馬得里

营业中

休息中

這裡的食物份量很足，牛排的面積比你的面更大。鐵板熱度很高，倒汁的時候切記要用紙巾擋住以免弄髒衣服。飲料建議加一點錢喝大杯凍飲如大檸樂。最後的啫喱也有懷舊的味道。非常地道香港的感覺。

1. 入到去冇人安排位置，自行搵位置坐低之後就會俾人趕去另一邊。2. 冇人俾Menu，主動問個女職員拎，一邊食住啫喱，一邊Hea你，之後就唔拎俾你。3. 明明餐牌寫住下午茶時間去到6:00 ， 5:00話俾你聽唔再做下午茶。4. 落單時所有附加項目都冇，但隔籬枱比我遲5分鐘入嚟乜嘢都有。個職員自己唔熟嘅嘢就話冇。5. 成日落錯單，紅湯變白湯，飲品又錯，幾多成熟都落錯。6. 上湯嘅時候個職員倒瀉嘢都唔安排人過嚟抹7. 同佢哋講落錯或者做錯嘅嘢，個職員好串咁講「咁你而家係咪唔要？」，跟住個職員自己同個經理講話「個客又話唔啱」。講到好似我係西客咁。成間嘢冇乜好，唔值得幫襯。快啲執咗佢啦。

位於荔枝角長沙灣廣場 門面裝修貴氣 環境寬敞座位舒服傾到計 價錢親民服務殷勤唔駛排隊😌大件夾抵食 肉扒juicy😋😋食完唔會成身油煙味 破舊立新保存港式風味 水準高👍👍值得回頭再幫襯既扒房🥰🥰睇到餐牌有不同配搭 有燒春雞配魚柳當然有雜扒，最後我嗌咗個肉眼配牛舌＄168（5成熟）見到可以加錢久違既酥皮忌廉湯回憶返晒嚟 😝😝頭盤：鐵板田螺焗薯蓉都係加$18整一份 🤩🤩餐包軟熟，熱到適中唔似得老派扒房石頭麵包 酥皮湯雖然要等幾分鐘，嚟到好似菠蘿包咁大個 但係即焗入口層次確不同 😋😋嚟到鐵板燒未落汁已經出晒煙 隨即侍應落個黑椒汁 🤭🤭落汁黎肉眼扒仲保留血水肉汁鮮味切落軟熟入口有𡁻頭牛舌仲有兩大件食落軟腍腍，仲好重牛味大件夾底色仲有啫喱送🤗🤗

開業以來，一直見人龍精心選了三日連假人人北上第一晚試食工廠區晚上6點驚見9成9入座率T骨羊架意粉全在水準之上仲有懷舊鐵板落汁+花奶啫喱難得服務員全部高效率，反應快，有心CP值極高，預計回頭率應該不低，晚晚爆場前應該會再黎多次

試業中第一次來食唔錯，食物份量大又多，職員效率快。D扒大份，仲有甜品食👍🏻。第二次來食，簡直兩個世界，職員態度差，完全無效率，先來餐飲，然後上扒，沒有上餐包及餐湯。問職員之後才送上。D餐包濕濕地及鐵板完全唔熱，所以今次個扒麻麻地好食。食飽後問職員有冇甜品，佢話有，仲問加唔加花奶，等咗20分鐘都冇送嚟，再問又等10分鐘都無嚟，真係等到火都嚟。今日突登揸車過嚟食，點知咁嘅服務。真係唔敢再嚟幫襯。而且嗰度呢通風系統好差，食完走都成身油煙味👎🏻👎🏻👎🏻

試業中，第一次來時，職員服務態度可以，有效率。第二來時完全兩個世界咁，沒有服務，效率超慢，主餐來咗，但餐包餐湯又叫極都唔上。用餐後問職員有冇啫喱，佢話有，仲問加唔加花奶，最後等咗20分鐘都沒有送來，再問職員都仍然冇送來。在試業中都搞成咁，都仲未正式營業。真激氣，唔會再來幫襯。

好耐無去荔枝角，經過見到試業中咪試下。不過無叫到貴嗰啲扒餐，淨係叫左最平既鐵板漢堡扒同意粉。份量係好充足，意粉成碟好重手，打包左半碟走；鐵板餐有薯條再比埋飯，套餐仲有包餐包，湯，飲品。鐵板塊漢堡扒就偏硬偏乾同埋啲汁可以再多少少黎餸飯，棵西蘭花就硬到切唔開。服務方面就正如其他評論所描述有待改善。某員工幫我落單，好似好唔耐煩不斷challenge：我指個menu比佢睇，又話我指上面定下面，指幅圖但講上面個名，口不對心究竟你要邊個，最後我索性講個exact價錢。之後我繼續講要燒汁，凍檸茶，佢又話唔好同我講咩汁遲啲會問你🧐問我要咩湯先，我答完，佢又再問咁要飲咩，我又再指返個menu話凍檸茶，之後佢話你要大檸茶定凍檸茶，你又指幅圖但又講凍檸茶即係乜，兩樣野黎喎要加8蚊，我再睇下幅圖先發現原來隔離有個係加大版既凍檸茶，我心諗新開張試業個個都係第一次黎食鬼知你個menu咩結構，講多句唔洗句句都窒住曬既。其實嗰陣都平日夜晚8點幾，又唔係好多人，都唔覺得係好繁忙既時段。之後到個餐黎左佢先再問你要咩汁，即時幫你倒落去😯終結，係for大食既人，一係你叫少個餐share，不過唔知有無低消🙃

去過兩三次，分別下晝同夜晚食質素都幾好蔥油雞飯好香最愛酥皮湯冇諗過T骨豬扒都咁厚實好食嗰日着咗淺色衫怕鐵板上會彈到污糟叫佢碟上都好靚都好大碟朋友食過煙三文魚意粉都話好正，下次可以再試

新開張第二星期去食加單有漏單，我明白。屋企人想問一問，揮手無人應，職員巡場目標係收野，見人舉手就直行直過。媽媽揮手講唔該都無人應，因為坐好角落惟有企係身揮一次，半場黑衫男經理？衝過嚟，成個球證咁指責式話「你哋加單吖嘛」，講一句駁三句，無野想同佢講，想表達少少都無空間去溝通。另一個女經理好好好好禮貌，主動嚟問返。好多謝佢。當日3個牛扒餐都肉質普通，偏硬，賣相可以。自己同姨姨嘅常餐豬扒好硬（食一舊就放棄）炒蛋好多水 多士勁乾通粉係最好可能無圖無證據啦，實在無心情影相。可能我用餐前，預期過高，諗住分店食物同服預都會好，期待改善。

新餐廳試業階段，日日經過都見到排晒隊，入面大部份人都係食扒，但都有啲食焗飯或者意粉，好似幾大碟。終於星期六晚去試左，前面都十零個人，但好彩等左十零分鐘都有得入去。叫左一個西冷，一個牛柳，賣相唔錯，份量都大方，薯條多到食唔哂，西蘭花就偏硬，汁就可以再慷慨啲，少左啲。

呢日嚟咗呢度試新嘢，見佢啱啱開話係試業中。其實本來唔諗住食扒，不過一場嚟到又好似試吓佢啲鐵板好啲喎。有餐湯有餐包有牛油，正正常常。味道都唔錯，塊扒好腍… 食鐵板最開心嗰下就係淋汁咋一聲嘅感覺。不過啲薯條被浸腍晒其實會唔會分開上好啲呢？凍飲要加$4 有埋依個懷舊啫喱杯見到都有唔少人嚟呢度試新嘢，整體嚟講都合格嘅，我揀最平嗰隻鐵板。其餘嗰啲都要$168，如果揀意粉或者飯好似要加錢。環境都算坐得幾舒服，合格。

成日都經過好多人排隊可能新店掛😅但係今晚試過之後值得再試😆但係冷氣就唔足夠🥴今日晚上八點左右星期日座無虛席要等大概15分鐘先有位🤭剛剛好俾個位係街景😎即係卡位落咗order好快就有餐包餐湯滾熱辣👅羅宋湯味道👅剛剛好忌廉湯唔會太粉漿👅餐包係熱辣辣嘅附帶獨立包裝嘅牛油👍🏻叫咗一個肉眼扒～肉眼扒七成就比較硬兩塊薄切一個牛柳～嚟到都幾震撼🤣厚切軟腍腍👅叫咗兩杯餐飲凍檸茶熱檸茶👅茶味好足夠仲有三片檸檬🍋準備離開之際😏再問吓服務員係咪有啫喱佢話係😏完全係童年回憶嘅啫喱提子味👅花奶剛剛好🤣值得再幫襯唯獨是就係唔夠冷氣好熱🥴希望有待改善💪🏻最後仲有一樣嘢只收現金🥲其實就真係幾麻煩希望遲啲會有電子收費😚服務員嘅態度相當好👍🏻希望繼續努力👍🏻支持支持🥂

荔枝角新開牛扒🥩 2人 食左$213 睇價錢就抵既 份量亦大叫左肉眼扒 牛柳～ 一杯特大凍檸茶 酥皮忌廉湯酥皮唔錯 仲要幾靚幾好味～ 檸檬茶好夠飲.環境都算幾好 推薦要卡位座位比較舒適.扒： (啲醬汁會喺你面前問你要邊款 幫你落 黑椒/燒汁).✨肉眼扒 叫5成熟 叫七成熟以上嘅建議揀牛柳欣賞啲薯條 好味嘅.✨牛柳 D聲炸落去 好掂的如果食呢款 都可以再返嚟嘅