馬辣台式鴛鴦火鍋 (大鴻輝(荃灣)中心) (已結業)

啲嘢係幾好食，但收錢既時候服務員無問我地需唔需要找錢，就當多左出黎個34蚊係貼士👎🏻仲要當面話「呢啲係行規，我以為你地個啲係貼士！」比幾多貼士唔係問題，重點係一句都無問就當貼士！

在五一假期，跟家人在這𥚃聚餐。點了麻辣湯底（一隻辣椒）同胡椒豬肚湯底，我們坐在窗邊長枱位，十分舒適。食物款式選擇多，質素可以，推介牛骨髓、魚皮、安格斯牛肉及芝麻布丁。但雪糕略嫌雪得太硬，並且綠茶雪榚的味道很怪。另外，職員服務態度良好，須要加水時反應十分迅速。雖然知道這間馬辣跟台灣的一間沒有關係（台灣馬辣在之前到台北旅行時也試過），但是家人都覺得與台灣馬辣在環境同食物方面（除了海鮮）分別不大。一家吃得愉快！

雖然不是台灣的那間, 不過也有7成台灣的感覺, 價錢很不錯, 服務也算不錯, 上菜速度快, 食物種類和飲品選擇多, 除了一般罐裝飲料還有花茶! 麻辣的味道當然和台灣的有一段距離, 不過在香港以這個收費, 做到這個效果, 我覺得算是不錯了. 等候地方略嫌混亂, 如果怕等得耐, 在非繁忙時段去實在是一個選擇, 而且服務也比繁忙時段好至於食物質素, 牛肉有幾款選擇, 安格斯的質素比平時的酒樓任食肥牛好, 如果不是要求高端的火鍋, 又想一解對台灣的思念, 我覺得這裡是一個不錯的選擇

由馬辣新開時一直未有機會來潮拜 直到呢派終於有時間了 這間馬辣同台灣馬辣是沒有關係的 只是名字一樣 湯底微似掛住傾計 忘記影湯底叫了一個胡椒豬肚湯+一個麻辣湯麻辣湯不夠辣 再辣啲更好 湯底配上鴨血很少任食打邊爐有牛骨髓 可以不斷食甜品有多款 但要提早拎 11點半左右不會再加海鮮有海蝦 蜆 魷魚蝦還是很新鮮 很彈牙 牛肉也有分了幾類肥瘦均勻 碟邊有顏色 方便顧客分類服務方面：可能坐係廚房對出 職員隔幾分就來問要吾要加湯， 又問野食岩吾岩食 感覺良好9點半後還有特價時段

這間台式火鍋餐廳，整理而言也不錯選擇辣湯底就會送鴨紅，鴨紅味道不錯。可惜的是辣湯底不夠辣還有點甜😂。而食物供應方面不錯，有花膠、牛奶雪糕、香蕉甜品等。正正～只是時間太短，2小時原來很快過～即使無人也會催結帳。如果要我再次選擇，我都會再次光顧因為有很多好味的食物供應👍🏻

東西上得太慢，想叫服務員加水，方圓十里都搵五到人，終於搵到人加水時，五小心彈到我朋友，但系距扮見五到，一句對五住都冇講就走了，仲要啲野食五系好新鮮，五會再去食，

好耐無寫食評，昨晚來到馬辣麻辣火鍋，聽左好耐但未來過，原本打萛一品，但係前二日食左，而呢間又開到am3:00，好啦，就試下啦！可以太夜入場，有啲冷清， 不靜靜地都好既，一坐底寫左好多款牛肉，另外既配料係自助型式，其實我鐘意咁，自己囉唔洗煩，而且佢有二邊雪櫃，配料都好多，醬油放係bar台但其實都幾遠，如果另一邊既人過去囉多人既時候都好麻煩，希望會改善，而野飲款式唔多但有可爾必思！！加分！！可惜太淡個湯來啦，麻辣叫左小辣，但煲耐左都幾辣下，唔錯，但另一邊無咩味，太清湯，而且有位侍應幫麻辣湯個邊加左清湯啲肉反而唔錯，款式又多，只係有時叫左啲肉唔知邊款打邊款，有時想再叫同一款又會叫錯不過整體都不過不失，可能岩啲大辣人士啦，今次比OK！

朋友去完旅行返嚟，即刻約食飯話要俾手信我，呢個朋友太好喇！呢間馬辣都開左一段時間，一直想去試，但大家都應該知大鴻輝晚市要排隊上去食飯係幾咁難，而且又有限時，一大班朋友得2個鐘食真係夠吹水都唔夠時間抹嘴⋯⋯所以今次2個人就揀呢度試下今日星期二都排左20分鐘先上到去，我19:15到，2個人無得book位，只可以walk in，等左15分鐘就入得，都唔算等好耐！嚟之前都知呢度同台灣馬辣係無關係⋯⋯只係馬相同！我地叫左個麻辣（小辣）拼芫荽皮蛋鴛鴦鍋，麻辣係小辣，我同朋友一致認同無麻小小辣，就算食到尾都唔覺辣，但芫荽皮蛋就正，芫荽味出，好清甜！火鍋料就無咩特別！真係只不過同台灣馬辣一樣名，但無台灣的味道！

友人提議黎馬辣食，當然即刻應承。台灣個間就食過好幾次，香港呢間馬辣就真係第一次幫襯喇。好彩夠早去到，五點九左右到達就有得即刻入座（當時場內已經有約一半滿座），而到六點左右就開始有人流係門口等位。黎到馬辣點會唔試吓佢個麻辣鍋呀，仲叫埋個芫荽皮蛋鍋，雙併一辣一唔辣，任君選擇另外仲即時叫左幾份牛肉，我同友人都唔鍾意食肥肉，叫咗無數碟呢度嘅安格斯黑牛，碟碟都好香牛肉味，食極都唔厭！仲叫咗今日嘅是日海鮮，係硯呀！除咗呢啲叫先有得食嘅牛肉同海鮮之外，出面仲有得拎嘢食， 有大量嘅丸類菜類菇類肉類，真係不能盡錄呀～飲品方面亦有好多選擇，有罐裝同埋用杯自己斟嘅。食到個肚都突埋，我係星期日去，埋單只係每人＄175（已加一），CP都算高！

雖然今年的冬天不太冷，但仍然無減大家對打邊爐的狂熱。普通的港式邊爐相信有不少人已經吃到悶，這次搞搞新意思來個台式馬辣鍋。餐廳已為食客預設了鴛鴦湯底，所以不用額外加錢。我們點了胡椒豬肚湯和在點單紙上標明了有雙辣椒辣度的麻辣湯底。結果，雖然湯底紅得可怕但麻辣程度對於我這個平常只吃小辣的人來說也覺得不外如事，愛吃辣的客人小不免要失望了。食物方面，先說說放在凍櫃隨意給食客自取的食材。丸類和餃子的選擇比較多：海膽丸、龍蝦丸、芝士丸還有整粒都是黑色的墨汁丸。此外，話明是台式鍋當然少不了煙韌的甜不辣和長條形的燕餃。我還看見櫃裏放着起初以為是雪米滋的花生麻糬，這個原來是要放湯煮來吃的，以往打邊爐都沒有見識過呢。海鮮種類相對比在一般酒家邊爐吃的少，只有海蝦、脆肉魚片及細細隻的蜆。愛吃海鮮的我難免有點失落。蔬菜頗為新鮮，未見有壞掉或是夾雜泥沙的菜葉。肉類方面，牛肉、羊肉跟豬肉都有。而牛肉更分別提供了四種不同部位供食客選擇，比一般火鍋點更為講究。女生當然早早就注意到甜品了。值得留意的是即製的香蕉pancake。Pancake雖然迷你但皮薄餡靚，香蕉跟忌廉非常足料。旁邊的dreyer's雪糕球則是自己特意從雪

幾個舊同事年多無見，是夜約了我山長水遠去到荃灣打麻辣邊爐。講真哎，我有少少驚喜加開心，無唸過佢地食到辣ya，佢話食過好好食又好多ya食wo，收工mtr左十幾廿個站終於都到，落車後好路盲既我幾驚辛苦終於去到。友人話卜左台都要等，今晚我就去睇下係咪咁堅！？佢話台灣店黎嫁，真係唔講完全唔知。今晚有點sin，新年食到很是飽濟，今日收工又話去食放題喇，唯有主攻回本食物，重質不重量咁去食啦！主攻牛肉，幾薄，味ok，食左勁多，無漏單，其他食物正常。綠茶雪糕個味好像涼茶味，根本就不是dreyers，浪費。熱朱古力好飲，飲左成四杯，甜度正合我意。

上次係樓上食肥羊敗走之後。落到樓下見到間咁既野。幾頂隱喎。就一直相思至今。終於有得食喇！留左大半日肚。仆過去食930埸。超多人等左幾台終於到我喇！都係自助拎野食既形式。冇得做大帝就死死氣自己搵野食啦~呢度食物多過樓上。野飲都多過樓上。仲有罐裝飲品。同本命雪榚！裝野食既碟就放係自己台度。所以補給有限。但雪櫃都有5少好野。有魚皮響0生波由魚牛根海大。呢口的都唔錯。一定要試下但講到打邊爐咩最緊要？安全當然重要。但唔好比肥食神影響左先得。湯底先係最緊要！我地點左台式麻辣同海鮮湯。點解我要話台式麻辣。因為佢個麻辣湯5正。。。衰左係起點。又唔香麻又得辣字。樓上肥羊既麻辣湯先係正宗。。不過個海鮮湯幾好咁講到打邊爐。料一樣超重要！冬天打邊爐食羊先夠夾同爽！不過佢既羊肉。。。我己經5係好分得清。因為好冇羊味。第2round 既時候己經放棄唔點而豬。。平時都好少掂。今日試下啦。第一round 咩都試下。點知領野。豬味真係幾濃（臭）。亦都養到好肥。放棄再叫。轉戰牛肉。牛果然係最穩陣。雖然牛香唔夠。但都接受到仲幾好食下（湯底影響-80）不過都有肥既。唔香又肥既我係5會再比機會但呢度既本命！係海鮮！蝦大大隻。食

無訂位地直接去，估唔到都好多人下，等左大約7,8個字終於入得。 專程黎試一試台式馬辣火鍋。個湯底比想像中唔辣，我諗平時食開小小辣都可以食到。相比辣，湯底既香料味更出，不過唔算好吸引。 整體以馬辣湯底做賣點黎講，一般般。

唔洗等位，直接入去 皮蛋芫茜湯底+麻辣湯底（一隻辣椒） 四川嘅麻辣肯定食唔到，台灣嘅有時可以食到，見到有紅棗、草果啦！ 就算真係放響鈴、支竹呢種極度吸湯嘅材料，都唔會得辣味，可以接受到 因為有油喺面，麻辣湯底好似遲滾過普通水嘅湯底 呢個麻辣湯底滾嘅時候，隔離個湯底已經滾左唔知幾多次，所以會有交叉感染 豬肉、牛肉同蝦係寫紙，其他喺雪櫃自己攞 牛肉好似差不多 豬肉好似五花吸到湯 應該有樣嘢唔似，就係呢間無白飯任裝 有韭菜豬肉餃、洋蔥牛肉餃洋蔥仍然爽口 除左各種雪糕，放雪櫃嘅甜品（布丁、蛋糕）之外，仲有即場造嘅Pan Cake雪櫃有好多罐裝飲品，仲有自己裝嘅橙汁、檸檬茶、竹蔗水、可爾必思各種雀巢咖啡同花茶 製成品 星期六日+$10 即係$168

尼至台灣出哂名嘅馬辣台式火鍋 豬小姐就未食過啦馬辣台式鍋係香港開分店 朋友仔生日 今晚就去試試啦！馬辣台式火鍋位於大鴻輝中心八樓 無錯！又係大鴻輝呀 尼棟大廈真係好多野食 尤其是係火鍋 已經有至少有五六間book左晚上六點入座 時間仲早嘅關係 得幾枱客人環境非常大 好闊落 我們一行四人被安排坐卡位 一路行嘅同時豬小姐已經望緊有咩野食野飲啦除左湯底 肉類同海鮮類係order紙 其餘嘅都係自助自取的湯底方面 可以揀兩款 我地揀左台式麻辣鍋同芫茜皮蛋鍋 係一辣一唔辣任君選擇嘅鴛鴦火鍋台式麻辣鍋可以選擇辣度 皆因得一位朋友仔超食得辣嘅關係 所以我地揀左少辣到最後湯底辣度輕微剛剛好 岩哂我尼啲喜歡辣味但又唔係好食得辣嘅人 下次我會挑戰中辣！！芫茜皮蛋湯底就清清地 我會用尼碌蔬菜增加鮮甜醬汁可以話係打邊爐嘅靈魂 混醬吧有成二十幾款配料同醬汁任你混 可以混到岩自己口味為止混醬吧旁邊就係甜品吧 有凍嘅甜點同即叫即制嘅甜品賣相其實唔錯 本來想拎幾款 每人試啲 可惜到最後大家都掛住食其他野而忽略左有驚喜！ 竟然有Dreyer's食！味道方面 有綠茶 芒果 朱古力 曲奇等等 有成七 八隻味 不過要自己「不」