馬賽餐廳 (已結業)

今日打波前就去左附近醫肚, 之前都無去過E個商場, 見佢都無幾多間餐廰, 就揾左間睇落坐得舒服D既入左去啦, 不過竟然比到我驚喜, 我地叫左幾樣野SHARE黎食福建炒飯 - 無睇錯, 餐牌上面的確係咁寫, 呀姐一開始都同我講係乾身, 睇落似楊炒, 食落都係..仲有少少咸炒味, 不過火喉吾錯, 食落去粒粒米, 仲好香口豉椒排骨炒面 - 面底炸得香脆可口, 個汁亦都調都好惹味同適中, 出面多數都會太咸, 加上街市排骨經處理後都無哂雪味時菜班腩炒米 - 估吾到佢個炒米係炸上, 不得了, 加埋個蠔油茨汁簡直係一絕, 時菜都煮得好淋生入味, 班腩就係平時D龍利柳, 無咩特別

星期六又DAY OFF，夜晚先出街，LUNCH就四圍搵下有咩食啦!老公之前食過，話覺得抵食夾大件，就等小女子去會一會佢!我就叫左個LUNCH套餐，「咖哩雞意粉」，第一個令我驚喜既係，平時食既意粉都係白白的，只係用水滾過既，但係呢個意粉居然係紅色，有少少茄汁既意粉，絕對係有HEART架! 意粉一樣林林的，但係就多左份淡淡既茄汁味。唔好以為同咖哩雞唔夾呀，食落不知幾MATCH! 咖哩雞我起初都驚佢辣，但係一食就發覺佢完全唔辣，仲有D椰香添!!!黃黃地甜甜的咖哩，令人十分開胃!雞件就主要以雞胸為主..都係無咩肉既，算啦!個咖哩汁搭夠!老公嗌嗰個我梗係要偷食啦，佢食左梅菜扣肉飯，呢個飯真係好邪惡!!!!食完係要跑返10個8個圈架喎!扣肉有5件，份量都唔少，岩晒大少食。梅菜咸咸的，醃得幾入味，扣肉柔嫩爽滑，肥瘦均勻，呢個飯絕對係老少咸宜!其實我建議梅菜食一半好了，因為梅菜係吸油的，淨返嗰一半用黎吸油就岩了!呢度既飯量都幾多的，唔怪得我老公話抵食夾大件啦!!!

是晚一支公，老婆去左搵朋友食飯，唯有去附近屋苑睇下有咩食啦!樓下真係食到厭。老婆之前食過呢間「馬賽餐廳」好似話唔錯，咁我就一支公入去試下。叫左個「金銀蛋菠菜」中菜套餐($52)，包湯或野飲，我就揀左湯。呢個青紅蘿白豬骨湯都真係落足料，唔止夠大碗，仲好多料!青蘿白同紅蘿白好林，一咬落去就散開，夠晒甜。另外好好彩，我舊豬骨都大大舊，梅下梅下又幾好味，咁大碗湯，飲完都飽左六成!主菜黎啦，呢碟野成座山咁高，真係有點喜出望外，色澤好靚，金銀蛋當然齊晒雞蛋﹑咸蛋同皮蛋啦!顏色層次真係做得好靚。三色蛋就略帶少少咸，至於D菠菜，好佩服廚房，將D菠菜洗得好乾淨，食落無沙，而且幾甜。呢個小菜套餐包埋白飯，我成碗食晒啦!

雖然呢度標榜食牛扒係出名.但一直以黎講緊有8,9年, 我都未曾試過響呢度既扒.無他既~ 都係想平平地食完就返屋企.我比較鐘意呢度既格式, 檯椅都好闊落. 坐得舒服.通貨彭脹, 今時今日食個炒河都要34蚊~ 聽落呢個價錢都算平 (其實有d地方28蚊,30蚊都大大碟熱啦啦香噴噴)先黎個乾炒牛河, 睇張相佢幾有光澤, 但其實都唔算多油, 個份量就適中,牛肉大大塊. 再黎一個菜遠斑塊炒麵.呢個份量較大, 個麵底好多, 炸得好香脆.不過我就覺得佢脆既範圍太大, 有d杉口,如果中間"林"身麵多返d會好好多. (落單時同呀姐講聲, 個廚應該會因應要求去整既~~)

近日工作關係成日要去新屯門中心 , 除o左麥當奴及大家樂之外 , 近似茶餐廳就只有呢間囉 !即係除o左連鎖性飲食機構之外 , 呢間食肆都算獨市。餐廳內座位好多好闊落 , 但裝修及枱櫈都好陳舊。抬頭望下個午餐餐牌 , 嘩 ... HK$34元 , 凍飲另加HK4元 , 有飲品就冇餐湯。仲有係每日都係差唔多果四款 , A 一定係肉類扒類, B 係炒飯類,C 例係鴨腿湯飯 , D 例又係什會海鮮湯飯。其他散叫炒粉麵餐都好大碟好夠飽 , 但埋單起碼最少HK$36或以上 , 而且現場招呼服務麻麻 , 寫好單最少要等 20 分鐘先上齊 , 又試過重複出聲都落錯單 ... 唉!下午茶餐女士食就抵 , 因為太細碟份量少 , 男士頂肚唔夠飽 , 我試過一次之後餓到腳仔軟 , 差o的跪低添呀!但食物都可以唔差 , 味道唔算難食 , 茶水都係 OK 可接受 , 如果唔係收咁貴真係唔抵。不過如果唔係o係呢度工作 , 我相信自己未來 10 年內 , 都唔會再重臨新屯門中心 , 莫講話再幫襯呢間餐廳添!

以前中午都常到新屯門中心吃午飯，不過這裡食肆選擇越來越小，今天來了馬賽吃午飯。西式午餐依然沒有太大轉變，它的變化便是將三款扒（雞、豬或牛）和三款汁（蒜蓉、茄汁或黑椒）打亂配搭，選出兩款作今日西式午餐，今天是什麼已經忘記了，因為我選了特價飯，$26一個碟頭飯，加$2要熱飲或$4要凍飲。曾經吃過這裡的煎芙蓉蛋飯特價餐，都煎得幾香，又快又足料。不過有一排不再供應作特價，但係今日又有番，即刻叫一個煎芙蓉蛋飯再加杯凍奶茶，點知…今次塊蛋薄左咁多？材料不見了！除了蛋，其他材料都叫唔出名！連火腿絲都找不到。生意難撈？唉！如果唔係有得免停車場，我都未必會再來呀！

今晚放左工, 屋企冇人煮飯, 又唔想去太遠地方, 於是到左屋企樓下的馬賽餐廳搞掂今晚呢餐。馬賽響新屯門商場開業接近十年, 成為呢度食店既中流砥柱。樓下的食肆見少賣少, 若然唔想食大家樂、百利甚至老麥的話, 馬賽就係新屯中居民唯一既落腳點。我自己間唔中都會幫襯呢間野, 多數係下午茶時段, 記得果陣20蚊一個飯加一杯野飲, 抵到爛。不過最近佢地既價錢暴升左, 差唔多要成廿幾三十皮先埋到單, 而且佢地煮出來既食物已經質素下降到谷底, 唯一好處係佢地的卡位夠多, 地方幽暗, 搭抬既機會較少 (除非遇到d食客硬要同你坐), 想靜靜雞歎一個飯, 呢度都唔算差。講番今晚呢個餐, 價錢為五十大元, 好貴啊！坐暖左個位, 向個阿姐揮手, 可能時間早, 佢好快過來招呼我了, 叫左個扒類套餐E, 我問個服務阿姐叫其他飲品得唔得, 佢話得但要加多八蚊, 我話加, 叫左個菠蘿冰試下。睇睇呢個餐連牛油餐包都冇, 唔係咁慳嘛老闆娘？ 五分鐘後, 餐湯到, 我次次去餐廳叫呢d餐都係要紅湯, 呢個湯冇乜湯料, 不過就夠熱, 可惜賣相麻麻。飲完湯, 再來杯餐飲, 呢杯野真係同地捫罐頭菠蘿一樣, 佢將菠蘿切粒擺底, 冰就放

第一次去呢間,感覺係食扒O既,所以平時都無去過。點左星州炒飯, 無錯!係炒飯!同埋鮮茄肉片飯黎到之後, 隻碟係好大!碟野都唔細, 但係搵隻咁大O既碟...感覺就唔好睇囉..星州炒飯, 完全係楊州炒飯+辣椒, 一D 咖哩味都無連用鼻聞, 都係楊州炒飯味- -"鮮茄肉片飯因為我想食焗飯,於是問佢可唔可以焗埋, 佢話好少會咁..=.=得就得唔得就唔得, 好少人會咁, 即係得唔得呢?鮮茄呢個D 汁都唔酸, 都OK整體一般

牛柳和Ｔ骨都有水準！（尤其是以數十元的價錢）好好味道！

因為方便,所以我成家人都不時會去幫襯呢間餐廳我覺得d野食就一般啦,但勝在價錢夠抵,只係廿零蚊就有大碟飯+野飲下午茶餐粉麵+飲品都係十零蚊,唔錯

d野食幾好食的~不詔d服務同埋清潔就真係好差囉~食食下野冇啦啦有d蜘蛛同埋小強係你身邊出現~都唔知仲食唔食好~不過想食越南菜我覺得都可以試下因為幾好食由其係個西炒飯最正!!