馬祖 (海之戀商場)

营业中

休息中

今次我同老婆去咗位於海之戀商場#馬祖 火鍋店揀選佢哋嘅90分鐘套餐$138蚊/位放題任食任飲性價比極高餐廳嘅環境唔錯設計予人一種舒適嘅感覺燈光柔和令人放鬆我哋品嚐到嘅Prime Grade肩胛肉眼真係超級嫩滑，鮮味十足，配合火鍋湯底，令人一試難忘。而西班牙無激素豬肉片呢，脂肪分佈均勻，煮熟後肉質鮮嫩，蛋白質濃郁，口感豐富。另外，我哋選擇咗冷柑桔檸檬特飲，清新的檸檬香味，加上冰凍嘅口感，飲完之後令人精神為之一振。服務人員態度友善，服務快捷且親切，對我哋提出嘅問題細心解答，非常專業整體而言，呢次用餐體驗非常滿意，無論係食物嘅質素同埋服務水準都好高嘅水平。如果你鐘意高質素放題火鍋，我一定會推薦呢度，值得再訪！📍 馬祖台灣養生湯麵館 (荃灣)荃灣大河道100號海之戀商場地下G03號舖

台式火鍋、日式火鍋、四川火鍋同港式火鍋堪稱火鍋界嘅四大天王，主要分別在於湯底同食材，其中以養生湯底為賣點嘅台式火鍋最深得我心！嚟到位於荃灣嘅馬祖台灣養生湯麵館，餐廳推出台式90分鐘全日半任食火鍋，仲可以一人一鍋，時限內可以無限添加自取區嘅配料，額外再送任飲即沖台式飲品，價錢非常抵食，推介必食嘅台灣食材有麻辣鴨血凍豆腐鍋、手打牛丸、台灣腸、甜不辣、新竹米粉等，真係以為自己去咗台灣呢！湯底馬祖台灣養生湯麵館採一人一鍋，火鍋湯底超過十款選擇，例如：麻辣蕃茄牛肉鍋、台灣養生藥膳雞鍋、麻辣鴨血凍豆腐鍋、台灣麻辣牛肉鍋等。我哋揀咗日本壽喜燒湯同藥膳田園蕃茄濃湯，其中藥膳田園蕃茄濃湯嘅蕃茄味濃郁，酸酸甜甜夠晒惹味。Prime Grade牛肩胛肉火鍋套餐包一碟 Prime Grade牛肩胛肉，油花分佈平均，牛味香濃，牛肩胛肉切得非常薄，輕輕一淥就食得。西班牙無激素豬肉片除咗牛肉之外，套餐仲包一碟西班牙無激素豬肉片，豬味香濃，肉質嫩滑，同樣切得非常薄，刀功了得。自助吧任食自助吧火鍋配料非常豐富，超過30款，當中唔少得台式火鍋常見嘅台灣腸、甜不辣，仲有手打牛丸、芥茉魚子丸、新竹米粉、稻庭烏冬、響鈴卷、蟲草

呢間台式火鍋店最岩約埋一班朋友聚會gathering👍🏻位於海之戀商場入面 食飽飽又有得行街又有得睇日落 完美😝最欣賞佢係一人一鍋😍湯底口味唔同唔洗爭👍🏻佢嘅各款湯底都好足料我揀咗藥膳田圓蕃茄湯🍅蕃茄味好濃好新鮮 酸酸甜甜好開胃另外朋友揀左藥膳蟲草花桃膠雞湯成個湯底好養生 減低打邊爐罪惡感😝食物方面 質素都好高🤓今次我係叫咗午市套餐 prime grade牛肩胛肉拼無激素豬肉片套餐$138🫶🏻牛同豬都免費包食各一碟 丸類蔬菜類飲品類全部仼食 好抵😎牛肩胛肉肥瘦均勻 好有牛味並且肉質嫩滑😛而豬肉片亦都好香口 絕對唔遜色😊其他火鍋配料都有好多選擇 可以去自助吧自己揀🤓丸類有好多特別小見既款式 個人最推介金沙魚蛋 好香好彈牙👍🏻雪糕亦都係仼食仼拎 甚至dryers movenpick都係 好易回本🥹🤤呢間火鍋店好推介 員工服務又好 CP價高 會再同朋友黎聚會支持🥰馬祖 (荃灣)荃灣大河道100號海之戀商場地下G03號舖

馬祖 (荃灣)荃灣大河道100號海之戀商場地下G03號舖🔥打邊爐控注意！呢間鋪頭嘅全日90分鐘火鍋套餐B，真係食到你扶牆出！😍Prime Grade肩胛肉眼勁juicy，一啲都唔鞋口，咬落去肉汁爆發；西班牙無激素豬肉片又鮮又嫩，打個滾就可以開食，正到痹！重點係一人一鍋超衛生，仲有兩款湯底口味隨你揀，想點配就點配！而且火鍋配料任食，貢丸、午餐肉、芝士丸通通無限續，食到過癮！🍢最最最正嘅係竟然有Movenpick雪糕！🍦呢個雪糕界「貴族」平時單買都唔平，而家居然任食！仲有超多台式飲品無限供應，水蜜桃錫蘭紅茶香甜解膩，愛文芒特飲芒味濃郁，邊打邊爐邊歎飲品同雪糕，真係人生一大樂事！😋

全日定量火鍋套餐$138 *有加一·Prime Grade牛肩胛肉*1碟·西班牙無激素豬肉片*1碟·台式飲品*任飲主打一人一鍋，就算同fd黎都可以揀返自己鍾意嘅湯底同煮自己想食嘅嘢，和諧又衛生🙂‍↕️兩款肉都覺得幾好食！不過當然肉食份量更多會更開心🤣我自己叫左番茄湯底，呢個湯底都唔錯，甜甜地，飲品叫左涷柑橘檸檬，都幾大杯～酸甜度都啱啱好～🍲💰一百頭嘅價錢以火鍋性價比黎講都OK🤣除左本身定量嘅肉之外，自助位置都有雞肉、魚肉、豬肉等任添！仲有丸類、麵食、蔬菜、雪糕、飲品等等都可以無限任拎！！包你點都食得飽肚！私心鍾意呢度好多懷舊款雪糕款揀🍦！！同埋呢度芝心丸竟然超好食！雖然食物黎講一定唔係特別驚艷火鍋店個批🤣但飽腹一餐又咁啱想打下邊爐，同時又想平平地咁食，絕對會係一個唔錯選擇！👍🏻

又約咗舊朋友食飯，近近地荃灣海之戀搵嘢食鍾意打邊爐既我地試咗馬祖打邊爐！有齊九種湯底，鍾意食芫荽嘅朋友就可以試吓，我就最鐘意食呢度嘅火鍋套餐係全日定量供應，今日試咗個Prime Grade牛肩胛肉拼豬肉片套餐真係超吸引！牛肩胛肉質地鮮嫩多汁，油花分佈均勻，一涮落鍋，即刻散發出誘人嘅香氣豬肉片仲係用咗無激素嘅優質豬肉，食得健康又安心！都幾抵玩嘅係，只要一個價錢，自助區嘅台式，肉丸同埋各種新鮮蔬菜任你食到飽！無論你鍾意彈牙嘅貢丸、香甜嘅花枝丸，定係清新嘅生菜、爽口嘅娃娃菜，通通都有！而且雪櫃入面嘅台式飲可以任飲，奶茶、檸檬茶、冬瓜茶……各種台式特色飲品應有盡有，飲到夠喉！食完火辣辣嘅火鍋，仲可以食埋任食嘅雪糕降降溫，多重享受

90分鐘火鍋套餐B西班牙無激素豬肉片每一片豬肉都散發著自然的香氣，肉質鮮嫩，口感滑順，彷彿在舌尖上輕輕舞動。Prime Grade肩胛肉眼這塊肉眼的油花分布均勻，肉質鮮美，入口即化，帶來無與倫比的豐富口感。肉的本味得以充分展現，讓人感受到真正的美味。水蜜桃錫蘭紅茶茶湯色澤琥珀，香氣撲鼻，帶著淡淡的水蜜桃香甜，令人心情愉悅。每一口茶都如同一場心靈的洗禮，讓人感受到生活的恬靜與美好。馬祖 (荃灣)荃灣大河道100號海之戀商場地下G03號舖

荃灣海之戀的馬祖台灣養生湯麵館，木系裝潢充滿台灣風情，寬敞座位配一人一鍋，乾淨舒適。藥膳蕃茄麻辣湯酸甜開胃，藥材香氣溫和；藥膳台灣麻辣湯則較濃郁。Prime肩胛肉眼油脂分布均勻，涮後柔嫩帶嚼勁。西班牙豬肉片爽滑鮮甜，搭配藥膳湯底更顯美味。自助區選擇豐富，有精選雞腿肉、深海魚柳、台灣沙茶牛肉 、丸類、蔬菜、腸仔、菇類、粉面、飲品及甜品……等，任食任飲。台灣沙茶牛肉醃得入味，肉質軟嫩；深海魚柳雪白無骨，入口即化。飲品方面，柑桔檸檬特飲酸甜解膩，冰蜜桃紅茶甘醇順口。最後以任食的甜筒雪糕作結，人均約$150，價錢相宜。整體食材新鮮，湯底出色，是性價比高的養生火鍋之選。

海之戀商場近來越來越多野食揀; 今晚同老公係海之戀商場買狗糧, 買完就近近地係度食埋晚飯;「馬祖」係一間主打一人一鍋台式火鍋放題, 乾淨衛生; 提供多款藥膳火鍋湯底, 如麻辣, 沙茶湯, 花雕清雞湯, 芫茜湯等。火鍋主打不同嘅高質肉類, 而自助食品區有超過30 種火鍋配料, 自選多款食材, 甜品及飲品任飲, 更有任食有多款Movenpick雪糕和Kitkat 脆皮雪條。我地揀咗PLAN B - $138一個, 有Prime grade 牛肩胛肉眼, 西班牙無激素豬肉片, 優質脂肪比例, 煮後帶有淡淡甜味, 冇腥味; 牛肩胛肉眼, 濃郁牛肉味, Prime級別嘅脂肪滲透均勻,我煮到全熟都唔會乾柴。我揀咗壽喜燒湯底, 甜甜地, 肉類吸飽湯汁後風味濃郁。老公就揀咗莞茜湯底, 見到賣相好似好足料, 但食落芫茜味唔太濃。見到出面個凍柜啲火鍋配料多達30幾款以上, 有多款丸類, 龍蝦沙律丸, 燕餃, 金沙魚蛋, 沙茶牛肉, 芝心丸, 磨菇芝心堡, 奶油南瓜包, 魷魚羹, 芫茜燒賣等嘅特別食材。蔬菜類都有好多款呀, 有油麥菜, 皇帝菜, 娃娃菜, 羽衣甘藍, 生菜, 茼蒿, 萵筍, 豆卜, 粟米件,

同朋友中午喺荃灣搵嘢食，最後揀咗馬祖可以一人一鍋可以各自揀湯底同食咩，唔使就口味，幾方便。我哋叫咗套餐B（$138/位），包：•Prime 牛肩胛肉一份•西班牙無激素豬肉片一份•火鍋配料•台式飲品 + 雪糕任食湯底有12款揀，我選咗「藥膳蟲草花桃膠雞湯」，湯底夠香又唔油膩，飲咗幾碗先開始落料 😂朋友就揀咗「芫荽湯底」，上枱時好浮誇，滿滿芫荽鋪面，但佢話味道唔錯，芫荽味夠出，啱芫荽控。飲品同雪糕任食區都有驚喜，雪糕種類比預期多，D牌、M牌都有，甜品迷應該會開心。整體環境乾淨，座位之間唔算迫，平日中午人唔多，坐得幾舒服，CP值算高，適合想簡單輕鬆食餐火鍋嘅朋友。

今日去荃灣行街😄海之戀商場都幾大，去了馬祖火鍋，揀左90分鐘火鍋套餐B，每人$138蚊好抵食😋分享一下1️⃣環境幾好，夠大，抽風空氣好👍🏻2️⃣食物好多種類，手機點餐，入座會先送上兩份肩胛肉眼和西班牙無激素豬肉片🐷🐮3️⃣入座前選兩杯台式特飲品🥤🥘湯底有十幾種款揀，湯底味比較濃，可以揀大辣中辣小辣🍴肉類，同肉丸，蔬菜都好新鮮，個認為這個價錢來說，種類很多已很超值🐷🐮肉眼和豬肉片都是無限供應🥦蔬菜種類大概都有十款八款🍦🍨🥤雪糕雪條飲品都是無限供應

放工同同事兩個人打邊爐，佢又出名細食，我諗起之前經過海之戀呢間主打藥膳雞湯底米線嘅舖頭有出一人火鍋，拉咗佢嚟試下。我哋不約而同揀咗藥膳雞湯底，無論配肉類定蔬菜都好夾，而且感覺較為健康。$138嘅B餐包prime grade牛肩胛肉同無激素豬肉片各一碟，我哋兩個女仔食份量非常足夠，而且肉類質素唔錯，特別係豬肉片，肉質軟嫩有驚喜。雖然肉類係定量，但可以出去自取蔬菜、丸類同粉麵，選擇仲非常多，啱晒鍾意食蔬菜嘅朋友，仲夠晒健康；丸類方面亦有心思，特別推薦麻辣貢丸、魷魚羹同黑松露豬肉丸。放題本身包幾款台式飲品，亦有唔少冷熱飲品可以選擇。雪糕同雪條選擇非常多，仲有movenpick同DREYER'S可以選擇，絕對可以食到回本。

與友人係海之戀商場準備食晚飯，經過見到藍配金的招牌，盡顯高貴的裝潢。原來係主打全港首創藥膳台式火鍋🍲「馬祖」，一個價錢可以任食計劃內的牛肉豬肉，仲有超過30 種火鍋配料，加埋任飲飲品，回本位更有任食M 字頭雪糕🍦。餐廳設有卡位雅座，枱與枱之間闊落。先一人選一個湯底，乾淨衛生。提供多款藥膳火鍋湯底，如麻辣、沙茶湯、花雕清雞湯、芫茜湯等。我地簡左PLAN B，包了Prime grade 牛肩胛肉濃郁牛肉味，肩胛肉是運動較多的部位，肌肉纖維較粗，但Prime級別的脂肪滲透均勻，賦予肉質更濃郁的牛肉香氣，比精瘦部位如里脊風味更足。Prime級別的脂肪能有效保持水分，即使全熟也不至乾柴。配上壽喜燒湯底，吸飽湯汁後風味濃郁。仲包埋無激素豬肉片，自然肉香，優質脂肪，慢養的豬脂肪層可能更細膩，熔點適中，烹煮後帶有淡淡甜味，類似穀飼或放養豬肉的特性。腥味較低，甚至帶甜，肉質不柴。火鍋配料多達30幾款以上，有多款丸類，特別要食龍蝦沙律丸，爆漿沙律醬溢出、帶有蟹籽顆粒感，當然仲有芝心丸，芝士做到拉絲效果，好味。仲有特色沙茶牛肉。，唔會過鹹，帶有淡淡花生味香，搭配在麻辣火鍋吃也不錯。蔬菜類仲有油麥菜、皇帝菜、

90分鐘午市任食套餐一人一鍋打邊爐牛or豬有2份自助區食材任食我和太太覺得份量啱啱好有12類湯底，適合唔同口味嘅人士試了蟲草花覺得幾好，桃膠也唔錯沙嗲湯底夠晒味，芫荽黨可以留意，有芫荽的湯底！自助區食材質素幾好！雞肉好大塊，愛吃雞的真心推，超好食，留意要煮比較耐魚塊就有d 雪味，放濃味湯底比較適合丸類選擇超多推介花枝丸，鱈魚湯包(福州魚丸)其他丸都好好食，每樣食一粒都飽咗蔬菜都好好，食了很多蕃茄，可以做湯底提鮮仲有油麥菜、羽衣甘藍、金菇、蟲草花飲品種類多可以免費配餐飲or自助喺雪櫃拎嘢飲（有暖櫃）甜品方面有Movepick雪糕（雲呢拿味、咖啡味）極力推介 香港品牌 CocoBerry 沖繩鹽味！鹹甜雪糕人士真心推！！健康D可以揀芒果雪葩，懷舊雪糕都有唔少

外賣$82一碗米線狗也不，圖片絕對係打開個蓋即影，完全可以辨識到d雞好鞋口，切得極度樣衰三尖八角咁嘅樣，勁多油脂有怪味，圖中有一舊勁多黃油懷疑係雞屎忽位置。簡直係垃圾，難食（兩碗都係打開個蓋見到都即刻覺得無胃口），米線淋哂發脹痴成一餅嘢拆都拆唔開，比$82一碗，叫咗兩碗都係咁嘅樣真心絕望，明明肚餓到爆，諗住呢個價錢唔會hea得去邊，打開個蓋嗰下真係喊出聲。絕對絕對絕無下次，各位見雷即避呀，睇下幅圖幾咁令人倒胃口。