髀魔-雞髀第一店 (福民路) (已結業)

今日放假日西貢又係特別多人。訓醒落西貢碼頭食個飯。食完飯後，經過尼間「髀魔」，網上大熱，好多朋友都問我食過未。今日經過門口，見無人排隊。緊係即刻去買黎食啦。點知個職員話要等45分鐘-1小時先有得拎。唔緊要，我地都要係西貢shopping ,所以都願意等。終於有得食啦。我地點既係巨型「黃金雞髀」（$4x)。真係好大隻。咬落去都唔差既，尚算可以，皮面有咸蛋黃既咸香味，皮都脆，肉都嫩滑。試下新野都唔錯。我自己食完第一個感覺係：尼個價錢絕對可以去茶餐廳食個炸雞髀下午茶餐，仲有杯凍檸茶飲。所以試下無妨，再試就會去茶餐廳食啦。

炸肶好味 入味好滑 剛好熟 係要時間等 可接受 咁大隻肶係要煮耐d 要有心理準備等 椒鹽豆腐都好味 有少少過咸 適合鐘意食重味野既人食入開西貢又有時間不妨試試 推推推！！！！！！！

唉，今日落大雨，唉，我個儍老婆。落左單等十五分鐘ok的，有禮貌。原本叫咸旦脾「黃金脾」同椒鹽翼「經典翼」，個儍婆叫左兩個脾，小事小事。點知佢食脾時，一手撕左個咸旦皮，小弟呆左。咸旦脾偏甜，唔咸，個炸皮濕左d，脾身可能無醃過，只靠炸時沾醬上味。椒鹽脾夠咸夠惹味。其實個脾都不會炸乾，個價都公道。如果路過食都不錯。小tips : 個附上紅色小包好像濕紙巾，但原來係雞翼手套一隻同乾紙巾，食完先知有手套感覺好春虫虫。

早兩日某報紙介紹這間在西貢新開的炸髀店，朋友見到報導都問我試過未。剛好今日早收工，就決定在回家前買一隻來做下午茶。店鋪很細小，不設堂食，只有外賣。考慮了一陣，都係決定試食佢的招牌菜-「黃金魔髀」。落單時職員提示要等10-15分鐘，反正我已經收左工，無咩所謂可以慢慢等。不過，我見佢有寫可以whatsapp落單然後自取，咁我下次都可以用這個服務，方便省時。炸髀的包裝都唔錯，用紙盒而唔係膠袋，唔怕焗住水氣令到雞髀淋晒。我拿住盒雞髀去搭小巴，花15分鐘才回到家，但隻雞髀望落去都無走樣，仲幾新鮮。雞髀的尺寸真係好大隻，很厚肉，表面撒了一些咸蛋黃醬，食的時候雞皮脆脆地又有咸蛋黃香味，係一個唔錯的配搭。雖然肉很厚，但雞髀炸得夠熟之餘又唔會乾柴柴，咬落啖啖都有肉汁，做得很好。「黃金魔髀」屬於係XL的炸髀，份量十足，很飽肚細食的女士，建議食「黃金髀」，都一樣係咸蛋黃醬炸髀，不過會細隻少許。

話說啱啱見到呢間野，見佢個名咁招積就買黎試下，俾完錢佢同我講要等15分鐘，ok無問題，我15分鐘就企係到等，到20分鐘左右我就問佢有未，佢同我講上左，等多陣，最後係超過30分鐘之後先有得攞(聽到在場有幾個客人都係等左超過30分鐘，仲有人退錢添)，好唔好食我就唔評論喇，因為我仲未有心情食，我只係想問點解時間觀念同控制可以咁差？老實講雖然我唔係趕時間，但假如我係要上船既人咁點？係咪要隻船等我？如果你一開始係同我講要30分鐘成件事就唔同，我可以唔要或者可以條氣好順地等，而唔係要企係到白等你口中既15分鐘再多15分鐘以上結論：我理得你隻雞髀食完會飛，麻煩學識控制時間先學人做生意，咁樣某程度上可以叫做唔老實P.S.佢地態度其實好好，不停道歉同講唔好意思，有人要退錢佢地都即刻退兼道歉，但一樣還一樣，忙同好態度唔可以做藉口同護身符，希望可以好好檢討

同幾個朋友入去西貢，咁啱見到呢間小店，有個朋友就起勢喪哎野食，我地就係人地個門口擾嚷左勁耐！好彩老闆都好nice！！唔介意我地企係門口食埋野！叫左黃金魔脾，黃金魔翼，椒鹽豆腐，日本南瓜，香脆香蕉！呢d野食，邊睇波邊食簡直一流！臨走都叫多隻雞髀留返今晚睇波時食！誠意推介黃金魔翼同日本南瓜，黃金魔翼係單骨整既，非常有誠意，唔會食到好「呢hea」！日本南瓜簡直無得頂，食到停唔到口，下次經過一定會再食呢個！另外買左支羅漢果茶好好飲，非常消暑解渴，食炸雞飲涼茶，感覺好正！值得一試👍🏻！

前幾日考完試超肚餓，行過見到新開張，急不及待要成隻雞脾食落肚，揀左黃金魔脾，鹹蛋黃醬，出奇地味道配搭得好好，肉質好滑，誠意推介！！仲有揀左去到邊都要食既椒鹽花枝丸，味道一流！食完大大滿足！！肚餓時食隻雞髀簡直無得頂！！