香鍋里辣 (已結業)

見到雜誌介紹Food court新美食，其中一間是麻辣鍋，所以專程去試試。今次點中辣，半條魚，辣度都算幾勁，食到鼻水直流，辣味keep到一段時間，愈食愈過癮，不過麻度就有點不足，可以再麻多少少。魚是黃花魚，因為炸過的關係，所以都幾香口，魚肉嫩滑，口感不錯。始終香港好多麻辣菜式都遷就香港人口味，加上Food court不算貴價餐廳，所以差少少都情有可原，不過就無打算再食同一間啦。

上次試左雞，今晚試魚啦，想食您好耐喇！重慶麻辣烤魚中辣，等左差不多廿十分鐘呀，呆晒！個 pager 終於都響喇，如果即叫即做、新鮮熱辣出爐，等咁耐都值得既。點知煙都唔煙吓，仲要外暖內凍汁微暖，唔係麻？紫菜肉碎湯好味！飲完唔太頸渴，滿意。雖然條魚只係外暖內凍，但食吓食吓都食到我滿頭大汗，條脷唔覺好辣，但食落肚後，熱力由胃散發而運行全身呢！越辣越想食，非常醒胃，我不停地撈辣汁食，麻麻辣辣香香甜甜，多種香料混得味道復習而豐富又美味！烤魚外層炸過勁香口，裡面魚肉嫩滑，好味道呢，衰在唔熱又無鑊氣囉！同上次一樣唔夠飽！返到屋企要煮多個麵食先得。

第一次黎銅鑼灣大代，兜左個圈望左 7 間食店，先試麻辣香鍋啦。究完個 menu 都唔係咁知點 order，好似有火鍋、無湯麵、只有白飯或米線，是但試個雞飯先啦。嘩！高科技喎，係香港第一次見 order pager，係美國好多餐廳都好流行。雞肉香鍋麻辣中辣配白飯，送埋陳醋雲耳做前菜、海帶豆腐做例湯、桂花糕甜品，都只係 HKD54，似乎好抵食咁喎，試試先。陳醋雲耳、海帶豆腐湯、桂花糕都唔錯，合格。雞肉香鍋麻辣中辣配白飯，又幾好食喎。麻辣屬中麻，少少麻又唔太辣，但越食越熱，係個胃度興出黎，額頭滴晒汗。有十幾左右件雞柳，雖軟腍但嫩滑欠奉。配料有窩筍、花生、青瓜同豆腐乾，但我唔夠飽啊！

今日同朋友行過銅鑼灣一期個天橋，原來係大家樂樓下新開左間大食代。入面有東南亞日韓粥麵等，而呢間有得食四川麻辣的就最啱我食了。店員介紹有自選的香鍋，米線同埋烤魚。我地就點左田雞香鍋，同全條的重慶烤魚，有三種味道，五級辣度，我就點左香辣中辣。過左幾分鐘，個call機就震，提醒我攞野食。先攞田雞香鍋，個鍋真係幾大，有田雞，連藕，萵芛，豆干，花生，仲有好多干椒，睇落就知正宗！食落就香辣而不嗆喉。個烤魚用個銀托盤上，魚都好大條，魚皮就脆得黎煙韌，好惹味，真心推介！