髀魔-雞髀第一店 (福民路) (已結業)

自從《科大》事件留意了好久，一直想試試大雞脾，昨日網上見到開了分店，由於西貢太遠的關係，見到太子開分店，簡直是喜訊，專程和老婆由港島渣車來試試，在店外猶豫了好久，要咸蛋雞脾還是椒鹽雞脾，有疑問詢問下，店員態度也很親切🤩抵讚最終點了椒鹽雞脾拿回車上吃，雞脾幾大隻，賣相吸引，但是吃下去是好甜的沙糖味道！像是放多了很多糖的樣子。肉入面像完全是沒有奄過的。。。沒有味道，外皮也很乾，真的很失望，最終和老婆失望而回，椒鹽雞脾是甜的真的好奇怪。原本也希望折回給店家一聲建議，希望店家可以改善問題，可是時間關係未能回頭。但除此覺得店家是有心做的，希望小店請加油

難得放假，又好耐冇入西貢行下，落住大雨都阻唔到我食好嘢嘅決心！之前朋友係網上度睇到有人介紹過，見隻髀咁大隻，好似好正咁，所以就要入嚟試試佢！見到隻髀個真樣，發覺一個人應該唔晒，所放棄了…最後揀左呢兩款，炸花枝丸同咸蛋黃單骨雞翼！個花枝丸我就覺得一般，個粉比較厚，油膩咗少少，好滯。但個單骨雞翼就真係好好食，夠咸香，又唔覺好油，同埋佢切開細細舊好方便食，下次再嚟一定會再買～😆😆😆我估計佢整雞類嘅嘢係比較出色，下次真係要留肚試下個炸髀呀～不過係度買嘢食就要等得耐少少，你可以係度落order後，行去第二度買吓嘢飲，之後先再返去拎喔～

見佢地係太子開左間新分店，起碼就腳過西貢，又行開過頭就去試下見佢門面裝修幾好，餐牌又好似幾吸引，就叫左好幾樣野黎食，有雞軟骨、雞翼、花枝丸、魷魚絲，當然唔少得佢話招牌既雞髀先唔講食物質素同味道，浮係等都等到無晒癮，話15分鐘又等左成廿幾分鐘，係條街企係度左望都唔知做咩，手機都玩到爛好啦，終於都有得食啦，同朋友懷住飢餓既肚打開咁多個盒，一陣香氣湧出黎，係雞粉既味一食落口，咸到即刻飲左4啖啤酒，每食一下就要停一停飲一飲野，尤其係個魷魚絲，簡直咸到腎病我真係第一次一口氣清晒罐大啤酒，都係第一次忍唔住要打食評，真係不可一不可再🤦🏻‍♂️

上次星期五專程入西貢，想食巨型size魔脾，好似平時快餐店食的炸雞脾約300g，這處有500g，所以看相片好巨大。好可惜，入到去找唔到舖頭，上網查看，剛巧店舖這天突然話休息一天，真是無緣食到…今次再一次入去，本來想買巨脾，但店員話要等20分鐘，而且今天食了飯先入來，所以改了買單骨雞翼。雞翼都係即煮，都要等15分鐘。雞翼熱辣辣，而且好香，味道是鹹蛋黃醬，皮脆內有肉汁

炸雞肶這件東西，本身已屬極邪惡之物了....若然再加上鹹蛋黃的話，那就真的"不堪設想"....來到西貢著名的為食小巷，專道來找上這間叫自家作髀魔之店，去會一會這一隻天下其一最邪惡之物....和友人一家同來。以其卡路里之高，對身體負擔之重，當然不可以每人來一隻。最後決定以家庭為單位，點了兩只黃金炸肶。店員後來又推介了自家煲的凍羅漢果茶。以此來化去炸肶之膩滯，實是天作之合了....等了十來分鐘，迎來兩大盒東西。剛啱炸起之燥熱物，自不然不能馬上吞下。等待中，先呷一口羅漢果茶，的確是homemade之作沒妖邪味，入口甚滋潤清涼....好了，等夠時間，馬上打開蓋，一大隻黃澄澄、香噴噴的黃金炸肶便現在眼前....論賣相，確是引到人口水流。單睇那舖在肶皮上的鹹蛋黃碎就已不得了....視覺帶動食慾，先吃為敬連皮咬了一大口。包含著甘香豐腴的鹹蛋黃碎的雞皮與肉，無論在脂香以至鹹香度自然亦提昇了一個層次....不過若單論炸肶本身，說實在水準是沒我當初料想中出色 ---- 皮並不是特別的香脆；更重要是肉有點偏乾，肉汁是絕不夠澎湃的....專道而來，怎知卻讓我帶著失望之心情離開....實是有憾....

舖頭臨時工的第二日，我又要在西貢食街附近的食店裡面，尋找我還可以試食寫食評的機會。其實最近食街裡面的食店，食店流動幅度都頗大的，剛剛有舊店支撐不住結業，新店又準備加入食街了。先把已經寫了食評，或者還未在「開飯喇」建立食店資料的食店暫時剔出我的試食範圍，剩下的食店就是我今次的目標。今次我選擇了，位置比較接近小巴總站的炸雞店「髀魔 - 雞髀第一店」。「髀魔 - 雞髀第一店」食店內大部分位置，都預留了給廚房製作食品使用。食客光顧「髀魔 - 雞髀第一店」可做的選擇，就只能夠立食，或者外賣自取。「髀魔 - 雞髀第一店」裡面賣的炸雞，主要有兩種醬汁食法，第一種是辣味，而另外一種食法，就是最近坊間最熱門最流行，以鹹鴨蛋作為調味料的調味炸雞。恰巧我在兩日前，就曾經在銅鑼灣「耀華街」的某間韓國炸雞餐廳裡面，幫襯和試食過「鹹蛋炸雞」，就有機會比較味道兩店「鹹蛋炸雞」的優劣高低。我趁休息時，在「髀魔 - 雞髀第一店」裡面，購買了一件「髀魔 - 雞髀第一店」版本的鹹蛋炸雞。更重要的是，「髀魔 - 雞髀第一店」刻意在價目表裡面，強調自己賣的炸雞髀，包括了一般體積大小的「炸雞髀」，還有體積比「炸雞髀」更巨大的「炸

而家乜都興奶黃鹹蛋 就連雞髀都可以加鹹蛋味。 落完柯打見佢即炸同埋加鹹蛋醬係岩岩炸起既雞皮上面。呢度冇外賣位食 ， 所以行左去西貢碼頭 對住個無敵海景食。隻雞髀夠大隻 同埋個鹹蛋醬夠味 但係雞髀肉好似冇乜味同埋炸過‘龍’ 太鞋 唔夠肉汁，可能隻雞髀太大隻 火候方面難d 控制。個人覺得鹹蛋同雞髀唔多夾。 如果下次有機會 會想試下雞粒 睇下係唔係都會有鞋既感覺。

最近興起左好多「黃金」既菜式，黃金炸豆腐，黃金魚皮，黃金雞翼…估唔到呢股熱潮仲蔓延到係雞髀嗰度！😍😍😍今日下午喺西貢就發現咗一間買黃金雞髀嘅鋪頭，一定要買隻黎Try Try!!!!!呢隻黃金雞皮都係即叫即整嘅，足足等左15分鐘。第一啖咬落去真係覺得不得了，估唔到鹹蛋黃加雞脾一樣係夾！陣鹹香味加脆卜卜嘅雞皮同嫩滑既雞肉，雖然好邪惡，但唔理得咁多啦，真係好好好好食！個人認為比三多炸脾更出色！店家仲好貼心，仲有有埋膠手套提供添！咁就唔怕食到隻手污糟晒啦。

今日係西貢嗰邊返工，放工之後好肚餓，又諗起呢間脾魔，一於就會一會佢啲雞髀啦。可能今日係閒日，冇乜遊客， 下午五點零鐘黎到，都有幾個人排緊隊。不過都好快買到黃金雞脾，我哋冇買巨脾，因為驚食唔晒所以要左普通size！睇住佢整嘅過程，口水都流晒，因為好多鹹蛋黃同醬！等咗大概10分鐘，就有得拎喇，順帶一題，呢度嘅職員好有禮貌好好笑容，值得一讚！我哋就坐喺西貢碼頭嗰度食。一打開個盒，嘩，我同朋友都忍唔住叫左出黎，因為真係好香，好多蛋黃，實在太邪惡同埋呢間鋪頭都好貼心，準備左即棄手套，咁我哋就可以無後顧之憂咁樣食啦！一擺入口，不得了，脆到一個點，同埋好多汁！蛋黃醬都好好味呀！絕對係值得一試！好彩我哋叫咗普通size，因為食到一半就已經好飽啦，不過有機會都再想試吓佢個巨脾！不過就一定要同人share啦

上網見到有好多like，亦都有好多好食評，一於今日同老婆去試下啦！去到已經見到有好多人排隊，咁我地都唔執輸，喳喳淋去排隊買啦。上網睇過話要等好耐，30-45分鐘已經係必需的，唯有買完之後才去行街街啦。佢哋有個服務，只要你肯留低電話號碼，輪到你就會call你👍🏻經過慢長的等待之後，雞髀終於到手。搵個地方坐低之後，就準備大吃期待的雞髀。一大口咬落去，D外皮.........淋嘅，仲要係偏咸，可能太多咸蛋漿卦😅，入面D肉，冇乜特別，冇乜味，老婆嗰隻仲有D怪味😅，冇食曬就掉咗。今次真係好矢望，應該都冇下次😔😔😔😔

叫咗雞翼, 炸豆腐陪埋佢哋自家製嘅羅漢果茶, 食完之後一啲都唔覺得熱氣. 同平時食煎炸嘢感覺完全不一樣 店員服務很好, 非常友善, 羅漢果茶是他們推介的! 物超所值! 雞翼及炸豆腐也很好吃. 看到他們是用心經營的

I was hungry after wake surf so a deep fried salty egg yolk chicken leg was the perfect afternoon tea. It was close by right next to the minibus station and there was no queue. However, there is still a 15-20mins wait as they cook to order. They didn’t have the normal sized leg so I was forced to get the jumbo at $43, definitely on the pricy side.It’s a long wait and there are no seats so u may want to take a walk and come back. It’s also very awkward to eat it standing around. Not recommended o

髀魔 @ 西貢今日買外賣返屋企…見髀魔冇人排隊就斬料先…😋😋 雖然從店名推測應該係雞髀出名…不過雞翼方便DD就叫左“黃金魔翼”店員好有禮貌…疑似老闆都係。大約10分鐘…見到我既雞翼新鮮炸好放入個“兜”度, 再加入一D好似黃金既醬汁撈埋一齊同沈左D黃色粉再入盒🔜禮成索一索…🤔🤔…有炸野味不過點解唔覺有鹹蛋味…返到屋企第一時間試下先…真係無乜鹹蛋味定我一相情願黃金=鹹蛋？味道其實可以…不過如果呢個醬汁係秘密武器既話…佢就未有耐先成魔🙂🙂 $33/8支骨

夏天遊船河去開西貢，見到社交網站有好多page介紹呢間新開既炸雞髀foooodie緊係要去試下啦店舖開係有"食街"之稱既福民路，舖頭比較細，不設堂食，只有外賣紅色既舖面好Sharp醒，好易就搵到黎到緊係要試下佢既招牌菜，黃金魔髀＄43即叫即炸，所以店員好有禮貌咁提醒要等十五分鐘左右，可以周圍行下先一拎上手已經feel到熱辣辣用上紙盒包裝，避免用膠既倒汗水整濕整淋隻炸雞髀紙盒上通風口係個哈哈笑好得意仲附上紅色包裝袋，入面有紙巾同牙簽，非常貼心一打開個盒，隻雞髀既size真係大過隻手板！雞髀炸得岩岩好，外皮脆卜卜塗上咸蛋黃醬，咸香得黎有少少甜肉質鮮嫩滑溜，仲鎖住肉汁咬落去外皮鬆脆，肉質嫩滑，仲好juicy！魔髀份量大，兩個人食岩岩好但始終係煎炸野，有點熱氣同heavy，少食多滋味

上星期六去到想買番去同老媽一齊增磅，可惜話要等45分鐘，當然即走下之再試啦，店員好有熱誠咁介紹我下次可以 Whatsapp 先落單再到取。今天在黃石玩完便即試這服務，有上周的45分鐘經驗，在黃石一開車便落單，回覆都好快，仲話15分鐘可以到取，我即回應要20多分鐘才可到，超正地巴士差不到西貢，便收到通知取貨，就係咁唔使點等便買到了！