高士麻辣燙 (已結業) 查看

剛搬左黎黃大仙冇幾耐發現鳳凰村一帶難得地仲保存住好多小店一向都好鍾意食川菜呢間只做外賣嘅四川小店正好啱哂我口味🤤是日晚餐😋酸辣撈麵麵底近似油麵，口感唔錯配料有花生、黃豆、肉碎、蒜、芫茜及蔥花酸辣汁好惹味同開胃🤤不過小辣食食下越食越辣🌶💦呢款撈麵係熱食，如果夏天推出涼拌冷麵就更加正喇！口水雞🐔每次食川菜必食雞嘅肉質還可以，份量亦適中，麻辣醬汁mix咗d麻醬好香口👍🏻建議叫小蒜，否則太多蒜泥食完個口好大陣味！都幾大盒同抵食蓮藕切到超薄片，口感好爽脆都係特別request咗少蒜，好好味！酸酸甜甜，好飲👍🏻👍🏻希望大家都會多d支持小店令佢地可以長做長有啦！

本來諗住試肉類，但係呢排天氣又熱又焗，冇乜胃口食肉，所以冇嗌到。。。。。今次嗌左份麻辣藕片，唔知係咪即叫即撈呢？(太遠，只能叫外賣，睇唔到佢整)，由於上次嗌過，對於優質蒜(曾經去旅行去左個真。農村地方，有隻品種既蒜，係落少少都比一般蒜重味)非常搶味有感，我有備註到走蒜蓉，而今次黎既呢份，又真係冇左蒜，所以唔係預先整定一大盆果啲？果然同期望既一樣，蓮藕又爽脆又清甜講返個重慶酸辣粉，我叫既係大辣，冇特別加酸，所以唔太食到個醋味，由於酸辣比例既方面，人人要求都唔同，口味呢樣嘢。。嗌果時再講。我淨係可以話，食開極重味精極重油既人會失望，呢碗粉係食完完全唔會口乾，喉嚨乾既，頂唔順辣到要飲水既人另計。衰在我手快快落左碗湯，唔係可以見到有咩配料，令我唔係打手都肯都再寫食評既，8成係因為個肉碎。如果食開油立立又唔知落去幾多調味既肥肉肉碎，或者叫炸醬？既人又係會失望，可以當冇睇過呢篇嘢。因為個肉碎係冇乜肥肉(幾乎冇)，手剁唔係用機碎，唔鞋，唔知係水灼定蒸，反正就冇油立立，豬肉一定係夠新鮮，好重肉味，唔叔唔臭至唔洗整一大堆調味料蓋味既啫希望呢間小食店keep住水準生意興隆

高水準之作👍藕片夠薄，仲係一口一块既size，薯絲就夠幼細，兩者同樣爽脆。冇多餘花巧既調味(近年好多涼拌都係又落花生又落芝麻，麻油味又重😑一係就咸到不得了)，真係要講就希望落少啲蒜，因為蒜味香濃，搶過左其他味😌明明食材s咁新鮮，好浪費㗎嘛。——————————————————————————————總括黎講，呢間小食店值得再次幫襯。對個牛展好有興趣，好食既話再分享！！！！！

去到鑽石山大家剩係會諗起荷理活廣場呢個美食沙漠，但係其實係鑽石山同黃大仙之間仲有一個舊區叫鳳凰村，入面有好多唔同種類既小舖，今次因為係呢邊既時候好想食一啲麻辣嘢，就比呢一間小舖「高士麻辣燙」吸引左。佢全部都係散賣一啲川味小食既，而我主要想剩食麻辣味既食物，咁就叫左以下三樣再加一個紫貝天葵。麻辣撈麵其實就係一個乾身既酸辣粉既口感，麻辣味控制得啱啱好，對我呢啲想食辣但又唔係好食得既人嚟講，呢個既味道啱啱好有啲刺激感但又唔會太過火要不停飲水個一種，好味！麻辣土豆絲因為本人都係一個薯仔控，薯仔既嘢食多少都好吸引到我，咁就決定叫個嚟試下。可能因為佢係土豆絲，同平時出面食到既薯類產品有啲唔同，唔會一次過到好大面積既薯仔，所以薯仔味就唔太食到，同好硬身，唔似食緊薯仔既感覺。而係辣呢方面，佢既辣味比撈麵既辣更加強烈，食既時候不斷咁飲飲品先可以繼續食到落去麻辣雞翼麻辣雞翼既辣口感同上面既麻辣土豆絲不相伯沖，都係食到眼淚鼻水流不停，而雞翼本身就好肥美，肉汁分明，一份有六隻，價錢都好經濟紫貝天葵好少係街可以搵到紫貝天葵賣，所以咁啱見到剩係買枝嚟飲啦！紫貝天葵唔會太甜，有啲似利繽納既感覺，放左一段時間係常溫環

整完頭髮，又未到食晚飯時間，周圍行發現呢間外賣點，價錢好大眾化，叫左兩隻醉雞翼食（冇影到相），超好味，所以飯後我又再次折返光顧，外賣返屋企做宵夜。麻辣雞翼尖13蚊12隻，超入味，辣度係似X仔米線中辣咁，不過我平常都係食小辣，所以食到個嘴紅晒腫晒，好鬼刺激😂😂😂😂。麻辣蓮藕片18蚊一大盒。佢冇雞翼尖咁辣，但都係咁入味好同爽口，刀功好勁，每片蓮藕片厚薄都一樣，口感一流。又平又好食醉豬手15蚊2件，大大件，一打開個盒已經嗅到d花調酒味，酒香撲鼻，未食已經好期待啦。豬手整得好乾淨，無毛，最怕有毛睇見都唔想食。D肉好淋，但唔算多肉。佢d食物一盒盒好整齊咁放係雪櫃。感覺乾淨。可惜只有外賣，如果有堂食一定幫親。

小小門臉，沒有座位，只提供外帶，很快做好就能拎走。食物質素高，酸酸辣辣非常正宗重慶風味。相比香港眾多連鎖酸辣米線店，本人認為這家小店在配料品質上不輸，口味甚至更勝一籌。建議加料藕片或木耳，僅僅$5，價格都好公道！