香辣吧 (已結業)

本身我个人都中意食酸辣粉上次星期日晚上黎呢间系食牛肉酸辣粉（$40包汽水），今次就试猪肚酸辣粉。两次都觉得唔错，价钱合理啦，味道拍得住出面街边铺、其他广场铺嘅酸辣粉、伤心酸辣粉。佢个猪肚都有惊喜，真系爽口嘅，唔会煮得好老、好淋，又唔会太生，上次牛肉都系，煮得岩岩好，d味道仲保存喺肉入面，唔会感觉入哂汤淡左。整体材料都算丰富嘅，唔系孤孤寒寒（可参考附图：猪肚酸辣粉）点完、买完野食就后无单据嘅，耐心等待就ok，上次同今次买酸辣粉大概等8分钟，不过好彩嘅系上次同今次都系得我一个客人落单。希望呢间如果慢慢愈来愈多人帮衬之后质素唔好变差啦。温馨提示：应该好多人知道西九龙中心8楼在好久历史之前为左唔好比d唔系食客嘅人坐太耐，d櫈好多都改左做斜櫈，但香辣吧附近仲有一d平櫈可坐架！但希望大家尽量留比有需要嘅人啦！！同埋食完系要自己拎盘去垃圾桶上面放好架，虽然系间唔中有一位至两位姐姐清洁收野（其实好多张枱上面都有痴住提醒食完要将盘放好）…查看更多

上星期五要去西九龙8楼攞完野，跟住就行过隔离美食广场食野，兜左半个圈 ，谂起上次行过见到成间店红卜卜，肯定系食辣野，已经想试呢间香辣吧，今次择日不如撞日啦！望左一阵，最后点左份香辣猪什饭，再叫左一份凉拌云耳同凉拌土豆丝，同老板讲埋要再加大辣😋，坐左一阵好快有得食！开餐！但系原来我发觉自己唔太钟意食猪肠同埋猪肚，不过猪润同猪心我就食晒👍而且个辣度岩我口味😘另外个云耳同土豆丝就吓左我一跳！点解？因为好大碟呀！当初系谂住$20份，都预左佢一定唔大碟，如果唔系点会咁平，点知⋯⋯真系好鬼大碟，重量级份量👍云耳既酸味好开胃，不过就唔太辣！但土豆丝就唔辣之余就太酸！同埋太多汁，有点失色！最后我当然食唔晒啦！问老板攞左外卖盒比我打包，老板都无再收我外卖盒钱😊呢餐加埋都只系八十几蚊，一啲都唔贵！如果我再行开西九龙都会再黎食既😋…查看更多

麻雀虽小 五脏俱全  风味十足西九food court 真系咩国家既菜都有，中西日意韩既小店都有，但要系到站得住脚既吾多，而尼间就系其中一间佢主要买四川菜同辣野，口水鸡呀，麻辣粉呀等等，而禁岩哦日真系十万个好想食麻婆豆腐，就当然食尼个菜啦，点既时候仲有得拣要咩辣，当然叫住个小辣啦，如果叫左个大辣，真系怕食吾到即叫即煮，10分钟左右就有啦，真系色香味俱全呀，而且仲好好味呀，佢最赞既地方系麻婆豆腐（配好多葱）同饭分开，禁就吾会令到d饭搞到好淋，虽然都系有少少油，但配饭一流，而且大大碟，38蚊（好似系）真系非常值👍🏻👍🏻👍🏻👍🏻…查看更多

大家冇睇错，只系$28。份量同茶餐厅一碟饭差唔多，够食。而味道方面，鸡粒唔系求其炒，而系用铁板煎完再炒饭，所以会好香，而且味道十足，好少见到。菠萝炒得足够干身得黎仲有少少JUICY，成个饭炒得够匀，每啖都好平均，作为炒饭系上品。冇野饮跟系惟一缺点。整体评分：味道：7.5/10份量：8/10性价比：9.5/10…查看更多

很久没有到过西九龙中心, 朋友说若我到那里8楼的美食广场, 肯定会很疯狂, 无错, 我去到后, 真的迷失了, 迷失是因为不知该吃什么才好, 因那里太多食市, 每间都是很小型, 看上去样样都很美味! 最后我拣了去香辣吧, 因朋友说他们的水煮鱼很美味! 这店舖很小, 只可容纳两人工作！很可惜的是, 排队等"水煮乜""水煮物"的人太多, 刚巧他们准备炒回窝肉, 劲肚饿的我放弃了水煮鱼, 而改要回窝肉~回窝肉价钱不贵, 不足$40便可以上 ! 他们分了大中小辣, 我点了小辣, 但还是食到满头大汗!回窝肉用上椰菜 豆腐干 唐芹 辣椒及猪肉来炒, 调味倒真不错, 再配上香菜, 真的很下饭! 不足之处是整碟回窝肉较油及较湿, 而猪肉又不是一片片薄片的, 吃起来不够过瘾! 下次再来时, 定必试试水煮鱼的美味~…查看更多