馥盈軒 (已結業)

心大心细这间新开酒楼水準得唔得，可唔可以系度招呼客人，昨日终于去试咗，中午和日本客人同朋友同事一起饮茶，点心唔错，地方干净，以为ok，同经理订台，讲明食火锅，问明唔系用gas爐，系电磁台平爐，话明系请客，请去安排张好的嘎台，晚上去到，话去地只有3~4张电磁平爐台，比较好位置嘎比人坐晒，净低一张系个角落里面，无计唯有接受坐出面大台用gas爐，搞到客人同自己成晚企系度食，叫个鸳鸯汤底，要求一边清汤一边四川辣汤，第一次上系一边清汤一边沙爹，叫换，再上系全窝辣汤，再换先岩，点食物，水準认真一盤，但预咗无期望，但居然虾都唔无，点咗个象拨螃，跟上嘎应该系washabi 鼓油，但黎嘎居然系喼汁washabi，比我的客笑到面黄! 点支白葡萄酒，个经理用冰桶chill住支酒黎，good job! 但睇真的，四个葡萄酒杯插晒入埋冰桶里面，罗返出黎湿淋淋，杯里面重有水，抹都唔抹，水都唔到就像倒酒，OMG! 食完碟聖子，睇台阿姐话垫底几片生菜都食得，我地话唔要啦唔该，以为去会收走去，过咗一陈去又埋黎话的垫底菜都食的，我地又话唔洗啦唔该，但的碟始终唔收到，成晚亦无帮我地换过碟，埋单1700几，四个人，平均450

一早訂咗位下午1點10分, 但去到酒樓接待處小姐竟然問我係咪有人到咗? 我第一個反應, 吓....冇喎, 好彩佢仲有其他吉枱, 即時比到枱我, 其實客人話訂咗枱, 最基本除咗問人訂咗貴姓, 都要問下留枱電話幾號呀, 確認到真係訂枱果位客人, 亦都保障到訂枱者真係留咗座, 唔係訂座嚟做咩? 我地4個人叫咗12樣點心, 大概等咗15-20分鐘點心慢慢咁出蝦餃- 皮都算薄, 蝦肉爽口燒賣- 呢到既燒賣上層係全隻蝦, 料都好足, 味道不差燒腩仔- 個人覺得偏肥, 啖啖肥膏, 食到成口油豉椒牛肚- 牛肚好淋, 而家好入味排骨- 賣相好似麻麻地, 但味道都尚算可以豉汁鳳爪- 鳳爪好淋, 而家好入味, 不錯春卷- 一般, 好似放咗好耐咁蝦腸 - 賣相好奇怪, 我第一次見酒樓腸粉會拼兩條菜, 再加上豉油喺底又唔係多, 面既粉皮全部冇汁, 有幾件食落口好似冇味咁流沙奶皇包 - 即食可以做到流沙既效果, 而奶皇餡比較甜牛柏葉 - 味道可以, 但未太熟偏硬南瓜餅 - 味道不錯, 餡料係紅豆蓉, 但餅底太軟又唔覺有南瓜味芒果糯米卷- 雪得唔夠時間, 太軟身, 餡料好糊口, 感覺怪怪總結 : 中午飲茶都尚算可以

聽朋友講官塘麗東酒店開咗間酒樓，十一點半前超平。今日星期二放假，九時前到達，都有七八乘客人，多是附近返工的白領和附近住的老人家。地方唔錯，酒樓員工都很落力，但人手不足，招呼不過不失。特價點心$7.8-$9.8，孖寶都係$16.8，平過我常去的九龍城酒樓。點心是三粒不是四粒，但都是大大粒，味道也不錯。還發現晚上有火煱，碟碟十八蚊，要揾日去試試。註：晚上六時後有代客泊車，晚飯三小時免費。

今天跟幾位友人來觀塘區午膳，Order了幾個點心及伊麵，他們的招牌蝦餃，好大粒，味道不錯；前菜豬手都好入味；最失望係個楊枝金露，奶與楊枝/芒果的比例大概8:2，很有改善空間