驚一日本料理 (已結業)

夜晚又同幾個朋友去食帶子刺身、甜蝦刺身、吞拿魚腩刺身、三文魚腩刺身、炙芝士三文魚、炙芝士鰻魚、芝士年糕。全部即叫即做，刺身勁新鮮! 芝士香濃柔滑又唔溜, 喜歡芝士的你有福了! 食日本野黎講,呢間餐廳係區內算新同真•好抵食 堅•好有HEART。

朋友推薦這間小店，其貎不揚，但內有乾坤。超讚！環境是差的，在白田舊式商場，店細細。不過食物填數。先試朋友推介的燒物，美味。燒茄子落左茴香、孜然，惹味，皮趣肉嫩，火喉啱啱好。牛舌和鹽燒雞翼香口肉汁夠，最正係燒冬菇和雞肶菇，落左少少調味燒，份外可口。好戲在後頭，燒三文魚頭送上時香氣四溢，食落D肉，香味和肉質無得頂。接著食捲物，三文魚牛油果卷、芝士炸蝦卷同連鎖店果D完全無得比，飯團超軟超好吃，師傅原來係日本秋田直接入貨，大手筆。壽司件件都正，連細細的青瓜卷都精心處理。最後加多兩件牛油果手捲，滿足了。諗唔到甘正，一定要寫出來。

呢間日本料理店的確係叫「驚」。炙燒三文魚鰻魚飯炙燒三文魚同鰻魚各 4 塊... 味道都 Okey 既... 暖飯有加左醋... 份量對婆仔來講岩岩好~ 叉燒拉麵一上台就試左一小啖湯... 因為唔係滾湯可以試到... 唔咸但唔覺好飲~ 叉燒要浸落湯一陣先好食... 如果唔係咬落去會凍... 個麵就一般... 燒翠玉瓜微辣既燒翠玉瓜蒜香燒茄子實在係太辣... 頂唔住... 食唔夠一半要浪費...

只有2個客人的餐廳，外賣壽司居然要等45分鐘才做好，真係等到你「驚」，絕對不會再幫襯！職員的服務態度也極之差，只會收錢和答你:「做緊，你等等！」，但她並不會入廚房幫你跟進！

去完jccac 之後就去左呢間細細間好唔起眼既日本店食 一入去 真係好細間! 得大約10幾20個位不過支持下細店都不錯~叫左三文魚腩刺身 正呀! 比想像中新鮮好多 又有三文魚同魚腩油滋味 真係99分燒魚都幾好 唔會過熟而"鞋"好有魚鮮味同岩鹽味道另外仲有個刺身（ 如圖 唔記得左名）係好好好鮮味同甜味一入口就feel到魚香 同新鮮感大家支持下呢d小店啦~

今日早收工,到家附近唯一日本料理店食飯,平時食魚生多,今次試下咖哩吉列朱扒飯,飯餐送紙包飲品,仍是依舊要等好耐才上菜,應該即制,二時後,人客不多,得我一位,仍要10分鐘多,太慢了,飯到來,有細心擺放過,要加分,朱扒厚身,皮香脆,但沒有肉汁,咖哩是正宗日本咖哩,甜,薯仔都好味,飯今次沒有過諗,43元算十分合理,唔錯

與男友入主新居，因兩人都要上班，平日沒時間在家煮飯，想說看看附近餐廳以便日後不時之需（醫肚）。路經白田購物中心時，看見有家日式小店，外貌頗有日式風格。處於四周都是茶餐廳外賣店，仍以與同區稍高價格在此開店，讓我忍不住走進一探乾坤。坐下有位親切的男店員招呼我們，店內面積不大，但另有一門於中心出入，經過時可清楚看到廚房運作。我們點了一客壽司拼盤，兩客燒冬菇，兩客雞軟骨，男友喜歡吃蠔，便點了一客燒蠔。還點了三文魚，三文魚腩，北寄貝等刺身。先說說三文魚，厚度適中，而且入口即化，不難吃出其鮮味。其他刺身就不作介紹了，說到這裡又開始咽口水了。有興趣的朋友可以到場一試，值回票價是一定的！說說他們的燒物，可選擇鹽燒或汁燒，我們選了鹽燒，真正使用海鹽燒的冬菇，讓人回味無窮。而且咬下去極juicy！說說他們的蠔，小妹是極抗拒吃蠔！但男友極力推薦，只好輕咬一口，一咬下去，沒用蠔獨有的那股噁心味道，換之而來的是一種鮮甜味。讓我這種不吃蠔的跟男友展開爭奪戰。總括而言，這家料理店的菜式可謂用心加極品。比起其他大牌料理店好幾倍。雖然於舊區有點不起眼，但也是隱世桃源，環境清幽，想坐個下午與好友聊天是個不錯選擇。唯一不足

今日公司老細恩賜左半日假，又無咩地方去，便到住所附近找食，得知開了一間唔錯的日式小店，在呢區比較少見 ，都係拉麵，魚生飯之類，就去試試，午市叫餐,包一盒紙包飲品，平均都50元以下，可算十分低吃，今次點了個燒生文魚鰻魚飯，單看賣相就合理，燒三文魚的火喉都ok,咸度適中，不用加醬油，鰻魚夠滑野味，但不夠熱 個人喜歡加熱少少，飯過諗，硬返少少會更好，但總體以價錢來說，合格，但上菜速度真的要改善，看今日午市閒日5個人，平均10分鐘多才出到一碗麵或飯 ，可能人手不足跟餐送