馬辣台式鴛鴦火鍋 (大鴻輝(荃灣)中心) (已結業)

星期二,我同一班朋友去馬辣打邊爐,睇到咩咩ABC和牛,好似好好食,之後就不停點,不停點和牛,直到我同一眾朋友出去拎其他野食,比我遇上醉雞,又滑又多汁,認真醉雞真係好食過和牛,主角已經唔係和牛,係雞,名副其實全部都係雞全部都係雞全部都係雞~~~~~~

一行6人book左枱所以唔駛等位，地方都好寬敞。餐廳中間擺滿火鍋配料，自助形式，有好似菇、肉、丸，飲品都有好多選擇，除左汽水，仲可以沖花茶，消下滯我地叫左西紅柿同沙嗲湯底，同唔同既牛豬，佢有好多款，不過我就唔太既分，但款款都好薄好好食，可惜既係佢一份得3塊肉，一次要叫幾份先得。配料比起牛一牛陣多選擇好多，仲有蝦可以拎！特別推介醉雞件，好入味好滑，而且好大件，落左個鍋度好易搵得返😝甜品除左有雪糕又有雪米糍，都算多選擇好岩年輕人中意食唔同既野。但餐廳服務嘛嘛，因為友人生日我地買左蛋糕，想俾個驚喜佢，所以係counter叫waiter幫我地送去我地張枱，佢亦都應承左5分鐘後會送去。但過左好耐都無送黎，我地再問，個男經理先話要自己拎，態度仲要唔好，如果唔幫我地可以早啲講，搞左一輪都無左個驚喜，好掃興

今次同3個朋友去試下荃灣呢間馬辣台式鴛鴦火鍋～由於係即興決定.無BOOK到位.大約等左35分鐘到先至有位~好多人~!下次食真係要BOOK位先~快好多...任食兩小時，加埋10% 價錢每人大約163左右呢個價錢都OK可以接受~!原本話有刺生送,但我地去到果陣又話無哂~入正題~上到去個環境都唔錯...地方&食物感覺係乾淨~光線充足，通風可以!食物種類都叫多, 我地叫左酸菜白肉拼麻辣湯底～酸菜白肉足料~!夠味,反而麻辣湯底就差梗少少.... 唔太夠喉~!順便點埋牛羊豬，試哂後覺得牛五花係最好食嘅～所以都叫左幾輪~自己溝唔同醬汁鐘意點溝都得~!丸類質素唔錯，都好食,仲有D菜,魚,蝦都有,都幾好食~不得不提呢個水餃.皮薄咸靚~!又係好味~飲品除左罐裝飲品外，特別係有花茶可以自己沖~都幾特別~D茶好重花香味另外仲有小量小食同甜品，肉澡蛋小食好香，仲有珍珠飯任盛…2個鐘真係食唔哂~甜品方面雪糕個牌子雖然係D字牌，又係超多口味~任你食另外有雪米滋同雪條任食!OVERALL 呢間野都好食既!~!食一次係食唔哂佢既野~下次再食

Order左沙爹&酸菜白肉湯底...味道超淡...自助食物櫃嘅種類繁多，但可惜refill勁慢..攪到啲食物（蝦/蠔等等）一出，個個都即刻衝去搶..感覺好差...

一聽馬辣，一眾台灣麻辣粉瘋了一樣，但很快被踢爆係港版馬辣，「媽」聲四起。其實淨係呢嘢偷人個朵已經可以入黑名單，但有朋友試過又話唔差，另外又有生日fd子點名要食，於是就試一次。閒日八半無得訂位，四人要等四張枱。開張時在東方賣全版廣告，用簡體字寫着「暫停供應」貼在門外易拉架廣告上。櫃枱姨姨操鄉音廣東話，黑口黑面，無任何取票指示。hea話幫我哋雪蛋糕，最後都無。lift口等位處極度淺窄，出lift入lift人撞人。等了十多分鐘，被安排坐在窗邊闊落梳化卡位，坐六個人都得。但自助形式出入不方便。一至四$148任食兩小時，weekend加$10。麻辣湯極度唔麻唔辣，麻辣迷一定大失所望另外點了酸菜白肉湯，打到後段可以加酸菜。除了肉寫紙仔，其他所有自助夾夾夾。食物種類的確很多，丸類差不多20款，也有些台灣特色丸類，如蛋餃。另外也有多款台式飲品，啤酒任飲。生果甜品雪糕都精緻。個鍋淺身，打嘅速度好慢，電磁爐火力不均，要成日轉嚟轉去個鍋，而且只供應三隻碟俾客攞嘢食，又無托盤，兩個鐘真的極度不足夠。個個出出入入攞嘢，朋友之間好難傾計。到尾聲個場啲客走得七七八八，最終坐咗三個鐘先趕我哋。整體嚟講，如果你唔好當佢

朋友仔生日加上小精靈熱潮～一邊慶祝一邊狂捉是常識吧！今次去的是馬辣台式鴛鴦火鍋～價格大約是$148 任食兩小時，雖然book左位，但黎都要等廿分鐘～等位嘅時間，我捕獲左＂火蔥鴨＂小精靈呀！朋友仔生日加上小精靈熱潮～一邊慶祝一邊狂捉是常識吧！今次去的是馬辣台式鴛鴦火鍋～價格大約是$148 任食兩小時，雖然book左位，但黎都要等廿分鐘～哇哈哈～等位嘅時間，我捕獲左＂火蔥鴨＂小精靈呀！等位嘅人好多，可能開左冇耐所以旺D啦！室內環境光線充足，通風可以，尚算企理～我地叫左芫茜皮蛋窩同麻辣湯底～芫茜窩好清淡，麻辣底辣味唔夠喉wor～一大棟的肉肉！怒點牛羊豬，其中牛五花係最好食嘅～呢d牛羊多豬係要畫紙點嘅，其他食物飲品可以喺出面自由任拎架！D蝦同蜆好新鮮，蜆仔仲識郁架！丸類質素平均，都好食，特別介紹嘅係圖中有包裝嘅丸＂麻吉燒＂佢係好似湯丸甘，入面有好香嘅花生碎～至於三天魚，質素嘅好嘅…不過…每人只係限供應三片喳！拯救小精靈！Gotcha！唔係我救你你一早跌左入熱窩啦！仲唔乖乖被收復～食飽飽～野食相對價格算唔錯～聽其中朋友仔話台灣嘅馬辣好食好多，下次去台灣旅行有機會試下先！

今日輪到我另一班朋友同我食生日飯我地成班之前成班人一齊去過台灣, 食過個邊既馬辣..覺得好好食...一知道荃灣開左間...咁就簡左呢間試試喇...聽一齊尋回我地成班係台灣既開心時光一去到大鴻輝中心我已經嚇親...勁多人排隊上樓上食市一去到馬辣我地都嚇呆左...勁多人..我地BOOK左位都等左半個鐘..可想然知...真係好誇張呢到吸引之處$148, 可以任飲任食2個鐘再夜D入坐...$98....香港黎講...真係好平..又係啅頭我地叫左個麻辣湯底+皮蛋湯底麻辣湯底唔麻唔辣...但咸皮蛋湯底好普通而呢到亦好似台灣咁..有醬料區...比客人自然'混醬'呢到同台灣有D唔同就係每人可有2片三文魚普通料而打邊爐配料亦不過不失UM...雪糕..亦無台灣既驚喜如果曾經去過台灣食既朋友再黎呢到食會覺得失望呢到只可以講係港式打邊爐但用左馬辣既格局但如果想試新野 又無要求又想食平野 又想食打邊爐放題呢到不失為一個好選擇

馬辣 一個令人聯想起台灣嘅火鍋但book完位先有報道話此店同台灣店無關不過我們地決定 都試一試！一到該棟大厦 就要排長龍 等搭𨋢等嘅時間仲要非常誇張雖然上到去 又book左位 都係要等一陣位(15mins)原來都有好多人等候我地七個人 所以只有一個煲(隔離枱八個人有兩個煲)我地揀左台式麻辣同雜菌粟米鍋但可惜台式麻辣不夠麻也不夠辣 同台灣嘅馬辣的確差好遠 一坐低 職員即刻送上三文魚 (每人一份)然後例牌試一試牛先美國prime頂級牛梅花非常煙靭 有點"鞋"口 牛味很濃美國choice  無骨牛小排脂肪比較平均 有牛味之餘 還很juicy美國CAB安格斯黑牛脂肪平均得黎 味道帶甜 三者之中 最得我們喜愛另外不得不提嘅係蝦同沙白仔沙白 可能撞手神 無沙嘅而啲蝦雖然已經過身 但滾完係爽口另外仲有好多食物 同埋甜品 雪糕除左以上嘅自由一斟 仲有雪櫃嘅罐裝飲品啤酒方面有獅威同加士百 任飲糯米糍 同 雪條Dryers蛋糕 但完全無指示係什麼味甜品bar可惜太飽喇 無試到下次啦

馬辣呢個名當然令人聯想到*正宗*台灣果間啦 上到黎見到好多人排隊 可能大家同我地一樣想試下係咪拍得上啦呢個價錢當然晤好期望太高食物質素應該係佳寶買料自己係屋企打差晤多 今次我地叫左一個台式麻辣鍋同酸菜白肉鍋 台灣馬辣麻辣鍋有鴨血 但今晚食就晤見有 至於個麻辣湯底 個色好麻辣 味道就 ...如果大家晤介意的話 可以去調味料區到混醬一下 炸葱 沙茶醬 辣酒 麻醬 麻油等等都有 另外座位神奇 卡位每邊3個 坐最入果個最好叫朋友扲埋你想食既食物 新開張 希望越做越有進步

見個名同台灣一食店一樣所以來試食，怎知原來不是同一間。7人來食但竟然只得一個鍋（仲要明明有很多位），請以後2人才好來這，多過3人都不要來了。老闆一個不可一世的樣子.真心想知7人但只得一個鍋叫人怎食根本白痴

荃灣新開左間火鍋店，網上雜誌都有宣傳，厲害到連位都book唔到，因為full booking，唯有去walk in啦！6:30門外已經有好多人排隊啦…等位都等左差唔多半個鐘，間格同前身間雞煲店無乜分別，環境都舒適，冷氣都夠凍…每一張枱都贈送一客三文魚刺身，每人得兩片，唔夠喉!湯底方面，由於唔太食麻辣，最後揀左胡椒豬肚湯同沙嗲湯，不得不讚，個沙嗲湯好濃郁，相反個胡椒豬肚湯就比較清淡…除左肉類，其他配料都係自助，配料選擇都好多，有唔同種類，肉類有羊肉，豬肉同牛肉…醬汁又多元化，唔同醬汁都有，自己左溝右溝，鐘意咩都得!飲品除左罐裝飲品外，仲有咖啡機，最特別係有花茶自己沖~另外仲有小量小食同甜品，肉澡蛋小食好香，仲有珍珠飯任盛…甜品方面焦糖燉蛋，沙律杯，奶凍，朱古力慕絲，雪糕個牌子雖然係D字牌，但食落口就知唔係，最好味係芒果同菠蘿味!另外有雪米滋同雪條任食!

晚餐，5:53pm入座。鍋底不及台灣的香濃，麻辣湯鴨血不夠滑。款式選擇不多，添加有點慢。7:25pm夥計來埋單。7:35pm提醒要7:53準時交枱。三分鐘後再來提醒，並關掉電磁爐總掣，說外面有好多人等位。但我還未夠鐘離座啊！

以為可以食到台灣馬辣嘅風味，特登走入荃灣食。麻辣火鍋最重要湯頭，但呢間唔辣唔麻唔香，鴨血又硬仲要唔夠供應，唯一係肉都算ok唔太差。但用台式麻辣做招牌，真係有被騙的感覺，唔會再黎

人山人海，等左好耐先論到我同朋友入去進餐，不過價銭適中食物新鲜重有Deyers雪糕同甜品食等下都底。食品绝大部份都是自助，職員亦時常添加新鲜食材，美中不足是疏菜添得太少，等好耐先攞到一兜菜。推介豬頸肉因新鲜味美，嘉十佰,可口可樂,zero可樂,7喜,樂怡仙地,涼茶,花茶,檸汁,芒果汁...任飲，生果方面菠蘿亦很鮮甜。

野食係唔錯既 款式同樓上樓下啲邊爐店差唔多係多啲甜品食大部分員工都係上左年紀既呀姐Cs好差 串串貢黎到唔好期望有好既服務做野求求其其同行親戚越食越谷氣😅😅😅😅