馬拉公公

营业中

休息中

繼續晚上禁堂食.1) 雞絲喇沙2) 海鮮喇沙雞絲撕的比較粗身 而且肉質不乾 個人很喜歡海鮮那款的蝦很爽口彈牙 不錯兩碗都配有半隻雞蛋 更滿足麵底是油麵加米粉兩款配喇沙湯底都很好吃啊湯底微辣 有很香的椰味不油膩.另外配了兩杯飲品凍奶茶和凍咖啡都是馬來西亞式 比較甜的那種但有冰 飲起來也不算太甜吃完少辣的麵 再喝一口凍飲 好正呀😋

因為疫情關係，轉左食外賣多，屋企附近雅都商場轉型做GOGO Mall開小店做foodcourt，選擇多，諗住買返屋企啦，原來呢度啲枱仲有開放，但上限二人，咁岩見有位，就決定堂食。行完一個圈，見到馬拉美食，有種好懷念嘅感覺呢！就揀左馬拉公公，食粉麵最岩我口味。呢間都好多選擇，都揀左陣先揀到心水。我同屋企人最後揀左：檳城亞參海鮮叻沙 - $48亞參叻沙醬味道好香濃，未食已經香氣四溢，食落就覺得好濃魚味添！蝦夠爽，魚蛋同蛋片都好彈牙添！白咖哩豬頸肉滲滲飯 - $46聞到白咖哩嘅椰香味，但唔算好濃，豬頸肉份量多，做到夠爽身，食落唔會一路油食完先發現底部墊左好多芽菜同生菜。😆咖哩馬來酥餅 - $20酥餅外鬆內軟，唔煙韌，配香辣咖哩一齊食夠惹味夠開胃！馬拉拉茶 - $6 (跟餐) 凍飲感覺較甜，食完咖哩解辣係唔錯嘅選擇！整體感覺口味無馬拉咁重，易入口啲，可能係就返香港人口味。

最近都係喺外賣平台叫外賣多，咁岩見到呢間野係食馬拉菜，自從第一次試左馬拉公公既白咖哩湯底，今次又係叫佢既白咖哩湯底，實在好好食！今次叫左個白咖哩豬頸肉滲滲配米線，佢既湯底真係超濃郁，好重椰奶味，好正宗既喇沙佢既豬頸肉都唔錯，食落都香口，真心推介

屯門檳城美食推薦✨位於屯門雅都商場GoGoMall 1/F餐牌選擇好多🥳 有辣有唔辣🤩咖喱豬軟骨 跟白飯 $45 推介✅咖喱汁好岀色 十分香濃😍而且仲幾辣😳可以去挑戰下🤭個豬軟骨 有軟骨既咬落去會好爽口，而啲肉已經好冧，吸曬d咖喱汁👍🏻怡保芽菜雞絲湯河 $44湯同河粉 會分開放👍🏻而且冇額外收外賣盒費湯底偏清淡少少 幾健康😚而芽菜 好爽甜，雞肉 都有返甘上下份量，所以都會有d飽濟感南乳雞翼 $20南乳味好重🤩 雞翼係即點即炸😚凍泡沫咖啡 +$6咖啡好香 有驚喜🥰凍美祿 +$6

差唔多有年紀兩年冇去過馬來西亞，有時都幾掛住馬來西亞啲特色小食，因為真係幾惹味，而且仲幾有特色！行開買日常用品， 經過Gogomall，有好多唔同地方嘅特色嘢食，咁啱見到呢一間「馬來公公」個名幾得意一聽就知道係馬來西亞菜！ 可以滿足一下我對馬來西亞美食嘅慾望啦！但係望望錶已經五點半我諗都冇得喺度糖食要買返屋企啦！見到佢個雲吞蝦醬撈麵好似幾吸引都係$38！抵到難以置信！食馬來西亞菜梗係要食返個「辣死你嗎」咁我就配埋吉列豬扒！估唔到呢度仲有「囉哋」生果沙律！！！平時好少見到有呢個沙律㗎！裏面有蘋果番石榴油炸鬼等等嘅水果再用咗秘製嘅醬汁攪拌均勻，就係馬來西亞嘅特色小食啦！醃完即刻整即刻有得食！食落好好特別甜甜地，真係好友馬來西亞嘅味道！辣死你嗎 配 吉列豬扒分量一定唔夠我食！個椰漿飯好香，配埋辣死你嗎既辣椒醬一齊食特別惹味！ 佢嘅吉列豬扒揸得啱啱好，係老闆啱啱新鮮即炸出嚟㗎！香脆肉多汁， 忍唔住偷食咗一舊，先拎返屋企😂呢個雲吞黑醬汁撈麵 就正啦！雲吞爽口肉彈牙， 仲有蝦肉添啊！鍾意佢嘅黑醬汁撈麵， 鹹鹹地再加埋少少醋一齊食，正！下次要帶屋企人喺度食先！

屋企人肚餓仔，叫我買外賣返去餵飽佢地。揀左呢間馬拉菜，叫左一個咖哩牛坑腩飯配馬拉黑咖啡$52，一個怡保芽菜雞絲湯河配桔仔話梅冰$54咖哩牛坑腩有牛味，軟熟但仍有咬口，咖哩汁微辣，有微微椰汁味。附有幾舊牛根，軟得黎有啲煙韌，怡保雞絲湯河湯底清甜，有淡淡粟米味，芽菜比街市買的粗壯💪🏻雞絲嫩滑，估計係雞肶肉黎。值得一提個河粉湯另上，避免浸到個河粉發漲。桔仔話梅冰十分誼適合熱天飲，以作消暑。杯馬拉黑咖啡味道香濃帶少少回甘，可以再試！

屯門出名睇戲平，不過可惜而家疫情戲院冇開，食下野放鬆吓都好，喺戲院附近嘅gogomall商場，各式各樣嘅食肆都有，我哋揀咗「馬拉公公」好，睇吓有咩好食先。酥炸魚柳配冷凍當乾咖喱，魚柳即叫即炸，炸到金黃色好香脆，咖喱裏面有肉碎比較乾身，識落微辣。怡保芽菜，平時就聽得多，今日終於可以試吓，芽菜粗身得黎脹卜卜，咬落去索索聲，條條芽菜都好豐滿。檳城亞參海鮮叻沙，呢款叻沙會帶微酸，都幾開胃，個魚蛋好彈牙，米線控制得幾好，唔會太腍。飲品就叫咗凍薏米水、凍柚子蜜

最近疫情緩和番少少，午市食肆又開返堂食，所以就去下屯門一間裝修咗冇耐嘅美食廣場，試下一啲新嘅食肆，嚟得美食廣場，梗係食下啲平時比較少見到嘅餐廳，馬拉菜就係一個好選擇啦。今次食呢間叫做馬拉公公，聽講話係店主公公 係馬拉人，所以就開咗間呢個餐廳。以美食廣場店舖嚟講，餐廳都叫唔少選擇，今次就嗌咗一碗炸豬扒叻沙、雜錦咖喱海鮮飯，再加咗個小食嚟試。 雜錦咖哩海鮮飯啲咖哩味香濃 ，而且海鮮嘅種類都非常多，算係誠意之作。值得一提的是個小食係即叫即製，餅皮熱辣辣而且十分鬆脆，醬料份量都好多，都值得加錢去點一點。飲品方面，只需要加六蚊就可以加配一杯馬拉拉茶，味道及得上出面廿幾蚊一杯嘅珍珠奶茶，整體嚟講性價比都好高。

雅都商場，對一個非屯門本區人仕來講應該係陌生嘅，但對屯門人來講就唔同喇，事關佢係喺『新墟街市』隔離。呢日陪朋友來到雅都地下哂相，等嘅時間就順便到一樓嘅food court 行下，見到『馬拉公公』的招牌好得意，而馬拉呢類東南亞食品又係我所喜歡的，於是乎就叫咗两個外賣『怡保芽菜雞絲扎肉湯河粉』和『豬頸肉冬炎湯』作為今晚的晚餐。首先要讚嘅係，湯和河粉，飯和冬炎湯是分開擺放的，而且D碗質量好好，到咗屋企都完整無缺，豆芽肥嘟嘟好鬼得意，雞絲亦唔『鞋』，河粉亦keep到滑溜。『冬炎湯』的『香辣味』陪伴我回家的路，搞到我好肚餓，雖然係簡單二份粉和飯，但都慰籍咗我嘅『馬拉』胃。

宜家係香港都可以食到馬來西亞當地正宗美食，去屯門既馬拉公公就食到la🤩原來店主既公公係馬來西亞人，所以店名就叫馬拉公公🤣外賣番屋企都可以好正ga，食得辣既朋友更加無得頂😍為食餐單: 白咖哩海鮮滲滲🦐 $48平時我地通常會食開黃咖哩、紅咖哩，馬來西西亞既白咖哩更添椰香味，同埋好濃郁，滲入大大塊既豆腐乾食，好香啊😊餸仲有蝦、蛋、魚蛋、魚片、芽菜、豆角等，樣樣都加入左滿滿既白咖哩味🤤炸小雞腿配冷凍當乾咖哩(白飯)🍗 $45炸小雞腿炸得剛剛好，加上附上既秘製辣醬，我就成碗辣醬倒係飯度一齊食，夠曬辣又有風味😎桔仔話梅冰🍊 (跟餐+$10) 食完辣野飲酸酸地甜甜地又冰凍既桔仔話梅冰真係好舒暢又解渴🤤桔仔話梅既配合好match，出曬味😋怡保白咖啡(凍)☕ (跟餐+$6)白咖啡係馬來西亞既土特產，真係要叫黎飲啊😆無左平時咖啡既苦酸味，加入左奶提煉，變得更加順滑😋鮮蝦炸雲吞🍤 (跟餐+$20)炸得香脆，點上附上既甜酸醬，好惹味，內面鮮蝦肉鮮味，好正既小食😁

餐廳位於gogomall，第一次黎，原來個商場就係food count咁樣，都有唔同種類既食店，依間小店性價比都幾高，足料得黎又平民價，平均都係$4x就有個飯。我叫依2個都唔辣，不過見到其他款有2條🌶🌶，食得辣既就去食下喇🤣-🤍咖喱雞飯$45🤍檳城肉骨茶$52-🤍 咖喱雞飯⭐️⭐️⭐️見到有1條🌶，雖然睇落好辣，不過我個人就食唔到仼何辣味，我都算係個食唔到辣既人黎😂 個汁比較偏重椰汁味多過辣味，雞肉都嫩滑，索哂汁，配料仲有薯仔同腐皮，都幾足料。/🤍 檳城肉骨茶⭐️⭐️⭐️配料都好多，有原隻茶葉蛋、豬軟骨、腐皮、冬菇，湯底都保留到原本既藥材味，不過略為有少少鹹，如果重番多小小藥材味同淡番小小會更好。-環境：7/10服務：7/10好味指數：6/10回頭率：6/10

以前做空中飛人嘅時候檳城係其中一個好鍾意去嘅地方因為可以瘋狂食好西🤤依家落返地耐唔時都會好掛住果種滋味呢個商場嘅Food Court其實都開咗一段時間不過今日先得閒過嚟行吓搵食見到呢間馬拉公公寫住話個阿公就係馬拉人😂一於今晚同老公嘅晚餐就揀佢啦！餐牌都幾多選擇搞到我選擇困難症發作😂最後重口味人士梗係揀番啲重口味嘅選擇啦我哋叫咗薄荷咖喱奶炒大蝦同埋白咖喱雞絲滲滲嘢食應該係即叫即整等咗大概10分鐘左右啦侍應姐姐幫我將啲嘢食包得靚靚仔仔拎到返屋企兩兜湯都完全冇打瀉過😯👍🏾一路搭車返屋企戴住個口罩都隱隱約約聞到浸椰香味真係冇誇張！打開晒嘢食嘅蓋就更加係不得了🤤即刻變咗兩隻餓鬼個咖喱奶炒大蝦超級濃味！如果你鍾意食辣要試吓佢唔係死辣個感覺好厚唔知你明唔明我講緊乜😂應該係因為啲椰奶嘅關係大蝦份量都幾多啲汁我哋差唔多食晒🤤撈飯真係超正(肥？咩嚟㗎🤣)跟住係個白咖喱雞絲滲滲其實滲滲即係一半麵一半米粉幾特別係馬拉特色野白咖喱其實即係喇沙成個麵食落唔辣但係啲辣係喺你吞到落喉嚨之後就會慢慢滲出嚟層次好豐富呢個湯我真係飲晒啲椰香味真係令人難以抗拒🙈跟住我哋仲加咗杯美祿可能因為拎到返屋企啲冰已經溶晒所以冇想像之中

這間店舖位於屯門GO GO MALL裹面嘅FOOD COURT店舖馬拉公公！那間店舖雖然唔係好大間！食物方面相當唔錯！👍👍👍.至於食物方面:薄荷咖喱奶炒大蝦:賣相相當之唔錯！食落都好有質素！大蝦球入口十分之爽口！！非常之正！😋😋😋配菜都好新鮮！要講吓去嘅簿荷咖哩相當之有水準！食到入口味道濃郁！十分之香口帶有小小辣！又唔會好淡味道！👍👍👍.檳城肉骨茶:賣相都算唔錯！味道都幾好！食入口感覺味道好重好香肉骨茶味！D肉入哂味食入口真係唔錯！雞蛋食入口感覺都好香茶味！十分之正好味道！👍👍👍.以上套餐還有杯飲品奉送！至於價錢方面大眾化價錢！食物又有質素！價錢又唔貴可以試試！👍👍👍

疫情關係，而家好多時都係買嘢返屋企食，好少係街外食，感覺上安全啲。平時食開嗰啲食到有d悶，今日竟然見到間馬拉菜，價錢唔貴就一於試吓☺️我哋首先叫咗個吉列豬扒配冷凍當乾咖哩，初頭一開始聽個名唔係好明白係咩嚟，問咗老闆娘，佢話有啲似巴東牛肉☺️食落口係估唔到咁好味！比平時香港嘅咖喱有d唔同，我個人更喜歡呢一種味道！豬扒份量足，仲要勁香脆，一定會再食！男朋友叫咗個雲吞叉燒黑醬乾撈麵，嗰醬鹹得來又帶有少少甜味，口感都幾豐富☺️另外我哋仲跟餐order咗杯凍嘅馬拉黑咖啡，都好好味！👍🏻

今日食既呢間餐廳係位於屯門既餐廳，性價比超高，因為平均價錢都係4X蚊!! 完全係好抵食由於晚餐只能夠外賣既關係，我呢啲無飯主婦只能夠餐餐食外賣，即使係外賣都唔能夠每日食既都係一樣既！就試下啲新野今日食既係檳城福建蝦麵呢個蝦麵料都幾足下，有魚片，蝦，肉片等等，加埋紅卜卜既湯底，帶點微辣，味道不錯！！檳城肉骨茶肉骨茶既味道濃濃的，帶一點辣味，最點心既就係店家用真空既湯袋裝住，完全唔怕會漏出黎！！加分咖哩馬來酥餅呢個餅超好食！脆脆的好夠味，而且好香口，整個酥餅先係靈魂所在！！必食點個肉骨茶食黎食真係無敵！！