馳走家 (德福廣場2期)

营业中

休息中

本身諗住試下新餐廳以為有驚喜 Lunch 食左12件壽司定食完全唔值依個價甜蝦有腥味 熟蝦冇蝦味其他壽司 食唔出味道同爭鮮差唔多味冷氣又凍不過員工態度還可以基本上唔推介去食

日文「馳走」（ちそう）一詞，是指用來招待賓客的豐盛料理，亦解作主人為了拜訪的客人，騎馬「四處奔走」搜集食材來款待的意思。一向好少花時間劣評人家的我，今晚晚餐初試新店「馳走家」居酒屋，簡直「中伏」中之「大中伏」！！報稱2230 先關門的「馳走家」，甫入店眼見只有三枱人。我們2045左右入座， 2051落單，2132 已埋單離座。坐四人單邊枱，途中店員不斷打擾，收碗收碟，衣䄂不斷擦過枱上食具，看來店員好想早點收工唔要「遲」「走」！估計沒錯呀～ 稍後便聴到另一店員問，「見你咁積極收碗，你收夜呀？ 」未有問last order 在我們未埋單前，就見個廚同壽司師傅陸續收工離開。食物賣相平平凡凡，本無心拍照寫食評，但繼續食，發現食物質素實在太差，最後決定分享，大家自行領悟！串燒點選了雞翼、牛肋肉及牛舌（$40-45不等）味道正常的，是普通BBQ材料，CP值低。另點omakase 壽司6件，味道同用料都好普通，明白$118/6件，魚貝材料不應有過多要求，但壽司出品賣相的樣子是好ok 的。紙火鍋，本點唐辛子愽多風雞白湯，最後卻出錯了廣島蠔沙白蜆紙火鍋，由於自己醒唔起，已撩過紙火鍋，我們唯有照要，烏冬份

今日早收工兩個人食飯，係德福吾知食咩好，見到依間餐廳新開，又裝修得幾靚，入去試下，點知好抵食，食物都好新鮮，價錢都好合理，種類都好多選擇😍下次要再黎食✌🏻韓國甜辣炸雞$88雞肉炸得吾乾，咬落去仲有肉汁，同埋最緊要個炸皮吾厚所以肉夠多，個甜辣汁做得幾好，夠辣味，份量都好足舊舊都勁大舊🤤串燒大約$25一串依到d串燒我覺得係必食，燒得勁香，同埋肉吾係細細舊，又吾會太咸，真係好好食🤭廿幾一串真係都好抵食，最特別係連燒雞肝雞心都有，依個價錢平時真係食吾到😆燒雞皮好脆 ，燒五花肉好香，燒牛好淋吾硬朋友吾食生野，所以今次無叫刺身，叫左個鰻魚牛油果卷$95牛油果夠熟所以好香滑，有時其他餐廳牛油果卷無味的，另外鰻魚都無骨，甜甜地同牛油果好夾，所以我覺得依間個卷物做得幾好👍🏻真係食完一舊又一舊炸八爪魚丸$55有6粒，上碟爆熱咬開出哂煙，岩岩炸起，裏面粉漿有一點過厚，但味道是ok 的😜如果多一點燒汁同沙律醬仲好味d。最後仲叫左個明太子雞卷$68明太子份量都幾多下，熱辣辣上碟，雞蛋好有蛋味🤤下次要同其他朋友再黎試埋d刺身同壽司，因為今次叫左幾樣野都無伏😍👍🏻一個字講哂《正》

呢間餐廳好大，位置好舒適，好啱同朋友傾偈。一入到嚟員工好有禮貌，介紹菜單，立即倒水👍🏻我哋飲晒水又即刻加水，同埋見到我哋枱面空碟會即刻清潔，值得加分💯我地4人行叫咗自選刺身拼盤，有好多選擇，魚都好新鮮，三文魚唔會有雪味，真雕魚好爽口，無腥味，帶子就一般啦比較淡。呢度好多人叫串燒，串燒好多選擇，串燒一上檯好香同好熱，不是預先燒好，似即叫即燒，味道是好食的，但是鹹了一點，如果放少啲鹽就100分🤤鯖魚一夜干都好好食，條鯖魚勁大條，配上柚子醋嘅味道好特別，可以中和鯖魚嘅油膩感，提鮮。🐟燒番薯配忌廉蜜糖醬，番薯好甜好大嚿，質地夠粉夠實淨，似用🇯🇵日本番薯，因為番薯是暖暖地的，要即刻食，如果吾係忌廉會好快溶，食左一舊都好飽，呢個下次有機會一定會再叫🤭超好食情迷吞拿魚卷用珍珠米，味道新鮮，米飯不會太淋，魚肉好鮮無腥味，因為香港食吞拿魚唔新鮮的話，很容易有怪味，依到完全沒有怪味的，非常值得一試，一碟都幾多舊‼️叫咗一杯水果醋，太酸了，醋味太濃烈，比較一般。整體餐廳服務80分員工禮貌90分食物味道80分環境90分

今日放工同老公行經德福，見到依間居酒屋日式餐廳，餐牌都幾吸引，就入咗去試下🤔原本都不抱太多期望，但唔單止冇失望，仲有啲喜出望外！依間餐廳嘅串燒非常好食，雞皮、雞肝、雞心等串燒，雞皮燒得非常乾身爽脆，醬燒雞肝十分惹味，最令人驚喜嘅係串燒免治雞肉配月見蛋黃，口感同味道夾埋一齊有驚喜喎😆搞到地encore埋燒牛舌同五花肉，五花肉燒到外脆內充滿肉汁，牛舌都燒得啱啱好，總括嚟講成餐飯最滿意就係串燒！另外鯖魚一夜干都有驚喜，老公本身見餐牌以為好細條性價比唔高，但我中意食，佢唯有叫一條比我😏點知上菜時就嚇親，條魚成隻前臂咁長，兩個人食非常夠食，而且口感非常特別，又有鹹香味🐟非常推薦老公就比較中意炸物，叫咗個吉列池魚，依到炸物水準都幾高，外皮酥脆，內裡鬆軟又有魚油，我自己都食晒一份😋唯一比較遜色嘅係卷物，但整體嚟講今餐係滿意嘅，炸物串燒十分推薦，職員服務態度好好，我兩公婆都食得盡興，會再嚟

放工路過九龍灣約朋友食飯見到呢個日本餐廳新開就試一試平日晚上人流比較少 環境都相對寧靜 座位亦闊綽但比較可惜 由於餐廳有一位廚師身體不適 所以所有刺身壽司都不設供應瞬間燻製溏心蛋薯仔沙律呢個有啲驚喜 因為上枱時一打開蓋 煙燻味撲鼻而來而溏心蛋熟成同調味亦控制得唔錯 枝豆韓式海鮮煎餅大伏!-急凍海鮮包嘅海鮮 仲要只有微微幾粒咁多-煎餅完全唔係一個用麵粉製成嘅煎餅口感，咬落極煙韌，好似用咗糯米粉咁-醬汁 亦都係非常奇怪 豉油+大量麻油+辣椒油 三者完全mix唔埋一齊(呢個組合就好似係食燒賣嘅醬汁般)串燒相對上比較正常 除咗牛肋肉比較韌月見雞肉棒 雞心同牛舌都可以唐揚雞翼呢一款似普通普通燒雞翼 味道可接受燒魔鬼魚翅平時通常食開雞泡魚乾 呢款比較特別 比起雞泡魚乾都淋軟啲

收工經過見到新開咗間壽司居酒屋，本身鍾情刺身壽司，所以同老公試試佢。見佢出面有開放式sushi bar，睇到佢地整sushi整齊企理。我哋叫咗個7款嘅＜任性自選刺身盛合＞$248。自選好好刺身好新鮮，又夠厚，正！跟住再叫咗12件＜Omakase壽司拼盤＞$198，用特長碟一字排開咁裝12件壽司，好靚 ～叫埋佢個名物＜花畑海鮮卷＞$228，有8件唔同既食材，顏色好靚，亦都好好味。叫咗3樣已經好飽，今日主要想食刺身壽司，下次再黎試其他。總括黎講：可以再戰

見到新開好似不錯，但叫左個Signature🐔炸雞拼盤，中左伏😔，食晒其他小食主菜都仲上到，一問之下原來半隻原雞炸需時30分鐘，等了又等finally黎到，用刀一切開血濃於水中間都未熟，唯有叫他們不如切開一件件處理啦，再次上碟，雞系熟但雞胸勁鞋，而伴隨既雞內臟全部硬度咬吾開。至於order既其他食品系不過不失，叫左炸牛蒡，日式炒麵，湯伴牛肉飯，無驚喜又吾難食，但完全沒有再去幫襯或比多次機會既意欲🥢

新開張，唸住有新野食以後又多左間食堂。。。點左個138元廚師發板壽司8件，同120蚊野菜蜆廣島蠔煲。。。真係食左乜落肚？。。。壽司質素超一般，同超市壽司無異。。個野菜蜆蠔煲仲痴線，野菜係屋企平時切菜切剩既碎塊。。2條金菇，2塊花型紅蘿蔔，1粒冬菇，4隻小蜆，2粒蠔仔。。。份量少得可憐。。。仲要全部未熟，比個蚊型蠟燭自己煲，煲足10分鐘先熟，真係無語。。其實一定唔飽。。但見咁既質素，情願出去再食過..

放工後同朋友去咗德福廣場搵嘢食～ 見到有間新餐廳 出面睇裝修幾吸引日本feel ! 仲睇到有啲師傅整緊壽司 一於入去試吓🤭叫咗四樣嘢 1. 日本廣島蠔紙火鍋 🦪 2. 韓式甜辣炸雞🐔 3. 左口魚手卷🐟 4. 菠蘿奇異果醋梳打 🥝紙火鍋上到嚟個樣幾靚 啲蜆ok 但啲蠔呢？ 😂大佬 妹仔大過主人 最過份嘅係 一夾啲蠔散晒 消失咗😑 同侍應講 佢地講話啲蠔有啲瘦 先會咁⋯ 之後補返兩隻比我⋯ 真係無奈 咁都serve比客炸雞味道又ok 炸漿幾薄 肉juicy ~~另外兩樣正正常常 冇特別 嚟一次夠lu

2023.04.06 lunch呢一日lunch，當諗緊食乜之際⋯⋯路過呢度，原來新店已開張！望望餐牌，係啱死嘅嘢，go go go⋯⋯坐位都算濶落舒服。 左睇右睇，我哋都係食牛同豚。 上菜方式有點怪，一個有盤一個冇，個盤又好深，有啲怪怪地🤨 後尾我哋食晒就覺得，專登一個有盤，一個冇，可能係方便收佢哋自己收碟用。洋蔥牛肉定食-$88，正常價，但可惜味道就不值呢個價錢，比較油之餘，又冇咩味道，其實係味道怪怪地，我哋都唔知點形容好，總之唔好味🫣到我個日本產豚肉生薑燒定食-$98，味道好啲，豚肉都ok，份量都算多，好可惜我最後飲麵豉湯，唔係幾好飲，小小怪味，我飲咗幾啖食晒啲湯料就算了，今次見係湯嚟，嘥啲都冇法🤪

21:30 去到德福廣場，幾乎所有餐廳都預備關門了，這是商場內唯一一家還讓我們進門的餐廳，營業至 22:30 😂 服務質素還好，有主動添熱水，加分~食物及串燒選擇不算太多，小吃、主菜、串燒、甜品各有幾款，但串燒出乎意料地挺好吃。沒想過商場內竟然有高質串燒，點了雞髀、雞皮、雞軟骨及五花豚肉，豚肉最為好吃，配上檸檬汁一流 🍋炸雞翼不太像炸，有點烤的感覺，但口感不錯 👍 泡菜豚肉飯，沒有很好吃。比正常泡菜辣，豚肉肉質似乎冰鮮了很久…