馬哥奇冰

营业中

休息中

啲西米勁硬⋯ 咬完 覺得會哽住個胃同佢講完廚房個女人話 係啲雪糕搞到個西米硬🤣🤣如果係咁 你個甜品係咪唔適合西米配雪糕？食晒啲硬西米⋯食到我成頭問號😅個回覆都好唔合理價錢高 態度差⋯

本人由讀書時期開始幫襯這一間糖水店，但想不到現在的服務態度如此惡劣。一晚和朋友去食宵夜，剛坐低想落單叫個糖水食，理解有陣時有某幾款糖水會缺貨，但職員的回應態度令人感到不友善，職員的嘴臉感覺到好似得罪咗佢哋咁樣，這是其一。其二，當我想了解多一些餐牌上的項目資訊（有個中文字好似打錯，以致我睇唔明所以想了解這是什麼菜式），職員的回應態度更加惡劣，應該是同一位職員「自己睇下面嗰行啦，咁咪即係打錯字囉」。不明白直接更正這個是什麼字有咩困難？定係想兜個圈串番個客等自己立於不敗之地？還是覺得我有心挑釁佢哋？（我冇咁得間）。放在正常的人與人溝通已經是有問題更何況這是服務業？不奢求待客如賓，只求基本尊重，但似乎喺呢間舖裏面沒有這份基本尊重。即是已經是這間鋪的多年熟客，但現在的質素淪落到如此地步，令我不會再幫襯這一間店，亦會告知身邊的朋友我在這間店的經歷，以免有相同待遇。明白現時香港飲食業比較艱難，但香港仍然有不少小店仍然堅持為客人帶來美好的就餐經歷。可惜這一間店沒有，就我所見，反而是攞客嚟出氣？還是恃著經營多年把自己放在過高的位置？還是已經無心經營？不管如何，本人對這間店已徹底失望，或者損失我一個客沒有

屯門 - 糖水舖Hey girls～第二個胃ready好未？污嘴狗今次介紹一間糖水舖畀大家～【自己撞豆腐花】🤗！到底係咩呢？就係畀一個加熱左嘅木桶，然後伙記會叫你迅速將液體嘅豆腐花加入去木桶，再蓋3分鐘就食得！WO妹覺得新奇又有趣，要眼明手快先做到👀！同埋好少地方會用木桶做甜品容器，覺得都幾特別～𝑫𝑬𝑺𝑺𝑬𝑹𝑻1〉自己撞豆腐花 $28有得玩有得食！可惜唔知係唔係伙記拔啲泡唔係太好，唔算好滑身～不過製作過程都幾有趣～2〉楊枝甘露 $51 （推薦🌟）好意想不到，唔係平時水汪汪嘅楊枝甘露～係沙冰口感～每啖都有芒果味！但就真係好冰凍（哈哈），敏感牙齒要小心！環境．7/10服務．7/10人均．$30-55污嘴狗覓食指數．8/10#污嘴狗 #hkfoodie #hkfood #food #hkig #instafood #foodie #hkfoodblogger #hkpics #hkrestaurant #hkrestaurants #streetfood #美食 #好吃 #吃 #出去玩 #美味 #美食分享 #美食愛好者 #美食攝影 #美食旅行 #美食料理 #美食相機 #美食玩家 #美食小吃

朋友推介下，今日去咗屯門比較出名嘅馬哥奇兵，試吓強烈推薦的冰翅。入到去，環境企理，雖然唔係太大，都坐得舒服。我嗌咗香芒冰翅同埋鮮果撈月，等餐時間都幾長，差唔多15分鐘先有嘢食。香芒冰翅$60 呢個價錢真係偏貴，物好細兜，喺雪糕上面加咗一注大概係素翅提升口感，算係比較有啲特色。但係芒果汁味道有啲假，食得出唔係新鮮芒果打出嚟。另一碗鮮果撈月唔錯，材料豐富，有火龍果，啫喱，椰汁糕等等，味道似泰式珍多冰。兩碗糖水埋單$115，食一次尚可，但未必有下次。

幫襯咗三年，一直都係有一個好好禮貌嘅姨姨幫我落單，我哋仲會傾偈，有傾有講，今日第一次見個老闆，睇抖音影片睇到大大聲，好好聲氣走過去問佢可唔可以細聲啲，即刻大大聲話「唔做你生意！我嘈到你咩？我係老闆我想點就點就！」 嘩！好惡啊，好驚呀！我知道冇咗我一個客，你損失唔大，但係你咁樣做生意，咁樣嘅態度，你覺得冇問題？ 一句唔滿意就話唔做人生意，人哋唔知以為我免費去食糖水！ 以後唔會再去幫襯，屯門唔係得你一間糖水舖！不知所謂！

這家是在美樂花園的糖水店也有在賣小食地點是輕鐵美樂站我覺得以街坊生意黎講定價偏貴每碗糖水平均50以上我朋友吃奇冰的也不怎麼樣 份量還很少 味道只是正常發揮街坊質素的出品但比外面的糖水店還貴期間由點餐到尾都是等等等等等態度不友善我的豆腐花等最久！！怎可能外面是很脆，但炸粉同樣都很厚🤣 60左右豆腐花一般般，也沒有很滑，好像也要40左右這次是駕車剛好路過來試下因入夜附近的食肆（有串燒、糖水etc）都將啲摺枱摺櫈擺放出來，像大排檔一樣有街坊宵夜的風味，吸引了我可是食物一般，住附近是可以，但外來人不會特登再來吃。

依間舖頭真係無下次，首先無禮貌可言，埋嚟叫野食望都唔望客人，就落order仲要話唔知等幾耐，田8點25分等到九點都都未有，我叫左個豆漿湯丸都有排等🤦‍♀️😮‍💨！🤬🤬🤬

這間甜品舖開業已經有十幾年，今日故地重遊味道質素不如以前但是充滿中學回憶.榴槤奇冰，味道對比以前淡了不少.但西瓜沙冰和芒果沙冰飲品較為出色而且小食也較為吸引，蘿蔔糕，炸雲吞，炸薯條全部即叫即炸熱辣辣香脆美味.

去食佢哋啲甜品，啲奇冰可以接受但係啲小丸子真係不能接受，大粒到成個冇餡湯圓咁🌝，食佢哋啲牛奶冰非常之甜，但係食到後面有啲奇怪顏色出現咗，懷疑係上一位食客啲士多啤梨冰，正路牛奶冰唔會出現粉紅色嘅冰只可以講真係嚇親見到都冇晒食慾！…………………………………..唔會有下一次………………………………………………………………………………

入到蝴蝶灣路過呢間馬哥奇冰。記得好多年前係網上睇到呢間既賣點係自己撞豆腐花既然咁有緣，就入去試下新野我入去既時間係11:55分。老闆話啱開門所以得凍野無熱野，除左豆腐花既然我一心入黎都係想食豆腐花就無所謂啦首先揀做一個26蚊既熱既姜汁自己撞豆腐花，首先去上黎係一個加熱左既木桶（外邊唔熱）同埋一桶液體既豆腐花，然後老細會叫你迅速將液體既豆腐花加入去木桶度再關蓋等3分鐘就食得3分鐘完成後就如上圖，不過唔知係咪我加之前猶豫左幾秒同撞得唔夠快，豆腐花中部有D水狀，而底部就無呢個問題另外就另上一份薑汁味道上其實同其他豆腐花都係大同小異，純粹係gimmick野如果大家有興趣都可以去玩下！

#馬哥奇冰 去到舖頭見到側邊嘅報章雜誌訪問，大概都知道呢間野已經開咗好多年😎有啲2013年嘅報紙💾我之前都有同同學嚟食呀，之前仲有得自己撞豆腐花添👍🏼👍🏼芒果湯河 🥥🥭個名係咪好特別呢😬其實係甜品嚟㗎，並唔係一般嘅河粉，係用椰子汁做嘅河粉😋加上面頭嘅芒果同埋西米露，又有甜味又有彈牙嘅口感😚另外仲有撈河㗎，就冇咗西米露同啲汁😛炒麵就一般般啦因為好乾😩黎糖水舖都係食返糖水好啦🤣🤣🤣📍 馬哥奇冰 (屯門)屯門湖翠路美樂花園86號舖

👉🏻雜果西米湯河 $44雜果嘅份量都算幾多 有火龍果西瓜蜜瓜菠蘿 最欣賞佢嘅湯河😚椰汁做底配上椰汁做嘅河粉😋甜度適中👍🏻五會過份甜。而佢嘅西米都五錯，五會過軟或者過硬。底部仲有d椰汁冰👉🏻榴槤西米湯河 $50佢同雜果西米湯河一樣 只喺將雜果變成榴槤。尼個喺朋友叫所以就冇食到🙊👉🏻香芒蘆薈小丸子$43佢係一碗芒果汁加上芒果肉蘆薈同小丸子佢嘅芒果汁五算好「結」，不過都好有芒果味。而蘆薈同小丸子都屬於正常👉🏻蜜汁雞中翼 $29尼個Y小姐冇食到😢所以五知味道如何🤭👉🏻炸薯條 $23正正常常 不過由於即炸嘅所以好夠熱 薯味就五會話喺好濃㗎啦🤫好食度：😋😋😋/5抵食度：💰💰💰/5環境：👀👀👀/5服務：⭐️⭐️⭐️/5📍 馬哥奇冰

來屯門搵朋友玩，朋友帶我哋去食甜品，我點咗一份朱古力味嘅綿綿冰，一份分量幾足，綿綿冰嘅朱古力味好濃郁，又唔會太甜。冰喺真嘅好細膩綿密，一啖落去，朱古力味喺口中爆出來，好食又解熱。

到屯門探訪朋友，沒有什麼選擇下，去了一家糖水店吃小食。黑椒雞排上海麵，$47。雞排出色，黑椒汁很濃香。上海麵都夠嚼勁。九菜叉燒炒蛋飯，$50。炒蛋夠鑊氣，香味四溢，增進食慾。

今日難得喺屯門就嚟左馬哥奇冰食甜品！好耐冇食過啦！！今次叫左一個紫薯奶昔同一個自己撞嘅豆腐花！紫薯奶昔出乎意料地好飲～仲要有雪糕喺上面～正！而自己撞豆腐花就幾時都咁正啦！果然係呢度嘅招牌😍