高。牽心 (已結業)

今日去左將軍澳個頭😜，之後約左屋企人🏠去尖沙嘴，但尖沙嘴實在太多人🤦🏻‍♀️，所以我地寧願搭1個站去紅磡食晚飯🍽。呢間餐廳系社企，部份職員系聾啞人士🙊，要用手語溝通👌🏻。桌上既墊枱紙印左線條簡單既圖案，示意客人點樣同店員溝通點餐🙆🏻。大愛日本菜🇯🇵既我見到B餐即刻心心眼左😍。B餐系挪威三文魚(魚生)、甜蝦(魚生)芝士蘋果醋飯卷($98)，2款魚生都系小妹中意既，太好喇😎！好快店員就送上是日餐湯：南瓜湯。佢好細心咁附上1張memo紙📄，上面寫住:「今天是南瓜湯=)」，成件事都幾warm❤️～個南瓜湯🎃勁足料，個湯♨️偏杰身，好有質感。味道香濃👃🏻得黎吾creamy，仲有幾塊南瓜同薯仔系入面😀，好飲啊👍🏻！至於主菜，原本以為會好細份實吾夠飽👀，點知原來都幾大份架😜～總共有6件：3件三文魚、3件甜蝦。三文魚同甜蝦都幾新鮮，味道不錯😝。​飯卷入面有青瓜🥒、蛋🍳同芝士🧀️，爽口既青瓜💚提升左飯捲既口感，中和返比較黏既芝士🙂。食到最後先order餐飲，叫左熱檸檬水🍋，細細杯份量剛剛好～

年初二放煙花前，係附近食野。呢間餐廳係一間社企，入面有大部份都是殘障職員，只有小部份職員跟普通人無異。但桌上的紙張很耐心地教導我們如何跟他們溝通、落單。同朋友一齊點左3個餐，分別係三文魚扁意、意大利飯、黑毛豬。全部附有餐湯，是濃濃的蕃茄湯。黑毛豬可配薯角，呢間餐廳薯角全部即炸，超脆口，好好味，而且有10幾舊，配上個燒烤醬，一流享受。意大利飯感覺同平時出面食開有d唔同，味道唔太習慣，但配上的帶子就好食，而且好大舊，一啖一舊，滿足。三文魚扁意粉，配上明太子，是傳統的美食，跟外面餐廳感覺相若，但由於是社企餐廳關係，每個餐既價錢都相對昂貴。

今日高高興興地去紅磡睇演唱會，睇演唱會之前梗係要食飯醫肚先啦，嚟到呢間餐廳見到佢係一間社企餐廳，我就決定入去食，雖然時間都比較趕，但見到佢哋嘅食物都令我想坐耐少少，我叫咗一個套餐，有一個薯蓉忌廉湯另外加個帶子意大利飯，最後加杯飲品而家等我介紹，頭盤先係一個薯蓉忌廉湯，同出面嘅幾點都唔同，佢哋嘅薯蓉比較濃郁，所以食落，有啲似食薯蓉，但係出奇地，非常好食 飲品我叫咗朱古力沙冰，朱古力沙冰相對比較健康，因為佢冇落奶嘅，而且外貌做得非常精緻，朱古力味好濃非常好味 主菜叫咗嗰個帶子意大利飯，帶子煎香非常可口，食落都非常新鮮 ，意大利飯香軟好味，黑松露汁配搭意大利飯簡直人間極品 因為佢係社企餐廳 有部分侍應係聾啞人士，所以桌上會放在兩個牌仔，一個係點菜，一個係結帳，餐桌上嘅墊枱紙亦都寫滿曬，數字，碗，餐具，飲品，等緊基本嘅可以令到有需要嘅侍應，都知道我哋需要啲乜嘢

Despite the average food, enjoyed the dinner a lot because of the genuine care from the heart.‘Listening does not rely solely on ears; silence never means lacking communication’. Friends/ Go Inside Cafe is a social enterprise that promotes social integration between the deaf and the hearing. Moved by the rationale, it was my third time here. Deaf servers are in black shirt and communicate with customers through simple sign language (formal one and universal pointing) and writing- basic communica

不得不提一提咦間餐廳嘅背景首先佢係一間聾人餐廳，因為係現實生活中，好少機會會接觸到。而且其實一直想學手語，不過一直都冇機會，多謝好nice嘅你地教我啲好基本嘅手語真係個幾好嘅體驗呀！搞笑嘅係，佢係學校隔離開左咁耐到Grad埋都冇行過入去一次，正確黎講係唔知有間咁嘅餐廳食評：口感 8/10外層麵包皮都幾脆，只係中間冇咁脆頂層綿花糖覺得可以燶少少因為太中意食個層脆脆地，拉住啲溶溶地嘅綿花糖所以去燒野食燒綿花糖都會一粒分四次燒，燒四層出黎食吐司入面嘅花生醬唔會多到漿住個咀你知啦，好多野啲餐廳嘅多士吐司都會搽到一pat pat，食到成口都係完全食唔到其他味好彩佢冇咁嘅問 .味道 8/10花生醬食得出唔係屋企成日食嘅頂..好牌花生醬比較香滑同重啲花生味綿花糖就普普通通，如果朱古力醬同碎多啲會好啲3️⃣份量 8/10以甜品黎講都幾多特別係綿花糖嘅流滯感都幾勁所以兩個食都覺得吃力而且包飲品，其實都幾利伸：有食到晏先食口感 7/10雞肉嘅口味都唔錯，唔會over cook，幾嫩口，合格。飯方面，因為係用Risotto而唔係珍珠米嘅所以同之前係意大利食嘅相似。不過水份多左啲，感覺有啲濕同淋過頭，飯粒亦因為咁

是日要乘直通車上大陸，上車前無意中選了此間餐廳午飯，入坐後還未知侍應們是聾啞人士，但他們並未有因溝通的不便以不善招呼，反之他們非常細心及有禮，趕車關係預先幫未到的朋友點餐，上枱後朋友還未到侍應小姐自動自覺幫忙蓋住食品，十分窩心，食物質素比很多在旺區的餐廳還要好，價錢亦非常合理！雖然地點不是十份便利，但還是值得再去的！

今日黎到紅磡行行下見到呢間門口唔錯既餐廳，二人set lunch有沙律、餐湯、兩個主食、甜品、野飲都只係大約百七蚊，於是就入去醫肚。後來發現原來是一間社企，部份員工係聾人或弱聽人士。枱上有特別既餐紙俾你指俾d員工睇落單。呢度既餐碟碟份量都唔少野，兩個人食呢個set luch會好飽豬手好脆，薯角新鮮炸，配菜都唔會白烚冇味，很好吃意大利飯味道都相當不錯，有菇香，配上三大件羊架，可惜羊架調味略嫌不夠整體來說，性價比高，餐廳環境舒適，仲要係得奬社企，當然要支持。

返新工的第六天, 到了商場內的"Go Inside". 同旁邊的「有情有意」一樣是社企, 店內部分店員是聽障人士。因此餐廳內有不少用具給客人方便下單。餐廳內的牆上塗上七彩繽紛的彩畫, 每張木椅都DIY了, 充滿色彩。午餐包括餐湯及餐飲, 價錢$56~138, 豐險由人。另外有優惠重, 每人可減$10(但店員通常會自動減去)。是日餐湯為薯仔忌廉湯, 質感比較粉, 味道清新, 而且湯裡頭還有些薯仔粒, 口感豐富。鮮南瓜意大利飯$62蝦大隻但是完全沒有味道。期待有些南瓜肉在飯內, 可是這飯裡沒有南瓜肉而且南瓜味道也沒有, 一個非常淡味的意大利飯, 幸好飯內有些野菌, 不致於太乏味。對喜愛濃味的人客來説不太接受。是日甜品是這個有杏仁味的奶凍。質感滑溜又有彈性。可是咬下去有些怪味, 同事跟我同樣食到一種「膠」味, 不知道是從何而來。最後的熱奶茶, 茶味的苦澀味濃烈, 加了很多糖也蓋不過。

求婚三週年紀念日(9月16日)的晚上，蝦子餅買了票看容祖兒李克勤演唱會，在Openrice搜尋紅館附近的食肆，選了高牽心。高牽心是由Go Inside譯過來的，是一間聾人餐廳，鼓勵聾健共融。部分服務員是聽障人士，有需要的話，可利用墊枱紙上的圖示跟他們溝通。跟蝦子餅點了兩款晚餐，先來是日精選餐湯蕃茄忌廉湯，吃得出一粒粒的蕃茄核，證明是真材實料用蕃茄煲的，不只是用茄膏。蝦子餅點了加拿大北寄貝帶子蘋果醋飯($90)，即是魚生飯，北寄貝和帶子都很新鮮，蘋果醋飯帶微酸但吃不出蘋果醋獨特的香味。我點了黑松露帶子意大利飯($138)，這些帶子是熟的，煎得剛剛好，意大利飯煮得不錯。加28元加配了是日精選蛋糕，從多款蛋糕中挑選了藍莓芝士餅，水準不俗。餐飲點了熱咖啡配芝士餅。

因為見到店面很熟口面, 發現原來之前在 youtube 見過這間餐廳拍微電影, 所以忍不住好奇入了去發現原來是一間社企, 會請弱聽人仕幫忙 , 所以餐桌上會有小牌子  而且桌面的紙印有小小溫馨用餐提示 , 很窩心哦 飛魚籽煙三文魚冷麵, 有麻醬可以撈在一起, 味道OK就是麵有點 over cooked 蘑姑湯: 打碎了的蘑姑忌簾湯很濃稠 , 意外地好飲這個朱古力蛋糕不過不乏, 是很濃香, 而且 $28 一件, 碟上竟然有拉花很精緻! 

上周社企包了半場來相聚，服務也非常到位~有效率，而且味道甚至勝過一般西餐廳cafe這裡特別之處在於，到處都有種溫情洋溢的感覺，每一張木椅都有手繪的畫作，而牆壁上也有不少圖畫，有兒童圖書閣等，前菜小吃和甜品的部份放在自助餐桌上，也井井有條 小吃的部份包括了咖哩角、春卷、炸洋蔥圈、法式芬多薯和煙三文魚田園沙律；炸物的部份處理得很好， 咖哩角春卷沒有因為放久了而變韌，依然是脆卜卜，而洋蔥圈粉漿雖然有點厚，但正正帶出酥香鬆脆的效果，在場的小朋友無一不喜歡。法式芬多薯比較難明，嚐過後就應該是Gratin Dauphinoise 法式焗薯批，用上滿滿的牛奶忌廉焗製，非常滿足，滿有三重芝士焗薯的感覺，若然薯片再薄一點，生熟效果再控制得好一點就更完美總覺得在cafe吃煙三文是高危的事，但至少這個晚上腸胃沒作怪，田園沙律材料簡單預備就可以，最重要夠新鮮，可見沙律菜翠綠帶濕度，不失爽脆口感，油醋自行加上 每樣試一點，都已經是很飽足的拼盤了，還得留肚吃主菜甜品 是晚有洋蔥湯及甘荀湯供應，魚子媽一嚐甘荀湯，打得綿綿細密的，就是喜歡這種不盡100%幼滑的湯品，非常鮮甜，重點是魚子媽從不吃甘荀，也把這碗吃清光；而

上次黎紅磡睇JJ既演唱會已經好想試，但奈何時間唔夠，所以將佢列入下次放假晚餐既名單中到放假個日就黎左呢到食晚餐，有預約同無預約原來係會分開坐，入到去坐低左後見到張墊紙寫住黑色制服既員工係聾啞/弱聽既人士，可以用手語溝通，餐廳亦很窩心地將ABCDE、醬汁及幾成熟既手語放左係Set Dinner Menu後面，不過掛住學手語點餐忘了影今次我同男朋友分別點左個：B(辣茄汁鱸魚意大利飯) & D(西班牙黑毛豬豬鞍架配蜜糖蘋果汁)今晚餐湯係南瓜湯，較為杰身，南瓜味唔太突出，但味道都唔算差！之黎就黎左個意大利飯，對我黎講比較辣，因為我一啲辣都唔食得但男朋友仔就話味道唔錯，幾香！條鱸魚都好滑～無幾耐我個豬鞍架都上到黎，正當我猶疑緊呢個炸物係咩黎既時候，切開一睇，原來係薯菜！真係好過癮！睇得出好用心製作，呢個薯餅都有少少辣，但辣都要食！配埋個蜜糖蘋果汁一流豬鞍架肉質幾彈，唔會太un，而且油香！絕對大推跟餐飲只包基本既檸茶檸水咖啡等等，咁我地當然加錢試其他啦，我就叫左個薄荷朱古力沙冰，男朋友就原先想叫個血橙梳打，但咁岩無貨，唯有轉檸檬梳打，蛋糕無食，因為太飽啦留番下次再黎試！最後值得一提既係，呢間社企除

在置富都會搵食，通常不是聽演唱會/talkshow，便是去參加『畢業禮』--- 完成於人世間的修業，到天國遊歷。爸爸選擇了吃西餐。老一輩對鋸扒是有一種情意結的，畢竟小時候要食一次西餐並不容易。已往我們都去Cafe Med，但今次想嘗試新的餐廳，於是找到"有情有意" 及 這間"高。牽心"。原來兩間餐廳其實都是一樣的，餐廳的侍應是有聘請聽障人士的，所以桌上有一些牌子讓我們用。不過我完全沒有用到，也很順利的點餐了。餐紙上寫了一段餐廳的介紹和理念。我點了一個比較保守的食物"三文魚帶子蘋果醋飯卷"。餐牌上寫了蘋果醋飯卷是廚師推介，不過吃起來沒有什麼特別，飯粒還嫌太濕太黏了。爸爸點的黑松露蘑菇帶子意大利飯卻喜出望外。黑松露的味道很濃郁，意大利飯也煮得很不錯！意大利飯本來就吃有點生的，可是很多餐廳都寫得太熟了。我們一人一口的瓜分了這一道菜了。妹妹點的是這個豬脾肉。這個也挺不錯，豬肉不會太un。

友人極力推薦些社企餐廳，店內大部分店員都是殘障人士，值得一來支持~一行三人點了三個晚餐，另貪婪地加了兩個前菜 是日餐湯，不知名字，但香濃鮮稠，似是加了薯仔的蕃茄牛尾湯打成蓉，喝下有濃郁肉味和薯仔的粉嫩口感~加配的鵝肝多士，以數十元來說，鵝肝份量不小~ 鵝肝煎得表面香脆，鵝油滲進多士內，油香在口中滿溢，蘸點黑醋醬中和油膩感之餘，能提出鵝香味~另一前菜吉列炸蠔，皮脆蠔嫩多汁，以蜜糖芥茉醬代替一般沙律醬配吃，又是另一風味~緊接的是主菜，挪威三文魚拼三文魚籽蘋果醋飯，賣相精緻，但進食時有點雞手鴨腳，難以一口吃下每一層，味道也沒有任何特別之處，只是一般的壽司飯卷罷了~烤黑毛豬鞍份量足，肉厚軟嫩，肉香不乾身，雖不是高級的黑毛豬來貨，但質素與價錢成正比，蜜糖蘋果醋汁微酸香甜，略為提升了黑毛豬的肉味~ 眼看其他客人同樣點了這個黑毛豬，伴碟的配菜是不同的，而且擺盆漂亮，可見廚師用心製作~大蝦鮮魷菠菜忌廉扁意粉，大蝦和鮮魷各三，大蝦鮮爽，鮮魷不韌，意粉份量不少，因為之前貪心吃了不少油膩的前菜，再吃這個忌廉扁意，有點力有不逮了~最後餐茶是薑蜜和柚子蜜，甜味剛好~雖然大部分店員都是殘障人士，但仍服務周到，食物

又是一個週末的下午到來, 時過兩點客人走了一半, 下午茶又未開始, 一人一個套餐, 一個平加一個貴的, 餐湯依舊好味, 杰度剛剛好!Set B: 照燒雞扒伴飯$54 照燒汁一般好少機會失手的這裡也不例外地味道平穩, 咸中有甜, 雞扒是已經改至企企理理的長方形, 肉質沒太重化學味道就是了, 下墊了些少烤過的雜菜, 飯是珍珠米, 以呢個價位都無咩可以彈囉!Set K:新鮮空運紐西蘭羊扒伴紅酒汁$138 呢種名其實可以慳番前面四個字” 新鮮空運”何謂”新鮮”? 一星期前才宰的這隻羊? 空運定海運客人從何得知?! 現在大部份西餐廳好多時都會犯的錯誤, 餐的名字有一半是癈話般的形容詞, 其實除非真的很特別的食材, 要不是的話以無聲勝有聲/ 以簡破繁可以令效果更好, 過份形容只會更似江湖賣藝, 這羊扒柯打5成熟, 3件之中有兩件是5成熟的, 有一件則過了頭, 肉質未算好淋身但都保留到部份羊味嘅! 伴菜有炸粗薯條,這裡的擺碟唯一比較弱的是擺面的幾條蘿蔔苗/甘荀絲,擺得太求其了, 要知道這一小撮小東西是第一印象,客人是感覺得到的, 沒什麼可以遮擋,不過, 加二十蚊就可以有的Homemade蛋糕則還是交