馬德里餐廳

营业中

休息中

大家好今晚去了深水埗既皇德里餐廳食野這間餐廳就在深水埗黃金電腦商場對面第一個餐係西冷牛扒餐首先跟左羅宋湯和餐包湯都幾多蔬菜仲好重茄膏味道少少辣餐包上枱都係熱既另一款忌廉湯都幾Creamy仲有好大片磨菇西冷牛扒餐可以加$8要焗田螺甘就當要要加啦焗田螺都係即叫即焗上桌時熱辣辣田螺質感都係腍不仲都仲有少少口感田螺和蒜蓉既汁也落到薯容所以薯容都非常之正至於牛扒餐係上枱先淋汁我要左黑椒汁上桌淋淋可以聽到渣渣聲牛扒我點了7成熟切開牛扒都接近7成熟仲有少少紅西冷牛扒唔會醃到好勁 都食到牛肉既質感黑椒汁都夠惹味跟餐仲有薯條和翠肉瓜另一個餐係吉列魚柳芝麻醬什菜沙律吉列魚柳炸得好香脆什菜沙律都新鮮仲有好多干果之後再追加左焗鮮茄猪扒飯焗鮮茄猪扒飯都係即叫即焗好多芝士有少少燶比較香茄汁都幾多仲有鮮番茄飯底都有炒過豬扒都夠厚餐飲方面 三個餐都要左凍檸茶凍奶茶和凍咖啡味道都好正常最後甜品仲有什果啫喱落左花奶味道都唔錯總括呢間店性價比都幾高其中扒餐比較出色

趁住放假陪朋友仔出深水埗買野，成條街咁多好野食梗係食埋野先閃啦，經過福榮街見到有間食港式鐵板餐嘅「馬德里」坐滿晒人，二話不說即刻入去試下先😆鐵板餐包括餐湯、餐包、沙律/田螺、各種扒類同甜品，價錢只係百零蚊，抵食夾大件👍🏻羅宋湯/忌廉湯我地揀咗紅白湯各一，羅宋湯內有大量椰菜、紅蘿蔔同西芹，茄味濃郁，忌廉湯內有大大嘅蘑菇，creamy奶香味濃，用鬆軟嘅餐包點上忌廉湯特別好食😋日式芝麻醬田園沙律沙律菜新鮮爽脆，再加上蕃茄仔、粟米粒同提子乾令口感更加豐富，配上日式芝麻醬特別清新又開胃法式蒜香薯蓉焗田螺一上枱時已經聞到香噴噴嘅蒜香同牛油香味，螺肉軟稔入味，底下嘅薯蓉吸滿牛油，軟滑細綿，我同朋友仔一致讚好👍🏻懷舊鐵板T骨牛扒配薯菜店員會先問我地想要幾成熟，我地嗌咗5成熟，生熟程度啱啱好，牛扒夠晒大件亦冇筋，肉質較為緊致有嚼勁，咬落依然充滿肉汁而且一啲都唔韌，用作鐵板餐最合適，與香濃嘅黑椒汁係最佳拍檔✌🏻懷舊鐵板珍寶雜扒配薯菜必點👍🏻我地另外加咗一份意粉，雜扒包括豬扒、雞扒、珍寶腸同煎蛋，我先將太陽蛋放上意粉上面加上黑椒汁再撈埋個蛋黃一齊食，超正😋豬扒肉質鬆軟，厚厚嘅雞扒先煎過後再放上鐵板，外皮香口

今日行完深水埗玩具街，記得呢度有得食鐵板餐，仲要超級抵食，由玩具街行過去都係好近。餐湯同餐包非常好味，餐廳整得很用心，連餐包都是焗咗熱辣辣上枱。我哋叫咗一個肉眼扒鐵板燒，一個雜扒鐵板燒。Menu上面好特別地有得叫田螺薯蓉，非常之懷舊，唔係邊度都可以搵到。田螺配上香草，非常之惹味，下面仲有香滑的蒜蓉盤，多重層次。肉眼扒鐵板燒都只係$128 ，牛扒很大塊，雖然配上黑椒汁，但是沒有奪去牛肉本身的味道，而且黑椒汁一啲都唔辣。雜扒煎蛋配上燒汁，10分惹味，香腸大大條，雞扒同豬扒都煎得非常之香，而且仲要大大塊。如果兩個細食的人嚟食，基本上一個鐵板餐，再加一個白飯，已經夠兩個人分享。飲品加$9就有鹹檸七，加$7就有檸檬利賓納，兩樣都是非常懷舊的餐廳才會有，可以解一解肉類帶來的油膩感覺。呢個餐仲有甜品，花奶啫喱，入面非常足料，淡淡果肉。

去深水埗黃金買野前覓食先喺對面有間港式据扒餐廳，就入去試下我哋係lunch時段去，每日有唔同既lunch menu，價位大概係$6x左右，有据扒有焗飯揀，包左餐湯同餐飲(不過冇餐包)我哋2個人嗌左2個 肉眼牛扒拼炸蝦 一個配薯菜，一個配意粉 $69@一開始就嚟左2個餐湯先(冇得揀，得紅湯)好快主菜就嚟喇雖然唔係鐵板上，不過呢個價錢有呢個份量好驚喜！大過埋面既肉眼，質素唔可能有太大期望都好可以接受！黑椒汁分量都好足仲加左個薯蓉焗田螺+$18有4粒無殼田螺仔，重點當然係薯蓉，正呀，加$18好抵玩飲品就不過不失啦推介俾對港式据扒有興趣既你哋

去深水埗掃貨，醒起幾年冇去過呢間茶餐廳，下午茶時段人唔滿（係流感covid夾擊時期，呢點非常重要），於是入去「重溫舊夢」。其實「舊夢」係點已經唔記得⋯⋯不過D裝修係ok嘅，唔會感覺好污糟。叫左2個下午茶餐：鹹牛蛋熱狗、煙三文魚蛋牛角包。野食未到，先幫趁女廁。必經廚房，見到張地墊真係幾唔開胃，廁所都同樣只可以要求去得到就算。講返食物，熱狗先到，嘩超大隻好壯觀！（阿姐聽到我講都笑）夾左N隻滑蛋，係好食嘅，不過真係蛋多到有D「漏」，食埋伴碟D芝麻醬沙律好D。沙律係西式個種，有火箭菜、羅馬生菜、番茄仔、菠蘿粒，冇欺場。我個牛角包要等耐少少，一樣比平時食嘅大，蛋又係好多（早知唔叫2個有蛋嘅餐），一樣有大堆沙律。2個人好努力食完個包，ko左8成沙律，已經可以飽到夜晚！飲野我叫左熱奶茶，幾滑幾夠茶味。老公叫熱檸茶，應該冇乜特別。招呼都ok嘅。埋單$90，值嘅。不過蛋同沙律實在太多，下次唔會咁叫喇。

百四蚊有鐵板T骨，西冷、肉眼百二，主攻扒餐，性價比甚高，至少低食過雄茶定位模糊嘅茶仔好好多，有限範圍專心做好自己想做嘅野，食客一定感受到，服務環境按理都收貨，至少有當年「美而廉」之回憶返返嚟，值得再去！

諗唔到食乜又咁啱行到馬德里，見唔係太多人就入左去。呢間唔算係我 regular 既 restaurant, 都有幾年無食過所以都想睇下而家係乜嘢水準。叫左西冷扒同個蝦醬炒飯，個西冷扒竟然幾好食，個炒飯就唔係好夠蝦醬味，份量亦算少。嘢飲係要另外加錢既。深水埗區黎講個價錢就唔算平。餐具都算洗得乾淨既，仲有大張餐巾供應，有分加。如果要水就要自己拎，睇張單無加一，所以算啦。服務態度可以，都算有禮貌。個扒落汁會提你遮一遮，收嘢又唔會唔出聲好似想趕你走咁。食完坐左陣仲埋黎問要唔要啫喱添！

午餐去食左個牛扒餐質素一般，呢個價錢無諗住有幾好，只求填飽個肚。不過服務質素真心差，嗌咗多飯但最後都無俾多，之後叫左侍應加飯但最後都當無聽到無俾到。所以覺得唔值呢個價，都系唔推薦去。

餐牌全部没有，服务态度又不好。价格又贵，晚上的优惠套餐也没有了，希望朋友下次还是不要大老远跑过来被骗，牛排的汁没有分开上，是服务员帮你淋上去的。变的汁很少。牛排太难吃。

已經實地食過好幾次，早、午、晚餐都食過，食物質素一般唔難食，但未至於好。廚房好求其，切肉連順紋橫紋都唔理，牛肉豬肉時常韌口，鐵板餐要幾多成熟都好，嚟到都八九成熟晒😡，咖啡茶品亦參次不穩定，啲冰有時候會有螞蟻屍。員工態度傲慢(黑口黑臉)，有問題佢地會Hea答，飲品有問題佢地會一手搶杯飲品道「換過俾你啦」*注意態度極度不滿*，點餐後半小時多仍未到，一問佢地即黑臉答「就得㗎喇」*連去水吧廚房睇都冇睇過就洒你*😡，同收銀處員工投訴，只有一種呆呆板板回應「哦。。哦。。哦！知道知道」！！嘥氣！！員工態度超差😡😡

there's not many options on SSP, even in Dragon Centre.Madrid has steaks! And decent sized, not those small paltry things that high-class restaurants offer. AND they allow you to order Medium Rare, which is not always allowed at other places.Maybe because we ordered medium rare, but the food was served extremely fast! the sides of salad and escargot too!definitely going back!!!

住附近，平時經常會買早餐外賣，前幾日買時，因為套餐有多士，餐廳唔會分開裝，會同其他有汁嘅食物一齊放，平時都覺奇怪（正常都會分開裝及用紙袋），咁為免整淋多士就自己要求分開裝，咁餐廳負責人表示要收1蚊，咁無問題照俾，點知錢照收，結果多士都係放埋其他有汁食物度😓，咁嘛致電餐廳反映，負責人就話可以去攞返個一蚊多收的外賣袋錢。今朝屋企人去買早餐就叫佢攞返1蚊，點知落單時同收銀講，都當聽唔到唔理，到俾錢時再講，對方就好唔鍾意兼態度惡劣唔想俾，仲反指我哋多攞牛油，佢哋都無收錢，仲話一個牛油要收2蚊，其實你俾時可以講要收錢的喎，又無迫你一定要免費俾，依家係你哋做唔到，同顧客講可來退錢，跟住又唔想俾，仲要反口責怪顧客，雖然最後俾返1蚊，但咁的態度，出爾反爾，以後都唔敢幫襯

在深水埗福華街有多間食肆，中式點心，泰式，台式，上海，燒味，湯粉粥麵和港式餐廳，真是各適其適，總有一款適合你。話須如此，每間食店的店舖都不大，而且裝修普通。今天揀了在午飯時很多人光顧的餐室，無論附近的食店不停換完又換，它仍屹立不倒，看來有一定的客源。我點叫了一份黑椒汁肉眼排珍寶腸餐，先上的是羅宋湯，湯味道不錯，但很少料，主菜就跟薯菜，份量是足夠的，薯仔並不香脆，配菜是凍的，黑椒汁淋滿整件肉眼排，但肉眼排是全熟的，所以肉質較乾和硬，不過總好過有些餐廳將牛排用粉醃到冇肉味，珍寶腸便是大香腸一條，飲品是港式奶茶，但奶較多。我沒有把全部食物吃掉，因為牛排不太滿意。如果以一般餐廳來說，它算中靚中矩，用幾十元消費的一餐，難道會用上佳的材料和心機嗎？可以填飽你的肚便算吧。

每個月出糧之后，都必會落深水埗一轉，交D什麼上網費同電話費.另外順便食吓好嘢行吓街.女友小熊八八卦卦又話要跟住嚟! 而我攪完一大輪之後佢就話想食西餐.深水埗有兩間唔錯西餐廳，一間叫紅蕃茄，另一間係馬德里.飛鷹同金鳳?算吧啦!紅蕃茄遠咗少少，於是去馬德里.小熊點咗份鐵板西冷七成熟，我就點咗黑菘露炸軟殼蟹意粉.記憶中食炸軟殼蟹最大份量係金鶴拉麵，今次係第二次!份量足無偷工減料，因為依家食D軟殼蟹總係 BB size，見到咁大隻當然有驚喜!再加上軟殼蟹外脆內軟，兩種口感同時入口，滿足!意粉望落以為份量不足，但其實係錯感，份量絕對唔少，再加上黑菘露汁又多又香濃，意粉用上比較幼身(唔係天使麵)嘅麵條，唔係用D粗身我唔欣賞嘅意粉，所以對哩個意粉評價極高!鐵板西冷第一關當然係D獨有嘅"咋咋"聲啦!不單只小熊果份鐵板西冷發出"咋咋"聲，我聽到其他食客嘅鐵板餐都有"咋咋"聲，即時令我諗翻起當年係飛鷹食個什麼鐵板餐，聲都唔聲吓，從此 byebye.西冷入口 juicy 鬆軟入味，小熊食到好鬼滿足，但就係唔埋單!如果鐵板餐用上我中意嘅三色豆就100分了!

落去食早餐，嘢食普普通通，唔係好好食，但又唔難食嘅，只食早餐，午餐晚餐唔會揀，因為好重味......最影響人去選擇食唔食係服務態度真係超級勁惡頂！！作為食客嘅嚟呢度係要預咗受氣同接受不平等的待遇！！落咗單凍檸茶要少冰，出單都無錯，但係嚟度無少冰，仲要係成杯都係冰，同個啡色髮馬尾的女侍應講，叫佢睇下成杯都係冰，反而發脾氣話係廚房問題，唔關佢事，頭也不回，檸茶都唔拎去幫忙換，唯有自己拎去廚房同另一個侍應講，都忍唔住都鬧咗幾句！可能被人話完，轉頭另一張枱要加奶，佢又拎去加... 睇心情做嘢？！定係有親戚關係？？咁嘅服務，真係第一次遇見！如果大家想去受氣，被人發洩，歡迎光顧，領教一下如此優質的服務態度！