有其他選擇都唔會再試

同朋友黎食早餐，價錢ok既，都係普通港式早餐，不過食物同服務就好差。佢服務態度係幾好，不過黎錯食物好幾次，加左一蚊轉多士，但係都黎左方包，腸仔奄列變左腸仔炒蛋。🧐我食沙爹牛肉米粉，沙爹牛肉普通，唔特別好食，米粉呢就說不出既難食，啲粉好粗好粉，冇平時食嗰啲米粉咁爽。🤔配腸仔煎蛋，腸仔外層皺哂皮，上碟熱辣辣，明顯預先煮好左，再翻熱，咁樣令到腸仔外層比較un。煎蛋凍冰冰，睇黎都係預先煎好一大堆。🤨🤨

垃圾 要乜冇乜 平均叫一個飯最少要等15分鐘 服務態度差 連每日有咩餐都唔知 等咁耐時間我諗我唔洗去依度食 味道不覺得好 品質差 永不再去 價錢一加再加 其他野就越來越差 真係請都唔會食