香麥屋麵包西餅 (已搬遷) 新店位置

我朝頭早8:00左右過去買😋😋😚😚👅👅👅佢哋全部喺晒收銀入邊跟住我問佢哋我想問吓有咩包係熱㗎佢哋好熱心咁樣出嚟同我講 🔥🔥🔥邊啲邊啲係啱啱出爐跟住我話純粹想吃熱既包好攰因為飲完酒玩完 唔想返去再整熱☹️☹️佢地幫我問入邊麵包師傅邊啲就快出爐❤️‍🔥😃跟住我買咗一個包姐佢仲同我講我幫你搣咗張紙啦等你唔使咁麻煩 好有愛🥰🥰純碎開心分享👀👀好簡單但好有愛🥰🥰💕💕🥺🥺

上星期約咗山友食晚飯慶祝周年行完山先諗起冇蛋糕係食飯附近搵吓d 麵包鋪我比較鍾意幫襯小店經濟實惠見到凍櫃得半磅蛋糕但係我地有大約三十人冇理由買幾個細蛋糕架入去問吓會唔會整緊點知佢話可以即整😱只需等大約15-20mins 👍🏻即刻訂二個啦仲可以即寫牌𠻹👍🏻山友話好新鮮唔會太甜我地要什果$110磅栗子蛋糕 $120 磅估唔到好多生果😋

最近都很喜歡食蛋撻，不過相比較曲奇餅乾皮的，我更愛牛油酥皮，這家店酥皮看著就很好吃，買過一次，冷了都同樣好味，真的不錯，相比較蛋撻，叉燒酥味道差一點，但也還可以！

之前都不時會路過這間餅店，但通常都在吃完東西之後，因此經常都會遏止友人購買這兒的蛋撻。有一次，就在不算極之飽滯的情況下經過，友人再次提議要買蛋撻。因此就終於促成了第一次的光顧，當然都是吃曲奇蛋撻。曲奇蛋撻，看起上嚟，外表已經不覺得太過鬆化，但這樣正中我的下懷😏，一向覺得曲奇蛋撻，鬆化反而沒有口感，夠硬夠實，才有曲奇的口感，這兒做得不錯；但是在蛋漿來說，這兒的蛋漿不算太濃香，吃下都不覺得有香濃的蛋香。

因為等朋友收工食飯，所以過左大角咀，可以佢一收工就一齊去食飯 經過香麥屋，聞到好香嘅麵包味，超級驚訝，因為唔係朝早，竟然可以仲有麵包香味於是，我就沖左入去，睇下有啲咩咁正！見到入邊仲整緊麵包，覺得好神奇！我驚自己有少少肚餓，所以就買咗個腸仔包，填下肚，順便試吓咁夜食麵包嘅質素如何點知，都幾surprise！因為腸仔包上手，feel到好暖，唔係凍冰冰或者硬既，所以都幾驚訝，正常麵包舖嘅話，呢個時間應該冇晒新鮮麵包 食咗幾啖，更加開心，因為麵包質素好好，去食落覺得有甜味嘅感覺！而且腸仔啱啱好係麵包嘅長度，所以一食就可以食到腸仔 好肚餓呀

依家真係好難搵到又平又好味嘅包鋪 但係大角咀就有一間超級老字號 但係我就唔係成日經開嗰邊，所以唔係成日幫襯到今朝去嗰邊做嘢，諗住買早餐，就去咗香麥屋~ 之前新年去買角仔，已經覺得好好食！今次買咗腸仔包同埋日式芝士火腿包😋 過到去嘅時候師傅仲做緊嘢，好明顯係不斷出緊一啲新鮮嘅包 感覺啲包全部都熱辣辣~ 日式芝士火腿包真係值得推介，因為芝士味好重！有啲麵包舖會完全冇芝士味 最開心係咁啱撞正蛋撻出爐😋 仲要酥皮同牛油皮都有，超級開心，因為唔係好多地方整到好食嘅牛油皮，好多都係酥皮，所以即刻買咗兩個牛油皮蛋撻會回味下~ 因為新鮮出爐，真係好食到震，熱辣辣嘅蛋中心放上脆既牛油皮，真係

最近鐘意食糯米糍，睇食評呢間唔錯，今日去九龍辦事，順道搵到呢間店舖。買咗8個紅豆沙糥米糍，好靚的盒子，和糥米糍很襯哦。回家迫不及待品嘗，一口咬下去又甜又香，滿滿的紅豆沙，香香的椰絲，好滿足！關鍵是價格也不貴，$3一個

前日經過大角咀一間麵包店，比門口雪櫃嘅糯米滋吸引左。紅豆糯米滋$3: 吃下有驚喜，外皮綿熟而煙韌入口好有椰奶香入面啲紅豆餡仲多到好似唔洗錢咁，吃落去唔會過甜，性價比超高！店仲有奶皇同芒果味糯米滋。Wow factor: 7.5/10除左之前介紹嘅足料$3紅豆沙糯米滋，麥香園仲有朱古力流心包， 包身脹卜卜，有啲似馬來西亞麵包店Rotiboy Bakeshoppe嘅榴連烤包。切開個包，朱古力漿係入邊流岀。 吃下，外皮有些脆身(類似墨西哥包個種)，味有少少咖啡味，包軟熟，入包朱古力唔算好濃，仲有啲啲油，但$4.5大大包，食得過。Wow factor: 6/10______________________________香麥屋麵包西餅 (大角咀)大角咀大角咀道115號地下4號舖

其實一直知道有糯米茲賣…每次經過都好想食…但係有時會賣完無貨…實在，3元一個糯米茲…你要去邊到揾？而且是許x山的糯米茲size兩倍咁大個！其實店裏賣三種糯米茲，一是芋頭紅豆，以前有人請我食過，好香，料很足！今天再經過，忍不住，所以這一次買了芒果，本來不想買，因為怕會有比較，怕不夠好食而後悔…結果，過了今天以後，這間的芒果糯米茲成了我的最愛！糯米茲有差不多一個手掌大，芒果料算多，而且很香又甜！真的，不管問了多少人，看到這個芒果糯米茲都覺得平宜！其實還有另一款奶皇口味的…本人很喜歡奶皇…可是這個奶皇糯米茲就味道一般，而且不香。不過不日會很甜。不過不失吧…可是下一次，我應該也只會買芒果跟紅豆了！

27-1-2013(日)自小以來，我很喜歡吃麵包皮。相比以前，香港現在已很少麵包店有麵包皮售賣了。。。今天，經過「香麥屋」，驚發現有袋裝的麵包皮售賣，便立刻買下它！ 我覺得皮比麵包還好吃，皮脆脆的，很香很香。回家後，若把這些麵包皮，加上奶油、蛋、糖、肉桂粉調勻捏成小團，送進烤爐烤出來，更是美味。 一袋只需 4 元，非常便宜且好吃。 抗通脹且美味的麵包，哪裡還可以找？

友人最近轉工, 時常在大角咀穿插. 她跟我說每次經過一間平民面包店都擠滿人, 因為一件新鮮出爐的豆沙餅才賣$3, 以現在一件蛋撻都要$5, 一個小麥包都$4.5, 絕對唔買對唔住自己!於是今天她又打來, 話好想請我食, 又不停推介比我身邊朋友, 媽媽....話要每人請一個. 最後買了7件.. 豆沙酥餅我選了一個甜味的豆沙酥餅, 吃時已經涼了.漲起的外皮是金黃色, 跟食開扁身的不一樣.咬開後豆沙蓉爆多, 酥餅也很脆, 而且散開.因為面層的芝麻, 令味道更香!另外也買了綠豆同蓮蓉味, 咬了蓮蓉一口都唔錯.不是新鮮出爐味道有差, 下次會試面包類, 看看價錢會否跟質數畫上等號!

有一段時間 , 我幾乎每日放工落小巴 , 都會過黎買面包四點零鐘 , 總會有好幾種面包係新鮮出爐 , 蛋撻亦然 ,o係大角咀街市過馬路到華潤萬家門口己經聞到香味 ,令人無法抗拒 , 加上價錢大眾化 , 可算係呢區最正o既一家呢日返過黎食飯 , 路過諗住買定 d 面包豎日做早餐 , 點知遇上新鮮出爐蛋撻 , 以及新推出o既面包 , 又忍唔到啦1. 酥皮蛋撻~ 真係三十三層咁鬆化 , 即使新鮮出爐都唔會過油 , 酥皮帶牛油香味 , 配合香滑甜美o既蛋漿 , 超出 $ 2.5 o既水準2. 曲奇餅底蛋撻~ 曲奇底o既牛油味更濃厚 , 而且相當香脆 , 帶少許咸甜曲奇底會比酥皮o既多少少蛋 , 熱辣辣滑嘟嘟 , 我覺得正過酥皮3. 咖喱吞拿魚酥~ 呢個包都係剛捧出黎 , 超級香 !! 收銀姐姐話呢個新出o既 , 連佢地都未試過味 , 我地係第一個呢個咖喱吞拿魚酥o既客人 ^v^外型 d 似 " 飛碟三文治 " , 用上兩塊方塊 , 夾住咖喱吞拿魚醬再o既上面加上一層酥皮 , 方面焗過後好似多士咁有少少脆口 ,整個口感好有層次 , 味道都十分不錯 , 咖喱味香濃 , 甜甜的帶微辣反而吞拿魚味不太

每次經過麵包店嗅到麵包的香味,總會走進去行一趟,這天也不例外,下午經過香麥屋不禁走進去,看見新鮮出爐的平價麵包,簡直是非購不可!心大心細選擇了很久,終於決定了以下三款麵包.朱古力流心包 - 趁它還未給我弄到變形時,先來一個照片!麵包外脆內軟,第一口咬已流出朱古力醬,平價但沒有縮水,略嫌朱古力醬過甜,但還是美味呢!火腿蛋包 - 新鮮出爐的麵包真不禁令我們購買,在夾麵包時還感覺到熱氣在麵包上,付款後立即咬一口,熱烘烘的麵包很軟,加上蛋及火腿還是熱的,又熱又鬆軟,令味道分可加,普通的麵包卻令我們津津有味!菠蘿油 - 這個雖然不是新鮮出爐的麵包,卻被那塊牛油吸引著!暖笠笠的菠蘿包並沒有溶掉牛油,菠蘿皮帶點脆,每一口沒有溶掉的牛油配合微甜的菠蘿包,很滋味!

童年時候，早餐吃得最多的一定是麵包，上茶樓喝茶只是星期六、日或是長假期時的例牌節目，到大牌檔吃牛油方包或在騎樓底的小檔子吃豬腸粉也不是經常的事，那時候，菠蘿包、雞尾包、奶油包、火腿蛋包、腸仔包等，實在吃得太多，太多，使今天的自己對這些傳統的港式麵包每每敬而遠之。在童年時常吃的麵包中，自己最喜歡吃的要算是「墨西哥包」，之所以喜歡它完全是因為覆蓋在這麵包上的鹹鹹香香，又帶點甜的墨西哥酥皮，在小時候的我的眼中，大大個的「墨西哥包」可真是一等一的美味呢！這一天，在附近吃過午飯後，路經這間麵包舖，入內一看，剛好見到有新鮮出爐的「墨西哥包」，而且價錢甚為便宜，只售 $2.5一個，於是買回家作下午茶，一嚐童年時的美味。可能是因為買回家後放了一段時間才吃吧，自己又沒有把它放進微波爐中翻熱，已經放涼了的麵包沒有想像中的好吃，墨西哥皮鹹香度不足，麵包的味道和口感也只是普普通通，令自己有點失望。也許我應該把這麵包先翻熱才吃，也許別家麵包店的「墨西哥包」的水準會比這一家麵包舖的出品更好，也也許童年的回憶總是經過美化了的也說不定，不管是什麼原因，這次重拾童年美味的行動雖然未能成功，並未能勾起自己童年時的美味回憶

每逢下午四點,大角咀道近市政大樓一帶就會傳來陣陣出爐麵包香氣.沿著香味尋找,就會見到一間其貌不揚的麵包店--香麥屋.小店在後方自設工場,出爐麵包的味道,絕非一盤一盤交貨到分店的大集團可比.最喜愛它的丹麥條,可以說是我在香港吃過最好的.能夠做到包面鬆脆,包身軟熟.千萬不要看輕這兩點,我實在見得太多走鬆脆路線的丹麥條,其包身是硬如柴皮.相反走軟熟路線的,包面又木口木面.能夠二者兼得的真的不多.這裡的丹麥條麵粉本身夠香,提子乾又下得夠多,甜度適中,絕對值得推薦.同樣值得推薦的還有豬柳漢堡,豬柳是交來的貨色.不過5.5蚊一個豬柳漢堡,能夠給你一整塊豬柳和一片爽脆生菜,算是超值.重點還是麵包本身,又香又甜,面頭的芝麻又下得夠多,配上少許酸甜沙律醬,十分可口.麵包類基本上是全部都好吃,難得的是雪櫃內的芒果班戟也做得很出色.芒果都是揀手貨,又香又甜.微焦的班戟皮充滿蛋香,據師傳的說法是"你去酒店都係俾呢啲你食",十分有自信很多地方的鮮果班戟都會出現忌廉太多大膩的情況.香麥屋則聰明地在班戟皮內包了一小片蛋糕,令到班戟的整體味道更平均.有時家裡開派對,要弄一些三文治之類的小食,也會到香麥屋購買方包.小店