馬祖台灣養生湯麵館 (和安里)

营业中

休息中

我地係附近做完野想食米線，平時都會鐘意食辣，但今日咁岩想食啲健康嘅🤣見到藥膳米線就去，本來都好少過海，咁岩可以試。份量超大，完全係落足料。湯底有少少甜甜地，真係有紅棗嘅味，但唔算話好濃。好食！

呢碗雞米線的湯頭非常清甜，有紅棗杞子木耳人參，喝起來很舒服，而且滋補，飲完個人暖曬，我次次都飲曬。雞肉佢今次比雞比我，口感非常嫩滑，蛋白質滿滿。米線都好多，而且有咬口，唔係淋batbat 煮到發大果d，飽肚絕對唔係問題。餐廳有2層，環境就麻麻地啦，都係快速食完就走，樓底都比較底，所以好嘈。lunch time 每次都大排長龍，不過佢翻臺快總體來說，馬祖養生麵館是一個非常值得一試的餐廳，農場藥膳雞米線的味道清淡健康，係lunch time好選擇。

二訪呢間餐廳，平日既5:45來到，有位好親切笑容同聲線既小妹妹招呼我進入餐廳坐，點左一客超讚既養生湯麵，內里有雞，桃膠，紅棗，雲耳，龍眼肉等等，侍應呈上既時候，仲會拎多一隻空碗俾你放雞骨，超級貼心。係中環既地段，60蚊左右有甘樣既質素確實難得。枱同枱之間相較窄，唯一美中不足既地方。因為下午茶時段，一個主食會包一杯飲品，嗌左樽熱薑茶，超辣口勁暖冑。題外話：第一次來拎住好多野，有個姨姨職員幫忙開門關門好有耐性慢慢等我落單俾錢，我想借廁所，仲嗌我小心地下滑，好貼心。

是日晚餐「台灣馬祖養生湯麵館」難得忙完，可以提早食晚餐。錯開繁忙時間，當然選擇附近熱門餐廳啦！平時獨愛3號「蟲草花藥膳農場雞米線」，今天當然要有新嘗試啦！於是選擇8號「藥膳桃膠農場雞米線」，平時想養生食「桃膠」就比較麻煩，要花費較多的時間心思。除甜品店外，甚少在餐廳中尋找到「桃膠」的身影。但主打「養生」的「台灣馬祖養生湯麵館」中居然有「桃膠」！當然必試啦！點餐後不久，「藥膳桃膠農場雞米線」就熱騰騰地上桌啦！桃膠份量好多啊！！紅棗和黑木耳配料依然份量充足！實在太令人感動啦！桃膠軟糯，紅棗飽滿，木耳爽口，雞肉嫩滑，湯底鮮甜，米線彈牙！果然冇令我失望！非常讚！飲品是樽裝「冷泡四季春茶」，解膩助消化。

話說之前同太太放假來食過返尋味，今次放工再約同事過嚟食，我同事食到好好味，差啲連碗湯都飲埋，絕對唔係講笑，牛腩夠冧，蘿蔔夠爽入味，桃膠雞又好味，進入餐廳的瞬間，就能聞到米線的香氣。餐廳的裝潢也非常簡單溫馨舒適，沒有刻意營造高級感，但是非常有家的感覺，讓人感到放鬆舒適。米線非常入味，湯頭的口感非常清爽，但是又有濃郁的味道，讓人一喝就停不下來。米線本身煮得很熟透，但是不會太軟爛，口感非常好。最開心的是，提供的配料非常豊富，啱晒我哋呢啲好少煲湯嘅人。

好多同事都話養生，講究健康，今日我都跟埋一齊養生<<馬祖台灣養生湯麵館>>味道濃郁，雞肉嫩滑，養生配料多，湯都飲埋，咁多料湯底好甜，好好味😋食落都感覺健康啲。同事鍾意食辣，原來仲有辣嘅口味，辣得來又養生，都可以喎。牛肉好大件，試左好淋好入味，蘿蔔仲正。下次食呢款👍小食都唔錯，台灣滷水雞翼真係好入味呢樽桂花烏龍茶好飲，同平時嘅台灣烏龍茶有分別，加咗桂花係好飲啲☺️價錢喺中環來講相當合宜今日食完呢餐好滿足

我同同事經常幫襯中環馬祖個間，睇返上一個post之個四眼攣髮阿姐唔知係咪走咗定還是放大假見唔到佢！不過我同同事之前都經歷過呢個四眼姐嘅態度！今日又遇見上次銅鑼灣態度唔好嘅職員，今日我同同事過去食坐低開始叫餐叫左送餐嚟嗰個。望真啲原來係上次同朋友去食銅鑼灣分店嗰個肥妹,上次喺銅鑼灣同朋友去銅鑼灣食嗰個肥妹女職員我真係好佩服佢揸住部手機係打機叫左幾次都無視客人！今次仲大大聲鬧自己公司同事,我哋叫緊帶眼鏡同事喺度落緊單,佢下低搞唔掂大大聲去鬧人話人唔幫手,當時上面都有幾台客喺度我哋坐喺度見你上上落落搵你落單你都唔落單！態度咁惡劣不如唔好做,禮貌叫左兩三次都唔應。然後帶眼鏡女職員真係幫緊人落單都唔得閒周圍幫佢手送餐,我同同事都見到真係見到帶眼鏡個女職員眼濕濕大家都係打份工,只不過我係食客,都唔使鬧自己同事,所以食完我哋都好快走,見佢哋太忙個,長頭髮女經理都好忙呀如果唔係真係搵個經理傾,剛才發生自己人鬧自己人,不過走時候我同事望真啲個樣之後講原來係早幾日買外賣畀錯咗嗰個肥妹買四個外賣四個都唔係佢哋叫不過有時我哋放飯時間太短所以可能都頭食一來一回又少咗好多時間食飯建議貴公司真係留意下員工工作態度！

星期六，和友人閒遊中環。Lunch Time 便要考慮重要問題「食乜好？」中環美食包羅萬有，由於時間不算非常充裕，沒有閒暇慢慢嘆三兩小時。於是，去食米線！中環和安里小巷裡有間小店，令我回味無窮！「台灣馬祖養生湯麵館」雖隱藏在鬧市中，卻充滿驚喜！我自己最愛3號「蟲草花藥膳農場雞米線」，湯底鮮甜！配料有蟲草花、黑木耳、紅棗，主角當然是雞肉，份量十足！非常有誠意！上米線時，餐廳職員窩心配上碗仔，原來是骨碗，令人處理骨頭時不用太尷尬！讚！友人推薦他6號「藥膳古早牛肉湯手工麵」，這家小麵館的手工麵真的非常值得嘗試！牛肉份量同樣令人驚喜，加上兩塊非常入味的蘿蔔，友人表示湯底濃郁，牛肉軟硬適中！彈牙手工麵加上美味的湯底，真係冇得彈啊！此外，飲品有很多選擇，但我們要繼續下午的行程，因此選了方便攜帶的「冷泡桂花烏龍茶」。桂花的清香，加上烏龍茶的茶味，不添加甜味劑，新鮮泡製的茶果然更甚一籌！友人表示，好飽！真的大滿足！希望下次有機會可以再次品嘗！

入到呢間餐廳的環境令人舒適，裝潢簡約，空間明亮。香辣牛肉米線，牛肉好味，最欣賞係非常入味既蘿蔔，滋味濃郁，連我自己唔食蘿蔔都食晒，我太太每次嚟都清一色叫藥膳雞湯米線，佢話雞夠新鮮，仲有配菜豐富，口感極佳，仲有其他小食，可以滿足各種口味。飲品方便，我最鍾意佢自製冷泡桂花烏龍茶，最緊要唔甜，啱晒我，價格公道，食物價值相對係中環，簡直超值，每一項都非常值得推薦。令人難以忘懷。印象深刻，令人驚喜。是一個值得推薦的好地方。

  嘢食係還好，但四眼攣髮阿姐態度值得飲食業警惕失去香港遊客之都稱號又遇見上次食態度攣髮阿姐整緊外賣眼超超,今次仲多咗個長髮平陰馬尾中女四眼鬈髮呀姐服務態度極差！平時附近番工，上星期食過最近今個星期又再食多次，我知道知午餐時間有忙都已經講咗我朋友一陣間到,坐低唔夠三分鐘已經不停問幾時落單一位四眼攣髮阿姐令成餐飯變得勁worst 就係佢過嚟吹落單嘅時候態度超差多朋友嚟到的時候已經開始人多叫落單,我心諗係客人又唔係我要你包外賣張枱畀我,係你哋出面reception個女仔叫我過嚟坐,四眼攣髮阿姐女職員全程又黑口黑面 好似世界人都欠左佢咁等陣先喇覺很勁無禮貌 令人十分不舒服態度好差話！！，係個態度差到無倫，食完成肚氣！食物真心不過不失，但服務態度差到咁，真係唔會再同啲同事過嚟食！這個女店員何以如此理直氣壯？！餐廳有這樣的一個員工實屬不幸⋯ 但願這餐廳能夠加強員工培訓、好好經營下去～

學人講養生喎 食物質素大不如前作為附近打工仔 疫情嘅時候下午茶時段都經常幫襯 而且下午茶都只係送嘢飲 唔係話價錢平左一截但家下藥膳湯底溝曬水不突只 個湯仲要係酸嘅成層油浮曬出嚟都算啦 加埋牛肉筋多過肉又炆唔冧 簡直係硬過你同我打工仔條命😂兩舊蘿蔔皮都唔批究竟係發生咩事打工仔搵餐晏仔2:56 未到下午茶時段3點爭嗰幾分鐘職員不但冇友善提醒就嚟到下午茶時間仲吹落單問食幾多號落完單之後我都即刻查詢唔係下午茶有嘢飲送咩？問吓可唔可以改單 一句說話落咗單唔得喎同上一個post嘅仁兄一樣都係想投訴四眼攣毛阿姐老實講阿姐你又打份工 我又打份工都係搵食啫 食個飯都俾你搞到一肚氣中環人工作追追趕趕入得埋你度食個嘢唔係差下午茶時段減嗰幾十蚊/送個嘢飲嘅問題而係你咁嘅服務態度真係好冇人情味幾十蚊食個所謂打正養生旗號嘅麵 基本如食物質素都大不如前 態度又咁惡劣真係冇咩原因會再幫襯囉

一間餐廳俾人嘅第一印象，通常真係由等位嘅時候，門口出來迎接嘅侍應開始建立。好可惜，雖然我明白係晚市時間，但係眼見入邊有幾張枱啲客人已經走咗，然後阿姐仲要同我講無位，可能要等20分鐘，心中不免懷疑，佢係咪玩我？Anyway，等咗大約半個鐘，終於可以入座，但係一入座仲不斷聽到有foodpanda等等其他外賣平台嘅machine「刺耳落單聲音」，阿姐一副分身不暇咁樣，一時去接外賣單，一時過嚟催促我睇餐牌；嗰陣時啱啱坐低咗2分鐘，佢就走埋嚟講：「落唔落單啊，而家唔落有排冇得落，好多外賣單啊。」Anyway，最後落咗單，一碗麻辣牛肉手工麵，另一碗藥膳農場雞米線。先點評食物，前者其實湯底恰到好處，我嗌咗最細嗰隻辣，湯底濃郁，同啲手工面幾夾；至於藥膳湯底，同樣味道濃郁，雞件滑嫩，係啱啱熟透嘅最佳狀態👍🏻有啲雲耳紅棗，配合返佢個藥膳。食到中途，個口太辣想嗌支汽水飲，回頭一望，同阿姐講，佢企正喺我後邊，但係完全唔俾反應我，過咗2分鐘我再問佢，佢竟然話「得啦聽到，好多單啊好忙啊，轉頭啦轉頭啦」。總括而言，我覺得佢係一間比真正俾侍應「耽誤」咗嘅米線/麵店。坦白講，以阿姐嘅服務質素，喺2023年飲食業剛剛復甦

附近番工，食過幾次，知道3點後下午茶時間有飲品送。手錶眼見已3點，一坐底就叫米線，見呀姐無問飲咩就問「依～唔係包飲品嘅咩？」呀姐行去收銀機望下個鐘，態度好差話「差2分鐘喎」！我望一望佢俾我張單，2點59分02秒，我話依度都係唔夠1分鐘就3點。係，真係未到3點，咁你落單嗰刻係咪可以講聲「差1分幾鐘，唔趕就轉頭幫你落單會有埋野飲」，咁有幾難？你話爆場坐滿晒就話啫，依啲時間有幾多枱客一眼望晒啦！佢跟住好悔氣咁話，今次俾埋你啦⋯⋯ 下次要3點先有！what the ？！？唔知真係以為佢係老闆！唔係差個飲品嗰10幾蚊，係個態度差到無倫，食完成肚氣！食物真心不過不失，但服務態度差到咁，想俾人當乞兒施捨就嚟啦！

銅鑼灣同中環都食過 中環呢間係好食啲！雖然唔係特別平 但係湯底真係好味 同埋幾大碗飲晒成碗湯都唔會口渴A級花枝丸係真係好食 不過都幾貴一次就夠了~辣椒油都幾特別 不妨試埋

好多女仔食野都話要講究健康，呢間主打藥膳米線既<<馬祖台灣養生湯麵館>>就特別推介俾呢類型女仔。每碗米線既價錢大致上都係由六十至八十蚊不等，仲送一杯$10既飲品（以罐裝飲品為主），價錢方面如果用養生湯底黎講個人認為算是很公道。 我今次食左個黑蒜藥膳農場雞米線，一上枱果下我就哇左聲，個米線成塊面咁大碗🤣 然後立即就試左一啖湯，個湯既藥膳味好濃郁，湯面見到配有紅棗，桂圓肉，杞子等等，材料非常十足，我最後係足足飲左一大半既湯🤣另外當然唔少得提主材料農場雞件，連D雞件都係件件好滑好多肉，真係性價比超高👍🏻值得推薦俾大家。店子內座位不多，建議大家如非必要記得簡非繁忙時間去試。