香鍋里辣 (已結業)

见到杂志介绍Food court新美食，其中一间是麻辣锅，所以专程去试试。今次点中辣，半条鱼，辣度都算几劲，食到鼻水直流，辣味keep到一段时间，愈食愈过瘾，不过麻度就有点不足，可以再麻多少少。鱼是黄花鱼，因为炸过的关系，所以都几香口，鱼肉嫩滑，口感不错。始终香港好多麻辣菜式都迁就香港人口味，加上Food court不算贵价餐厅，所以差少少都情有可原，不过就无打算再食同一间啦。…查看更多

上次试左鸡，今晚试鱼啦，想食您好耐喇！重庆麻辣烤鱼中辣，等左差不多廿十分钟呀，呆晒！个 pager 终于都响喇，如果即叫即做、新鲜热辣出炉，等咁耐都值得既。点知烟都唔烟吓，仲要外暖内冻汁微暖，唔系麻？紫菜肉碎汤好味！饮完唔太颈渴，满意。虽然条鱼只系外暖内冻，但食吓食吓都食到我满头大汗，条脷唔觉好辣，但食落肚后，热力由胃散发而运行全身呢！越辣越想食，非常醒胃，我不停地捞辣汁食，麻麻辣辣香香甜甜，多种香料混得味道复习而丰富又美味！烤鱼外层炸过劲香口，里面鱼肉嫩滑，好味道呢，衰在唔热又无镬气啰！同上次一样唔够饱！返到屋企要煮多个面食先得。…查看更多

今日同朋友行过铜锣湾一期个天桥，原来系大家乐楼下新开左间大食代。入面有东南亚日韩粥面等，而呢间有得食四川麻辣的就最啱我食了。店员介绍有自选的香锅，米线同埋烤鱼。我地就点左田鸡香锅，同全条的重庆烤鱼，有三种味道，五级辣度，我就点左香辣中辣。过左几分钟，个call机就震，提醒我攞野食。先攞田鸡香锅，个锅真系几大，有田鸡，连藕，莴芛，豆干，花生，仲有好多干椒，睇落就知正宗！食落就香辣而不呛喉。个烤鱼用个银托盘上，鱼都好大条，鱼皮就脆得黎烟韧，好惹味，真心推介！…查看更多