驚安燒肉商店

营业中

休息中

好耐無去食燒肉 見到午市有7折優惠 緊係要去試下啦🤪 九宮格燒肉盛盒我覺得尼個set 幾好，可以一次過試哂唔到款式既牛，岩哂食牛愛號者🐮。而且覺得邊款牛好食又可以散嗌多少少食👍🏻份量黎講都算Ok 每款大約2-3塊，牛既質素唔錯又唔鞋唔韌。當中厚切牛舌、Prime 牛小排和A4和牛印象最為深刻，其他醃味牛肉都整得好好食，醃得岩岩好唔會太過咸蓋過牛本身既味，整體黎講尼個set 係好食又抵食🤤厚切牛舌芯牛舌芯口感爽口彈牙，食落軟腍而且啖啖肉香🤤頂級肉眼壽喜燒唔好見佢得3塊好似好唔抵食咁！每塊都好大塊而且油脂岩岩，輕輕一燒塊牛已經食得，食落牛肉味非常濃郁，而壽喜燒重點就係尼個黑松露蛋漿，餐廳調配得非常出色好食，真係有壽喜燒味架‼️🤤日本A4和牛肉眼上蓋大理石油脂花紋分佈均勻，肉質滑嫩，肉汁鮮甜，可惜肉味唔太濃郁。🥲豪洲和牛大腸脂肪比較多，口感非常有嚼口，試過一次就夠了😂

之前見到社交平台推介呢間燒肉CP值好高，所以之前就算未有開放晚市嗰陣，都搵咗個禮拜日嚟試。Book枱嗰陣打咗一次電話但冇人聽，之後WhatsApp左佢哋訂位，第二日Confirm咗之後竟然再打返電話黎問我係咪要book 位，幾有禮貌。餐廳位於尖沙咀金馬倫道，位置都幾就腳嘅，尼地鐵西鐵同巴士線都幾近。因為之前見九宮格好多人推，所以都叫左一個。九宮格裏面得兩三款肉係好食嘅，雖然價錢平，但CP值感覺唔太高，寧願散叫返。其中有呢一個唔記得係A4定係A5嘅牛肉，油脂好多，個人覺得係好食嘅。另外叫咗個厚切牛舌，口感幾好，推介另外仲叫多咗一個牛肋肉，呢個就麻麻哋，冇咩特別。除咗牛之外，我哋仲叫多咗個雞腿肉，係唔錯嘅。我哋叫咗白飯尼送肉食，但白飯好似未煮熟咁，黐埋一pat，之後同侍應反映番，都有換過俾我。飲品方面選擇都唔太多，反而生啤做緊買一送一，都幾抵飲。整體上來講係抵食嘅，但就唔會話特別好食。同埋同好多燒肉店都有一樣嘅問題，就係通風同埋衛生問題需要改善下，地下同枱面都有少少癡笠笠，啤酒杯都有啲異味，希望可以改善返。

九官格燒肉得一個部位重牛味其他都十分普通 因為好多都醃左 就好似街市嘅cheap 牛味厚切牛舌唔算多油脂 但燒6成熟好有口感同牛味本身呢碟唔貴 7折完係好抵食厚切牛舌好食過九宮格入面嘅牛舌好多拳頭飯不過不失

燒肉有很多選擇，人均可以由100至1000不等，當然質素亦非常參差！而驚安燒肉商店算是眾多燒肉店中，性價比頗高的一間👍🏻前陣子到店遇上七折優惠，價錢平宜，肉質有驚喜！👉🏻食物: 4.5/5▪️九宮格燒牛盛合基乎是每枱必點的菜式💯☺️一次過滿足9個願望！一次過試到各式各樣的牛部位及調味，二人分享一盤剛剛好👍🏻個人特別欣賞以下幾款：🐮A4和牛油花在口腔爆炸🤤非常香🐮prime牛小排牛味濃郁，油花也毫不遜色👍🏻🐮薄燒頂級肉眼薄燒至少許焦香，入口即溶🤩🐮生薑燒骰仔牛梅花難得牛肉粒完全不韌！▪️A4和牛肉眼上蓋看到美麗的油花，不用多說都想像到有多美味🥰油花控不可錯過！

💛 驚安燒肉商店 💛.記得科勞  ٩(˃̶͈̀௰˂̶͈́)و些些！..............................終於放假啦 同南瓜食餐好嘢獎勵下自己先！呢間係激安燒肉工房嘅分店 第一次食黃店燒肉🤩而家新開張仲要有七折優惠 大家快啲去食🙌🏻不過提提大家 記得要book咗位先好去呀💛💛.🔅想知黃店原因請Dm💛..............................🍽九宮格燒牛盛合 $288（👏🏻9.5/10）.第一次嚟一定要叫呢個食 兩個人食啱啱好！❤️有厚切牛舌腩 A4和牛 Prime牛小排 安格斯牛仔骨芫茜辣漬牛小扒 薄燒頂級肉眼 生薑燒骰仔牛梅花壺漬牛肋肉 汁燒護心肉 哇好長呀打到手軟！牛舌腩 生薑燒牛梅花勁好食 痴鬼線🤩嗰啲無醃嘅牛唔識分 但全部都好重牛香好L正！.🍽厚切牛舌芯 $78（👏🏻10/10）.雖然薄切抵啲但呢個正到癲 勁爽口又夠腍燒到9成熟好收手 留翻啲粉紅色 加啲鹽💯.🍽厚燒橡果黑毛豬 $68（👏🏻8.5/10）.說好的厚 都唔係好厚😭但有三塊嘅都算係咁落啲鹽 燒完再點燒汁 好邪惡好夠油香🤣.🍹青檸菠蘿梳打、柚子梳打 $28（👏🏻9.5/10）.呢兩杯嘢都係好清爽

好耐冇食過燒肉啦friend叫到我就即刻出嚟為ge就係食燒肉食到飽我fd冇訂到枱但竟然唔使等位就入到非常之好彩坐低第一時間唔番杯啤酒飲番兩啖涼返曬就可以叫肉lu每人咗個九宮格上枱都幾誇張ga細食啲都未必食得曬九宮格有九款肉類全部份量都好大十分抵食不過唯一缺點係有啲淹好左係偏咸既而有啲係完全冇淹過如果食左淹既先之後就會覺得冇淹過既唔夠味la餐廳環境非常大開住火都唔會覺得好熱通風好冷氣都夠值得再黎食既

見到餐廳新張期間做緊午市七折，即刻約埋一班老友一齊食燒肉🤩 燒肉就梗係要配生啤㗎啦！而家啤酒仲做緊買一送一非常之抵！餐廳通風做得幾好，食完都唔會話成身一陣味😊 一行四人叫咗好多款嘢食，最深刻嗰幾樣分別係-九宮格燒肉盛盒 $288一次過滿足晒你九個願望! 牛肉非常入味，唔使額外點醬食都好得! 唯一可以改善嘅地方就係如果有個牌仔寫返好每一種肉類係咩嚟嘅話就更加好，我哋就咁食完想encore都唔知嗰隻肉叫咩🤣-厚切牛舌 $68呢個牛舌好抵食啊！比起其他燒肉店佢嘅份量真係好多，而且厚切食落亦都非常之有口感😋-柚子漬雞肉山 $38呢個雞肉山真係性價比極高！上枱大家都哇咗一聲！$38有咁多舊雞仲要每一舊都相當嫩滑，食落亦都非常夠味，個人覺得唔需要點醬汁都已經好好食🤩

晚市堂食終於開返，當然要約返班好耐冇見既朋友見吓面，雖然分枱坐，但餐廳都好貼心咁安排大家坐鄰近既坐位☺️燒肉既夾同醬料都好足夠！ menu選擇超多，真係要一大班人先可以試得多款😬厚切牛舌。 8/10厚度適中好肥美～細細塊好易入口👍🏻蒜蓉雜菇。 8/10超級穩陣既組合！蒜蓉味好食過淨牛油燒金菇。燒淮山。 8/10耐燒，唔易燶！爽脆好食😋又健康～雞泡魚乾。 10/10十分推薦！配啤酒一流！ 好快熟好易燒～鹽味檸檬梳打。 9/10大大杯，唔會太甜又夠汽^o^雞翼。 5/10Size正常既雞中翼，都厚身，但冇味，要靠醬料調味～紫菜飯。 5/10冇咩特別嘅飯，牛角飯好食啲🙃仲有好多野未試啊！好想encore!

午市正價單點七折，好抵食。其實d肉唔係d人講到咁差。絕對對得住個價錢。今次試左，1. 九宮格牛拼盤，醃既牛太甜，其他ok ，a4和牛幾好食。2. 厚切牛舌(推介❤️❤️❤️)，完全唔韌又爽。3. 味增豬豚肉 - 本身醃左，有少少甜味，幾好食4. 黑松露雞肉 - 勁大碟，有成十舊都有，不過不失。5. a4和牛牛三角 - (推介❤️❤️) 好嫩滑，唔會太油。6.紫菜月見飯 - 甜甜地，幾好食，入面有味素同d紫菜都夠脆午市7折真係幾抵食。

本身未有尖沙咀分店嗰陣已經勁想試，拖下拖下拖到有分店😂Lunch時段有7折優惠，小編食嗰日仲要係大年初二，所以真係好抵🥰舖頭面積好大，但小編真係唔太鍾意自己嗰個位，所以環境比得較低分🥲食燒肉通常都係坐獨立一張枱/卡位，畢竟食得燒肉都會坐得耐啲想舒服啲，但個日張枱係一張大長枱，小編仲要坐正係中間，距離都幾近下，大家你眼望我眼，聽到曬隔離講乜😫.🥩九宮格燒牛盛盒唔好睇佢每款每人食得一兩片，加加埋埋都幾多下😗肉味幾重不過本身調味較淡，可以自己自行調校鹹度 😗鹹度適中的話，調起陣肉味好好食✨個厚牛舌超正！.🥩頂級牛肉眼壽喜燒牛肉質素好好，燒完好多肉汁🥳不過冇諗過壽喜燒個醬汁有黑松露，好新奇😆雖然小編都係松露愛好者，不過都係覺得最原始嘅壽喜燒最夾牛肉😌.🥩京蔥月見飯好多蔥，食完咁多肉可以refresh下🥰價錢適中不過份量偏小🍂.🍽味道: 3.3/5 🏙環境: 2/5‍👨🏼‍🍳服務: 4/5💧衛生: 3.7/5💰價錢: 3.5/5

前身係我好中意食既298 Nikuya Kitchen😭而家轉左手 #黃店 變左呢間燒肉，午市無Lunch Set架，唯有散叫，而家新開張午市全單有7折，係幾抵食既😋 不過就唔係樣樣和牛囉，另限時90分鐘九宮格燒牛盛合🐄 $288 整體所有牛都唔鞋唔韌，幾好食，每款有2至3件👍厚切牛舌腩-燒香左好爽口，my favourite😍 A4和牛- 好食Prime牛小排- 好食安格斯牛仔骨- 普通牛仔骨芫茜辣漬牛梅花- 唔覺有呢款，唔知換左咩俾我呢😂薄燒頂級肉眼- 好大塊好薄身，幾好生薑燒小牛扒- 有薑既辣味，我就唔中意薑味壼漬牛肋肉- 醃得都幾濃味，唔錯汁燒護心肉-切得好幼身，無乜口感因為太中意食牛舌，另叫左碟厚切牛舌芯 $78 有5件😋食牛梗係要配白飯，每碗$15青檸菠蘿梳打 $28 大大杯，好多菠蘿粒，好解膩🍹

終於有晚市堂食！第一晚就去食燒肉，我地四人一枱叫左好多款肉😍太多款喇我講返幾樣深刻啲既😍🔸九宮格燒肉盛盒$288相當吸引嘅九宮格，擺盤啱晒打卡😆第一次黎就梗係要試吓啦😝不過呢一路燒嘅時候有幾款都唔知係邊隻肉，如果有個牌仔寫返就好啦，好食嗰啲就再encore！印象深刻嘅有厚切牛舌腩👅質感好正👅生薑燒骰仔牛梅花同壺漬牛肋肉都好入味😋🔸特大薄切牛舌👅$68比起其他燒肉店，佢份量真係超多，好大碟，牛舌愛好姐必點！不過始終係厚切好食好多😍🔸柚子漬雞肉山$38超大份嘅雞肉山，個人覺得真係抵到癲😂我地四個人每人都食到幾舊😆雞肉相當嫩滑，唔需要點醬汁都夠味！🔸汁燒護心肉$72🔸日本A4和牛西冷$168脂肪分布幾靚😍食落好軟淋，小心唔好燒過龍啊😝🔸豪州和牛大腸$48、和牛第一個胃$48😂內臟系列，脂肪比較多，我自已就嘛嘛咁肥，試一次就夠🤣🔸紫菜月見飯🍚$28味素加咗日式醬汁同埋蛋，撈埋超好食😋比起其他日式燒肉店，今晚既燒肉相當高質，性價比超高，叫咗勁多款肉，又一人一杯嘢飲，每人大約$300，好正，呢間絕對要再嚟😝裝修又好似日本咁☺️另外要讚下店員服務好好👍🏻話說坐低無耐睇緊menu個陣，聽到隔離枱個男人好

CP值超高既人氣燒肉店🔥🔥午市做緊單點食物7折！———————————————🔻九宮格燒牛盛合 $298有9種不同味道既牛肉 當中包括A4和牛！😋入口即溶🤤其餘質素都唔錯不過其實冇個牌仔都唔係好知食緊咩肉😂**🔻和牛大腸 $48有少少un😂 勁多肥膏 好邪惡😬**🔻廣島蠔 $28蠔肉夠肥美滑溜 鮮味都夠👍🏻**🔻牛油蒜蓉雜菇 $26大量牛油蒜油浸著 夠哂香口😆**🔻牛油果黑松露沙律黑松露醋汁幾醒胃沙律菜新鮮爽甜 解膩之選👍🏻**🔻紫菜月見飯 $28有味素 紫菜同生蛋黃就咁撈勻就食得蛋黃味香滑濃郁🥰

喺度睇左食評見多個笑，仲要完全冇okay 同喊，啲嘢食圖片又十分吸引，再加上💛，就試吓佢啦!! (唔試吓又點知啱唔啱食呢可~~)⭐️環境係舒服嘅，位同位之間都闊落，滿意。⭐️上菜速度好快，工作人員都對版嘅，滿意。🌚食物呢就。。。。薄牛舌，好多塊，但係好細塊同唔易咬。。。護心肉，有食評大推，肉質係okay, 但個味好有漢陽苑的感覺🌚個馳名九宮隔其實都幾伏🌚原本諗住入面試左邊啲款係鐘意嘅會再order, 但係，試完係冇一款我哋想order返，cry....或者我哋黑仔，睇返啲相真係同其他食評嘅有啲距離吖~~個柚子雞真心唔錯，燒完都仲好嫩👍🏿👍🏿其實我哋對💛個包容程度已經係另一把尺嚟，真心希望佢有所進步。

好耐之前聽到呢間餐廳嘅名以為係已經開到周圍係嘅連鎖店，心諗應該無乜特別，’都係個啲，間間都差唔多架啦’，跟住見到佢係openrice係全好評⭐️⭐️⭐️而且仲要係💛💛💛，跟住就message佢地預約(超級爆full，想食嘅朋友仔記得早啲book~)九宮格燒牛盛合$288🍱啲牛牛望落油脂分布均勻，燒完勁重牛味之餘仲好juicy。除此之外，仲食得岀佢地落左啲生果或有果味元素嘅嘢來醃肉😋雖然我望住個list，但我都係分唔曬9格嘅😂唔知你地又得唔得呢？自信漬雞腎$15🍢唔知自信漬係咪即係店家推介嘅意思呢😂食落味道又真係幾唔錯，口感就有咬口得來唔會太爽口(你知啦，有啲會爽口到牙骹痛，更何況我箍緊牙😅)壺漬牛肋肉$88🫖我以為佢同某角一樣會原條上，但原來入面係一舊舊，方便懶人我燒完一啖食🤪食落係濃濃嘅醬汁味，食落稔稔地又唔會痴牙，very good~牛油蒜蓉金菇$26🧈燒肉點少得食牛油蒜蓉金菇，juicy有口感嘅金菇，加埋同牛油溶埋一齊嘅蒜蓉，真係又香又邪惡🤤青檸菠蘿梳打🍍燒肉嘅另一個好朋友就係有汽飲品，呢杯梳打嘅酸甜度恰到好處，而且仲有啲菠蘿果肉可以食下，真係好refreshing架😆*新張期間，午市