馥盈軒 (已結業)

星期六約了朋友慶祝生日， 原本想在觀塘訂日本放題的， 可惜很多間都沒有位了。 突然諗起之前試過到馥盈軒吃火鍋，感覺都唔錯，所以就打電話到這裏訂枱了！ 任食火鍋$128一位， 我們再加了肉蟹$148， 安格斯肥牛片$128，這裏的茶芥全免的。湯底我們選了招牌鴛鴦鍋，任食火鍋的配料有很多選擇，美國肥牛，鮮滑牛，雞片，鯇魚腩，豬頸肉，豬肉，海鮮類，丸類，菜類等等，多不勝數，不能盡錄！ 飲品有汽水，啤酒， 還有其他不同的飲品，甜品有阿波羅雪糕。這裏真是非常抵吃，超平的價錢有很多不同的食物選擇， 最重要這裏坐得舒服， 同朋友食飯傾計的好地方。

又到早上要上班的星期六, 回公司的步伐不用太趕, 比較輕鬆。剛好經過一間酒樓的樓下, 見到一部點心車內面有數十籠點心, 蒸氣亦不斷冒出, 已經吸引了我的眼球。不過那麼多選擇, 應該要選什麼好呢?而我早上通常都是吃少少就可以, 所以我就選了傳統茶樓點心-燒賣作早餐, 而我就當然是外賣打包拿回公司慢慢吃吧。這份燒賣用料十足, 一粒燒賣的上面已經有一隻蝦, 裡頭還有一隻蝦, 好飽滿。吃完之後, 都覺得有點飽, 以及充滿能量。這個價錢有這個水平, 我覺得算很不錯。如果也是在觀塘附近上班, 可以試試買點心做早餐。好, 又要努力工作了, 下次再買過。

聽說這家喝茶挺平，所以趁放假同家人去飲茶。總的來說，食物雖然不算貴，但味道一般。反而印象最深刻的是食食下，聽到突然有人破口大罵員工，成間酒樓都聽到，嚇了一跳。那個鬧人的好像是店長，仲以為佢係老細，可以當住甘多客面前甘大聲罵人。好心有咩私下解決喇，我想黎食野咋，吾係想黎睇你表演鬧人吖！真係O左嘴，怪吾得呢度人手好似好少甘，冇咩服務，甘鬧法，鬼同你做咩

是日去海濱公園觀賞龍舟比賽, search到附近有得飲茶, 唔多劣評就黎試試。 見到比賽單位包左酒樓做慶功宴, 應該呢頭附近呢間係比較有水準的吧。一坐低就見到餐具好多污漬, 星期日有幾枱大家庭聚頭, 有一半以上冇人坐。 食物:手拍青瓜 38食左咁多間第一次食到咁辣既。 諗住俾小朋友食但連我都覺太辣。 個青瓜係苦既。叉燒包。18.8。小點係新鮮熱辣辣, 上得唔耐亦都好新鮮黃金糕25.8呢個糕點係我至愛, 就算係新年都好少搵到。 3舊厚切。 熱辣辣。 好正紅油抄手25.8反而冇青瓜咁辣。 抄手食落好新鮮。 胡椒豬肚湯28也是我至愛既湯類。 豬肚5大舊, 豬菜, 胡椒份量岩好。 加入了薑粒。 我很滿意。菠蘿咕嚕肉38也是岩岩炸,岩岩拌醬整出黎既。 份量2,3 人食岩岩好。茶費10蚊位。 服務態度一般。 坐得舒服。 廁所衛生唔錯。

中午時間，約咗朋友喺觀塘附近食嘢，朋友建議去飲茶，講話之前去過呢間茶樓介紹俾我，所以我們上咗去。中午時間，人流非常少，只有兩成枱坐滿，食物方面，因為中午時段，所有價錢都是幾何級上升，我朋友一看到點菜的紙仔，都立時嚇親，我再看一看平時早上及中午時段的點心價格比較，都一樣俾佢嚇親，價錢差唔多貴足足一倍但我跟我朋友說，價錢不是問題，最緊要好食，我話你介紹，我信你。我們點左一個炒粉麵，一個蒸蘿蔔糕，一個黑松露蒸燒賣，一個腸粉，炒粉麵非常油膩，我食咗一碗，已經成個喉嚨都係油確住喉嚨，已經再食唔到第二碗，黑松露燒賣蝦很大隻，對得起這個價錢，但是觀塘周邊很多酒樓都做到這個水準，沒有太大驚喜，只能說合格，蒸蘿蔔糕算是非常好的一個，因為外面酒樓很少食到蒸的蘿蔔糕，煎蘿蔔糕外面會比較多，這店的蘿蔔糕做得非常清淡，令我食得非常舒服，腸粉就不過不失，都合格。整體而言，性價比很低，如果說整體菜式就已經唔合格，雖然未至於難食，但這個價錢食到這些菜式，已經令到我下次唔想幫襯，兩個人食，買單要$300 ，算唔算抵食，大家自己可以分析下。

一早已經買左團購券同家人黎打邊爐，點知撞到呢個怪獸颱風，都諗住改期啦，點知強颱風前又唔好天，所以三號波都照去啦，之前睇過食評都好似好一般，所以都冇抱任何期望去，諗住食飽就算啦，準時6點去到唔算好多人，仲可以揀到個冇咁大風嘅座位，之後揀好湯底就出去拎食物啦，都唔少選擇呀，有貢丸牛丸龍蝦丸墨汁魚丸芝士丸芝士腸，魷魚豬肚等十幾廿款，菜有四款，南瓜蘿蔔金菇香菇粟米生淮山響鈴炸魚皮等，同埋有個混醬區，至於肥牛，鯇鯇片同腩，滑豆腐就要劃紙等佢送過黎，飲品方面自家煲嘅得雞骨草一款，其他係罐裝汽水，百仕蕃石榴酸梅湯冰糖雪梨冰紅茶C+啤酒等等，紙包就得菊花茶，有十款左右一定岩飲嘅~今晚揀左麻辣同清湯底，麻辣真係好辣，好足料，食材新鮮，侍應有笑容，未人多時仲會同你傾下計添，雖然團購請限時兩小時，不過我地坐左差唔多三個鍾都冇remind我地時間，所以食得好滿足同開心，臨走前仲食埋雪條添，全部係阿波羅牌子，雪條有藍寶石，檸檬，橙，紅綠豆，彩虹(即係幾款生果味)，雪糕就有香芋，雲尼拿，朱古力同芒果總結今晚又係冇團錯嘅，冇期望反而有驚喜，有機會會再黎食過呀～

朋友相約聚會，好耐冇見， 觀塘要搵一間酒樓或餐廳，可以久座，都幾難 。 呢間酒店酒樓，剛係返工地方附近， 因在工廠區， 所以不是太多人會去 。 偶然都會去呢間飲中午茶 ， 都係較易搵位， 點心質素就一般 ， 今次試食任食火鍋 ， 價錢好實惠 。講真 ，才百幾蚊 1 位， 不會要求高啦 ， 至在可傾計 ， 講番食物 ， 種類都 5 算少 ， 當然係普通貨式啦 ， 有部份食物要寫紙…… 如鱔，翠肉鯇魚，牛肉，豬肉之類 ， 不過大部份放在現場任攞 …… 肉丸，菜 ， 麵 ， 豆腐，響鈴之類。當然，不要如期過高啦，竟然有一丁麵，都算驚喜， 飲品都係一般氣水， 品種 5 算多，雀巢雪糕任攞，還有不知名雪條 。任食係 2 個鍾 ， 如果 8 點後入座更抵食，只收 $108 再加一， 我當然 5 係食呢個時段啦 ， 不過埋單連加一 ， 平均 $156 位 ， 可以食得好飽 ， 如果以此價錢，就不合適講質素 …… 只能說飽食

老爸生日， 屋企人食過呢間火鍋話OK，於是我先打去訂枱，好讓屋企人唔使去到等位。我預早幾日打去，一個男既接電話，我話"想訂11月25日星期六晚上8:00 6大1小"，個男職員問我係咪食火鍋，我話係，跟手問佢幾錢位、小朋友點收費等，男職員答完我後就confirm話"同你留咗11月25日星期六夜晚"。到當晚去到酒店大堂，見豎個牌寫住"XX聯婚"都覺得奇怪，上到酒樓真係成個場擺緊婚宴！我搵個部長問，我訂咗火鍋，請問坐邊。個部長邊忙邊話"唔會咖喎，我地一年前已接婚宴，係咪你搞錯？" 我話"唔會囉，係你職員照幫我訂枱，仲confirm咗日期，而家係你地錯"。到嗰刻我已經唔想再講邊個啱邊個錯，反正點都唔會俾到枱我食飯，於是同屋企人去咗第二度食飯了。訂枱後我已同我媽講職員冇乜禮貌，唔怪得openrice有差食評，但估唔到食都冇食過就引嚟我俾佢負評，邊個叫我都唔會去呢間嘢！

因為約了親戚們在中秋翌日補假吃個團年飯，於是在openrice搜尋一下有沒有好酒樓介紹（因為大多是上了年紀的且住在觀塘），在openrice見到這間酒樓，見大家的評語都相當中肯，於是便在前一天預約了位來喝茶（當時約了12點半），而接聽的侍應也說了沒問題。然而在來到酒樓時，赫然發現四周環境骯臟不堪，燈光昏暗，甚是驚嚇。但因為帶著有大有小，而且這四周也不易找到別的酒樓，於是只好硬著頭皮前進。當我們來到後，便跟侍應說聲我們是預約了位的，但侍應說她沒有留位給我們，要我們等候（當時是12點），那我們便決定先等一會吧，畢竟我們的確是早到了。就在等待的時候，我們發現酒樓內有一空位可以換成大枱，於是便上前禮貌地詢問侍應可否安排我們坐那兒，侍應當時表示她沒有權利決定，說要先詢問經理，於是我們就跟在侍應的後面去問經理。沒想到經理一聽到，即大聲呼喝道：「就是要客人在外面等，這樣才可以製造氣氛，讓人們以為我們這裡的好吃！就算上了來，也不代表就有東西給他們吃吧！」我們非常愕然，沒想到本歡喜的想要吃個團年飯，卻竟無故遭到痛罵。我們要求經理就他的言論道歉，他非單不道歉，更說要找保安來對付我們……當下已全無食欲，於是

火鍋食物新鮮，雪糕有驚喜，有小朋友最愛的孖條，8點後入座只需98蚊全包，任飲任食，大抵啦仲每人送一份海鮮，有:蝦，蠔同扇貝食品係自助形式出去夾既，有:牛百葉，魷魚，丸，雞肉，雞件，豬頸肉，水餃，雲吞響鈴，金菇，冬菇等……款式多樣。蔬菜都多樣選擇，乾淨新鮮。飲品有汽水，涼茶，啤酒，藍莓酒，檸檬茶等……都好多選擇，湯低叫咗蘿蔔牛腩，淡咗啲，牛腩 靭咗啲下次會再去試下重慶雞煲雪糕係阿波羅，有好多味揀，有媽媽最鍾意既香芋味大人小朋友都食得好開心，好滿足

有時會同同事一齊lunch去飲茶，因為好近。呢度都飲過幾次了，其實嘢食嘅水準唔差，但係D款唔算多。點心唔一一咁講啦。有啲嘢可以講下嘅。奶皇包，明明寫住流心奶皇包，但係一啲都唔流心。黑糖蜂巢糕，左下角黑色嗰個點心，類似黃金糕嘅質地，但係加左黑糖。原本好鍾意食黃金糕，所以先叫咗呢個黑糖蜂巢糕，唔知點解成個糕點，上層幾好食，下層有啲酸。小籠包，大家都見到每一隻小籠包都有一個銀鋁盤仔裝住，原本以為好精緻好貼心，原來一夾起個小籠包，啲皮就黐住晒個銀色盤仔，即係一夾就穿。雖然呢張相冇影到，但係我哋叫咗個腐乳炒通菜。好失望，完全冇腐乳味，同啲同事討論左好耐，到底佢哋放咗一尊腐乳，定係半尊。唔夠味呀！！！不過有啲嘢都要讚嘅，例如我哋叫咗個鹹菜豬肚湯，豬肚好軟林林，好乾淨，成個湯小辣，好有味黑松露燒賣，唔知點解呢間茶樓嘅燒賣同埋蝦餃都係一籠得三粒，奇怪，但係燒賣好好食。燒賣上面有一粒完整嘅大蝦。荷葉飯，一個荷葉飯好大個，我估應該有炒過掛，啲飯好香，好多料。多人嘅時候不妨叫一個荷葉飯share。牛肚，真係金錢肚，又大塊，有夠味又夠淋。好食。呢間野上菜算快，好多點心都好好食，但都又唔好食嘅，例如我上面寫嗰啲

今天和朋友到觀塘選購厨房用品，逛完累得要死，想要找地方歇歇腳，但因正值午飯時間，要找歇腳地方不易，剛巧路過麗東酒店，見內有酒樓就入內喝茶吃點心。酒樓環境有點混亂，想不到酒店內的食肆居然要搭枱，可幸在我拒絕之後，服務員也安排了一張二人枱給我倆。由於早餐仍未好好消化，兩個人只下單要了四碟點心。招牌炸蝦餅賣相不甚討好，有點油膩，但蝦肉尚算彈牙，味道也不錯。香茜牛肉球內有爽口馬蹄粒，可惜太大粒，有點喧賓奪主，而且送上點心時已加喼汁，服務不夠細心。香煎韭菜角炸得頗香口，皮脆又有韭菜香，值得一讚。我最欣賞脆皮海皇腸粉，薄薄腸粉皮加上內裏用脆脆春卷皮包裹著蝦膠，看得出是即叫即做的誠意之作。雖然今次只試了四款點心，但覺得此食肆食物水準不錯，有機會定會再來嘗試其他點心的。

其實黎依間酒樓食晏之前，成班同事都十五十六，因為第一次黎時，d野幾好食，份量又唔少。點知，黎第二、三次時，野食既水準一落千丈😓但大家又想近近地飲茶，所以博一博。點知今次博一博，真係無貧撲😁其實我真係幾鐘意食胡椒豬肚，佢既份量都唔少。少少辣，豬肚爽口夠入味，但咸菜味淡左d😝煎堆仔，麻蓉餡，一碟4個都唔少，熱辣辣！义燒餐飽，大家至愛，不過包面唔夠甜，裡面個餡味道比較淡。鮑汁炒麵，味道甜甜地，調味適中，不過濕左少少。炸蝦餅，唔太脆，味道未到。豆鼓油麥菜，豆鼓味唔濃，反而油麥菜味出。其實我個人鐘意油麥菜味多d楊枝金露夠凍、夠甜，材料又多，滿意😁雜果涼粉，無論雜果或是涼粉都係罐頭野，失望😓仲要唔知點解配黃糖？真係第一次見😂😂

大年初7.....開工喇~~返左公司拜個神~~我地就成班去左係公司隔離酒店既1樓酒樓飲返個開年茶呢間野... 其實好難留意到...但1點鐘亦座無虛席而食品款式相比好彩係多既我地一行7人... 叫左15樣野..當中包括一個炒飯..食品既味道相著通... 無咩有驚喜...味道亦唔係好夠蒸腸粉..個腸粉口感唔夠滑呢個叫爆漿流沙包...一d都唔爆個包個質感又厚..又有點講唔出既怪而其他食物味道又真係普通..但以飲茶黎講....呢一間既價錢亦唔係貴7個人... 15樣野.. 賣單$600算係咁啦~

今日同事話想飲茶 ，近近哋就嚟咗呢度， 諗住所謂酒店樓下嘅酒樓唔會差得去邊 ，首先28蚊一人嗌咗一盅螺頭花膠湯 ，呢個價錢不過不失啦， 沙薑豬手都正常，跟住啲點心就完全唔掂 ，先講過奶黃包 ，唔係流心都算啦， 有啲涼涼地好似冰極咁嘅味， 蝦餃皮硬嘅 ，好似返蒸咁， 腸粉好膠， 小籠包啲皮又係硬嘅， 仲要有油益味， 牛肉球又係唔掂， 燒賣仲得意， 面頭隻蝦同粒燒賣中間有pat粉漿， 好明顯隻蝦係黏咗好多豆粉先擺落隻燒賣度蒸， 鹹水角同春卷都唔好食，冇味嘅， 最後諗住叫個叉燒包實冇死啦 點知個皮超厚 ，裏面啲餡好乾 ，都係唔好食， 好明顯所有嘢食都係返蒸， 又乾又硬 ，真係唔會再有下次